- لاتطحنون الرشاد لانه بيكون حار

- ضيفو الصبره على منقوعة العنزروت اخر 20 يوم وطول ال 40 اشربو كوب صغير لانها تسهل وتنظف البطن والرحم من الدم الفاسد

- التحاميل رهيبه وبتنزل بلاوي متلتله ( هذا عن تجربة وحده ) وباخر النفاس ينظف الرحم لدرجة ان التحميله تنزل بروحها بدون هالبلاوي

- اذا تبخرتي بعود اصلي لاتتبخرين من تحت سواء بالنفاس او الدوره او بالايام العاديه.. او حتى بعود مو اصلي لاتتبخرين بغير ايام النفاس من تحت

- الفلفل الاسود ممتاز طول ايام النفاس والدوره

- المنطقه الحساسه بتصير ضيقه وبيخف الهوا حيل ويمكن يروح اذا التزمتي بالضبط

- الحلبه مستحيل تستغنين عنها ولاتسمن اذا خذيتيها بهالمقادير باول 20 يوم

- الافضل عدم طحن العنزروت والمرة ويطحن المحلب في منقوعة العنزروت

- انا خلطت ادويتي ماعدا التحاميل لاني ماشريت عسل طبيعي للحين .. مع العلم اني ضاعفت الكميات اللي ذكرتهم فيافي عشان تكفيني طول النفاس والدوره اللي ورا النفاس

- اغسلي الاعشاب وحطيهم في مشخاله واذا راح الماي شريهم في الشمس بعد ماتغطينهم بخامه مشخله او بالخيمه الصغيره المشخله اللي تغطين فيها الطفل وقت النوم عشان مايضايقه الذبان

- مافي داعي تغسلين اعشاب الشاي لانج بتغسلينهم وقت الطبخ

- انا خلطت الكبو بعد ماكسرت بعض المواد الكبيره لقطع صغيره .. بس الحلتيته ريحتها تصرع ملمسها مثل علك الماي وحاطها الحواج في كيس .. وماخلطتها مع الكبو .. وان شاء الله وقت التبخر بالكبو باخذ قطعه صغيره كل مره واضيفها

- الافضل ماتخلطين مكونات الكبو .. لاني يوم خلطتهم حسيت اني اذا تبخرت يمكن احط بعض المكونات ومااحط المكونات الثانيه .. عشان جذي الافضل انج تحطين كل ماده بكيس ووقت الكبو تاخذين شوي من كل نوع

- نصيحه لاتتكبين بالغرفه لان الريحه مو طبيعيه ... وتكبي بغرفه ثانيه محد يستعملها .. او بالحمام اذا كان بعيد عن الغرف بس مايكون بالحوش عشان الهوا

- قشر البصل خليت خدامتي تجمعلي كل يوم وصارت عندي كميه بس ماحطيتها كلها .. حطيت اللي احس انه يناسب الكميه

- ضيفي عود الهوا للكبو بس كسريه اول وشيلي الحبوب الحمره اللي داخل وقطيها لانها موزينه وكسريه قطع صغيره

- سويت مكونات المكروشه .. حطيت من كل نوع ملعقه كبيره كافي وخليتها بعلبه بس شكلها تكفي حق اكثر من مره

- نصيحه سوو التمر من الحين بس الافضل شيلو النوى وانتو لابسين دسوس نايلون .. افضل عشان البكتيريا لانج ماتدرين متى تولدين

- المره نقعيها بماي حار اول مايجيج الطلق وشميها واشربي شوي اذا صارت دافيه .. ووصي زوجج او امج يجيبولج هالمنقوع المستشفى عشان تشربينه وتشمينه اذا طلعتي من الولاده

- الميريمه انا حطيت ربع كيلو وطلع واجد واللي بتحط نص كيلو مثل ماقالت فيافي بكيفها

اذا تذكرت شي بضيفه ... واول 8 ملاحظات من فيافي بس الباقين من عندي

:26:

هذي معلومه جديده من فيافي

بعد النظام استخدمي الهلول ( مسهل) وهو سنامكه يغلى ويأخذ مقدار كوب منه على الريق في اليوم مابعد الاخير من النظام

واظن هي تقصد بالهلول ( الحلول )

:26:

للرفع للاستفاده :26:

هذي صور لاعشاب من موقع الحواج ان شاء الله تلاقون اللي تبون
بس على فكره صورة حبة الحلوه تختلف عن الشمر ومادري ليش

بس بشوف اللي عندي وبقولكم .. مع ان العطار قالي ان الشمر هو حبة الحلوه
واصلا فيافي تقول حبة حلوه وهي قالت بعدين ان حبة الحلوة هي الشمر
يعني اعتمدو حبة الحلوه افضل

http://www.khayma.com/hawaj/herbpicture.htm

اضغطي هنا لمشاهدة الصفحه كامله

:26:

الحين صار الموضوع واضح ومرتب
جزاك الله كللل خير :26: