Al3zooof @al3zooof

عضوة نشيطة

نفاس وملازمني الارق والخوف

انالي 4 ايام نفاس ولدت قيصري ومن ولدت ماقدرت انام غفواات خلال اليوم انامها واصحى مفزوعه
وخايفه ماني عارفه اش فيني رحت المشفى قالت طبيعي وضعك ويخف تدريجيا
من مر عليها وضعي ان ماتحس للحياه طعم وبس تبكي وخايفه وماتنام وقت النفاس وكم يستمر
يارب يارب يارب اني مغلوب وهل هذا اكتئاب اخاف افقد عقلي
واللي ولدت وحست بشعوري تطمني الله يطمنكم وجعلكم ماتذوقون اللي احسه

يلزم عليك تسجيل الدخول أولًا لكتابة تعليق.

تسجيل دخول

Al3zooof • 3 سنوات

يارب ارحمني برحمتك التي وسعت كل شي

راضية باقداري • 3 سنوات

الحمدلله على سلامتك ياقلبي ومرررة لا تخافين طبيعي جدا اللي تمرين فيه
نفس اعراضك بالضبط صارت لي خوف قلق ارق مافي نوم والنوم اصلا ماله طعم والحياة بكبرها مالها طعم ومافي فرحة بالولادة وبكى وضيق واكتئاب بس تشافيت بعد الله بالدعاء والاذكار ومحاولة الانشغال بأي شي وترى التشافي ماراح يكون بسرعة بالتدريج بإذن الله بتشوفين العافية

ماريانا ماريان • 3 سنوات

كأنك تتكلمي عني بس انا كنت والله طبيعي ومع تعسر الولاده مريت بالي مريتي فيه اظن انه طبيعي وضعنا وعادي الام الولاده وتعبها واوجاعها ونفسيتهاوالام الخياطه والتهاباتها والمسؤليات الي فجأه تحملناها هي السبب بكل هذا بس هي ايام وتعدي باذن الله

@ الجازي @ • 3 سنوات

عادي وضعك تطمني/ انا كانوا يقولون الممرضات لازم تنامين كل مادخلنا عليك انتي صاحيه .... يادوب ٥ ايام ماادري اسبوع وبديت انام كم ساعه متواصله لاتخافين هذا رد فعل الجسم بعد الولادة.
اهم شيء اذا حسيتي جاك النوم نامي خلي احد يمسك البيبي عنك عشان تطمنين

أم خوخه 88 • 3 سنوات

الحمد لله على سلامتك
وطبيعي اللي تمرين فيه بس اهم شي لاتستسلمين له اشغلي نفسك باي شي امشي واستغفري كثير اكتبي سوي اشياء تشغلك رتبي ملابس البيبي
واذا جاك شعور القلق اطرديه ولاتجلسين لحالك ابد خليك مع الناس وان شاء الله ماتطول الحاله