brid
الله يعطيك العافيه أختي على هالرد اللي يبرد القلب
اللهم أني أسألك بأسمك الأعظم ورضوانك الأكبر أن يشفي والدتك ويسخر لها ولك أخوانك وجميع خلقه......

منونه
مشكوره أختي على تجاوبك معاي وراح أحاول أتكلم مع أخواني
والله يجعل لك من كل ضيق مخرجاً ومن كل هم فرجاً

بنات أكمل لكم الموضوع
طبعاً بعد ما صار اللي صار حسيت أني متضايقه بالمره لأنها أول مره أتكلم عليهم وحسيت أني يمكن مزودتها شوي ومكبره الموضوع
بالرغم أن الحاضرين مأيديني ، ويقولون لي يستاهلون لأنهم طولوها وهذي مو أول مره
وطبعا زوجات أخواني زعلو مني و جلسوا في مجلس ثاني غير اللي جالسين فيه أحنا وعلى العشاء يالله رضوا يجون يتعشون وأمي مو قادرة تأكل بس تسأل وين فلانه وين علانه نادوهم يجون ياكلون مع أن بعضهم جالس بس أمي ما تشوف الله يخليها لنا حريصه على مشاعر الجميع.
المهم أنا رجعت لبيتي ويالله قدرة أنام بس أفكر في الموضوع طول الليل.....
وفي ثاني يوم جاني أتصال من وحده من زوجات أخواني أنا فكرتها في البدايه متصله تعتذر ولكن اللي صعقني أنها متصله تتشره وزعلانه تقول ما توقعتها منك أنه يطلع منك هذا الكلام والكلام اللي زعلها أني قلت (والله أنا اللي بيضة وجه أخواني عند الرجال ) متصله تقولي وش قصدك بهذي الكلمه أحنا ما قصرنا معكم ومع أخوانك.........بنات بموت من القهر

اللى سويتيه تصرف سليم
وحاولى تفهمينهم ان هاذى شغلتهم اقل شى مو عشان امك عشان كل وحده وزوجها تشرفه قدام ضيوفه وفهميهم هذا بيتهم وانهم لو جوووك ببيتك بتشيلينهم من الارض
لاتنقهرين ولاشى فهميهم سواء بالطيب والا بالغصب واذا مانفع علمى اخوانك
والوالده لاتدرى عشان صحتها الله يحفظها لكم
سلام

يوووه ياشينهم يبون يسوون حزب....شوفي ماعليك منهم بعد الي صار....وبالعكس الفشلة لهم مهما قالوا....اتمنى تفهمين انك بموضع القوة و تتكلمين بكل ثقة،وتقولين ان امك عايشة معهم وهي كبيرة وماتشوف يعني امانة برقبتهم وكنتي تحسبين انهم شايلينها شيل بس فوجئتي بان حتى البيت مايتنظف اجل شلون يرتاح بالك على امك؟؟؟
وبعدها سوي اشياء تخليهم يستحون،يعني سوي واجبك من زيارة الوالدة باستمرااااار،واذا عندك شغالة خليها تشتغل في البيت (تخدم الوالدة فقققط)،وتنظف أو جيبي شغالات بالايجار ينظون مرة كل فترة واتصلي واسألي و اذا جيتي كلميهم بأدب وثقة عااادي تماما...

اختى اولا الحق يقع على اخوانك المفروض يفهمووا زوجاتهم بان امهم اولا وفوق كل شىء واظن انهم لايرضوا بان يعيشوا وتعيش امهم المسنة وسط الاوساخ ويفهموا زوجاتهم ذلك
ثانيا هم اين يعيشون وهل تعودوا ان يعيشوا فى بيوت اهاليهم هكذا وان تكون وسخة وغير نظيفة ومرتبة وهذا وعندهم خدامات اين تعيش هذه الكائنات هل هى بين البشر ام.........
عجبى من نساء هذا الزمن من برا هله هله ومن جوا يعلم الله
جزاك الله اختى خير الجزاء على برك بامك
وسامحينى ان كان كلامى جارح لانى وضعت نفسيى مكانك وانه لايرضينى ان يحصل لامى هذا وان يحصل لام زوجى وخاصة ان كانت مسنة مثل امك تحتاج لمن يخدمها ويقوم فيها
واحسن شىء تسوية انك تخسريهم والحق كل الحق معك وشاطرين يتشرهوا شين وقواية عين