ياسلام مايستحون العتب عليك ليش ماحكيتي قدام رجالهم وفشلتيهم

مع ان هالاشكال مغسول وجهها

اختى صغينونه ..
انتى مثل اختى وراح انصحك .. بصراحه الكلام يعور القلب اللى ذكرتيه ...
عندى عتب لج بالأول واتمنى يتسع صدرك لكلامى لانك مثل اختى .. وامك مثل امى

انتى اشلون ماتدرين عن امك وعن البيت اللى هى عايشه فيه .. اسمحيلى .. من كلامك مبين انك بنتها الوحيده .. وامك عمرها سبعين سنه المفروض انكم تبرونها .. اذا اخوانك مافيهم خير انتى يجى دورك انتى بنتها ومشالله ماقصرتى انك نظفتى البيت لها ... لانها امك وأولى برعايتك لها .. ولاتلومين زوجات اخوانك .. المفروض تلومين اخوانك اللى ما وصوا حريمهم بامهم وكيف هم راضين لامك انها تعيش فى مكان كله غبار .. وغير صحى بالنسبه لحالتها وهى مره كبيره بالسن.. يعنى اللوم كله يكون على الاولاد .. لان الكل يعرف ان زوجات الاخوان ماوراهم فايده .. استغفر الله بدل ما يحسون فيها ويحطونها بعيونهم ويعتبرونها مثل امهم حسبى الله ونعم الوكيل
انا اقولك اقتراح .. مهم ...... اول شى تقعدين مع اخوانك وتفهمينهم الوضع وان امك انسانه كبيره محتاجه احد يرعاها .. ولازم كل وحده من حريمهم تعتبرها مثل امها .. بعدين ياعزيزتى .. انتى لازم تعرفين كل شى عن امك ولازم تتصلين عليها او تزورينها وتتطمنين عليها .. ولازم تكونين قريبه منها .. علشان تسولف لك اذا هى متضايقه من شى ... ترا الامهات اغلبهم يحطون بقلبهم ياعينى ولايشتكون لانهم يحسون انهم ثقيلين على غيرهم ويخافون يضيقون على عيالهم وخصوصا اذا زوجات عيالهم من النوع الردى ومن النوع القاسى .. طيب الحل انك تتصلين عليها يوميا لانها امك وهى سبب لدخولك ودخول اخوانك الجنه .. انتى خليكى معاها متواصله وهى بتقولك عن اللى بداخلها تراها حتى لو كبيره بقلبها هموم واحاسيس تحب احد يشاركها فيها ... حتى لو ذكريات تحب احد يسألها عن ذكرياتها حتى لو كنتى انتى مشغوله مع زوجك واولادك لازم تخصصى وقت لوالدتك .. تزورينها تطبخين لها طبق تحبه وتجيبيه معك لها لما تزورينها.. تكلمينها وين رحتى واش سويتى مع اولادك .. تسولفين لها اى شى المهم تسمعين صوتها يوميا .. والله اعرف بنات يكلمون امهم بالثلاث اربع مرات باليوم.. انتى بارك الله فيك ادرى انك مو مقصره لكن هذى نصايح يمكن الواحد غافل عنها والسبب مشاغل الدنيا .. المهم ياعزيزتى كلمى اخوانك وخليهم يبرون امهم ويدارونها ويوصون زوجاتهم عليها .. واذا مانفع فأنى خير لها من عيالها .. البنات فى احيان كثيره افضل من الاولاد للأم .. المهم مثل ماوصيتك ياحبيبتى .. وحاولى تلينين قلوب زوجات اخوك على امك .. وانتى تسولفين معهم قولى والله الشيخ الفلانى بالتلفزيون سألته وحده عن ام زوجها .. وكيف تبرها .. وقال لها الشيخ عامليها كوالدتك .. مثل ماتحبى احد يعامل امك انتى عاملى ام زوجك مثلها .. واذكرى لها مواقف كيف انك انتى تعاملين ام زوجك بلطافه وبرحمه وتقدمين لها هدايا لان الهدايا تلين القلب كما قال الرسول : تهادوا تحابوا ..
المهم خطوه اولى تتصلين عليها وتسألين عن اخبارها .
خطوه ثانيه توصين اخوانك انهم يوصون زوجاتهم .
وخبرينا شنو يصير معاك يالغاليه ..

وبقولك شى مهم.. ترا زوجات اخوانك ماهم ملزومين بام زوجهم اذا عيالها مايدرون عنها .. ومو كل وحده قلبها حنون على امها بالاصل علشان يكون حنون على ام زوجها .. يعنى انتم المسؤولين عنها بالاول والاخير .. وبارك الله فيك

أختي الغالية
رأيي
1- تخصيص ركن للوالدة خاص بها غرفة نوم و حمام و مجلس صغير لضيوفها من الحريم و يا حبذا لو مطبخ صغير و هذا يكون مسئوليتك نظفي و بخري و أجرك على الله

2- بصراحة رايي أنك أخطأت بتنظيف المنزل كله لأن هذا شغل المقيمين فيه و أنت مو مكلفة بخدمتهم سوى الوالدة و كما قلت خصصوا لها ركن خاص بها و نظفيه و بخريه

3-و( كما يقول المثل الأخو أخو مراته و الهبلة بتحلف بحياته )
فاي مبادرة منك بتصيح الوضع مع اخوانك سوف يفسر بأنه سعي للإفساد بين الأخوة و زوجتاهم
فنصيحة ما تحرقي دمك هذا بيتهم و هم راضين بالوسخ

يعني بالفصيح تخصيص ركن للوالدة و أشرفي على تنظيفه و خذيها بيتك و أطعميها من أحلى الأكلات و لو أمكن ماديا احضار شغالة خاصة كان أكمل و الله يوفقك

ماااا اقوول الا حسبي الله ونعم الوكيل والله ان الحركه بركه....... هذول احسن لهم يعيشون بصحراء ينفضون الغبار من الخيمه وعساهم بعد .........زين ماسويتي اختي ولا تتعب نفسيتك ولا شي هذا راجع لهم بألاخير وبيلاقونه بعدين وكما تدين تدان........الله يخلي لك امك ويخليك لها بصراحه ماقصرتي بيض الله وجهك وهم الله يفشلهم من يتحمل الوساخه بهذا الزمن.......لااا وبعد ماواجهوا المعازيم لا بشاي ولا قهوه وبيوم العيد بصراحه اعذريني على الكلمه حريم اخوانك عايبييين ورجالهم أعيب منهم.......!!! اكيد ان امك طيبه وتشوف وتسكت بااحبة عيني ........ الله يصبرك ويصبر اميمتك

يا قلبي على أمك .. الله يعظم أجرها .. ويسخر لها بنات الحلال ..

قمة السخافة .. يجون يشوفون كررررفي في البيت .. ما غير أطامر ورى البزارين أضف وراهم

الحوسه .. مع البيت فيه شغالتين .. بس .. ما عندك أحد .. البزران فيهم نجاسة ..