السلام عليكم ورحمه الله وبركاته
فائده :
قال صلى الله عليه وسلم (( من قال حين يأوي إلى فراشه لا إله إلا الله وحده لا شريك له له الملك وله الحمد وهو على كل شيْ قدير لا حول ولا قوة إلا بالله العلي العظيم سبحان الله والحمد لله ولا إله إلا الله والله أكبر سبحان الله وبحمده . غفرت له ذنوبه وخطاياه وإن كانت مثل زبد البحر))
قبل البدء القصه خياليه ولاتمت للواقع بصله ولا ثومه حتى هههه
مدخل :
في وسط الصحراء المجدبه ارى 3 اشباح يتشحون بالبياض وبيد كل واحد منهم عصا يتكئون عليها اني اتقدم منهم وها انا اقرب اكثر فأكثر حتى عرفتهم ....
طلعوا المشرفات معهم مكانس جالسين ينظفون القسم خخخخخ
ما شاء الله تبارك الله هذه هي الواحه الترفيهيه والا انا غلطانه بالعنوان ؟؟
يا الهي لقد كانت ذات ظلال وارفه وواحات متراميه الاطراف وبها برك مياه يسبح فيها الخيال و الان لا اجد الا كم حطبه متراميه مكتوب عليها
البارحه يوم العرب شدو شديت معهم *** أجل اقعد بالحالي ؟؟
ابك انتوا ازيكوا؟؟ ابك اقلسوا اقلسوا خلونا نسولف ونتقشمر << نتغشمر بالسعودي خخخخخخخ
هااااااااي انا روزه
رقم التصويت 111 ازا عجبتكن فيكن تصوتوا لي للتصويت ابعثوا الرقم 111 على خاص غيومه ونواره وشطوطه بتمنى اربح وانجح وافلح وازرع واحصد و احمممم عفوا ..
كان ياما كان في قديم الزمان وسالف العصر و الالوان << تراها الاوان بس حبيت اخمكم اشوف احد ينتبه والا لا ؟؟ خليكم ما تنتبهون للمطب القادم ...
ودي احكي لكم قصه يوم كنت مدربه بالنادي
تصدقون اني فتحت نادي رياضي وجهزته بكل الاجهزه المضاده للسمنه اشي سير كهربائي واشي شجر الراك مدري وش اسمه المهم صار النادي يهبل يااااخذ ضبات العقل ..>> هعععع كفشتكم هذا المطب الثاني ضبنات محد انتبه لها
لاااااااا انتم يبي لكم رابع ثانوي الووووووو رابعه ثانوي تعالي خذيهم
خخخخخخخ المهم يوم قال القمر برب وقالت الشمس تيييت وزعت اوراق دوعائيه للناس وبدأت بالأقربون فهم اولى بالمعروف وجيبي اولى من جيوب الناس خخخخ احممم ..
كان هذا نص الاعلان :
هل تريدين النحافه في اقصر وقت ؟؟
هل تريدين خصر نحيل وعروق بارزه وفقر دم حاد ؟؟
هل تريدين ان تحرقي دهونك بسرعه ويتساقط شعرك ؟
اذا تعالي الى مركزنا
ام كرش تااااااايم
وشعارنا الدائم نعم نعم للسرعه في حرق الدهون لالا للبشويش في حرق الدهون << يا لييييييل ابو لمبات ؟؟
قمت اختصرت الشعار الى ( ن ن س ح = ل ل ب ح ) مدري ليش اتذكرت الرياضيات ومعادله كثيرات الحدود قمت نفضت راسي واتعوذت من الشيطان الرجيم ونفثت عن شمالي وتعوذت بالله من شر هذه الرؤيه ( رياضيات )
المهم ابشركم فتحت النادي الحمدلله والمفاجأه اللي كانت بانتظار الكل اني كنت المدربه يا سلاااااااااااااااام احس اني مهمه وامشي بكل غرور.. بديت محاضرتي معهم بصباحكم انا ..
قالت وحده : خفي علينا يا دعاء الصباح .. يا شاي بحليب يالسندويتش بكبده ..
(تفكير بالأكل حتى اخر نفس !!)
