- ELHAM - :

مرحبا بالغالية عايلتي وبس في شي مرة مهم تجاهلناه باختيارنا وين الرجل طيب؟ وش دوره بالتربية ؟ صحيح الام لها المسؤولية الاكبر بس هل هذا معناه الرجل يغسل يده نهائي ؟ الي يحطون عيالهم عند خدامات لا جو يطلعون مو اولى يحطونهم عند ابائهم ؟ ولا عشان الرجال اناني وماهمه الا نفسه نسكت عنه ؟ لاحظي الرجال لو صارت الزوجة موظفة يتوقعون منها تشيل عنهم بعض مسؤوليتهم بس هم ما يبون يشيلون عن زوجاتهم لو ربع مسؤولية عيالهم الي من لحمهم ودمهم ! وحنا نجي نحط الحيل بالبنت .. شي مو عادل وفيه ظلم شي ثاني .. مو غلط تروح السوق وتخلي عيالها عند الخدامة يعني بزر بيبثرني ولا راح اتقضى برواق وش يخليني اخذه معي ؟ وش لهم الاطفال بالسوق ؟ شي طبيعي اخليهم عند الخدامة وبشكل عام الله يلوم البنت يوم تستعين بالخدامة تحسبون التربية شي هين ؟ هل هو شي سهل اقابل طفل 24 ساعة ولا اتنفس ولا اخذ راحتي ؟ لو سهل ما استاهلنا عليه الجنة فحرام نحط اللوم على البنات ونتوقع منهم يقبرون انفسهم بالحياة عشان ينقال عنهم امهات مثاليات !

مرحبا بالغالية عايلتي وبس في شي مرة مهم تجاهلناه باختيارنا وين الرجل طيب؟ وش دوره بالتربية...

هدووءالليل :

شوفي يا قلبي كلنا مرينا بظروف الله وحده هو العالم فيها من وجهة نظري المفروض الظروف اللي مريتي فيها تحاولين قدر الأمكان تكون دافع قوي لك أن ماتخلين أولادك يمرون فيها إحنا مانقول إجلسي 24ساعة أحضان وتبويس وياحبايبي ويا قليباتي لا ياعمري مو هذا التربية التربية أنو لكل مقام مقال وقت الجد يكون جد ووقت اللعب يكون لعب في حدود العقل والدين بعد التربية أنك تعرفين أولادك عن قرب أيش يمر عليهم من أمور وإحتياجاتهم المعنوية والمادية ترشدينهم للصح وتوجهينهم لمصلحتهم مثال حتى لو جالسة معهم قدام أفلام كرتون كل موقف يمر في الفلم الكرتوني لازم تشرحين لهم الموقف مثلا غذا هو شي كويس أو شي مو كويس حسب الموقف وإذا صار موقف ظاهره كويس بس أنه يغضب الله مثل حركات الغزل بين توم وجيري :biggrinlo هنا تعلمينهم أنه هذا شيئ مو كويس ------------ الخ تتابعينهم بالدراسة حتى لو تجيبين مدرسة تدرسهم لكن تكوني أنتي معهم بالصورة وعلى طول الخط هالنوعية الله يعافيهم ولا يبلانا ياااااااااااااااااارب ماعندهم أي إحساس بالمسؤلية أبداً ولا تربوا صح في بيوت أهلهم على تحمل مسؤليات للاسف الضحية الأبناء لا ياقلي موب هين خاصة على اللي ماعمرها تحملت مسؤلية في بيت اهلها راح تعاني سواء تربية أو مسؤلية بيت وزوج المفروض الأم تعود أولادها وبناتها جميع بالأهتمام بأخوانهم الصغار عشان يتعودون تحمل المسؤلية ويساعدونها في نفس الوقت وتكون أعانتهم على برها وأمور كثيرة يكتسبها الأبناء من إهتمامهم بأخوتهم الأصغر منهم والعناية بهم حتى ستجدين أنهم يحنون عليكي أنتي يا أمهم لأنك ربيتي فيهم حس الحب والتعاون والحنان وهذا كله لمصلحتهم عشان ما يحتاسون ويتورطون بأنفسهم لأنهم ماتعودوا على تحمل مسؤليات وشوفي ياقلبي كون أني كل شوي أخلي عيالي عند الخدامة عشان اقول أخذ راحتي لا ياقلبي وأنتي قلتيها لو الأمر سهل ما استحقيتي يكون لك 3 حقوق والأب حق واحد وحتى تاخذي أجرك كاملا بل مضاعف اضعاف عليكي بالأحتساب والصبر والحمد والشكر من غير تأفف ولا تسخط والحمدلله السوق خذي معك عربية وحطي ولدك فيه إذا زوجك معك أو اخوك بيساعد أكيد بس سبحان الله الطفل مايعرف له احد مثل أمه ومع ذلك التعاون شيئ جميل والأب حسب شغله وطبيعته بعضهم مايعرف للصغار وصبره قليل أو خذي الخدامة ومعها طفلك إذا كان ولا بد ، منها يغيرون جو ،ومنها يكونون تحت نظرك حتى ما يجي يوم ونقرأ أخبار أطفال نحروهم الشغالات يكفي اللي راحوا الله يقبلهم عنده ويجبر قلوب أهلهم ويجعلهم شفعاء لهم يارب والطريق إلى الجنة حف بالمكاره

شوفي يا قلبي كلنا مرينا بظروف الله وحده هو العالم فيها من وجهة نظري المفروض الظروف اللي مريتي...