نقاط تحول في حياتنا

اسال الله العظيم رب العرش العظيم ان يشفيك يابدوره
سال الله العظيم رب العرش العظيم ان يشفيك يابدوره
اسال الله العظيم رب العرش العظيم ان يشفيك يابدوره
سال الله العظيم رب العرش العظيم ان يشفيك يابدوره
سال الله العظيم رب العرش العظيم ان يشفيك يابدوره
سال الله العظيم رب العرش العظيم ان يشفيك يابدوره
اسال الله العظيم رب العرش العظيم ان يشفيك يابدوره
موضوع رائع
لى عوده لكتابة نقطه التحول بحياتى وخلتنى حول على عالم حواء

هلا وغلا بابلة لؤلؤة شرفتي موضوعي وهي شهادة بعتز فيها ان الموضوع عجبك وبانتظار مشاركتك ومنكم نستفيد

السلام عليكم
اختي نحنا غير
مشكورة على ها الموضوع الرائع
تفطة تحول في حياتي هي حفظ القران الكريم ولله الحمد ومنة
غير كتير في حياتي لدرجة كبيرة اولا قربي من ربي
وثانيا معرفة ديني
ثالثا السكينة وراحة في حياتي
رابعا اخوات رائعات اجتمعنا على القران كانت احلى ايام متوصلين مع بعض الى الآن والاغلب مدرسات اصبح
خامسا قدرة على العطاء بمساعدة الغير على الحفظ على النحو الصحيح
كانت نقطة ايجابية بحياتي واكتر من ذلك وضعت هدف بحياتي السعي لوصول الى قراءة القران متل المشايخ وامامة الحرم ا ن شاء الله واسعى لذلك باذن الله
لا تصور حياتي بلا قران الكريم تصبح براي حياة عادية تربية الاولاد والبيت
ارجو ان اكون عطيت الموضوع حقه وفايدة من تجربتي
وجزاكي الله خير
والله يمن على ابنك بشفاء العاجل
اللهم امين

اهلين فيكي اختنا غير

انا بالنسبة الي اكبر نقطة تحول بحياتي لحد الان هي زواجي لانو بيوم من الايام كنت قاعدة وبالمدرسة مع صاحباتي بعد كم شهر لقيت انو انا ببيت ومسؤولة عن زوج وصار عندي طلفة واتغيرت حياتي تغير جذري واتعرفت على عادات جديدة من اهل زوجي وكمان صرت من مخالطتي للناس القراب والبعاد عرفت شخصيات الناس وشوفي بقلوبهم طبعا مو 100% لانو هاد مابيعلم فيه الا الله بس انا الي الظاهر وحاليا وللله الحمد عم احفظ القران والله يثبتني يارب ويقويني لاختم بسررررعة وحس بالراحة النفسية الي حست فيها اخت فارسية ما شاء الله عليها
تقريبا هاد ابرز شي انا ممكن مرق علي


صحي سلامتو بدورة يارب وان شاء الله بتفرحي بشفاءه وبتعزمينا بطيارة خاصة لعندك على الكويت مشان نحتفل معك <<<ترا الساعة 7 الصبح والمخ زيرووووووووووو

يلا استرو ماواجهتو

بالنسبه لنقطة التحول الاكبر بحياتي هي معرفتي بمرض ابني الله يرحمو لانها كانت صدمه عظييييمه وشوفة ابنك عم يدبل قدام عيونك وما طالع بايدك ولا بايد الدكاتره شي .. شي فعلا بيحرق القلب وبتتمني الواقع يكون حلم مزعج لما تفيقي يروح
ومن بعد وفاة ابني نفسيتي تعبت كتير كتير وبهالمحنه اكتشفت بحالي امور ما ممكن اني اتصور انها فيني ... حسيت فعلا انو رب العالمين معايي ... ومن وقتها وانا فعلا تغيرت نفسيا واجتماعيا ودنيويا ... صارت الدنيا بالنسبه الي شي تاني تماما وصرت كتير احسب حساب لكل امر بقوم فيه اذا فيه رضا لله او سخط والعياذ بالله .... زادت اوصال المحبه بيني وبين زوجي ماشاء الله لاقوة الا بالله.... صرت حب استمتع بأي لحظه بحياتي بدون ما اغضب رب العالمين عليي ... لاني حسيت حالي هلأ مسؤوله عن ابني اللي رح يضل واقف قدام الجنه يستناني لادخل معاه ... ليش لخليه ينطرني لبين ما اكل عذابي بجهنم واخرو عن فوتة الجنه ؟؟...
وفي كتير امور تانيه بفضل انها تضل بقلبي وما بوح فيها
والزواج بشكل عام كان نقطة تحول كبيره بحياتي لاني اجيت من عيله عندها اسس وقواعد بالحياه واضحه وصريحه لعيله عايشه على التوكل وبتختلف مع عيلتي من الناحيه العقائديه الدينيه والاجتماعيه والفكريه وكل شي تقريبا
والحمدلله على كل حال