notm
•
انشاء الله مافيها الا كل خير بعد انا عندي بنت اذ طاحت وينقطع عنها الاكسجين وكم مره صار لها كذا نوديها ويقولون ماافي مشكله دام انه ماترجع او تنام كثير وتلعب عادي خلال24 ساعه
الصفحة الأخيرة
الله يخليلك ولدك ويشفيه اذ كان فيه شي
قصتي ياعيوني من يوم ولاده ولدي اخذت ابره بالظهر لتخفيف الالم وفعلا ماحسيت باي شي وكان ولدي الاول كنت مغتربه ولااافهم شي بالولاده وكان عمري مايتعدى17 سنه ولاعرفت كيف ادفع الولد وكل ماقالت الدكتوره ادفعي ماكنت اعرف واسوي جهدي لين قالت خلاص بيموت الولد وجات ممرضه تضغط فوق بطني لين نزل الولد وهو عايش بس نقص عليه الاكسجين وودوه على طول العنايه المركزه وجلس فيها اسبوعين ويوم بنطلعه قال الدكتور انه بيواجه مشكله الفهم لما يكبر يعني ممثل اي طفل ثاني قلنا مومشكله اهم شي انه عايش تعرفين ولدنا الاول
مالاحظه شي لين كمل اربع شهور حسيت انه مو مثل الاطفال العاديين يعني مايلفته اللعاب ولا كان يغاغي او يتهرج مثل الصغار
كمان كان كل ماينام يصح ويجلس يطالع بالغرفه وكان اول مره يشوفها حتى العابه كل يوم يلعب فيه ولا يمل لانه قديمه
كبر وكبر ولا انقلب الا بعد 8 شهور ا9 تقريبا بدا يزحف وعمره11 شهر تقريبا
ويحبي بعد ماكمل سنه وشهرين والا الحين ماكان يجلس لوحده كنت احه بالمشايه دايم
وبداء يمشي وكان عمره سنه و6 شهور وبعد مامشى صار يطيح على ماخرته لين عرف يجلس
هذا كان نموه الجسدي زي منتي شايفه نموه كان بطي
اما الفهم والكلام
بالنسبه للفهم هو مايفرق عن الحار او البارد او الماء والنار يعني لو اخلي المطبخ مفتوح كان شعل النار ولعب فيه او يحط على النار اي شي اهم شي يشتعل ويجلس يضحك هذا احلى العابه
اللعاب مايعرفلها يكسرها من اول يوم اويومين لعبه كان بالاسلاك او العب بتخريب اي شي او يشغل ويطفي النور كمان هو كثير حركه لدرجه انه مايجلس 2 دقيقه على بعض لين ملين منه ومن نشاطه طبعا ما نروح عند احد ولاااحد يجينا من اذيته
كمان ماكان يهتم ان كنت انا امه او ابوه
يعني لما نروح حديقه ونترك يده يمشي لوحده يجري على قدام ولايفكر يدور علينا
بنسبه للكلاام
هو عمره الحين 4 سنين و8 شهور الكلامات الي يقوله لوحده ماتتعد 10 كلمات منه اسم اخته الدلع طبعا لانه سهل كمان بابا وماما يقولها بس اذ سمع اخته تقولها يقول الحمام الله يعزك يقول افتح اذ كان وراء اي باب يعني كلمات مره قليله
وللمعلومه اختي ولدي مثل ماقلت لك عمره4 و8 شهور مايروح الحمام لوحده و يطلب اي شي مثل ماي او اكل ولا ياكل لوحده ولقمه تجلس بفمه كثير لين يبلعها
مااقول اختي الحمد لله على كل حال احس ولدي الشهر هذا فيه تحسن كثير واهمها صار يجلس ويلعب مع اخته ولو انه لعب قاسي بس ارحم والله
شوفي اختي اذ كان بالكلام بس ولدك يعاني ولد قريبتي نفس الشي والحين كمل 3 ونصف يعرف كل كلمه لاكن مايستخدمه بالكلام معنا عنده كلمه اء اء اء يفهمنا فيها بس مثل هذولي لازم تجلسين تتكلمين معه على انه كبير مو طفل كمان تكررين الكلمه كم مره يعني مثل اذ بتعطينه تفاحه اساليه تبغى تفاحه؟
اذ ماعرفها وديه معك للمطبخ وريه اولا التفاحه وقوليله يالله نغسل التفاحه ثم قولي له نقطع التفاحه ولما تعطينه اساليه وش اسمها ولما ياكلها قولي له شاطر حبيبي ياكل التفاحه وكذا استمري ترددين عليه اي اسم لين يعرفه
واسفه والله طولت بس حبيت افيدك
اسال الله رب العرش العظيم انه يشفي عيالنا