نفاس ... وجالسة في بيتها!

هلا اختي سفانه
انا لما اولد اكون في بيتي بس الحمد لله مرتاحه كل شيء يجيني لحدي
لان اختي ساكنه في الشقة الي قدامي وكل شي هي الي تسويه لي
الله يعطيها العافية يارب
وطبعا انا كمان اذا هي ولدت اسوي لها زي ماتسوي لي بالضبط
وبالنسبة لك اختي سفانة حتى لو قضيتي فترة النفاس في بيتك لازم
احد من اقاربك يكون عندك لانه صعب مرة تتحملي مسؤلية وانتي نفاس على الاقل بعد ماتكملي شهر


تحياتي

:( :44: :09: :06:

انا مثلك.. بس الحين بالثامن ولا ادري وش بسوي؟؟؟؟؟؟؟؟؟

والله اني كل ما أنام بس احلم.. من خوفي...

بس مخليتها على رب العالمين..

والله ياعيوني جربتها مرتين وكل وحده غير
اول مره ولدت في عماره والله اني اليوم الثاني من ولادتي قمت للمطبخ
طبعا كان عندي شغاله بس كانت جديده
وصدقيني مرة سلام يمكن لاني كنت جديد بالمدينه ومااعرف ا حد
والمره الثانيه في عماره غير وماشاالله علي الجيران والله كل شي كان يجي عندي
وحتي الضيوف لما يجون كان جيراني هم الي يضيفون
حتي امي عندما حضرت لي وشافت جيراني ماجلست غير يومين
وراحت وقالت والله اني مطمنه عليك
وهو يعتمد علي الجيران او وحده من صاحباتك يعني لما يجيك ضيوف تجي تضيفهم
ولقهوه والشاهي تسويهم الك اشغاله
وفي بعض مناطق المملكه اسمع انهم يقولون بنروح نقهوي لنفاس
فيجبون القهوه والشاهي والحلي والمعجنات
بس يكون عليك تحضرين فناجيل وهذي سهله
واذا ماعندك احد قومي عادي اطبخي وتحركي كمان الحركه حلوه النفاس

والله يتمم لك علي خير:24:

انا في ولاداتي الاوليات >>>>>خوش لغة .......

كنت اولد عند اهلي .. ومرة عند اهل زوجي ......وكان زوجي يتبهذل .. حتى ملابسه كنت دايم اشوفها وسخه ..
وكان يضيق صدري عليه ....

اما في طفلي الرابع .. طلبني اولد في البيت وجاب لي شغالة اندينوسية ... والله يابنات ولادة المرأة في بيت زوجها افضل ... وطبعا جلست امي عندي اسبوع ثم اختي اسبوع ... وبعد كذا صرت اقدر اقوم في بيتي مثل الطبخ والاهتمام بالمولود...اما النظافة طبعا على الشغالة .... ولا بد اننا نتوكل على الله وان شاء الله تتيسر ...


اختكم _______سكوووت

اختي في بيتك احسن واسهل لك وحريتك أكثر وخاصة ان كان لك اخوة شباب
صراحة انا احرج منهم كل وشي تروحي الحمام وغيره ويجون عندك وانت تعبانة جدا.
في بيتك واطلبي من اخت لك ان تساعدك اول اسبوع او امك .
ولكن ان كان سيأتيك ضيوف يخربوا بيتك وما بساعدوا بالعكس بيطلعوا وبيتك وسخ جدا منهم .
فروحي بيت اهلك اريح لك .
وربنا يسهل ولادتك .