يا بنات...بنتي ما تاكل العلوك خاصة النوعية الفكسية ؟؟

هي كل ما أعطيتها شي تقول لا ما أبي؟؟؟


وانا والله يا بنات أني ما أحرمها من شي ؟؟؟
بس ليه من وراي تسوي كذا أنا خفت أنها تتمادى أكثر ,انا بالعربي اللي جبته لنفسي<<جأسولف معها وأمزح ...زبس الحين ما تنعطى وجه يا بنات الحين صارت مثل الألف؟؟؟؟
ترى أنا من النوع اللي أسكت مرة ومرتين وثلاث ...بعدين انفجر أنا حاسة ان فية بلا أكبر وراها...بس ما أدري؟؟؟

لا صدق معك حق لازم تنبهينه انها ماتاخذ شي الاتستأذن قبل حتى ماتتمادى وحاول تستدرجيها وتعرفي وش مسويه واسألي اطفالك لاتكون مسويه فيهم شي الله يستر وجيبي لها كتب دعويه عن السرقه وغيره بلغتها

بنات كلكم تشتكون من الشغالات وش الي غصبكن عليهن اشتغلين واذا واحده موضفه توفق
بين عملها وبيتها والله اخر زمن نشتري المصايب بالفوس وكيف تستحملين تعيشي ونتي غندك شغاله

السلام عليكم يابنات ..

هلا اختي ..
الشغله والله ماتحرز مرررره .. لكن من باب التاكيد وعدم التطاول على شيء انتي ماتدرين عنه ..فهميها بينك وبينها باسلوب اخوي وقولي لها اذا بغيتي اي شيء علميني وحاولي انك توفري لها كل شيء ...حتى ولو كانت بساكيت وحلويات وفش فاش ووووالخ ...( انا زمان كنت ماعطي شغالتي اي شيء من حقة عيالي الا وين وين ... الحين عشانهم ماشاء الله كثروا وصاروا ياكلوا باستمرار حلويات وبسكويتات وووالخ والله صرت اعطيها مثلهم ( عشان اداري عينها عن عيالي ) احاول اني مااحرمها من شيء ..
حتى الاكل مثل الاندومي يحبونه .. اعطيها كرتون وخليها عندها وقت ماتبغى وتشتهي تسوي لها .. ولو يوم ماتغديتم او ماتحبون تتغدون ..قولي لها سوي لك شوي غداء على قدك اذا تبغين لاتحرمينها .. والله حرام ..
صح هم الله يصلحهم كذابات ويحبون الكذب والرجال ووالخ لكن اهم شيء اننا مانظلمهم ..
الملابس بعد كل شهرين اشتري لها كم قطعه نظيفه للبيت ووحده للخرجه مع الملابس الداخليه ...وبالعكس حتى اهاوشها اقول لها غيري والبسي لاتبخلي على نفسك ...

وانتبهي لبيتك ولحياتك ولعيالك وماعليك من الباقي ..
ولاتخلينها تخش غرفتك من غير استاذان .. واذا طلعت بررره البيت اقفلي بيتك عليها واقفلي غرفتك وغرفة عيالك ..عشان ماتقعد تفتش وتقلب وتاخذ اشياء احنا ماندري عنها ...
وكلام اسرار البحر .. عين العقل ...مايبغى لنا الا كذا ...

وبالذات اذا كثر عليها الشغل ...لازم نحن ونرحم شوي عليهم ولا نزيدهم ارهاق ..

الحمدلله والله اليوم اللي احس انها مانامت زين اني اعطيها وقت للنوم يااما في الصبح بعد مايروحوا اولادي المدرسه اقول لها ارجعي نامي الين 10 الصبح ...

واذا مامداها تنام مثلا كان عندها شغل ولا قلت لها ....
اخليها ترتاح بالعصر تنام الين المغرب ..ماهى مشكله ...اهم شيء انها تشتغل وتقوم بعملها ..

وبعدين سبحان الله كلما زادوا العيال بسم الله عليهم زاد الشغل والتعب والغسيل والكوي وووووالخ ... فلازم نراعيهم شوي ....
ارحموا من في الارض يرحمكم من في السماء ..


يمكن زمان ايام ماكان عندي الا بنت او بنت ولد .. كان الشغل خفيف اكثر وقتها قاعده ونائمه ..والبيت نظيف ..وين وين ماتلاقي لها شغل ...

الحين لا والله الاولاد الله يحفظهم اربعه ماشاء الله تبارك الرحمن ..وطلباتهم زادت وحياتنا المعيشه كثرت من ناحية الوجبات والملابس والغسيل ووووالخ...


فالرحمه مطلوبه يانااااس والله مطلوووبه ...ولكن مانعطيهم الثقه الكامله لابد من الحذر ..

يعني احذري تسلمي ...ولاتثقي .. .لكن عامليها بالطيب لاجل الله ثم الاولاد ...


