اختي فايف فيه وحده شاطره ردت عليك وقالت لك خليه يجيب لك طقم واتفقي معاه انك تردينه له بعد رجوعك له بس منظر قدام اهلك انه جاب رضاوه وبينوا لهم انه متكلف عليه من غير تحديد المبلغ..
الشي الثاني لا تحاتين ولا تهتمين بكلامه انه مهتم برجوعك عشان الولد, هو يبيك بس ما راح يبين لك والناس الكبار دايم يقولون ان الرجال اذا كره الحرمه كره عيالها واذا حبها حب عيالها بالعكس افرحي وشوفي مقياس حبه لك حبه لولدك..
وخليك متابعه للمنتدى هنا بستفيدين كثير وتخلين زوجك خاتم باصبعك بالمعامله الحسنه واللين:26:

هلا و غلا حبيبتي:

و الله فرحت بهالخطوات الحلوة الي سويتيها ،، أستمري عزيزتي على ما أنت عليه و لا تضعفي و لا تخافين من أحد....

بالنسبة للوالدة الله يحفظه صدقيني مهما كان ما فيه أم تنبسط اذا أنخرب بيت بنتها ، يمكن راح تزعل شوي على أنك ما أخذتي بكلامها بس بعدين لما تشوفك مبسوطة مع زوجك راح تنسى كل شيء ، و بالعكس راح تفخر بك هي و أخوانك لانك قدرتي تتأخذين قرارك دون أي ضغط من أحد....

بالنسبة لهم الرضوة مع أني ماني مقتنعة بها ممكن تقولين لزوجك زي ما قالت لك واحدة من البنات الله يجزاها خير ،، ( أنا ما كان همني الفلوس ، بس كنت أبي أعرف أذا انت متمسك بي أو أنك راح تضعف عند أول عقبة ) و قولي له ( أنا بعد ما جلست مع نفسي قررت أن أعطي نفسي و أعطيك فرصة ثانية لنبدا صفحة جديدة علشان ولدنا و قبل علشان أنا في يوم حبينا بعضنا ) يعني من هذا الكلام و اتدلعي عليه خليه يشتاق لك و ما فيه مانع تعطيه من هالكلام الحلو خليه يتعلق فيك أكثر .... هذا بالنسبة لزوجك...

بالنسبة لاهلك و الناس الي أشوف أنك شيله همهم أكثر من اللازم ،، أذا معك فلوس أشتري لك طقم بسيط أو سواره فخمة شوي و قولي هذا من حلالي علشان ما تكذبين ،، و مهوب ضروري يدري زوجك حتى ما يتعود على هالشيء....

أما أذا ما معك ،، ممكن تقولي لهم أني فكرت انه الافضل ما أضغط عليه في مسألة الفلوس حتى ما يأخذ عني فكرة أني مادية ،، و أنه بعدين أقدر أقنعه يدور لنا بيت زين فما حبيت أضغط عليه و انا عارفة ظروفه ،، على الاقل علشان ولدي.. و انشاء الله راح يقتنعون ...

و الحين نجي لك ،، شوفي نفسك حاول تغيرين من شكلك ،، سواء قصة أو صبغة ،، و أحفظي لك من ه الكلام الحلو المليان المنتدى به و أرجعي له عروسة جديدة و طبعا ما اوصيك بالحركات الحلوة و الدلع الدلع ترى الرجاجيل يموتون في الحرمة الي تتدلع عليهم...

طمنينا عليك مهوب ترجعين و تنسينا ،، و اذا أحتاجتي لحاجة لا تستحين ترانا أخوات أنشاء ما راح أقصر معك و لا الاخوات ،،، وأنا متابعة موضوعك...

حبيبتي أذا أنشاء الله ربي جمع بينك و بين زوجك ،،، نصيحة مني لا تقولين له أنك عرضتي مشكلتك في عالم حواء ،، لاني ألاحظ أن زوجك متضايق كثير من تأثير الناس عليك ،، و حاول حبيبتي تقوين شخصيتك ، والطيبة مهوب عيب اذا عرفت تستفيدين منه لصالحك ...

و انتي خليك متابعة عالم حواء و راح تتغيرين مثل ما تغير غيرك و أنا أولهم...

طمنينا عليك....

هلا حبيباتي

للاسف امس ما قدرت اكلمه لانه كان مشغول وعدني انه راح يكلمني او ما يفضي وصدق دق بس كنت انا مشغوله بالبيبي وطبعا ما قدرت اكلمه لانه النوع الا ينام حيل مبكر
واليوم راح انتظر منه مكالمه بس امس اختي شافت المكالمه وحتى امي لانه كانوا عندي طبعا ادعيت اني ما ارد على مكالمات وقلت لاختى شنو اسوي اتنازل عن الرضاوه ((( علشان اشوف ردت الفعل فقالت هو مسألة تقدير لا اكثر ولا اقل وهو الحين عنده المبلغ ليه يكابر عليج )))

على فكره امس قالي كلمه انا ابي اردج واسكت الناس قالها وهو ما كلن منتبه لكلامه ولما واجهته علشان الناس يعني عاد لفهى يعني هو عنده القدر انه يدفعها وزود بس علشان الناس ما تقول عنه الا قدرت عليه المره او من هالقبيل


انا الحين بين صراع بين حياتي الخاصه وبين مكانتي بين اهلي واهل زوجي (( اهل زوجي كلهم يدرون عن مشكلتنا ))
بس اهلي ما يدرون يظنون مازلت عندي زوجي يعني بس اخواني وخواتي الا يعرفون اما خالاتي وعمامي ما يدرون
عن شيء

وعلى فكره مره جاني كلام من بنت حماتي تقول عن امهى (( انا كنت ابي اطلع معاه في يوم زواجنا نتعشي بري وسبحانه خواتي قالوا لي انى ما اطلع افضل بمانه ما رديت له للحين فعلا ما طلعت )) عاد قالت حماتي لو انها طالعه معاه فعلا طاحت من عيني شلون تطلع بدون ما عطاها رضاوتها لو كانت بنتي قطعت رجولها

اهل زوجي جدا متضايقين من افعاله واكثر من مره تخانقوا معاه بسبب اسلوبه في حل مشكلتنا
حتى مرحله الطق كانوا يبون يطقونه لانه فشلهم عند الناس و واحد من اخوانه زعلان عليه لحد الحين
هذا اخوه يطلع زوج اختي (( احنى خوات ثنتين ما خذين اخوان)) بس طبعا زوج اختى غير افضل بكثير منه

هذا رد ثاني مني لك على مشكلتك...لكن اللي راح أقوله لك ..
ياليت تفعلين الرسائل الخاصة ضروري....