هلا باختي
حبيبتي التحاميل من وحده ثقه وعرفه انها من المر والملح بس
والغسول انا قلت لك انه فيه عفص وقرض وشبه وقشررمان ومر
هو مجمع من العطار
وانا ماني خربانه بس قالت اجرب وبعدين وش المانع زيادة الخير خيرين


وشكرا علي تعبك معنا:26:

هلا باختي الغالية ا تنسوا اسرنا ممكن اعرف هدا الغسول نستعمله متى بالضبط في اي يوم من النفاس و كم مرة :

الغسول التالي لمنطقة المهبل وهو:
( ارطا يكسر+ يطبخ مع ماء + ملح فارسي ) تلاحظين لونه يتحول الى الاحمر لاتخافي عادي
ثم صفيه وضعيه في جركل وتوضئي منه يومياً

و هدا الارطا هل عنده اسم تاني ؟

و بعد ما نغسل به المنطقة هل ارجع اغسلها تاني بالماء دافئ و لا لا ؟

و ادا سويت كمية منه و حطيتها في غرشة ما تخرب لي و لا رائحتها تتغير مع الوقت


و في سؤال تاني : بالنسبة للتمر و سمن و الرشاد انا ناوية اسويه ان شاء الله و قلتي لنا طول فترة النفاس و بعدين انا شفت ردك : ((الرشاد حب صغير لونه احمر يشبه السمسم وهو ينظف الرحم بال 20 يوم الاخيره.. بس بال 20 يوم الاولى ماتاخذينه الا مع تمره لانج اذا اخذتيه بروحه ممكن ينشف بس على خراب))
يعني ناخد التمر و الرشاد و السمن في 20يوم الاخيرة فقط و لاشو اخاف اكله في الايام الاولى و ينشفني زي ما قلتي
اعدرني اختي شكلي ما فهمت
ممكن تشرحي لي الطريقة بالضبط يعني طريقة تجهيزه ادا امكن

الله يعينك اختي على اسئلتي:21: و جزاك الله الف خير و يسر ولادتك قولي ااامين

الله يسلمج يارب وجزاج الله خير

الحين الوحده تدور الضعف مو المتن وصدقيني بتلحقين على المتن بعد جم ولاده وساعتها بتدورين الرجيمات

ماانصح تكثفين الحلبه لانها ممكن ترخي .. والحلبه اذا بروحها نشربها اول 10 ايام بس واذا مخلوطه مع اللهوم اول 20 يوم بس
اكلي واجد وركزي على التمر والرشاد والسمن .. واكلي مرقوق وقبوط ولحم وخبز ايراني اسمر واكلي اشياء تمتن بس ابعدي عن العيش لايسوي كرش عالفاضي وكثري الماش باكلج .. مثلا شوربه ماش .. تشربية ماش .. لان الماش نفس الحلبه بالفايده بس مافيه ريحه ولايرخي المره
واذا الحين خلص وحامج اكلي واجد

بس ماانصح بتكثيف الحلبه .. وصدقيني انا يوم ولدت اول مره هيكل عظمي جلد على عظم وكنت اتمنى المتن .. طبعا لاني ماكليت بنفاسي كلش .. بس الحين الحمدالله جسمي صار زين .. يعني لاتستعجلين .. جم طفل عندج ؟؟

اذا انتي متعوده تتحممين بعد الولاده شنو تحسين كل مره ؟؟ تحسين ان فيج هوا بالرحم ؟؟ بشنو تحسين بالضبط ؟؟ لان اكيد له تأثير
اصلا المستشفى بارد وانتي تتحممين والرحم طري ومفتوح وشي طبيعي بيدش الهوا ... جيبي فوطه فيها ماي حار مع ماي ورد ومسحي جسمج من السره وفوق.. يعني لاتشيلين سروالج الطويل .. وغسلي الاباط تحت الحنفيه وحطي مضاد لريحة العرق ويفضل مومعطر لان مضادات العرق تكون عطورها رخيصه لانها اصلا رخيصه .. ونشفي جسمج والبسي ملابس جديده .. وبعدين شيلي ملابسج التحتيه وانتي قاعده على الحمام الافرنجي بس لاتفصخين الدلاغات .. وغسلي من تحت في ماي دافي بس بحذر ونشفي بحذر وحطي الادويه اللي يعطونج بالمستشفى واذا فيه دم على الفخوذ امسحيها بماي دافي او حار شوي وكلينكس ونشفيها والبسي ملابسج التحتيه وروحي لفراشج .. بتحسين بانتعاش بدون لايدشج هوا .. وبس تردين البيت كل يوم سوي نفس الشي بس تشطفي مره وحده بغسول الاورطا .. وبعد اسبوع اخذي دش عالطاير .. وثاني يوم غسلي شعرج بس بسرعه بدون لاتغسلين الجسم ... لان البرد والهوا ألد اعداء الجسم والرحم.. ويفضل قبل موعد الولاده تغسلين شعرج .. واذا جاج الطلق في بدايته غسلي شعرج بس نشفيه عدل

