اوكي طيب اذا فتشت وش بستفيد غير المشاكل وبيرجع يكلم يعني في حالة سكوتي وحاله كلامي النتيجة وحدة اسكت واكسبة احسن عشان نفسي

ليش اناقض نفسي وضحي لي...
انا اقولكم زوجي مو راعي بنات وخرابيط بس اعتبره خطأ واحاسبه عليه واطربق الدنيا على راسه ﻻني عارفه انه ممن النوع الي بيعتذر على خطاه وبحكم عشرة السنين عارفه انه مايسوي شي من وراي الحمدلله خﻻص اخطا وتحاسب مايكرر الخطا...يعني مثل النك لو اخطا ابا كان نوع الخطا مو تعاقبينه وتنبهينه ويوعدك مايكرر الخطا وخﻻص ينتهي الموضوع وﻻعاد يتكرر...مثل مالوحده حريصه على مراقبة ابنها واﻻنتباه له حتى الزوج يتراقب وتنتبه له الزوجه عشان اذا صار خطا اتﻻحقه من بدري.......وﻻفيه انسان معصوم من الخطا وانا دامني احبه وابغى احافظ على حياتي معاه ﻻزم اكون حريصه ....
واحترم ارائكم بكل مافيها

يا حبي لك ياللي تحسين انك اذا فتشتي جواله وتابعتيه اول باول انك تحافظين على حياتكم ... حبيبتي فتشتي جواله لقيتي شي واجهتيه حتى لو كان نزوة مو انتي اللي تطردين الشيطان اصلا الشيطان مشتغل عليك اكثر منه .. بكل بساطه الموضوع بيتحول لعناد وزوجك اما انه بيكون بجيح او بيطلع جوال ثاني ... كبري عقلك بتحافظين على زوجك كوني متألقه بشخصيتك قبل شكلك ... عدل وبدلي في شخصيتك قبل مظهرك ... كوني متجدده باسلوبك قبل شكلك .. اللي تقول قصات شعر وصبغات وخرابيط ..ترى الزوج مع الوقت مع تفرق معاه .. غيري اسلوبك مره توددي له .. مره اثقلي بذكاء مو تطنيش .. مره تعالي له مره خليه هو يجيك .... وركزي على نفسك بدال منتي حاطه حيلك بالجوال

مدري ليش انتو تشوفون الزوج انسان سيء ولو اخطا مره بيصير يخطي كل مره.....
وانا لي الحق احاسبه بم اني زوجته وعلى ذمته.....وكﻻمك فعلا صح الوحده تهتم عشان الرجال والحمدلله انا مهتمه واغير من طباعي الي تنرفزه مني...لكن فيه ازواج مهما سوت الحرمه عشانهم ماكنه يشوفها وﻻ يﻻحظ ومستمر على خطاه....يعني كل ماسوت ماجاب فايده ..وش الحل يعني تطنش وتخليه يعيش حياته بالحرام وهي خلاص تستسلم...مو معقوله اﻻ اذا صرت اكرهه خلاص بقول بالطقاق..لكن دامني احبه بكون حريصه ....

الحين بسأل سؤال الي تقول مو من حقي افتش جوال زوجي وﻻ من حقه يفتش جوالي..ممكن اعرف اسباب انه مو حقي وﻻ من حفه هو؟؟
وﻻتقولون خصوصيه ﻻني ماشوف فيه خصوصيه بيني وبين زوجي والحمدلله. ...

انا اوافقك الرأي وبقوة
 ﻻن سالفتي مع زوجي كذا 
انا دائما افتش بجواله والله وكنت وااثقة فيه 
لحد ماطحت عليه انو وحدة الله ياخذها كانت ترسل لو كلام حب 
وغرام وانا طبعا قلبت حياته جحيم ﻻ والاخت سراقة الرجاجيل 
كانت خلاص تبي تاخذه ومتفقة معاه ع الزواج 
لولا رحمة ربي وطيحتي ع جوالو 
كان الحين الله اعلم ايش بتسوي كمان 
والله يابنات ان قلبي محروق للآن 
وادعي عليها بكل صلاة وبكل اذان ان الله يراويها يوم اسود 
عسى ربي ياخذها بنت الحرااام 

سوري يمكن طلعت عن الموضوع بس من حر مافيني