بسم الله الرحمن الرحيم00000
صباح الخير للجميع احتاج للمساعده من ذوات الخبره او من تجارب أخواتي الغاليات0000 المشكله شوي حساسه فاتمنى عدم التجريح بالردود واتمنى النصيحه 000
:arb:مشكلتي أني حبيت ولد خالتي وقتها اناكنت بالثانوي واساسا ماكنت اعرف خالتي الا بالأسم لكن بعين اسكنو بيت بنفس منطقتنا بسبب ظروف عمل الاب بعدها بفتره صارو يجونا بأستمرار الا ماكبرت العلاقه أكثر وصارت خالتي تزورنا بشكل يومي وبما اني الكبيره انا اللي اقوم بالضيافه لهم يعني رايحه جايه على الحريم ومره من المرات وانا واقفه عند خالتي ابتسمت لي وقالت باذن الله اشوفك تدورين ببيتي طبعا استحيت وطلعت وع هالحال كل ماتشوفني تقول نفس الكلام واكثر الا ماعلقتني فيه جاءت مره تخطب توقعت انه انا لكن اكتشفت انها بتخطب اختي بس مو له لاخوه الاكبر رفض الوالد بحجة ان اختي الاصغر مني مخطوبه لكن قال اجل نبي البنت الاصغر قال ابوي لااااالكن فيه بنت اكبر ومو مخطوبه قال ابو المعرس انا مجرد مرسول ولا اعرف بناتك وراحو ع اساس يرجعون جت خالتي كالعاده ولا فتحت الموضوع سالتها وحده قالت ليش ماخطبتي فلانه يعني انا قالت هاذي خاصه لولدي لما سمعت انا هالكلام طبيعي مثل اي بنت فرحت وتعلقت فيه اكثر اسفه ع الاطاله بحاول ااختصر بعد فتره اخذت اخته تمدحه لي اكثر وانا ماابين لها اني معجبه فيه بس اكذب عليكم اذا قلت مااني مبسوطه وهي تتتكلم عنه المهم الاخو الكبير اللي خطب خواتي ماتوفق بزواجه ورجع يدور زوجه جت اخته واسالت اذا بوافق عليه اولا طبعا رفضت وبشده قالت اصلا اذا ماوفقتي عليه انت بتكونين لاخوي الثاني مرت السنوات وتوظف الولد وطول هالفتره انخطبت حوالي 9مرات وكنت ارفض علشانه تخيلوا ابوه زوجه وحده من قرايبي واخته جتني قبل الخطبه بيوم وقالت فلان بيتزوج انا انصدمت اصلا الكل انصدم قبلي الكل يعرف انه لي وقتها بس ماحبيت أبين لها قلت مبروك قالت وبكل بساطه عشان مايكون عليها اللوم انا ماتدخلت بالزواج بتحضرين الزواج قلت ليش ماحضروانا اتقطع من داخل ملك وبعد الملكه تعبت نفسيا ودخلت المستشفى ثلاث ايام بعدها قررت بدون شعور اني ارسل له رساله ارسلت رساله وفهمته الموضوع هو طبعا مايعرفني انجن يقول من انتي قال ليش ماقلتي لي بدري ومن هالكلام وسال اذا عندي حل وقال انه اساسا مو راضي بس اهله اختاروها واضطر يوافق طبعا انتهى كل شي لانه مافيه حل ع قولته وانا بالنسبه لي ارتحت انه درى عشان يحس بمعانتي وعجبني موقفه وكيف تقبل الموضوع وقام يدعيلي بالتوفيق وقال يمكن خيره لك ويمكن انهم يحبونك عشان كذا ماخطبوك لي مع العلم انه ماعرفني وكان شايل هم الموضوع انا انجنيت لما شفت ردة فعله وكيف انه كان متعلق بي واهتمامه المشكله اني قاعده أحاول أنسئ الموضوع مع اني مستحيل انساه بس بحاول المشكله ان خطيبته قريبه لي واخاف اشوفها وتذكرني وهي تجي اي مكان انا ازوره بمااننا اقارب والمشكله دائما تسأل عني وانا اتهرب عن المكان الموجوده هي فيه الى ان صرت مااطلع من البيت تقريبا شسوي تكفون ابي حل دام مافيه مجال اني اتزوجه لانها قريبتي كيف انهي الموضوع تكفون ساعدوني فانا في هم مايعلمه الا الله ولكم جزيل الشكر ولاتنسوني من دعائكم لانني لم انسى احد يطلب الدعاء0000 من الدعاء له في صلاة الليل واسأل الله العلي القدير أن يرزق الجميع مايتمنون عاجلا غير أجل @حلم عمري @
أكيد بكرا أحلى @akyd_bkra_ahl
عضوة جديدة
يلزم عليك تسجيل الدخول أولًا لكتابة تعليق.