طبعا انا كنت كاشخه بترنق رياضي اخذت الوان الانديه كلها خفت البنات يشجعون نادي معين ويزعلون لا لبست لون النادي المعادي لذا نمسك شعره معاويه من النص وطبعا كتبت على ظهري بالطامس 111 نفس رقم التصويت ..
بس تدرون ؟؟ احلى شعور لما تهايطين على البنات بمعلومات طبيه وهم حولك مثل النمل نملتين بالزبط اقصد بنتين عادي قليل متصل خير من كثير منفصل
.. كانت كل وحده تسأل من مكان متى نبدأ وش بنسوي وش التمارين اللي بنمشي عليها ؟؟ وانا ارد لييييين وحده يمكن وزنها 300 كجم سألتني متى انحف ؟؟ قلت مالمسئول اعلم بها من السائل لكن هذا وجهي ان كان قبل 10 سنين من تاريخ الانتاج .. طاااااارت عيون البنت قالت ما اقدر اصبر 10 سنين .. صارت تنط وتوقع مكانها وهي تصيح والا انا والنادي والاجهزة والبنات ننط ونوقع معها صراحه كان جو سامري ويامل قلب ما يطيق الصبرا
لكن البرستيج ما سمح .. قلت : خلاص خلاص راح تنحفين قريب ان شاء الله بس اوعديني انك تسمعين كلامي ولك عندي مفاجأه .. قالت : وش عندها بيضه كندرانا : لاحووول ولا قوه الا بالله بدينا بالرشاوي والكلام الحلو ؟؟
اسمعي الكلام اللي يجمد على الشباصه .. اكل مافي نوم مافي شرب مافي كله مشي مشي مشي لييييين اقولك بس والمفاجأه راح تنقصين اذا طلعتي على الميزان شايفه كيف ؟؟
حمرت خدودها من الوناسه يادلبوووو ثم قالت قدام بس توعديني اني اصير احلى وحده بالكون قالت لها اللي تقول خفي علينا يا سندويش كبده راجعي الجزء ال30 من هذه الروايه ومن الحين بنسميها ام كبده .. قالت ام كبده : بالكون والا بالصاله فضحكنا وضحكت الأجهزة والصاله وعمت السعاده وطاح المطر ورجعت لها فلوس حافز ..
بدينا التمارين والحمدلله ..
انا : يلا بنات كل وحده تاخذ لها شفيييييييييييييق نهيييييييييييييييييق 10 دقائق ..
وبدوا البنات كل وحده تسحححب في ذا الهوا ليييين انسحب الاكسجين من المركز نهائيا وحسيت اننا بنرقص الدحه لدرجه اللي قدامي شفطت لها نفس ما انتبهت الا وراسي في خشمها يطل على القصبات الهوائيه ..
ام كبده : القصبات الهوائيه والا بالصاله ؟ قعدت افكر طيب هناك كانت راكبه عليها هنا وش جابها ؟؟؟ اعوذ بالله من الشيطان الرجيم خلونا نكمل ..
وقفت البنات وشلت من راسي فكره الشفيق هذه نهائيا لأنه لو استمرينا على هذا الوضع راح يفقد الكون ربع معدل الاكسجين بالجو ويمكن يكبر ثقب الاوزون وحنا نبي نعدل الطبيعه مو نخربها L ..
وقمنا نكمل تمارين هوبا واحد اثنين وننقز والبنات شادين حيلهم وكل وحده على راسها سحابه بيضاء تفكر وش بيكون شكلها بالفستان اللي مدري متى بينشرى له قماش ومدري متى بيتفصل يالله طوله عمر على طاعه !! اخذت النبيله وفي روايه نباطه وقمت اصوب فقعت لهم كل السحابات اللي فوق روسهم وقلت لهم كلمه وحده لو جلستوا تفكرون وتتركون التدريبات ماراح تنحفون لذا ليكن هذا شعارنا (to beor not to be)
( اكون او لا اكون ) الحمممممممدلله اخيرا لقينا الشعار للمركز J
بديت معهم بتمارين تحميه بسيطه تعلمتها من اخوي يوم كان يقلد لنا استاذ بدنيه اللي عندهم واذا تعبت اشغل لهم اعاده التمارين وهم بسلامتهم و اروح اخذ غطه على طاولتي على بال ما يخلصون لكن المشكله اني يوم استفيق من الغيبوبه التي اخذتها مو غطه الاقيهم مشغلين التلفزيون على فتافيت ؟؟
هنا قررت القرار الأليييييييييم وهو اني راح امشيهم على تدريبات ولا تدريبات الصاعقه اخذت ازحف نحو الدرج العتيق الذي يسكن طاولتي العتيقه فهناك في هذا الدرج يوجد صندوق معتق به سر لايمكن البوح به .. امممم بقولكم السر بس لاتقولونه لأحد ترا فيها قبايل و رقاب وفلوس وحافز اندفع >> خفي علينا يا الصندوق الاسود يا اسرار الدوله العباسيه يا شنطه جدتي خخخخخ..
