نفس فكرة البتزا الكاذبة بس الحشوة غير

بسم الله الرحمن الرحيم..
السلام عليكم ورحمة الله وبركاته ..

فكرت أمس أخترع أكلة للعشاء وكنت مستعجلة لأنه كان متأخر فقلت الدجاج ما في وقت عشان أسلقه ودورت على تونة ما حصلت كان ما في ....
فاخترعت هذه الأكلة وطلعت لذيذة ...

أول شيء قطعت بطاط أصابع بس كل اصبع صغرته إلى 3أو 4 قطع يعني قطع صغيرة تقريبا وبعدين قليته في زيت غزير ،وفي نفس الزيت قليت فيه بصل مقطع إلى شرائح وبعدين طماطم شرائح دائرية في نفس الزيت وبعدين جزر مبشور بس قليته على الخفيف يعني دقيقة بس وطبعاًالبطاط والبصل والطماط مملحين بس الجزر ما ملحته..
وفي نفس الوقت سلقت كم حبة بيض لين انتهيت من القلي ...
وبعدين جبت صمون وفتحته من النص وفصلتهم عن بعض وحطيت على كل واحد من جهة العجين كتشب وبعدين جزر وبعدين الطماط والبصل وبعدين البطاط وفوقهم إذا كان عندج كيس ما تزيي الكيك حطي فيه جبن سائل وحطيه مثل خط على الحشوة وبعدين قطعي البيض شرائح طولية ووزعيه على الحشوة فوق الجبن وبعدين دخليه الميكروويف ..بس أنا حطيته في الفرن من فوق بس فكان مقرمش من فوق ولين من تحت وكان لذيذ جربوه..
المقادير حسب الكمية:
بس أنا استخدمت 4صمون فكان 8 قطع والحشو حبة وحدة من كل من (طماط ،بطاط ،بصل،جزر)بس البيض حبتين ..