نفاس الحقوا علي

هلا حبيبتي اكيد انتي خارجه من ولاده يعني هدت حيل لازم تاخذين فيتامين وحديد وكالسيوم وفيتامين دال لست شهور قدام عبال ماترجع لك صحتك لان البيبي شفط منك كالسيوم وحديد والفيتامينات كلها فيبي لك وقت ترجع صحتك عال العال بالنسبه لطهر حسب الحرمه وولادتها في من تخلص بدري وفي من تتاخر انا ببكري طهرت على شهر وباقي ولادتي اربعين وزود عليها كم يوم قدامك العافيه ان شاءالله ومبروك ماجبت

بنات ردوا علي الله يجزاكم خيرررر

الله يجزاك خير تنهات نجد

حبيبتي 25يوم ولازلتي تعبانه معناته تغذيتك فاشله ...خذي كيلو حلبة القصيم واطحنيه واكلي منها بالملعقه كل وقت باليوم واشربي بالحليب حلبه وبالمرق حلبه ..وجيبي فيتامين دال ...يووه يالنفاس اقرف شي بالحياه ..طبعا فيه مقولات يقولن الحلبه عشرين يوم الاولي لاتسوين كذا استمري عليها ليما تجيك ردة النفاس ..واشربي مر يمكن شميتي وملتهبه

والله المفروض اللي بمثل وضهك ولاده طبيعيه وتغذيتها سليمه تكون صحتها متحسنه من قبل العشرين يوم .. تبدا تحس بالعافيه من اليوم العاشر .

اكيد فيه شي غلط حصل .. اما انك مهمله نفسك نهائي في التغذيه الصحيحه .

او ان معك فقر دم شديد وجسمك ماراح يسترد عافيته الا اذا عالجتي هالمشكله .

حاليا اللي بقى من فيتاميناتك والكالسيوم والحديد خذيها والتزمي بها لين تخلص .

وتغذي على اشياء مفيده ،، مو شرط بكميات لكن شي يرم اللحم والعظم مثل مرق اللحم او البر بدون الدهون الزائدة وخففي من النشويات لانها ماتعطي الا طاقه مؤقته لكن لاتحرمي نفسك منها ،، والسلطات والفواكه والمكسرات والتمر والحليب والبيض والمويه والعصائر الطبيعيه .

ايضا بعض الاعشاب المعروفه بتقوية الجسم واهمها الحلبه ،، اما تنقعيها وتشربيها او تطحنيها وترشي البودرة على صحن الاكل او المرق اللي بتاكليه في وقتها .

وايضا النوم والراحه في توقيت صح ،، مو نايمه النهار كله والليل بس جالسه سهر وارهاق .. فرصتك لو عندك احد يمسك طفلك كمةساعه بالليل وتنامي فيها .

سوي لك ترمس اعشاب حطي فيه زنجبيل وكمون وقرفه كلهم مطحونات ،، وقشر قهوه غسليه وضيفيه معهم والسكر حسب رغبتك واتركيه ينقع واشربي منه طول اليوم .


لاتهملي نفسك محد بياكلها غيرك في بيتك مع زوجك وطفلك .. تخيلي تجلسي متكسره كذا بسبب اهمالك انتي ؟

اذا كنتي ترضعي طبيعي رضاعه نظيفه لاااازم تعوضي جسمك والا راح يرفض ينتج حليب بسبب النقص وحاجته لهالغذاء .

وكثري من الاشياء الحاليه هي اللي تساعد على زيادة الانتاج مثل التمر او الشوكولاته الغامقه والحلاوة المصنوعه من السمسم ،، وطبعا اهم شي هو السوائل .

الله يسهل عليك .