نقاش بخصوص تفتيش جوال الزوج

السلام عليكم ورحمة الله...انا اقرى دايم مشاكل بعض الحريم الي تتعلق بجوال زوجها وانها شاكه فيه وتبغى تفتشه وتتاكد تواجهه او تتطمن....انا استغرب فيه حريم يردون عليها يقولون لها ريحي راسك وﻻتفتحيه وﻻتفتشيه..طنشي وعيشي بين عيالك وخليه يسوي الي يبغى.....ماعليش وش الي اطنش واخليه على راحته دامني احب زوجي ومتأكده ان زوجي يحبني بجلس افتش جواله باستمرار..مو شرط يراسل وحده غيري ويكلمها ﻻنه يكرهني ﻻ ممكن نزوه ممكن بالغلط واعجبه موضوع اﻻستمرار ويقول في بالله فتره وبنهي الموضوع والشيطان شاطر وحاضر..اذا انا ماحرصت على حياتنا منو بيحرص عليها..كلنا نعرف انو حرص الرجال مايوصل لحرص المرأه ويشوف احيانا ان خطاه الي سواه شي تافه وعادي...انا من النوع الي افتش باستمرار واذا لقيت شي اطربق الدنيا على راسه والحمدلله يعتذر ويعترف بخطاه وينهي الموضوع بالطريقه الي ابغاها انا...فلو فرضا اني مافتشت وﻻدريت بيستمر على الي هو فيه وانا كني غبيه ماعرف شي....

انا هذا رأيي وانتظر مشاراكاتكم وردودكم