نظام صحي ومضمون لانزال الوزن ومجرب

عزيزاتي
انا رشيقه والحمدلله
لكن فتره مرضت مرض شديد واتبعت نظام الميكروبيوتك وتفاجئت ان وزني ينزل بسرعه وزوجي كا نفس الفتره يتناول معي هالنظام وخفت الدهون والكرش عنده ونزل مستوى الكولسترول اللي كان مرتفع طبعا بالنسبه لي صرت هيكل عظمي لكن عدلت نظامي بما يناسبني الحين علشان ما افقد الوزن
المهم هذا هو النظام
الفطور
حبوب الافطار المخلوطه بالشوفان والزبيب والمكسرات مقدار كوب مع حليب الارز واذا ما تبينه استبدليه بحليب قليل الدسم
الظهيره قطعة فواكه من نوع واحد ولا يجب الخلط
الغداء ارز اسمر +سمك مشوي+شوربة خضار+سلطه
او بدل السمك عدس او ناشف خضار
او معكرونة خضار بس وسلطه وشوربة خضار
العشاء
خبز اسمر +فاصوليا حمراء وسلطه
او
حمص وخبزوتبوله
او
خبز بالزعتر والزيت(تغمسين خبز بالزيت والزعتر)
او
شوربه وسلطه وقطعة خبز
التصبيرات لازم تكون صحيه مثال
حبوب القرع او حب شمسي غير محمص(الاثنان فعالين بانزال الوزن)
بسكوت من الدقيق الكامل وقليل السكر او بالعسل
شاي اخضر لازم كوب باليوم يذيب الدهون من غير سكر ولا عسل
اذا بغيتي شوية طعم حلو اكلي كم زبيبه ولا تكثري
المهم الصبر والمثابره
لجانب ان النظام ينزل الوزن بتحسي بعد بالنشاط والصحه حتى المناعه بترتفع عندك
السبب ترك السكريات واللحوم والاجبان اللي تضعف جهازنا المناعي من الكيماويات المتركزه فيها
اشياء مهمه بهالنظام
اذا ما توفر لك الغذا الطبيعي استبدليه بالموجود بالسوبرماركت العادي
بيعطي نفس النتيجه
السلطه لازم تحتوي على قرنبيط فجل جزر ابيض او لفت لان هذه الاشياء خصوصا لها خاصية اذابة الدهون --ضعي المتوفر كل مره مع الخس وباقي مكونات السلطه
الشوربه اضيفي لها الشوفان كل مره ولا تضيفي شعيريه
المعكرونه استخدمي السمراء فقط
الخبز يفضل انك تعمليه بالبيت اشتري دقيق اسمر بالاكياس او بالوزن واعمليه شباتي او بان كيك او خبز تاوه لان ما يباع بالبقالات اغلبه لاينفع لان البعض يصبغونه بالشاي لاعطاء اللون البني!!!احتيال يعني
هذا النظام يوفر كميه هائله من الالياف
نسيت اقول اذا بتسوين تبوله كثري البرغل يعني اكثر من البقدونس لانه يحتوي الياف كثيره
واللي تبي تجرب ولا بتجوع ولا بتحس بتعب وانا مجربته بس بغيت اختفي:06: