نفسيتي تعبت من الوحده والعنوسه ونظرة الناس على اني خبلة وضعيفة شخصية !!

السلام عليكم ورحمة الله وبركاته
يا بنات انا مشكلتي ماعندي وحده اسولف لها وارتاح لها
صديقاتي من تزوجوو سحبوو علي عمري ٣١ سنه ولا تزوجت للان والله ادري في بنات اكبر وفيه بنات مثلي واسوا والخ
بس احب اقول لك مافي بمحيطي انا سواً جيران او حتى قرايب وحده بعمري وما تزوجت للانكلهن تزوجوو وعيلوو بعد الله يهنيهم ما احسدهم بس وش اسوي احس بنقص
وادري نصيب واذا مالي نصيب مو جاي بس احس الظروف ضدي يعني اولا انا مو مكمله دارستي ولا اقدر اكملها وفوقها احنا بدون يعني ماعندنا جنسيه
وانا سمينه و ماني حلوه بس ماني شينه يعني اقصد عاديه مع الاهمال لكم الخيال
وغير انه شخصيتي ضعيفه بشكل لو احد يقول لي شي ما يعجبني اعصب واترفز ويمكن انعزل وابكي
صحيح انا مو ذكيه بس انا مو غبيه و افهم وعندي نسبة ذكاء صحيح منطويه ومنعزله بس استوعب وافهم واناقش
في كلمة قالها لي ابوي قال : الله رزقني ببنت خبله ، وكان يقصدني
ادري انه تحسف وقتها من نظرته لي و انه يحبني و مو مقصر علي وانا مازعلت ومسامحته لانه ابوي بس كلمته للان محفوره بذاكرتي وااحسه قال شي بقلبه
مانسيتها واحس انقهر من هالكلمه كان ودي اقول له اذا انت تشوفني كذا هذي التربية اللي شفتها ،،بس وش اسوي مستحيل ارد هالرد وازعله واقهره خل انقهر انا ابرك ما ينقهر هو
ما عندي اسلوب و دفشه بعض الاحيان وزعوله ومرات اقول كلام ما اقصد فيه شي بس انا اكتشف اني قلته بطريقة غبية او ما كان لازم اقوله
بس انا طيبه وعلى نيتي مرات يسولفون بشي سواً اهلي او البنات لا تجمعوو
وانا افهمه بشكل بسيط و عادي وعقبها استوعب انه كذا وكذا
ووحده من البنات تقول لي جيبي لك علب مويه من البقاله و حطي على كل علبه ورقه فيها دعاء يارب زوجني وتضحك علي هالبنت
وهي اصغر مني و مملكه على ولد خالتها ، انقهرت مادري وش اسوي
الصغار صار يطقطقون علي ويقلون ادبهم
ماني راعية طلعات ولا راعية كشخه ولا راعية مكياج مهمله بشكل
انعزلت عن هالامور لان نفسيتي متحطمه واحس بعنس خلاص
ادري الامل بالله كبير بس والله نفسيتي مرات بالحظيظ ومرات استغفر واتحمل واصبر
يعني حتى لو نحفت و تمكيجت الناس بتظل تشوفني ع نفس العقلية رغم اني افهم واحاور و اتناقش سوا مع اهلي او بنات جيراننا
صحيح الشكل يلعب دور بس ارجع اتحطم ولا ابي اغير شي لان احس شخصيتي ضعيفه حتى لو البعض يحترمني بس احس مجامله :(
الله اعلم بالنوايا والقلوب بس اتمنى للجميع الخير واعاملهم بالاحترام والميانه المؤدبه بس الشكوى لله المقابل طقطقه وقلة ادب ،
اما اهلي اتحمل شسوي بعد :(
ابي اطور من نفسي وشخصيتي و اسلوبي
ما اقدر ادرس او ادخل معاهد لظروف الله يعلم بها والحمدلله على كل شيء وعلى كل حال ، ولا حول ولا قوة الا بالله
اللهم صل وسلم على سيدنا محمد