السلام عليكم ورحمه الله وبركاته
كيف الحااااااااااال يا حلوات ان شاء الله طيبون ؟؟؟؟؟
شفت كتب ولد اختي اولى ابتدائي واتذكرت اللي درسناه يوم كنا في عمره
يالبى بس يوم باقي ما انخلع لي ولا ضرس
مو الحين مضاربه مع ضرس العقل اللي عيا يطلع ويريحني ولا يدخل ويريح نفسه .. تعالوا نرجع ورا شويتين يوم كنا في الإبتدائي قرأ وكتب زرع وحصد يوم كان الكتاب سماوي وفيه خط احمر
مثل هذه
كححححححححححححححححححححححح ياقدمي بس كح كح كح <<<< صحه على قلبي
لالالا تعالوا نتطور شوي يوم يقولون نواااااال تخييييييييط ثوبهااااااا وناخذها فرصه اللي تتثاوب
واللي تنام مع طول المسافه بين نوال وثوبها
خخخخخ .المهم طبعا العمليه التعليميه منذ القدم وهم يأصلون فينا ان نوال خياطه وهند طباخه بينما احمد يلعب وخالد يأكل ...
منتهى العــــــــدل
اليوم التعليم تطور الحمدلله وبدأت فيه تتغير النظره الى نوال وهند ..
عفوا اليوم صاروا احلام و مها ...
شوفوا الكتاب كيف شكله ؟؟ حتى اسمه غيروه صار لغتي بدل القراءة والمحفوظات .. عشنا وشفنا
بالنسبه لسبيدرمان حقيقه ولد اختي عنده نظريه حفظه الله تقول
انه الإستيكرات ما تنحط بالداخل لازم برا والا ما لها داعي >>
نظريه وكل واحد حر في نظرياته خلوا عندكم شويه حريه شخصيه
.. مرت الأيام وصارت النظره غييييييير تعالوا نشوف اولا خلونا نتعرف على العائله السعيده ..
هنا يعرفكم عليهم بالأسماء عشان ما تقولون عيب اسامي البنات ؟؟ الرجال ما قصر قاعد يعرفكم على اهله :22:
طيب وش قاعدين يسوون اهله في هذا الوقت ؟؟
لا زالت نوال تخيط واحلام لله درها تكنس
يقولون نحب التعاون طيب كيف ؟؟
انا اقولكم كيف .... كذا ..
ياليت شعري ياليت ما احد يدرعم قبل لا انتهي
ما شاء الله حقيقه تطور عظيييييييييييييم تذكرون نوال اللي كانت تخيط ثوبها ؟؟
الحقيقه كبرت والحمدلله وغيرت اسمها اسماء وصارت عروسه اتزوجت عؤبال عندكو
تزوجت احمد اللي غير اسمه وصار مشعل وخلفت منه احلام اللي جالسه تكنس !!!!!
ومهند اللي جالس يلعب ..
وعمر اللي ينسق الزهور من يوم يومه عمر يحب الزهور على اساس انه رومنسي ومتعلم في مدراس اجنبيه
ما يدرون انهم يروحون المدرسه ببدل الرياضه تحت الثياب عشان ما يتعبون انفسهم هالمره بيتعلمون تنسيق زهور ؟؟ خخخخخ ..
ياللتعب يا للنصب يا راجل حرام عليك تتعب نفسك وتنسق زهور خلي احلام تنسقها بعد ما تكنس ؟؟
لله درك يا نوال ما زهقت من الخياطه ؟؟
انا زهقت من كثر ما اشوفك على كرسي عند المكينه انت الى الحين ما زهقت ؟؟ ما ودك تتركين هالكرسي ؟؟ رئيس دوله عربيه مثلا ؟؟؟
الحقيقه جيل ورا جيل واحنا نطبخ .. نكنس ... نمسح ..
وان طقتنا الحمى لعبنا بعروسه امها داعيه عليها تدخل فله وتخرج بقدره قادر مومياء ؟؟
وللحين العمليه التعليميه تقولنا ان البنت مكانها المطبخ ومكينه الخياطه والولد في الحديقه ويلعب ياسلاااااااااااااام
تعالوا نشوف المنهج الإنجلش بما ان عندنا عقده الأجنبي
اولا تعالوا نشوف لبس الطالبات عندهم
وعندنا ؟؟؟
يحبون مراييل الحمل هذه خخخخخخخ
طيب وش نشاطات البنات ؟؟؟
يكنسون ؟؟ يخيطون ؟؟
الا يفلون ابوها في الحديقه و يروحون حديقه الحيوان .
ووووووووووو ...
ينسقون الزهور بدل عمر هههههه
ودي يوم اشوف الأم فيه معلمه .. والا تربي عيالها .. والا تطبب المرضى ..
والبنت تكتب قصه او تعمل على الكمبيوتر او تزاور صديقاتها
وان الولد يغسل سياره ابوه او يحل واجباته او يودي اخواته السوق خخخخ
بدل الأكل واللعب ياناس خلونا نعطي الجيل الجديد فكره افضل !!
شكرا لكم حبوبات على زيارتكم هذه الصفحه وتعليقاتكم مقدما قبل لا تعلقون
اتمنى لكم سهره سعيده مع منهج لغتي الجديد اللي حقيقه يذكرني بمنهج زمان اللي تغير كثيييير من ناحيه الصور والأسماء
واما المحتوى هو هو ما تغير ابد ..
ورددوا معي ياليييييييييييل ما اطولك ؟؟