نكد تعرفه ولا نكد تتعرف عليه

السلاااااااااااااااام عليكم ورحمة الله وبركاته

عاد انا ما عندي رومنسيه واشعار ترحيب وخرابيط على طووووووول ادخل ((( والله من الجفاسه خخخخخخخخ)))

والله اليوم عندي لكم سالفه في يوم من الايام قالت لي بنتي تبي تروح لسوق خيري عندهم في الدار تقول فيه اركان للاطفال ومحاضره للامهات وصديقاتها بحضرون وماادري ايش المهم اني استجبت لرغبتها ((طبعاً تعرفوني الام الحنونه <<< والله الحنان وين وانتي وين ))

ورحنا للسوق الخيري وبعد مااذن المغرب رحت حطيت بناتي في الاركان حقت الاطفال الي هم حاطينها ورحت انا للمحاضره انا ما ادل زين في الدار لانها مشاء الله كبيره واول مره اجي المهم اني مشيت شوي واشوف صاله كبيره مكتوب عليها قاعة المحاضرات دخلت واشوف الناس جالسه على الكراسي والي تلقي المحاضره واقفه وتشرح على السبوره والبنات يكتبون معاها ((على فكره نسيت لا اقول لكم اني رحت للمحاضره بدون لا اعرف عنوان المحاضره او اسم الي بتلقي )) المهم انا شفت الدعوه فيها سبوره وشرح قلت اكيد اني غلطانه وداخله على فصل من فصول الدار وعندهم درس او شي فسألت الي جنبي قلت لها هذي الحين المحاضره الي معلنين عنها قالت ايه وقلت وش عنوانها قالت (الحوارات الزوجيه والي تلقي المحاضره دكتوره نفسيه) بصراحه بيني وبينكم في البدايه تضايقت قلت وش دخلني الحين في الحوارات الزوجيه وهالخرابيط بس بصراحه بعد ما ركزت في المحاضره انسجمت معها واعجبتني بعض النقاط
فمثلا من كلامها كانت تقول المراه بطبعها تحب تعطي بلا حدود وهذا شي خطأ لازم الوحده تحط حد لعطائها فما تصير مثل النحله كل وقتها وهي تفر في البيت يعني مثلا خصصي لك ساعه راحه ما أحد يزعجك فيها وعودي زوجك انك في هذي الساعه ما تقدرين تتكلمين مع احد بحجه انها راحه لك يا اما انك تقرين فيها او تنامين وهو مع الوقت بيتعود على الوضع
ومن الامور الي قالتها بعد ان الرجال ما يحب احد يتدخل في مشاكله او ينتقده او ينشب في حلقه اذا صار زعلان ((شوفوا عاد انا اكتب لكم بطريقتي يعني كلمة ينشب في حلقه ما قالتها بس انا اضفتها عشان اوضح لكم الصوره خخخخخخخخخ)) ويقعد على راسه وشفيك وش مزعلك لانه بطبيعته يحب يحل مشاكله بنفسه عكس المرأه تماماً الا اذا طلب منك المساعده ففي هذي الحاله اعطي الحلول الي عندك بدون لا تخلينه يندم على شي مثلا ما تقولين له لو انك سمعت كلامي من الاول كان ما صار الي صار ومن هذا القبيل

واشياء ثانيه كثيره وحلوه وتحمس ويكفي اسلوبها مشاء الله المقنع
المهم انا مثل ما قلت لكم اعجبتني المحاضره واقتنعت بكلامها وحسيت اني لازم ابدأ من اليوم واغير في اسلوب حياتي ومعاملتي فرجعت للبيت ذاك اليوم وجلست اقلب كلام الدكتوره في نفسي وانا مستلقيه على الاريكه ((الاريكه هذي من تأثير المحاضره ههههههههههه))
المهم فجلست افكر وافكر وقلت لازم اغير من حياتي فقلت ببدأ من الليله و رحت نمت قبل ما يجي زوجي قلت لازم اعوده اني عندي وقت معين للنوم يبيني استقبله واعشيه يجي قبل موعد نومي <<<< احلىىىىىىىىىىى يا شديده
جا الضعيف ((والله مهوب ضعيف مافيه ضعيف الا انا )) طبعا ما لقى احد يستقبله ولا يعيشه فنام وهو بطنه فاضي وقال يمكنها تعبانه فمشاها الليلة
فقمت الصبح وسويت الفطور وقلت له شف عاد تراني اليوم مالي نفس اسوي غداء يكفي علي البيت وشغله فقال طيب خلاص بشتري غداء === حسيت بالانتصار قلت حلو ماشي الوضع معه
تغدينا وبعد ما تغدينا انا طبعاً قررت اني اخلي الساعه من 4 الى 5 العصر ساعه راحه لي >>>> متبعه التعليمات بدقه >>>> فجت الساعه 4 رحت سكرت علي الغرفه ولا كأني موجوده في البيت البيت انحاس فوق تحت ابو الشباب يبي له شاهي وما فيه احد يسويه البنت الصغيره حاسه المطبخ وكبت كل شي فيه طبعا ساعتها عصب الرجال وصارت مشاده كلاميه وقلت في نفسي بعدين يتعود بس عشاني توني في البدايه
المهم وجا من بكره وجا ابو الشباب وهو متضايق من الشغل طبعاً ما كلمته ولا سألته عن أي شي وهو كان متضايق ومحتاج للي يواسيه لكن مستحيل اكلمه او اسأل وشفيه مثل ما سمعت في المحاضره فجا هو وقال والله اني متضايق وان فلان سوى كذا وفلان ماادري وش صار له وانا ما كأني اسمع شي ما كلمته عصب وقال الظاهر اني اكلم جدار مو انسان وصارت مشاده اشد من المشاده الاولى
وكبرت المشاكل وكبرت الى ان صارت حياتنا ما تنطاق فمره من المرات اشتد النقاش وعلى اثره جاني ذاك الكف الي طيحني من الاريكه الي منسدحه عليها فقمت وانا اسمي على نفسي واقرا على نفسي واطالع حولي واشوف وانا في الليل وتوني جايه من المحاضره وقمت بسرعه قبل ما يجي ابونا وجهزت له العشا وقلت خلااااااااااص توبه اغير نظامي والحمدلله انه صار تفكير مهوب صدق وقلت في نفسي ((يالله نصبر على نكد نعرفه ولا نكد ما نعرفه))
ومدام اني كل هالسنين وانا ماشي حالي وشوله اجي في الاخير واغير نظامي بمجرد كم كلمه سمعتها ؟؟؟؟؟؟!!!!!!!!!!


ادري الموضوع طويل شوي بس معليش هذا اكثر شي اقدراختصره



والسلاااااااااااااااااااااااااااااااااااااااااااااااااااااااااااام