نفسي انحف بس ماعندي اراده

@ Angel @ :

عليكم السلام ورحمة الله وبركاته حبيبتي الإرادة ماراح تجيك بين يوم وليلة انتي سوي لك نظام تخفيف لمدة شهر بس وشوفي النتيجة بعد الشهر راح تشوفين إن وزنك نزل وبهالطريقة راح تفرحيييين وتتحمسين وتزيد عندك الإرادة طبعاً أنا قلت تخفيف مو ريجيم..لأن أغلب الريجيمات غير صحية وتأثر على النفسية لأنها راح تحرمك من كل الأكلات اللي تحبينها انتي حطي قائمة بالأكلات اللي تسمنك واللي ما تستغنين عنها مثل المشروبات الغازية والشيبس والحلويات وحطي لك جدول إنك مثلاً تشربين علبة وحدة بيبسي وكيس واحد صغير شبس وحاولي تضيفين أكلات صحية لنظامك مثلاً سلطة قبل الغدا وحبة فاكهة قبل الفطور والعشا وكثري من الماي عشان ينظف جسمك من السموم والدهون أما بالنسبة للرياضة شي طبيعي راح تتعبين لأن وزنك كثير في البداية امشي مثلاً ربع ساعة وبعد ما تتعودين زيدي شوي شوي حتى توصلين لساعة راح أحط لك مثال لجدول: على الريق كوب ماء (ممكن تضيفين له نصف أو ربع ليمونة لأنه ينحف وينظف المعدة والكبد) بعدها بنص ساعة تقريباً كلي حبة فاكهة مثلاً تفاحة أو برتقالة أو كم حبة تمر وبعدين افطري وطبعاً أفضل فطور هو التمر لأنه غني بالألياف والحديد معاه زبادي خالي من الدسم وممكن تاكلين بيض مسلوق أو نوع من البقوليات لأن فيها بروتين مثل الفول أو الحمص.. وجبة خفيفة (بعد الفطور بساعتين أو ثلاث) كلي شوية مكسرات (لا تقولين تسمن أنا قلت شوي) يعني مثلاً خمس حبات جوز (مفيد لأن فيه أوميغا 3) أو عشر حبات لوز (اللوز ممتاز لأن فيه فيتامين هـ وبروتين) أو ممكن بدل المكسرات تاكلين حبة فاكهة الغدا كلي سلطة مهم جدااااا وبعدين تغدي كلي اللي خاطرك فيه بس حاولي ما تاكلين بسرعة اكلي شوي شوي وحطي كمية أقل من المعتادة العصر أو المغرب ممكن تاكلين فيه شبس صغير مثلاً أو قطعة كاكاو أو كمية قليلة حلى معاه علبة ببسي صغيرة على فكرة اقري عن أضرار المشروبات الغازية مع الوقت راح تكرهيها لأن مامنها فايدة أبدااا كلها أضرار وبلاوي على العشا كلي شي خفيييف مثلاً حبة فاكهة مع زبادي / أو كورن فليكس خاص للريجيم في أنواع كثيرة اختاري اللي يعجبك أو ممكن تاكلين من أكل البيت لكن حاولي تكون كمية قليلة صحن صغير يعني ولازم العشا يكون قبل النوم بثلاث ساعات على الأقل ووحاولي ما تسهرين لأن السهر مصيبة والأكل بالليل بعد مصيبة ثانية شكلي كثرت عليك ههههه الله ينحفك من غير شر يا رب

عليكم السلام ورحمة الله وبركاته حبيبتي الإرادة ماراح تجيك بين يوم وليلة انتي سوي لك نظام تخفيف...