الله يفرج همك
وعسى ان تحبوا شي وهو شرا لكم ماتدرين وش الخيره فيه يمكن سعادتك مع غيره
حاولي تنسينه ولاتخلين الشيطان يستقوي عليك ماتطلعين من البيت ولا تحتين باللي حولك علشان ماتقابليها قبل لاتكون زوجته ولد خالتك قريبتك ومالها ذنب
كثري نشاطاتك غيري من روتينك اليومي اذا ماتدرسين ادخلي دار للتحفيظ اقري كتب تاريخيه دينيه قصص <<<<لان هالمواضيع تخليك تندمجين مع الكتاب و تدخلين عالم ثاني
لاتضيعين شبابك على وهم خلاص خليك واقعيه و اي شاب يتقدم لك دامه كامل خلاص انسيه اعتبريه حلم وصحيتي من النوم
يمكن كلامي شوي مزعج سامحيني بس والله تضايقت على حالك عواطفك غلبت عليك مره
الله يوفقك اختي ويسخر لك الزوج الصالح
وعسى ان تحبوا شي وهو شرا لكم ماتدرين وش الخيره فيه يمكن سعادتك مع غيره
حاولي تنسينه ولاتخلين الشيطان يستقوي عليك ماتطلعين من البيت ولا تحتين باللي حولك علشان ماتقابليها قبل لاتكون زوجته ولد خالتك قريبتك ومالها ذنب
كثري نشاطاتك غيري من روتينك اليومي اذا ماتدرسين ادخلي دار للتحفيظ اقري كتب تاريخيه دينيه قصص <<<<لان هالمواضيع تخليك تندمجين مع الكتاب و تدخلين عالم ثاني
لاتضيعين شبابك على وهم خلاص خليك واقعيه و اي شاب يتقدم لك دامه كامل خلاص انسيه اعتبريه حلم وصحيتي من النوم
يمكن كلامي شوي مزعج سامحيني بس والله تضايقت على حالك عواطفك غلبت عليك مره
الله يوفقك اختي ويسخر لك الزوج الصالح
الله يوفقك صدقيني حالتك حسيت بمعانتك بس انتي لازم تكثفين الدعاء بالزواج من زوج صالح عشان تنسينه وتتحشاين الاحراج الحي على ربك وصلي بالثلث الاخير من الليل وقولي يارب تفرجه لي وابتعدي عن كل معصيه واخلصي نيتك لله بالتوبه النصوحه وصدقيني مااحد ينفعك غير ربك وصراحه انتي اخطيتي يوم ارسلتي الرساله ارسلي رسائل الى ربك واشكي عليه وهو العظيم سبحانه
لآفندر
•
ياقـلبي أنا مريت بـ نفس حـآلتـتـس
وأخس يمكن بعد
إنتي مآعليتس ياقلبـوو
أهم شي حـاولي تنسين ولا تقولين مااقدر انسى
لا ياقلبي انا الحمدلله هذاني نسيته و نسيت طوايفه
بس ادعي ان رب العالمين ينسيتس إيااه
و صـلي بـ أخر الليل و إقري قرأن و إسستغفري
وإدعي ان ربي يرزقتس الزوج الصالح وألحي بالدعااء ياعمري
و الله يوفقتس و يرزقتس الزوج الصالح اللي يغنيتس عن الحرام
ويرزقن ويرزق كل خواتي اللي بـ عالم حواء
و يرزق كل من تبي الذريه الصالحه عاجلا غير اجلا
ويرزق كل بنات حواء مرادهن يارب العالمين
وأخس يمكن بعد
إنتي مآعليتس ياقلبـوو
أهم شي حـاولي تنسين ولا تقولين مااقدر انسى
لا ياقلبي انا الحمدلله هذاني نسيته و نسيت طوايفه
بس ادعي ان رب العالمين ينسيتس إيااه
و صـلي بـ أخر الليل و إقري قرأن و إسستغفري
وإدعي ان ربي يرزقتس الزوج الصالح وألحي بالدعااء ياعمري
و الله يوفقتس و يرزقتس الزوج الصالح اللي يغنيتس عن الحرام
ويرزقن ويرزق كل خواتي اللي بـ عالم حواء
و يرزق كل من تبي الذريه الصالحه عاجلا غير اجلا
ويرزق كل بنات حواء مرادهن يارب العالمين
الصفحة الأخيرة
الله يفرج همك وييسر امرك
الحياه قدامك
ايقني ان ربي ما كتب لك نصيب معه
مالك الا شي واحد هو اللي بيساعدك
ربك
ربك كريم ورحيم
صلي وادعيه يسلي قلب ويصرف حبه منه ويعوضك بخير
خففي عن نفسك
واعتبريها ازمه وعدت بحلوها ومرها
ولك ودي