نويت اسوي شفط دهون ؟؟

انا سويت بفرنسا قبل 6 شهور شفط مني 3 لتر من منطقه الفخوذ و الحوض و الارداف
ولا كني سويت .. للحين ما بين علي
البنج عام
الدكتور قال لي العمليه ما تنزل الوزن لكن القياس باللبس راح ينقص رقمين .. يعني بدال ما البس 42 ..راح البس 38
لكن والله لا نزل وزني ولا قل قياسي ولا احد لاحظ اني مسويه عمليه .. ولا انا لاحظت ... و لو ما الالم و الرضوض الزرق اللي شفتهم بعيني بعد العمليه .. كان قلت جذاب ما شفط شي

طيب حبيبتي انا يمكن انتي ماعندج مناطق بارزه بجسمج

علشان جذيه مالاحظتي

انا جسمي لو اشيل بعض المناطق البارزه يصير تمام

وماني محتاجه اسوي رجيم يعني تخفيف وبس

عزيزتي الكيكه............تصدقين كنت مفكره اسوي شفط لنفس المناطق اللي تو ذكرتيها انا مقاسي 40 ودي اصير 38 قالة لي وحده صاحبة امي لبنانيه تعالي بيروت وانا اوديك لدكتور مره شاطر هي مسويه عنده بأول الصيف عاد مابين الا الحين ..هو بلأصل قالها يبغالها السالفه 3 شهور ويبتدي يبين وبلفعل بدى يبين قبل شهر شفتها عاد الحين رجعت بيروت ومني محصلتها جوالها متغير بس هي تدق من وقت الى وقت اذا كلمتها ابجيب اسم الدكتور للي وده...بس انا المشكله زوجي معيي علي يقول هاذا وانت بعد ما جبتي عيال تبين تلعبين بنفسك...شخليتي لبعدين...بس مرره ودي..ويا اختي بدون اسم والله توكلي صراحه والله يسهل لك انشاء الله.

hello kitty

اهلين عيوني ومشكوره على مرورج

تدرين سالفة (مابين للحين هذي مخوفتني ) انا ابي اذا سويتها يبن يعني تروح الزوائد من جسمي

لاني تعبت من الرجيم بدون فايده ثابته ماتروح

وانا قريت عن مقارنه بين التخدير العام و الموضعي وطلع الموضعي افضل بكثيييير
( وبصراحه اكثر ماودي اتخدر وافقد الوعي )
ابي اكون صاحيه واشوف كل شي
بس عاد اذا اصر الدكتور مافي اليد حيله

انتبهوا من هالعملية
ترى كثير ماتوا منها
واخرهم ولد الامير سلمان الي توفى العام