نفسيتي تعبانه جدا

السلام عليكم ورحمة الله


كيفكم خواتي ان شاءالله انكم جميعا بخير
كالعاده ودي افضفض انا تعبت نفسيا كذا مدري ليه احس بتعب وداخلي ضيقه قويه مع اني حاولت اشغل نفسي صرت اطبخ بدال امي وصرت انظف البيت عنها وكل ذا عشان انشغل وما اخلي مجال لنفسي افكر او اتذكر
اسابق امي على شغل البيت سباق ولا اخليها ترفع شي وهي تدعي لي ومبسوطه مني لكن انا يابنات محد يعرف اللي بداخلي مدري هو ضيقه هو انكسار هو وش مدري
عجزت اطلع نفسي من هالضيقه انا ماعندي خوات ولا ابي اشكي لامي
بنات اقولكم شي حتى صلاة الليل تركتها من الضيقه والعجز بالذات عند الصلاه واعرف اني اغضب ربي اذا نمت اجمع الصلوات عجزت اقوم اصلي وارجع انام احط منبه لكن اقفله وارجع انام
مدري ليه دايم بالي مشغول وضايقه مدري وش اسمي هالحاله اللي انا امر فيها
مو قصة افكر فيه لا والله بس احس فيه شي داخلي متوتره ضايقه حزينه لدرجة ان خشمي يصب دم من غير سبب وصداع قوي وكل شي مالي نفس فيه حتى الاكل والله اطبخ عشان امي واطفالي ولو علي ما اشتهي اي شي نفسي مسدوده عن كل شي
تخيلو بنات حتى صديقتي ماعاد لي نفس اكلمها مو عشان شي انا كذا صرت تغير حالي من حال لحال
اجي هنا اكتب افضفض وانا مرتاحه محد يمسك على شي ولا احب اعلم احد عن ضيقتي وانكساري اذا شفت امي تسولف معي اسولف واتبسم بوجها كني مافيني شي مجرد تروح تنام يشب فيني بركان بداخلي من ضيقه وقلق
ادعولي اخاف تلازمني هالحاله وماتفك عني نهائيا وانا ماودي اوصل لذي المرحله