الله يسعدج و يوفقج في حياتج يااااااااااااااااااااااااااااااااا رب :)
موضوعج جدًا جميــــــــــــــــــــــل و الكلمات جدًا معبّره .. :26:

اليوم حديثي شيق صراحة ..

(<----- ما صدقت أحد عطاها ويه )

وعندي نظره حلوة ومتفائلة .. :27:

كيفية التعامل مع أم الزوج .. ؟؟!!

تعامل صعب .. في البداية الزواج .. الجميع يحثك على التعامل مع الزوج .. وكيفية حسن العشرة بينكم .. هناك من يقولون لكِ .. افعلي كذا وافعلي كذا من أجل رضا الزوج .. لكن هناك مفتاح رئيسي بنظري .. وخاصة بالنسبة للأزواج الذين يعشقون امهاتهم .. حتماً ستكسبين زوجك بحسن تعاملك مع أمه .... في البداية عليك أن تعتبري أم زوجك .. كأنها أمك .. وزيدي حبتين من الكلام العسل .. والدبس .. ولا تنسي السكر .. إذا كنتي تاخذين لأمك شيء .. اخذي لأم زوجك .. حتى لو أبسط الأشياء جلابية بودينار .. صابونة .. حلاوة بحرينية :23: (دعاية) .. متاي ..

ترى أهل الزوج يحبون العطية .. إذا عطيتهم .. يعطونك الحب والاحترام .. ومثل ما أقول دائماً أمسكي العصا من النص .. وقت المشاكل ما بينهم لا تتدخلين .. لا تسمعيهم حسك .. ولا توريهم عصبيتك .. خذي الأمور على نار هادية ..

كلمي خالتك الكلام الزين .. خالتي اساعدك .. خالتي تفضلي .. آسفة خالتي .. الكلام اللي يدل على أخلاقك وسنعك .. وأنا خبري بالبنات .. كل سنعات .. بس متى ما أرادوا ذلك ..

(حتى أنا من كثر سنعي أطق الباب وأنا طالعه خخخخخخخخخخخخخخخخخ)

تكلمي عن زوجج جدامها كلام الزين والطيب .. واللي يدل على إنك كسبتي زوج ما في مثله .. وإنها عرفت تربي .. (وملاحظة على ذلك إن مو كل شيء زين ومو زين بينج وبين زوجج ركض على أم زوجج ولدج جذي ولدج جذي .. عرفي تفرقين بين اللي ينقال لها واللي ما ينقال .. يعني الأمور اللي تقولينها انتبهي ان ما تترتب عليها أشياء عكسية )

وخلي زوجج يسمع الكلام الزين عنه قدام أمه والكلام الطيب عن أمه قدامه .. وبتشوفين السحر

العطاء

الكلام الزين في حديثك

التعامل الأحسن معاها

المساعدة

إذا كليتي في صحن .. أخذي الصحن ووديه المطبخ ..

إذا مشيتي وشفتي كاس فاضي .. أخذيه معاك وانتي رايحة المطبخ

إذا نمتي ، الملحف رتبيه وحطيه على جنب

ترى الموضوع مو صعب .. بس ذرابتك وأخلاقك في بيتكم .. خذيها معك لبيت أهل زوجج ..

وصدقيني حتى الأشياء اللي ما كنتي تسوينها في بيت أهلك.. لما تسويها في بيت أهل زوجج .. لما تروحين بيت أهلك .. بتقولين في نفسك أسوي كذا في بيت أهلي زوجي .. وأهلي ما أسوي كذا .. وبتسويه برضا نفس لأنه لأهلك

أذكر مرة كنت أشوف مسلسل مرايا .. في حلقة عن ام الزوج .. وكيف الزوجة وأم الزوج يكرهون بعض .. :30: .. تعامل أسوأ منه ما في .. من كثر الزوجة ما تكره أم زوجها راحت لساحر وقالت لها ابي سم يذبح أم زوجي بأسرع ما يمكن .. قاله خذي هالسم .. وبيذبحها في شهر بس لازم خلال شهر تعامليها أحسن معاملة عندك عشان لو ماتت ما يشكون أنج انتي اللي ذبحتيها .. وقامت تعاملها أحسن معاملة وتعطيها من السم في العصير اللي تقدمه والأكل اللي تسويه لها .. الزوج ارتاح .. وأم الزوج تغيرت 180 درجة .. صارت تعاملها بالمثل .. وأحسن من ذلك .. لدرجة انها لما مرضت الزوجة .. قامت تدعي بأن الله ياخذها ويخلي الزوجة لزوجها :06: .. الزوجة تأثرت .. وما بقى شيء ويخلص الشهر .. قامت وراحت لساحر وقالت له ابيك توقف مفعول السحر .. لأني صرت أحبها وما اتخيل انها ما تكون موجودة .. قال لها أخذي ذهبك اللي عطيتني اياه وروحي .. الحين ما في فايدة ... لأن اللي عطيتك اياها ماء مو سم :19:

هالقصة كانت بنظري درس .. تعلمت منه وانا قبل ما اتزوج .. والحين اطبقه لما تزوجت ..


تحياتي لكم .. وأنتظروني ... :41:

شمعة وفا

ورد الإمارات

.. أشكركم صراحة على تواصلكم .. وأتمنى للجميع الإستفادة من نظرتي .. وتصحيح أخطائي إن أخطأت

يعطيك العافيه