نفسي اصير ام وانا صغيرة 🥺❤️

السلام عليكم
هذا اول موضوع لي 🥰❤️
طبعا كتبت هالموضوع اقول مشاعري لا اكثر
انا من لما كنت بالثانوي كانت امنيتي اصير ام وانا صغيرة يعني من عمر ١٨ الى ٢٤ يعني كنت احلم لما يكون عمري ٢٨ يكون عندي طفلين 😭
انخطبت قبل شهر بس ابوي رفض مع انه الرجال كوويس واخلاق بس رفضه قال ما عندي بنات يتزوجون قبل ما يخلصون الجامعه وقال راح اخليها تكمل جامعتها واذا ودها الدراسات العليا مو مشكلة برضو تكمل وبكون عون لها بس ابوووي رفض
كلمت ابوي قلت مو مشكله انه الوحده تدرس وتتزوج قال لاااا لما تتزوجين راح يأثر على دراستك وراح تحملين وهالشي بيزيد الطين بلّه وحتى لو ما حملتي الزواج بنفسه يأثر يعني راافض رفض تاام
مع اني ما اشوف الزواج عائق ولا الحمل ،، صديقتي ما شاء الله متزوجة وحملت وولدت ولا اعتذرت عن الترم ولا شي وكملت وماشيه نفسنا بالضبط ومعدلها ممتاز
لما اشوفها تجيب ولدها للجامعه بالحضانة ما شاء الله تبارك الله شكلهم كييييوت الله يحفظهم 😭❤️
حلو الوحدة تصير ام وهي صغييرة والله شي جميل وجسمها كانها بنووووته ولا عليها اي اثر حمل وولادة وولدها عمره سنة الله يخليه لها ويحفظه ❤️
انا الحين عمري ٢٠ وباقي ٣ سنوات واتخرج ادري اني توي صغيرة بس نفسي اصير ام وانا صغيرة والمشكلة كل شباب اقاربنا تزوجو لما جيت افكر فيها مافي احدد خلااص كلهم رااااحووو واحنا كل العايلة يتزوجون من بعض يعني ولا واحد اخذ من برا العايلة ☹️💔
وبعدين واذا تزوجت وانا عمري ٢٦-٢٧-٢٨ وش يضمن اني احمل بسسرعه 🥺
كيف اغير تفكيره والله هالشي راح يأثر عليّ
شباب العايلة قاعدين يروحون ما بقى احد وابوي يرفض بحجة خلصي الجامعه ☹️💔