أم ثلاث زمردات :

أنا ولدت بنتي في السابع وحطوها في الحضانة وصاروا يعطونها أكسجين لأن التنفس عندها صعب إلى ماكملت التاسع قعدت في الحضانة ( 62 ) يوم وبصارحة تأثرت كثيرلما كانت في الحضانة كل ماأجي أشوفها مرة يقولون صار معها إلتهاب في الصدر ويوم ثاني يقولون لقينا عندها فايروس في الدم وكل مرة أكون على أعصابي قال الدكتور هذا شي طبيعي لطفلة خديجة والطامة الكبرى لما طلعت من الحضانة إكتشفوا إن عندها إنفصال في الشبكية بسبب الأكسجين وقالوا لازم تسون لها عملية الآن والا بتصاب بالعمى وفعلا سوينا لها عملية والحمدلله نجحت وبعدين إكتشفت التشنجات بس تشنجات بنتي مختلفة كانت لما تجلس أو تحبي راسها يخبط في الأرض كأن أحد يدفعها من وراها تتكرر 6 أو 7 مرات في اليوم وتكون صاحية مو مغمى عليها أو تطير عيونها لما وصفت حالتها قال الدكتور هذا نوع من أنواع التشنجات والأفضل ماتمشي ألحين لحد ماتتعالج لأنها لو مشت بتطيح وممكن تتأثر إما بإرتجاج أو كسور لأن ضربتها على الأرض قوية بسبب شحنات زائدة ... والحمدلله مع العلاج توقف التشنج وصارت تمشي بس مو 100 % بس الحمدلله في تقدم ...

أنا ولدت بنتي في السابع وحطوها في الحضانة وصاروا يعطونها أكسجين لأن التنفس عندها صعب إلى ماكملت...

aemy :

اختي احسن شي لهذي الحالات مستشفى الملك فيصل التخصصي تآخذي تقارير ابنك وتروحي المستشفى تسألي عن مكتب القبول تعطيهم التقارير الخاصة بالحالة وأي ورقة عندك وراح يعطونك موعد وان شاء الله يقبلوها في حال ماقبلوها شوفي الوقت اللي يصير فيه مرة تعبان وديه الطوارئ وبهذي الطريقة يفتحون له ملف وحدة من البنات جربتها قالها قريبها يشتغل في المستشفى أحسن شي تجيبيها الطوارئ وقت نوبة التشنج وجابتها وصار عندها ملف بالتخصصي وفيه طريقة ثالثة انك تكلمي من تلفون البيت حقك مكتب البرقيات وتقولي أبغى ارسل برقية لخادم الحرمين الشريفين اطلب أمر علاج وحددي اسم المستشفى و بيجيك الرد وإذا ما جاك أرسليها مرة ثانية و عاشرة إلين يجيك الرد في الحالات اللي زي حالة ولدك احسن مستشفى التخصصي لأنه يشوفه أكثر من طبيب يعني علاج طبيعي- تأهيل أسنان- عيون وتخصصات أخرى حسب حاجته أسأل الله الكريم رب العرش العظيم أن يشفي ابنتي و ولدك وجميع مرضى المسلمين انه هو القادر على ذلك

اختي احسن شي لهذي الحالات مستشفى الملك فيصل التخصصي تآخذي تقارير ابنك وتروحي المستشفى تسألي عن...