مساء الخير...من فتره كان ودي اكتب بس كل مره افتح اندمج بالأجابات ولمن يجي وقت الكتابه بنتي الله يهديها تصيح....
الأسم:آيه
العمر:6 شهور ونص
الولاده:22/9/2005
الترتيب: اول فرحتي الله يحفظها

الأكل والنوم
تصحي بنتي على السته او سبعه ارضعها وترد تنام الى الثمان او التسع تقعد تلعب شوي بعدين افطرها....فواكه اوبسكوت فاليز مخلوط بماء...
الغداء على الساعه 2 اغديها خضار مسلوقه مع شويه رز...اضربهم بالخلاط واعطيهم لها وعلى مزاجها تآكل يعني ساعات تأكل وساعات تعذبني وهذا شي عادي بالنسبه للطفل بهل سن
العصر ساعات اسوي لها عصير فواكه...
بالليل العشاء على 7.30 او 8.00 اعطيها رز بالحليب او فواكه او قمح بالتمر وهل ايام مطيحه لها بالشوفان بالتمر على امل انو تخرج لأن صاير معاها امساك
ونسيت اذكر شي بنتي لحد الأن ما تحب الماء
وبالنسبه للرضاعه ترضع طبيعي
مالها موعد محدد للنوم بالليل ساعات 10 او 11 او 12 او 1ههههههههههه بس تعذبني على النوم الله يحفظها تعودت على الهز لحد ما تنعس تقعد مرتين بالليل للرضاعه وودي ابطل هل عاده علشان تترك رضاعه آخر الليل

لأسنان
ولا سن لحد الأن

المهارات
تتقلب بس مو وايد....تقول دادا بابا ...تعرف العبايه فديتها وقت الطلعه هههههههههههههه...لمن اجلسها بالمشايه تروح على ورى بس تمل بسرعه حتى من العابها تمل بسرعه...

الملابس
للبيت احب القطنيات من المرينا مول وللطلعات من آدمز,مذركير,دبنهامز,نكست وغيرها

بنات عندي سؤال شنو ممكن يمسك بطن الطفل بنتي معاها امساك ومحتاره شنو امنع عنها من طعام علشان ما يسبب لها امساك؟؟

عزيزتى
الرز يمسك البطن ....
الشوفان اذا كان ثقيل يمسك البطن ... الزبادى ...
اعطيها سوائل كثير و تاكدى انه مو من الحليب اللى تشربه ...
و سلامات

تسلم يدك ع الموضوع الحلوووووو

اهلين اختي تويتي
مشكوره على الرد بنتي ترضع طبيعي
طيب انا اسوي لبنتي الشوفان التمر علشان الأمساك واعمله غليظ فهل يمسك بطنها ؟؟؟

هلاوين اختيـ rose_bah
نظام الاكل حلو بس يبي لك تنظمين نومها
اما العبايه من جد شكلهم يضحك اول مايشوفون العبايه يتحمسووون ولو تشيلينهم ييقعدون يرقصون من الحماس والفرحه
ياربي حتى به السن يطفشون ويحبون الطلعه خخخ
مشكلة الامساك ليه ماتعطينها برتقال ؟
او شاهي يانسون مع كم حبة تمر ؟
اذ كل هذا مانفع وديها لطبيبها يشوفها لان الامساك مره يتعبهم ياحرام :(
وربي يخليها لك آمين :26:


..

.