ههههه أختي ساره بعدها الرسائل غير مفعله
تسلمين ياقلبي المشكله عندي ابتدت بعد الزواج وزادت بعد الولاده وكانت اعراض غريبه كنت أشوف بقع كبيره فضيه امام عيني مع وجع في الرأس وكتمه ووجع في جسمي وعظامي وكسل وخموول شديد وارهاق وغشاوه في النظر مثل الدخان مع الحوضه والكتمه وعدم التوازن ودوخه احس اذا مشيت شوي بيغمى علي
أحس أعراض دال كانت أقل الأعراض ونقص الحديد كان مسبب الدوخه والتعب والأرهاق وبرود الأطراف والحكه الجلديه وطبعا ماننسى الجرثومه والقولون
انتي سويتي فحص شامل للدم افحصي الحديد السائل والمخزون لأنه هو يسبب دوخه حتى إن كان الهيموجلوبين زين
اسمحيلي طولت عليج بس يمكن الشرح يساعدج أو يهون عليج اعراضج

حبيبتي أنوار بدر أشكرك على ردك والمعلومات القيمة ،، بس بخصوص الرسائل أنا عدلتها ، بس كيف الطريقة لتفعيلها يمكن أكون نسيت مرحلة معينه؟؟
وإن شاء الله بسوي فحص الحديد

وينكم حبيباتي

هلا اختي ساره والله ماأعرف كيف تتفعل
ضروري تسوين فحص وإذا قدرتي تاخذين نسخه للنتيجه عندج عشان تراجعينها متى مابغيتي وتشوفين شو الناقص او الزايد في جسمج لأن اوقات تكون في أسباب ثانيه مع نقص دال تسبب التعب والأفضل تسوين فحص شامل للدم مب حديد بس ومهم تطلبين الحديد المخزون لأن اوقات يفحصون السائل ويتركون المخزون
الله يشفينا ويشفيج

أختي الفاضلة أنوار بدر جزاكي الله الجنه على ردك وعلى نصيحتك ،، بس ما فهمت فحص السوائل ،، يعني أقول للدكتور أريد أسوي فحص الحديد المخزون ،، بس شوي معنى الحديد المخزون ؟ المشكلة حبيبتي عندي عدم التوازن من عشرة شهور وأنا أعاني من الدوخة والدوار وعدم التوازن، كل الأختصاصيين الدكاترة رحت عندهم كل واحد يعطني دواء وبالاخر دكتور عطاني بيتاسيرك ،، نفس الشيء بس خفف لي الدوخه بشكل بسيط جدا يعني ما فادتني الدواء ،، وبعضهم قالوا لي يمكن من النقص الفيتامين يسوي كذا ،، حبيت أتواصل مع الأخوات الفاضلات في المنتدى يمكن وحده مرت مثل ما أنا مريت وتساعدني وتنصحني كيف أتعالج.