أختي أم نووووني ........بالنسبة لجمعية الأطفال المعوقين سألت عنها وقالوا إنهم مايقبلون الحالات اللي مثل حالة بنتي لأن بنتي مايبغالها إلا تدريب فقط والحمدلله هي في تحسن مستمر بمعنى أنهم مايقبلون إلا الحالات شديدة الإعاقة الحركية والعقلية .......


أختي notm حالة ولدك مشابهة لحالة بنتي ولا تخافين العلاج بسيط بس يبغاله صبر بني كانت تلمس أي شي حار ولا تعرف الحار من البارد واللي أستغربله إنها لما تمسك شي حار ماتبكي مرة بصراحة خفت أنه مايكون عندها إحساس بس بعد فترة لا حظت إنها تخاف من الحار ولما أمد لها شي تلمسه أول وبعدين تشربه أو تاكله يعني بدأعندها الإدراك يتوسع شوي وإنتي حاولي تدربينه باستمرار ترى يبغالهم وقت طويل ......... بس أبسألك ولدك يمشي عادي مع التشنجات وكيف التشنجات اللي تجيه يعني كيف تكون حالته ؟

أما بالنسبة لمستشفبات جدة والله ماأعرف أحد فيها .....لأني أنا من الرياض .....أرجو من الأخوات إفادتك ..........بالتوفيق

خواتي

الله يشفيلكم اولادكم يااااااااااااااااااارب
والله بدعيلكم من قلب صادق

بس على فكرة مش كل اللي يصير معاهم نقص اكسجين الطفل في الولادة معناها ان البيبي حيكون مريض
لان نقص الاكسجين درجات , يتوقف على وقت المدة اللي انقطع فيه الاكسجين عن المولود
فكل مازادت فترة انقطاع الاكسجين كل ما تعقد الامر وزادت مشاكله الصحية
واحيانا اتكون المدة ثواني فقط فما اتاثر ابدا ويطلع المولود ما شاءالله عليه طبيعي جدا وزي كل العيال
وهذا كلام موثوق به والله شاهد على كلامي
بالنهاية
ياريت كل ام اتشد حيلها ساعة الولادة واتحط بين عيونها هالموضوع عشان اتخاف واتصير تدفع بقوة اكبر ويطلع الطفل من دفعتين او ثلاثة

ام ثلاث زمردات مشكوره على تواصلك معي
بالنسبه لولدي هو الحين يمشي طبيعي بس يرفع يدينه شوي لتوازن
اما التشنجات عنده كانت هزات قويه بيده ورجله اليسار وشد في فمه لليمين وراسله كله لليمين وعينه اليسار تنحرف وكان مايقدر يتنفس الا بصعوبه ويطلع صوت غريب كان يجلس يتشنج على هذا الوضع تقريب ربع ساعه او ثلث ساعه اما الحين والحمد لله خفت معه هذي التشنجات وصارت ماتاخد الا خمس دقائق او حتى دقيقتين وفي بعض الاحيان يشتد فمه بس مع رجفات خفيفه وكان اول ماتجيه التشنج مايقدر يحرك رجله ويده يمكن ساعه بعد التشنج بس الحين الحمد لله صار يتحرك بعد التشنج على طول ان كان تشنج خفيف بس مايتوازن او يميل في حركه على جنب
والتشنج يجيه كل شهر تقريبا
انا وديته عن شيخ بديرتي وقال ان فيه عين وعالجنه وجلس 5 شهور بدون تشنج ولكن رجعت من جديد وماقدرنا نرجع لشيخ ثاني بس باذن الله اذ رجعت الديره ارجعه له مره ثاني


marwa_benali
بنسبه لي كنت مغتربه ونصحوني اني اخذ الابره حقت تخفيف الطلق الي في الحبل الشوكي بالظهر وفعل اخذتها وكان اول حملي ويوم جاء الطلق ماكنت اعرف كيف اصلا ادف جهل وصغر وغربه
وماقدر ينزل لين قالت الدكتوره انه خلاص بيموت اذ ماطلع بثوني والحمد لله طلع بس اخذوه على طول للعنايه المركزه وقالو انه نقص عليه الاكسجين غير انه مافرد يدينه ورجليه وحوله للعنايه المركزه وجلس معاهم اسبوعين بعد الفحوصات وتخطيط المخ قالو الخلايا مازالت حيه والاكنه مظطره واخذته معي ومالحظت عليه اي شي الا بعد الشهر السادسه ورجعت على السعوديه الشي الوحيد الي قالو لنا عليه انا بيكون ناقص في الفهم مو زي العيال الثانيين مع ان نسبه يكون 1 % الحمد لله عل كل حال

نصيحتي عن كل وحده تبي تولد بلا مخففات طلق بلا هم شوفو امهاتنا ماكانو ياخذون شي وللحين عايشين وعيالهم بافظل حال الحمد لله على كل شي

أنا ولدت بنتي في السابع وحطوها في الحضانة وصاروا يعطونها أكسجين لأن التنفس عندها صعب إلى ماكملت التاسع قعدت في الحضانة ( 62 ) يوم وبصارحة تأثرت كثيرلما كانت في الحضانة كل ماأجي أشوفها مرة يقولون صار معها إلتهاب في الصدر ويوم ثاني يقولون لقينا عندها فايروس في الدم وكل مرة أكون على أعصابي قال الدكتور هذا شي طبيعي لطفلة خديجة والطامة الكبرى لما طلعت من الحضانة إكتشفوا إن عندها إنفصال في الشبكية بسبب الأكسجين وقالوا لازم تسون لها عملية الآن والا بتصاب بالعمى وفعلا سوينا لها عملية والحمدلله نجحت وبعدين إكتشفت التشنجات بس تشنجات بنتي مختلفة كانت لما تجلس أو تحبي راسها يخبط في الأرض كأن أحد يدفعها من وراها تتكرر 6 أو 7 مرات في اليوم وتكون صاحية مو مغمى عليها أو تطير عيونها لما وصفت حالتها قال الدكتور هذا نوع من أنواع التشنجات والأفضل ماتمشي ألحين لحد ماتتعالج لأنها لو مشت بتطيح وممكن تتأثر إما بإرتجاج أو كسور لأن ضربتها على الأرض قوية بسبب شحنات زائدة ... والحمدلله مع العلاج توقف التشنج وصارت تمشي بس مو 100 % بس الحمدلله في تقدم ...

التشنجات انواع كثييييييييره فعلا الحمد لله على كل حال
الله يشفي ولدي وبنتك ونشوفهم يتكلمون ويلعبون مثل باقي العيال يارب ياكريم