وراه المنتدى مخررف يكرررر

انا الي ما ارضاه على نفسي ما ارضاه على الناس, مستحيل ارضى يفتش جوالي مع اني مو حاطه قفل لان مافيه شيء, لكن لو شفته ماسكه ويفتش كسرت ايده...
اعتبر هالتصرف وقح ومافيه احترام للطرف الثاني... انا لي خصوصية لازم يحترمها, لا تفتش وراي وماراح افتش وراك... وربي مافتشت جواله ولا مرة, ولا اي شخص ثاني, ساعات تعطيني اختي جوالها اقوقل شغلة, وربي على المتصفح وبس اخلص ارجعه لها... لا فضول ولا لقافة...

وبعدين اغلب الحريم الي يفتشون ماعندها سالفة, لو شافت عليه شيء ماعندها خيار ثاني, لا تقدر تروح لاهلها ولا تقدر تطلب الطلاق وتصير عالة على اهلها... يعني بتعيش معه وهي مغبونة... لا تعرف بسوالفه ابرك لها الا اذا قرارها بايدها

*

اهم من اني احبه واغار عليه ماارضى اعيش مع واحد مايخاف الله اعراض الناس عنده لعبه لاني اخاف على بناتي وممكن في بعض العلاقات توصل للزنا
طبعا جواله ماراح افتشه لكني بشوف مخافته لربه وعلى اساسها بثق فيه .
وبعدين الخاين يبان عليه سوا لقيتي شي في جواله اولا
نسيت اقول طبعا ماراح اسكت لو انكشف لي شي راح اتصرف على حسب الموقف اللي وقع فيه في النهايه راح يخسر الحلال اللي وثقه ربي بيني وبينه .

انا ماتكلم عن الي راعي بنات وغزل وفلة حيى
انا اقصد الي يخطي لاي سبب يعني مو متعود طول حياتي معه على هالشي...وزوجي مايفتش جوالي من وراي ﻻ عادي قدامي وتراني اتصفح جواله قدامه عادي وهو راضي بعد...وفي نفس الوقت افتشه من وراه عشان ارتاح....
والي تقول اساله هو راعي خرابيط وحركات من غير تفتيش ﻻني متعوده انه صادق معي ياختي ناينفع اجيه انت تكلم واﻻ تراسل كذا بيزعل وبيقولي انتي تقللين من حقي في عينك ماينفع كذا...والي تقول الي تش ماعندها سالففه ﻻنها بتتطلق وتكون عاله على اهلها طيب اذا ﻻسمح الله وهو راعي بنات وغزل بيتطور الموضوع للاكبر والحرام والعياذ بالله خﻻص الى هنا ﻻزم الوحده تتطلق وتنقذ نفسها منه ومن اﻻمراض والحرام...وبعدين الي تقول اختي تعطيني جوالها وﻻافتشه..انا مالي حق افتش جوال اختي شي يخصها بس زوجي كل شي عنده يخصني انا....
ومشكورين على ارائكم نتقبلها بكل صدر رحب