ليه ماتهتمين بالعكس اللي يدرسون بالجامعه دايم يكونون في منافسه مع بعضهم ويتابعون الموضه والمكياج والاهتمام ليه ماتكونين زيهم
وخصوصاً ماعندك عيال فماهو عذر
وهالاجنبيه ماعندها دوام ومسؤليه بالبيت ؟ليه مافكرت نفس تفكيرك ان ماعندها وقت للتزين مع ان ظروفكم زي بعض

جيبي شغاله
عشان تلقي وقت تهتمي فيه بنفسك

اول ماتقومين قولي ادعية الصباح وحطيلك ايات قرأنيه تصدح بالبيت وقت ماتتجهزين وافتحي الشباك شمي اللهوا مدي بصرك لفووووق بالسماء( والله لها تأثير جميل تحسين بجمال الكون حتى مع دوشة السيارات تحسين بالحياة وانو في عالم وبشر حولك ))
بعدين التنظيف للبيت سوي جدول (( وقسم التجارب بيفيدك )) انا ام وماعندي شغاله وفادني حيل (صرت فاضيه )
الطبخ سوي لك جدول واتعبي يوم بالشهر من تحضير اشياء تساعدك بابطبخ وتختصر عليك وعندك بعد بقسم ( التجارب والمطبخ )) افكار جميله
سوي جدول للأهتمام بنفسك ( يوم تنظيف للوجه ... ويوم بديكير ... ويوم للشعر ... ويوم للجسم ))
الرياضه حتى لو بمكانك تمشين سريع او تنطين خلي الدم يتحرك بجسمك وخلي جسمك يشتغل (( الكسل بتلاقينه رايح ))
النووووووووم نامي بدري اذا انت مرتبطه بدراسه عشان تجين رايقه وبس نومه بسيطه بالنهار
يوم بالاسبوع روحي الصالون اذا ماتعرفين او ماتحبين تسوين تنظيف للوجه وتنظيف لليد مع البرافيان والبديكير وحمام شعر ومساج ))
اشري ملابس ناعمه ومريحه بالبيت وخلي زوجك معك يختار ويشوفك مهتمه
مكياج بسيط بالبيت
واستغلي هالفرص دام ماعندك عيال عيشي حياتك وانبسطي تدلعي
المهم حبي نفسك وشوفي نفسك جميله المهم انت وش تشوفين نفسك وبعدها الكل غصب عنه يشوفك واااو

وش دعوه يا أختي توك صغيره طالبه وما عندك أطفال ليش هالاهمال بنفسك .!
والله أول ما قريت موضوعك حسبتك موظفه وعندك أطفال رجعت قريته مره ثانيه أتأكد ..
الاهتمام ما ياخذ منك وقت خلي لك حمام يومي منعش واخر الاسبوع سوي حمام مغربي او تقشير
اهتمي بترطيب جسمك بشكل يومي لان الجفاف هو اللي يعدم البشره ..
وشعرك اذا مو جاف سوي له حمام زيت كل اسبوعين او كل شهر ..
البسي ملابس مريحه ومغريه بنفس الوقت وغيري كل يوم شكل لا تصيرين على روتين واحد
مره فستان مره ليقنز مره شورت يعني نوعي ..
سوي لك مكياج يومي بدون تكلف يعني اهم شي تكون بشرة وجهك موحده استخدمي البي بي كريم او فونديشن يومي
حواجبك مرسومه بطريقه مرتبه وشوي بلاشر وروج
يعني شوي شوي لين تتعودين وتصير المسأله سهله وروتين ..