السر هو اني سرقت كتاب انسفي الكرش في عشر دقايق سرقته من مكتبه خالتي لما كانت نفاس وهالكتاب حطيته في الدرج اروح اقرأ شوي واطبق للبنات شوي كأنه من راسي واطبق بكل حمااااااس لييييييين جاني شد عضلي في عظمي وصرت مثل تمثال الحريه اللي في امريكا .. الدبيه : وش فيك يا كابتن ليش ما تكملين ؟
قلت لا ماعليك بس اتذكرت لعبه ثلج مويه وش رايكم نلعبها يا بنات هييييييييه يلا نلعب ..
ام كبده : نلعب والا الصاله ؟ وفقعت الضحكه
ههههههههعصرت على نفسي ليمونه وسكت على هالجمله الخايسه بعد مشدوده ما اقدر اسوي شي .. قلت خلاص خلصنا اليوم بكره نكمل ورحت ازحف كالضب لين وصلت المكتب واتصلت على ام علي الفراشه وخليتها تفتح الكتاب صفحه 15 وتقولي وش اسوي في حاله الشد ؟؟
من الغد داومت والحمدلله كنت تمااااام التمام وبدأن الحاضرات في الدخول وجت معهم ام كبده !!ياصبر الارض .. اصلا كلهم ثنتين !!
انا : اليوم نبدأ في تمارين الارداف والرقبه .. الدبيه : طيب وش دخل هذه في هذه .. قلت: ياغشيمه الحين لابغيتي ترقصين وانت جالسه كيف ترقصين قالت اهز رقبتي ويديني قلت واذا كنت واقفه ؟؟ قالت اهز خصري قلت بس هذه هي الفائده طارت عيون البنت قالت لايكوووووووون ؟؟ قلت الا هي قالت لأه مش مسدأه عليك الله انت متأكده ؟؟
واضطرتني اقول خطبتي العصماء :السلام عليكم ورحمه الله وبركاته .. اما بعد ..
آآآآآي اليوم مثل ما تنبأت لكم اختكم تمارين الرقص
والسلام عليكم ورحمه الله وبركاته ..
واشغل لهم شريط اسلامي طبعا و بدييييينا الحمااااااااس والرقص والتنكس
ليييييييين الساعه 9 مساء حماس البنات يشكر فعلا ولا تهون ام علي حسيت السعرات الحراريه طلعت معنا ترقص سألوني وين العشاء قلت العريس ظروفه الماديه ما تسمح تفهموا البنات وخرجوا وكلهم يشكروني قلت لاشكر على واجب الا اسمع صوت ضعييييييف مدري وش يقول قمت سميت بالله و قلت ايش ؟؟ رجع الصوت مره ثانيه حسيت انه فيه جن خرجوا يتنكسون معنا قلت ايش ما سمعت ؟؟ رجع الصوت جمدت قلبي وسميت بالله وانا امشي نحوه ولا اعلم ما لذي ينتظرني ثم بدأ الصوت يتضح قليلا وانا اقول ماذا ؟؟ ولا اسمع شيئا ..وامشي قليلا فأقول ماذا ؟؟ ولم اسمع ايضا ثم مشيت و قلت ماذا ؟؟ الا الشخص يقول واجب والا الصاله ؟؟
الله ياخذك ياشيخه .. تكفون كلاشنكوف والا قنبله عنقوديه نعقد مابين حواجبها اروح معالم وجهها
هالبزره اللي شكلها ماخلصت تطعيماتها باقي .. قلت انت من بكره كلي من كل شي واستريحي مانبي نتعبك معنا في الشغل ولا التمارين وراح تنقصين قالت اوووووووكي .. وجت على بالي فكره توزيع وجبات للمتدربات وهذه بالذات اعطيتها شوكولاته ومكسرات وشيبسات خسرتني لين قلت آمين .. ما ابيها تنحف وحرمتها من البروتينات عشان لايصير فيها حيل تقول صـ..