حياج :26:

اهلين والله

اذا الملح والمر عادي .. بس العسل يضاف لان له قدره على التئام الجروح

واقري كلام فيافي بالاحمر

العسل الطبيعي مذكور في القرآن وهو شفاء ومعروف انه يساعد في التأم الجروح فما بالك بالارحام بعد الولادة تكون متجرحه بشدة

بس تحاميلج مافيهم شي .. بس احس العسل يخفف حرارة الملح

بالنسبه للعفص والشبه حتى لو مخلط من العطار هذا مايعني انه زين .. بعدين المنطقه الحساسه مو مجال تجريب .. وصدقيني بعدين بتحسين بالتوسع والخراب.. ولو انه زين ماذموه واجد واللي يمدحه توه ماحس بأثاره الجانبيه بس بعدين بيندم ومنتي خسرانه شي اذا خليتيه.. وانا بنفسي جتني فتره استخدمت الشبه ولعبت فيني لعب وذبحتني بالالتهابات وللحين اعاني من اثارها وان شاء بنفاسي هذا اطبق النظام واستفيد باذن الله تعالى

بنسخ كلام من موضوع فيافي عشان تقتنعين .. وبالنهايه انتي حره لان ( الدين النصيحه )

سؤال: مارائيك بالتبخر بالعفص خلال ايام الحيض وايضا الوضوء من منقوع العفص؟

ج - التبخر بالعفص سمعت عنه لاكن لم اجربه ولكن نصيحه اياك ثم اياك وان تأكلي العفص مع سفوف لأنه يزين اول مرة بعد اكله ثم يدمر المرأة تدمير
ويخربها, اما الغسول فيه مانصح لأن مفعوله مثل الشبه وهي للاسف تخرب

وهذا كلام ثاني

اما الشبه فهي مخربة جدا جدا بعض النساء تستخدمه لجهلها كتحميلات او كغسول لمنطقة المهبل وهي لاتعلم ان اثره شديد وتسبب التهابات وتخرب

وهذا سؤال ثالث

انا قريت في المنتديات عن الشبه والعفص لكن الشبه اللي اعرف عنها انها تشد وترخي والعفص انت محذره منها .
وقريت عن قشر الرمان يضيق بعد وبصراحه فيه اشياء كثيره قريتها وسمعت عنها لكن خفت وقلت ماعندي غير اخت فيافي هي اللي بتدلني على الصواب .
فياليت اختي اذا عندك شي يضيق تفيديني وتوضحين لي الطريقه وكيفية استخدامه ؟؟؟؟؟

ج - اذا تبين شيء يضيق هو الاهتمام بالنفس وقت الدورة او النفاس اما الشبه والعفص هم الخراب وانتبهي تستخدمينهم انتي او أي واحدة من خواتك لانهم تشدون اول الوقت بعدين يخربون الوحدة خراب شديد
اما قشر الرمان ان شاء الله مايضر

وهذا سؤال رابع

سؤال: ممكن تساعديني في معرفة العفص ايش هو وهل يصلح لتنظيف الرحم من الالتهابات

ج - تجنبي العفص لانه يخرب سواء حمستيه او طحنتيه


وهذا سؤال خامس

سؤال: ( حالياً أنا في العشرين الأخيرة مع العلم إني مش نفاس و بنتي عمرها حالياً أربع اشهر ونصف وكنت استخدم في نفاسي العفص وقشر الرمان .. و ولدت بعملية قيصرية أولادي الاثنين البنت و الولد )

