أم مشاعل @am_mshaaal_1

محررة برونزية

هالشيخ يقول إنه يعالج كل الأمراض..حتى المستعصية! تعالوا اقروا قصتي معــــاه

مساكم الله بالخير..

أول شي.. أدري ان موضوعي موب هذا مكانه لكن اتمنى من المشرفات ماينقلونه.. لأني كاتبته لكل اللي بمنتدى الحمل والولادة.. لأن بدايتي كانت معهم.. والله يجزاهم خير كلهم لأنهم وقفوا معاي طول فترة حملي..
من فترة وأنا ابي اكتب لهم قصتي هذي

من سنة تقريبا تعبت وصار راسي ثقيل علي ، واذا مشيت تجيني دوخة
بالأول قلت يمكن تعب مؤقت وبيروح من نفسه لكن للأسف استمر معاي شهور
شكيت بإن فيني مرض خطير ولفيت المستشفيات وطلعت الحمدلله سليمة
قلت يمكن عين وصابت!
قريت بالمجلات عن شيخ اماراتي مشهور يعالج من العين والسحر بالقرآن الكريم والأعشاب وعنده مركز بالعين بالامارات..

ومن هنا بدت القصة:

اتصلت بالمجلة وجبت رقم الشيخ
دقيت عليه كثير ولاكان يرد علي ابدا
بعد أيام رد علي
شرحت له حالتي.. وقال: واضح ان اللي فيك عين ولازم تتعالجين منها ، لانك لو اهملتي راح تزيد عليك الحالة.. والطب كله ماينفعك. قلت له: يحتاج اجي الامارات. قال: لا مايحتاج.
انا بعطيك علاج لمدة 14 يوم .. اناعالجت ناس كثير.. وحدة مشلولة ومشت.. ووحدة كان عندها سرطان وطابت و....
طبعا انا طرت من الفرحة وقلت (جاني الفرج)
بنهاية المكالمة.. قال: بس انتي حولي لي مبلغ 1200 درهم باسم ( فلان الفلاني)

المهم.. حولت له المبلغ باسمه الشخصي ( غريبة ان المبلغ باسمه وموب باسم المركز)
وبعد كم يوم وصلني العلاج بكرتون وكان عبارة عن ( 3اشرطة قرآنية، زيت مقري، محو، عسل مع حبة سوداء ، اعشاب لاول 3 ايام) وورقة فيها الطريقة ( يعني كنها طبخة)
علاجه كان عذاااااااااااااااااااااااااب.. وقلت معليش خليني اتحمل..
مر اسبوع.. ومافي اي تحسن:( كلمته قلت له: شلون اعرف اني تحسنت؟ قال: وش تحسين اذا سمعتي الاشرطة؟ قلت: ولاشي! قال: ماتحسين بتنميل بجسمك؟ قلت: لا!
قال: استمري لين تكملين 14 يوم وبتطيبين. قلت: طيب.:23:
مرت الـ 14 يوم كنها 14 شهر.. والله اني ماكنت افضى.. طول اليوم آكل من ذا وادهن من ذا واسمع الاشرطة:29::42::23:

خلصت الـ 14 يوم.. وماتغير فيني شي:06:
تحطمت نفسيا

والحمدلله على كل حال..

لكن بعد هالسالفة صرت اشوف صور هالشيخ بالمجلات والجرايد
واللي قاهرني انه مشهور والكل مصدقه
مع انه يستخدم نفس الوصفة!!
شلون نفس الوصفة لكل الامراض؟؟؟

خواتي.. موب كل شي تسمعونه تصدقونه..

للأسف الانسان لما يكون مريض يجري ورا أي أمل..
ومن ناحية ثانية.. البعض يستغل هالشي.. ويسوي نفسه شيخ..

انا كتبت لكم هالسالفة ودي انبهكم

واعرف وش رايكم؟؟

لأني للحين منقهرررررررررررررررررة منه والله:06::06::06:

يلزم عليك تسجيل الدخول أولًا لكتابة تعليق.

تسجيل دخول

ديمــــــــــــــــــــا • 21 سنة

الله يهديك يا ام مشاعل كان شفتي شيخ هنا بالرياض مشهود له بانه ثقه وخليتيه يقرا عليك مباشره ..

طيب انتي الان كيفك .. بشرينا عنك ان شاء الله الالم زال؟؟

شاكرة • 21 سنة

طهور ياام مشاعل وتكفير ذنوب..
بس زين الواحد يتعلم من تجاربه..شيخ وبالامارات ولا يحتاج تجين له!!!:01: مدري بس الكتاب واضح من عنوانه..وماشاء الله على طول قال لك عين..!!:07:
اقري على نفسك ياام مشاعل مافيه زي الرقية من نفس الشخص على نفسه..وايات الله عظيمة..
الله يجلي عنك وعن جميع المسلمين يارب

***جرناس&& • 21 سنة

استغرب منكم يالسعوديييييييييييييييييييييييييييات عندكم ماشاء الله مشايخ بالسعوديه وتتركوهم ممن هم اقل منهم دينا وعلما
واللي يقهرني اكثر للي يتصل ليطلب فتوى خارج السعودية :27:

أم عيون فتانة • 21 سنة

أم مشاعل
ليش حبيتي ما كتبتي اسم الدجال علشان تفضحينه عدل وعلشان البنات
يعرفون من هو ولا عاد يروحون له .
بالعين صراحة كثيرين الدجالين ، وما أقول إلا الله يستر على الحريم
يابنات روحو عند انسان معروف ومشهود له بالصلاح مب اللي في
المجلات ترى كله دعاية .

والله يحفظنا جميع
أم عــــــــيــــــــــــون فـــــــــتــــــــــانــــــــــــــــــــة

سحابة خير • 21 سنة

المهم الحين كيف وضعج اختي ,,عساج احسن من قبل ..؟؟؟؟
وبعدين يا ليت تقوليلنا شو اسم الدجال ...
انا من العين واريد اخذ الحيطه وانبه الاهل منه ....