ام كبده معكم بالحوار : وش عندكم يابنات الترفيهي وش تقول لكم روزه بروتينات والا صاله ؟؟ ههههه
بالله ياروز طلعيها من النص قبل تطلع روحي ..
المهم اتفقنا بكره يكون التمارين رقص بس هالمره من كتاب مترجم تركي ..
بديت اقرأ قدام البنات لأنهم عرفوا اني ماعندي سالفه مدري من قالهم الظاهر انها وحده منكم الله العالم ؟؟ من انتم هاه ؟
المهم مكتوب بالكتاب انه اذا شعرنا بالطخمه لابد ان نوقف التمارين ..عاد كتاب تركي وطخمه شكيت بالامر
وقفنا عند هالكلمه قلت بسرعه الطخمه تطلع وينها ؟؟
قالت الدبيه: انا .. قلت ماشاء الله عليك وش دراك انك المقصوده يمقن انا ويمقن ام علي
قالت : الا والله انا حتى لزوجي باجدد اشتراك النادي قالي هالابيات :
خير وش عندك من هروج العرب منبطه
الاهم من ذا الحكي كله رضا محبوبك
ما عليك ان ضايقوك وعيروك يالبطه
قولي ان البطن بطنك والجنوب جنوبك
مدام اني راضي بك علامك مشتطه
فديت خشتك وقلبك وكل شحومك
قامت ام علي وقالت لها خشمك يالذيبه وقاموا سلموا على بعض قلت لها يالذيبه انت مشتركه معنا بحافز ؟؟ قالت :ايوا
قلت : لا وظفوك وعلى طول صدقتي كلامه لله درك والله انه ملعوب عليك بس يبي حافز والا وش يرضيه فيك يالبطه ؟؟
قالت : افا وانا اخت مطلق الحين اوريه قلت : ياحوليلك حوليلاه المثل يقول
اذا رأيت انياب الليث بارزتون **** ذيك الساعة تعرف انه يبي حافز
الحين تروحين له معصبه وهو ساكت لييييين تخلصين بيقولك :
يَآزينْ جَويّ يَومْ أطِالَعك بـسكات
وَديْ بـ طِولْ العِمر سِآكت وَأطِآلَعك !
قالت والله ان قالها ليبشر بحافز 30 سنه قدام >> حماس
واخذت عبايتها وراحت تركت النادي وبقيت انا وام علي وام كبده .. طالعتها بكل حسره وهي رايحه وطالعت النادي اللي مابقى فيه حس من بعد ما 4 خرجوا نفس هالبنت بس كانت بحس اربعه ماشاء الله ومابقى الا هالعله طالعت فيها..
قلت : قومي يامال الوجع شكلك خاسه لا لا شكله فوتوشوب مو حقيقي صح الا فوتوشوب ؟؟ وش نحفك وانا ماعطيتك حميه بنات اللي يشوف انها نحفت يعطيني لايك ؟؟
قالت :ههههههه الله اعطاني على قد نيتي وصار سمنتي في البروتينات اللي حرمتيني منها والحين آكل على حسابك واخس على حسابك بعد ..
أنا: حسابك والا صاله ؟
قامت ام علي قالت هو انت اللي تقولين صاله ؟ ما مداني افهمها الا اخذت مسدس
وقتلتني وقتلت ام كبده لأنها شاهد وقتلت نفسها عشان لا يمسكونها قلت وانا اصارع الموت وعيني بعينا ام علي القاتله .. ام علي انت من جدك قتلتينا والا تمزحين ؟؟ قالت لا والله امزح قلت اشوى فقمنا ومسحنا الدم اللي غطانا فضحكت ام علي وضحكنا وضحك المركز والاجهزه ..
عزيزتي ام كبده قبل لا تقولين اجهزة والا صاله ؟ طااااااااااخ
ابشركم هالبثره ماتت ..
ودمتم سالمين