ونصيحه من قلب لقلب ...

لاتدخلون ازواجكم باي موضوع صغييير تافه .....ابداااا ...

خلوووهم للكبييييره لاقدر الله .....غير كذا .. غلط..

لانهم اول شيء مايحبون ان صاحبة البيت تشتكي لصاحب البيت .. تاخذ في قلبها وكبرياءها وغرورها انه ليش اكسر من قيمتها امامه ؟؟؟
ثانيا .. تشعر بالتحطيم والاكتئاب في حالة لو حست اني اسبها وانعتها امام الرجال ..
سبحان الله هم كذا انا لاحظت هذا الشيء ..بالعكس كلما دافعتي عنها كلما اخلصت لك وحبتكم ..
خلي هو يشوف بعينه ويهاوشها اذا لزم الامر وانتي اطلعي منها بتاتا ..
بل العكس دافعي عنها ... حتى ولو بالكذب ..وامدحيها امام الاهل والاقرباء .. واذا سوت لك شيء من طبخاتك امدحيها واشكريها ...
عشان تسلمين شرّها ...وكمان عشان تخلص لك ...

كل شيء سويه لها ... الا حاجه وحده .... الدلع .. لاتشوف الدلع منك ابدا ...
يعني لاتسمحين لها بالضحك باستمرار بالذات بوجود زوجك .. وبالسياره تكثر الكلام والصوت العالي (ممنوع )>>> من يوم تجي هذه لازم تعلمينها في كلما مررره حتى تتعود واذا يوم سوتها وغلطت او تعمدت .. قولي لها انه هذا الشيء ماراح ارضاءه وحذريها مره ثانيه وقولي لها عيب وووالخ ..

ولا تدخلين اي موضوع فيها الرجال ...
هم يكرهون تدخل الرجال في شوؤن عملها بالذات اذا عرفت انها من صاحبة البيت هى اللي علمت عليها ..
ياااااستيييييييير ايش تحقد حقد عليك........انا مجربه هذا الشيء من زمان ؟؟!!( لكن الحين تبت توبة نصوحه )

لكن خلي علاقتك بها منفرده تماما عن الرجل ...
ولا تخلين زوجك يتدخل باي شيء ابدا .......ولاتعلمينه ابد ...
اصلا بيني وبينكم ... من امتى الرجل يكون خير بين النساء ( بصراحه ) لابد راح ينقلب عليك يوما من الايام ....
وبيقول وينك انتي عنها ؟؟؟!!!! لو سوت اي شيء غلط وشكيتي عليه ؟؟

قال هو وينك انتي ( ركبك الغلط من راسك لرجولك حتى ولو كنتي بريئه ) خلاص هو كذا
حكم بنفسه ...حتى ولو على حساب اعصابك وزعلك وقهرك...

فانتبهوا .......

الله يكفينا شرّهم .. والله مامنهم غناااااه ...

يامن شرى من حلاله علّه ........
لازم نصبر ونتوكل على الله ......وان شاء الله معنا بكل خطوه نخطوها لطريق الحق والصواب ..الله يسامحنا اذا غلطنا عليهم ...والله مهما يكون الصراحه هم يحزنون الله لايبلاءنا كما بلاءهم الله ....قال.وش حدّك على المرّ قال اللي امرّ منه ...
وسلام عليكم .........:)

ماقصرو الاخوات
وتسلم يمينك اختيـ غيم
خاصة على نقطه مو كل شي يتدخل فيه الزوج كذا كل شي صغير ولا كبير بيتساوى بعينها دامه يتدخل بكل شي ولا يصير لك هيبه عليها

لكن برضو انا مع البنات في ان الاكل عموما ً من علوك وحلويات وغيره الافضل نتغاضى عنها تماما ً حرام الجوع كافر ويمكن المسكينه اشتهتهم ومستحيه منك !

احمدي ربك اغلب الشغالات إذ فتشتي اغراضهم بدون علمهم طبعا ً تلاقين العشره الي عطيتيها ولدك قبل ساعه وتلاقين الخمسين الي ضايعه منك امس وتلاقين ريالات وخمسات الي تعطينها اطفالك الصغار هي تاخذ وهم ينسون طبعا ً

هذا غير الي اقوى شوي تلاقين عندها كم حلق لبنتك وسواره لك وبلوزه لك وحوسة

من جد ياليتها واقفه ع الاكل كان بالعافيه عليها واجر وثواب لنا

وبصراحه معروف إذ رجعتي الشغاله تشتغل عندك مره ثانيه تطيح الميانه طبيعي وماتكون بمثل حماسها ابدا ً

عموما ً دامها نظيفه وهذا بس الي لقيتيه عندها فاشغالتك كنز ماشاء الله :D

والله يحفظ اطفالك ويحفظك وكل المسلمين من شر الخدم آمين :26:

..

.