نفذ صبري ومافيني اتحمل

مرحبا

انا مليت من قصتي ويمكن ما راح اقدر اقول كل شيء لان خلاص مليت من الكلام في هذا الموضوع معى اهلي لدرجة احس اني تلوع جبدي لما اجي واتكلم في موضوعي

الموضوع هو اني مو عارفه شنو اسوي تعبت حييل لدرجة مو عارفه اتصرف

الحكاية اني تزوجت وخلال الملجة صارت مشاكل كثير معى زوجي وامي وبعض التصرفات الا سوها الا تبط الجبد ولما طلبت الطلاق اخواني وخواتي ارفضوا وقالوا اني ما اعرف ولا افهم ولا اعرف مصلحتي

تزوجت ومرت الايام ولقيت انه هالرجال كله بري وما يقعد وسبب انه مشغول في شغله
وبعد شهرين طبشت من المشاكل الا كانت بينها وفطلبت اني اروح بيت اهلي على طول

وكان رده مفاجأ لي انه على طول طلب مني انى الم اغراضي واروح بيت اهلي بدون ما يعرف السبب في هذا الطلب وانا قاعده الم اغراضي جاني وطلب مني اذا خلصت راح نروح المستشفى علشان يطيح البيبي الا في بطني (( وكان توني محلله من اسبوع))) فانصدمت من كلامه فرفض انى اسوي هالشيء المهم خلا السايق يوديني وقبل لا اروح كان عندي حاجات ما قدر اخذها قام واخذ كيس زباله ولمها لي

المهم بعد كم يوم دق واعتذر على الا صار وقلت خلاص بس شرطي ابي بيت جديد لان الا كنت ساكنته خربانه السقف ماله وكان يخر ماي على كل شويه
وبعدها نطرت اشهر علشان انطر البيت الا راح يجيبه كان يتعذر انه مافي بيوت للاجار
وخلال هالفتره كان ما يدق على الا وين وين وبعدها بدون اي سبب طنشني ولا قعد يدق بدون سبب وبعدها طلبت الطلاق من اخواني وقالوا لي اهله بس اهله رفضوا لانه يقول لهم انه يبيني وبعد خمس اشهر ولدت وجاني يوم الا ولدت فيه ولدي ودخلت خالتي على وقالت ان زوجج يبي يسلم على الوالده هي موجوده ولا طلب انه يسلم على المهم صار الا صار وبعد يومين الا كنت ابي اطلع في من المستشفي جى علشان يطلعني وهو الا دفع فلوس المستشفي وقبل لا يطلعني اخوي دق علي وقال تفاهمي معى زوجج وفعلا استقبلت ولا قلت له اي شيء ويومها قالي انه تعب من الا صار وانه يبي يردني وكل شيء ابيه هو حاضر فيه ومن هذا الكلام ورديني لبعض بس طبعا في التلفون وكان رافض انه يجي البيت لانه ما يبي يشوف امي لانه كم مره رفع صوته على امي خلال ما كنت عند بيت اهلي
وبعد ثلاث اسابيع قلت لي زوجي انى علشان ارد عليك ابي بيت جديد وهم رضاوه (( وهو مبلغ من المال يعطي الزوج لزوجته )) وكل ما اقول تعرف المبلغ يتطنز على ويقول 10ى وال20ى الف راح تجيي
وطلعت من الاربعين وما جى ولا اخذني ولا دور لبيت ولا شيء نطرت وطبعها كان ما يكلمني ودايم جهازه مغلق او تعبان ما يقدر يتكلم معاي ومرت ثلاث اشهر من ولادتي وجاني وقال انا لقيت لج بيت قلت او جيب رضاوتي علشان ارد وقعد كل يوم يقول بكري بكري ومرت كم اسبوع وبعدها جاني يقول انا راح اعطيك الف دينا وانا طالبه 4 الاف قال لي لاحجت البقر على قرونها اعطيج هذا المبلغ وانا اخذتها على ضحك وصحت وبعد اسبوع دق وقال انا جاي اعطيت ارضاوتج ولما جاي تفاجات انه جايب الف وقال انا اسف غيرها مافي
حاولت اتناقش معاه مو معقول بعد سنه انا في بيت اهلي تراضيني بهذى القيمه قال ما عندي غيرها وكيفج
وقلت اجل خلاص كلن يمشيء في طريقة قال لا بما انه انوجد الولد مافي طلاق


شنو الحين اسوي تعبت هل ارفع قضيه او شنو اسوي وهو من يومها ما كلمني


(((((((((( للعلم في كثير ما تكلمت عنه بس اهلي مؤيدي في طلاق ويشجعوني لانه ما يستاهل الا اسوي له ))))))))))))



بليييز انا تعبتكم في القراءه بس ابي الحل لاني فعلا تعبت من جد ابي حل شنو اسوي