نفسيتك وقت الحمل_تحدد شخصية طفلك قبل الولاده🚨

بقولكم سالفة زميلة من زميلاتي، واستأذنتها قبل أنقلها لكم لأنها تبغى غيرها يتعلّم ويستفيد.

تقول
“وقت حملي ببنتي، كنت أعيش أيام ما يعلم فيها إلا الله… مشاكل كبيرة ومستمرة مع زوجي وكان شخص مؤذي جدًا مو تعكر مزاج عابر لا.. شي ما يتحمّله بشر.
ولدت بنتي بسلام والحمدالله، بس طلعت فيها مشكلة بسيطة بسبب الحمل الدم ما كان يوصل لها بشكل كويس، وصار فيها خلل في النمو
هالمشكلة سببت لها تأثيرات نفسية وسلوكية بعد الولادة، وكبرت بنتي بهالظروف، والمشاكل مستمرة، وأنا وقتها ما كنت أم حنونة ولا كنت عارفه اني مو ام حنونه اصلا ما كنت أحتويها ولا أقدر أعطيها الأمان اللي تحتاجه.
للأسف يوم وعيت وفهمت الوضع كانت بنتي عمرها ٢٤ سنة بس خلاص فات الفوت وكبرت وهي عندها اضطرابات ومعاناة وضيقة ما يعلم فيها إلا الله.
تقول الام أدركت متأخر، بس أتمنى غيري ما يمر باللي مرّيت فيه.
تخيلوا… ٢٤ سنة من المعاناة عشان أحد ما كان واعي لنفسيته ولا للي يعيش فيه وتخيلوا كيف كانت النتيجة على إنسان ثاني بريء جا للدنيا ما بيده شي
وماقدر انقل لكم الاضربات اللي مرت فيها بنتها حفاظاً على خصوصيتها
بس لكل بنت ام اخت خاله تقرا الموضوع
اتمنى تنقلينه لاي بنت او ام او مقدمه على زواج
ترا الاولاد وتربيتهم مو سهله ترا مسؤليه
وتراهم زينة الحياه الدنيا لو احسنى تربيتهم واحتويناهم

نصيحة من القلب لكل أم وأب

• لا تستهينون بأي خلاف بينكم.
• لا تستهينون بصراخ أو عصبية قدام الطفل.
• لا تستهينون بنفسياتكم وقت الحمل.
• خذوا وعيكم من الآن، لا تنتظرون سنين وبعدها تقولون “ياليتني فهمت بدري”

اشكر الأم اللي سمحت نشارك تجربتها، والله يجعلها في موازين حسناتها، ويمكن بكلمة وحدة منها تغيّر حياة أم أو أب وتخلي طفل يطلع للدنيا سليم النفس، مليان حب، وأمان