نهاية التضحية

بسم الله الرحمن الرحيم

اليوم خواتي انا وايد متضايقة و حابة أقولكم على قصتي اللي ما عمري إشتكيت لاحد عنها

تقريبا من 8 سنوات كان عمري 13 سنه تقدم شاب لي و خطبني لكن رفضوه أهلي على أساس أنا صغيرة أبا أكمل دراستي بس جا رد الخطيب أنه مستعد ينتظرني و تمت الخطبة و بعد 8 سنوات إتزوجنا وحملت بأول شهر بس كان خارج الرحم مما جعل الدكاترة إنهم يشيلون إنبوب و صار نسبة الحمل عندي 50% بس الله راد وحملت مرتين بعدها بس ما كمل الحمل وصار إجهاض و أنا كنت ألاحظ تغيير في طبع زوجي و إبتعاده مني لدرجة إنه ما كان يلمسني أبداً وكل ما رن الموبيل أخذه و طلع والله راد في هذي الفترة إنه يعاشرني مره وحدة فقط و حملت (سبحان الله يقول له كن فيكون) و أنا حامل في الشهر السابع شفت فواتير فنادق وذهب بالسيارة ولما كنت أسأله يقول إنه لصديقه و كان مستاجر الغرفة في الفندق بإسمه و كملت التاسع والحمدلله وحان موعد الولادة


وهني تبدأ معاناتي

وأنا في المستشفى أولد زوجي كان يجهز لزواجه من أخرى مستغل فترة وجودي عند أهلي 40 يوم و بدا كل شي يبان لما كان يزورنا كل 4أيام أو خمس ولما كان يجي يكون تعبان من السهر ولما كان يجي كله ينام و ما يقعد إلا لما يرن الموبيل وحتى ماكان يشيل بنته ولوبكت يقول طلعيها برع و المصرف كان مايعطينا على فكرة نسيت أقولكم أن زوجي كان في قضية دخلت إثرها السجن لمدة 1ونص وعششان كذا أنا إتحملت مصاريف الزواج كوني أشتغل بس هذا الأمر محد كان يعرفه غيري أنا وهو على أساس إنه راح يسدد عني ديوني لما يشتغل والمهم وطلعت من النفاس ورحت بيت أهل زوجي و أنا كأني عروس باتغيرات اللي سويتها بنفسي طبعا كله من راتبي بس ألوب زوجي وايد إتغير علي كله بايت برع البيت ولما أسأله يسب ويغلط ووصلت لدرجة مد اليد بس كنت اصبر عشان بنتي ما تتأثر إذا فكرت إني أنفصل بس تحملت

المهم مره كان يجي ويقول السيارة احتربت وبعتها وماجابت مبلغ زين يعني اتسلفي من البنك عشان السيارة ومرة الدوام قطعوا رامبلغ من راتبه عشان غيابه و مره أنا متسلف من شخص و الشخص يبي فلوسه وسبب ورا سبب لين ما صار المبلغ اللي علي حالياً 450 ألف و جاني يقولي في يوم من الأيام لأني طلبت مبلغ عشان عرس إختي إنه ما عنده لأنه دفع إيجار البيت بزلة لسانه ولما سألته عن أي بيت أعترف وقال إنه متزوج عشان العيال

كان هذا الخبر مثل الصاعقة علي ما عرفت شو أسوي و لا شو أقول و مرت الأيا وبعدها الشهور و كان يجي البيت وكله عندها وحبيت أعرف مين هذي إلي زوجي فضلها علي رحت وشفتها بس بدون علمهم وهني انصدمت أكثر لما شفتها مرأة في ال50 وعندها عيال و أحفاد بعد لا بعد يقول هذي الي بتجيبله عيال وامطلعلها سيارة أخر مودديل وخدامة و مصرف شهري و شقة راقية

والله يا خواتي لو أقولكم كيف هذا الإنسان ظالمني ماتصدقوني بس أبي أرف شو شاف فيها وتركني أنا في 23 من عمري أعاني مع بنتي دخيلكم كلموني قولولي شي والله أبى أرتاح