نظامي في التنحيف رهيب بدون رياضه و لا شي

سلام عليكم ي بنات ي حلوات


حابه اول شي اقولكم عن معاناتي من كل شي
اولا أعاني من سمنة تمنعني من اني اكشخ
احيانا و مو مناسبه لعمري ابد و ثاني شي اهتمامي بجسمي من خلطات و وجهي و غيره
بشرتي عالجتها و طلعت حلوووة ماشاءالله اذكرو الله لكن للاسف صابتني عين و لا تهنيت
الحمدلله على كل حال و أسناني ركبت تقويم و الحين صارلي فترة شلته و صارت سنوني ماشاءالله ابتسامه و لا احلى
نجي للجسم من ناحيه الرشاقة
اللي هو موضوعي اليوم و اسمحولي يمكن أطول معاكم
المهم بديت اولا بنظام السعرات و نزلت حول 7 كيلو كنت اتمرن اثقال و مشي و غيره و شدِّيت حيلي و بين علي كثير و صرت 77
بس للاسف بعد مناسبة صارت عندنا رجع الكسل عندي و بدا وزني يرجع شوي شوي مثل اول اللي هو 83 بعدها ثبت على كذا و احيانا يزيد كيلو و احيانا ينقص
و الحين الفترة الله راحت نويت ابدا مره ثانيه تخفيف وكان وزني وقتها اتوقع 85 و نزلت لل 83 و للاسف سافرت الهند و كان آكلي غدا و العشا رز اكثر شي و خبز و أكلهم ي سلام يشهي و لذيذ و لما رجعنا وزنت و كنت عارفه اني زايدة و طلع 88 😭💔😂 هههههه


المهم نويت اكمل تخفيف و الحمدلله وصلت 83 و بعدها فجا قمت اخبص فقلت اخترعلي نظام من كيفي


و بديت اشوف تجارب عن التمر و اللبن و خاصة الحين اني أدرس و دوامي مسائي ف ما عندي مجال للرياضه أساسا و اتعب و كذا ي دوب ارتاح


امس السبت هو ببداية ثاني اسبوع لنظامي اللي اخترعته و مرتاحه عليه و ربي لا يغير علي يارب قولو ماشاءالله


بديت فيه يوم الأحد اللي فات و كان
الفطور و الغدا عبارة عن تمر و لبن و العشا اسوي لي شي حلوو و لذيذ و صحي و مشبع بنفس الوقت


ف كان
الفطور : 7 تمرات و كوب لبن
الغدا : 7 تمرات و كوب لبن
العشا : كنت أنوع احيانا * قطعتين بيتزا صحيه أعملهم بتوست اسمر
او * 2 توست اسمر مع جبنة فيتا و 2 بيض مسلوق
او * شوربه شوفان
او * باستا او سباغيتي صحي
و مع العشا احيانا أخذ كوب لبن كمان
و بعد العشا اشرب من كوب لكوبين مشروب الزنجبيل و الكركم


و النتيجة
البداية : 84،... مادري كم
و بعد اسبوع وزني : 82 فاصله مادري كم نسيت


المهم يعني النزول ف حول كيلوين و شي
انا اشوفه شي حلو و مناسب


و رح استمر عليه باْذن الله لين عالاقل أوصل ال77 او 75 و بعدها ارجع للتخفيف شوي شوي
و احاول اسوي رياضه عشان النتيجة تبين علي
و ان شاءالله كل اسبوع راح انزل وزني الجديد
و أتمنى اني أفدتكم