ج - اما العفص لا تستخدمينه والله العظيم يخرب يخرب يخرب

عموما انتي مره كبيره وعقلج في راسج واقري كل اللي نسخته لج وفكري عدل.. والعطار يبي يتربح واكيد بيبيع شي مفعوله سريع عشان يستفيد

العفو اختي وتعبج راحه
حياج :26:

هلا وغلا اختي
هذا الغسول استعمليه طول ال 40 يعني بس تطلعين من المستشفى لنهاية ال 40

والارطا مااعرفله اسم ثاني للاسف .. بس معروف بالسعوديه واذا انتي من الكويت بتلاقينه ان شاء عند العطارين اليمنيين

وهذي معلومات وصوره الارطا

الارطا

ومافي داعي تغسلين المنطقه بعد الغسول والا بيروح تاثير الارطا

انا رديت على الاخت ام محمد عن طريقة الارطا وقلتلها جم تطبخ وشلون تحفظها ياليت تردين تقرينها

بالنسبه للرشاد تاخذينه اول 20 يوم مع السمن والتمر وبهالطريقه مايضر ان شاء الله ولاينشف ..بس اخر 20 يوم كملي نفس الطريقه ( التمر والرشاد والسمن ) وضيفي الرشاد مع اللهوم الثاني اللي حاطه طريقته عشان ينظف وينشف .. يعني اول 20 يوم تاخذينه بس مع التمر واخر 20 يوم تاخذينه مع التمر ومع اللهوم

وشوفي كلام فيافي عشان تتطمنين

سؤال: وش فايدة السمن مع التمر والرشاد لاني في ولادتي السابقة اكل بين الوجبات تمر ورشاد وحبة سودا وسمن اكلها بكثرة والحمد لله طلعت من الاربعين مضبوطةامي تقولي ان الرشاد ينظف الارحام بس كثرتة مو زينة ترخي الارحام صحيح هي ترخى؟؟

ج - لا ياختي الرشاد ممتاز لتنظيف الارحام ولا يسبب رخاوة ابد ابد ولكن عدم استخدامه صح ينظف ولكن على خراب وافضل طريقه لاستخدامه ذكرتها من قبل .


اما طريقته انا ذاكرتها اول الموضوع بس اقري هذا السؤال والرد من فيافي

سؤال: بغيت أعرف طريقة التمر مع الرشاد بالضبط أشلون انحط الرشلد على التمر ننقعة أول في ماي وبعدين نحطه عليه وهو ناشف...بينخلط يعني؟؟؟

ج - عمل التمره مع الرشاد كالتالي:
خذي تمر بدون نوى +سمن (المقادير على راحتك) ضعيهم في قدر وعلى نار هادئة لمدة 10 دقائق حتي يذوب التمر قليلا مع شوي تحريك بعدين اضيفي الرشاد وهو حب ناشف وكثري شوي مثل السمسم لا تحطينه بماء.

وهذا سؤال بعد .. وعلى فكره ترا الرشاد والتمر والسمن روعه ومفيد جدا

سؤال: هل الرشاد في ثاني يوم من الدوره له فائدة؟

ج - الرشاد ينشف الدورة بدون تنظيف عشان كذا نستخدمه مع التمر بس اول ايام الدورة وفي الايام الاخيرة نستخدمه مع التمر والسفوف

وهذا سؤال بعد

أنا وأختي مانسوي ريجيم بس تنسد أنفسنا وقت الدوره وأختي بالدوره والنفاس .أنتي ذكرتي في أحد الردود إن الرشادمع التمريؤخذ من أول يوم للدوره أو النفاس وألأيام الأخيره يؤخذ الرشاد سفوف .... ماهو مقدار الرشاد مع السفوف في الأيام الأخيره ؟؟

ج - معبوطه التمر مع الرشاد استمري عليهاالى اخر يوم والرشاد اضيفي كاسة شاي منه مع المقادير السابقه

وهذا بعد

وسؤالي الثاني صج لما الهم الرشاد ينظف الرحم؟؟؟؟

ج - الرشاد ممتاز وينظف ولكن يستخدم في الايام الاخيرة احسن وياليت تشوفين
تدرج وضعي للدواء فانا اضع الرشاد مع التمر من اول الايام ولكن ما اخلطه مع السفوف الا بالايام الاخيرة

واخذي راحتج اختي بالاسئله وجزاج الله خير

حياج :26: