نظامي للرجيم من حابه تدخل معي حياها الله 💪

السلام عليكم
اخواتي الغاليات لن اطيل عليكم لكن انا وزني في التسعين تقريبا واتمنى انزله فعملت لي رجيم خاص يعتمد على ترك المقليات والرز والمكرونه لان هذي الاطعمه اكثر شيء يسمني . طبعا مع الاصرار والعزيمه مافي شيء مستحيل ابدا باذن الله ..
طريقتي :
الفطور : اهم وجبه لي خليتها الاساسيه بيض فول فاصوليا نواشف خبز بر . او خبز النخاله .. لااستخدم الابيض ..
الغدا : دجاج مشوي خضار مشويه او مسلوقه مع خبز او بدون .. وممكن اغير مثلا طبق سلطه . قطع فواكه . سمك مشوي . كي لاأمل ..
العشا : المتوفر بس عشا خفيف وقبل النوم ب ٣ ساعات .. مثلا سلطة فاكهه او ساندويش بالبر دجاج . او سلطة زبادي ..
طبعا هناك ٢ سناك بين الوجبات ممكن قطعة بسكويت او قطع فاكهه . او حبات من التمر
من اساسيات نظامي :
الاكثار من الماء والسوائل عصيرات وغيره
طبعا ترك الوجبات السريعه .. ترك الغازيات . ممكن شرب الشاي بدون سكر او سكر قليل وشرب شاي اخضر .. بعد الوجبات . ايضا عصر ليمونه على طبق السلطه او الفاكهه ..
الرياضه اسويها ربع الى نصف ساعه بتدريج عشان مااتعب .. مره أمشي . ومره على الدراجه . ومره صعود الدرج والنزول منه ..
لي ٣ ايام منذ بدأت هذا النظام والحمدلله مرتاحه عليه .. وحسيت بخفه ونشاط ..
فاللي حابه تدخل معي حياها الله طبعا اذا كان يناسبها نظامي لان نظامي يعتمد على ترك النشويات لانه اكثر سبب يسمني ..
هالموضوع بكتب فيه كل يوم وبصور وجباتي كي اتشجع وانفع اللي تبي تدخل معي طبعا هالنظام خليته تجربه مدة اسبوعان بعدها بشوف ايش النتيجه في مقاساتي وكم نزلت ؟؟ واقرر بعدها اذا بستمر او لا ..