هالمأساة متى تنتهي؟؟؟؟؟

صباح الخير

بصراحه فيه موضوع مكدرني كثير خصوصا وأنا أشوفه يستفحل بمجتمعنا
رغم ادعاء الكثيرين التحضر و(الحريه الشخصيه)

ويترنمون بشعارات كاذبه

مابي أطولها وهي قصيره قريت قبل شوي موضوع لإحدى الأخوات تقول فيه إنها انخطبت 4 مرات وماتم الموضوع
لأن أهل الرجال يجون يشوفونها قبله وبعدها يروحون لاحس ولا خبر

هالحكايه هذي انتشرت كثير مؤخرا والرسول اللهم صلي وسلم عليه يوم وجه الرجال للخطبه أمره بالنظرة الشرعيه
وكما قال (أحرى أن يؤدم بينهما) يعني يحصل القبول وهذا ماله علاقه بالجمال واللي كلنا نعرف إنه نسبي
وممكن أشوفك حلوه وغيري يشوفك منتهى القبح !

أنا أتذكر قصه قالتها لي وحده أثق فيها جدا :

تقول إن زميلتها في الدراسه قبل كم سنه قالت لها إن عندها أخو ذبحهم بالشروط اللي يبيها في شريكة حياته
طويله\بيضا\حلوه\سنعه\ وووووووو
تقول مافيه بيت مادخلته أنا وأمي ومانلقى اللي فيها كل شي مجتمع من هالصفات ونجي ننقل له اللي نشوفه ويقول لا مابي وكنا نستحي
نكلم نقول مافيه نصيب
ومره اتصلنا على ناس نخطب منهم وردت امهم وقلنا لها نبي نجي نشوف البنت قالت الله يحييكم بس
ابونا يرفض ان اهل الرجال يجون قبل الولد بس انا ارتحت لكم وتعالوا وان ارتحتوا لنا خلوا الرجال يتفاهمون مع بعضهم
المهم
تقول رحنا وطلعت لنا البنت وبصرااااااااااحه مااعجبتنا ماهي على مواصفات اخوي

وطلعنا وكان هو اللي مودينا لهم وشكللللللللللللله متشقق ماندري ليه قال هااااه بشروا ؟

قالت امي والله شكلها كذا وكذا قصيره وسمرا وجيت انا كملت الناقص وقلت لا وبعد كمخه ماتعرف تتكلم

قال طيب وش رايكم إني ماأبي غيرها؟

وشووووووووووووووووووووووووووووووووووووووووووووووووووووووووووو


إيه مابي غيرها أنا يوم جيت انتظركم لقيت شايب عند الباب قال وش عندك؟ قلت الاهل جوا أنا ابتشرف ان الله كتب نصيب
بكم قال ادخل وسألني عن كل شي وارتاح لي ومادريت إلا وهو جايب البنت ومدخلها علي وقال انت اللي بتاخذها
ماهو أهلك

واعجبتني هذي اللي أبيها طول عمري

أجل كل مادخلتوا بيت لقيتوا به اللي أبي ومايعجبكم ياخسارة عمري اللي راح

ووووووووووو وبالنهايه الحين عندهم بنتين ربي يخليهم لبعض ويتمم عليهم

الخلاصه ياأخواتي

وش الحل لهالمشكله؟ إلى متى حكاية إن الأهل يروحون وينكسر خاطر البنت لأي سبب

أنا أنصح كل وحده إنها ترفض زيارة أهل الولد قبله وحتى هو لايشوفها إلا بعد سؤااااااااااال طويل واستخاره وبعد مايشوفها
يجون أهله أو إذا يبي يشوفونها يروحون مكان عام أو مكان عملها

للأسف بعض الناس ماعندهم أي إحساس بمشاعر الآخرين وبعض الأهل يتدخلون بكل صغيره وكبيره
ويجنون على أولادهم


وبالنهايه ,, كان ودي أوقف عند كل صغيره وكبيره بإسهاب أكبر بس كلمتني وحدة قطعت حبل افكاري
الله يسامحها

وإذا عندكم سلبيات ثانيه اطرحوها وهاتوا الحلول وخلونا نحاول مع بعض نرتقي من هالناحيه ونوصلها لشيخ
إن أمكن عشان يطرحها بشكل أكبر وتعهم الفائده

الله يوفق الجميع لكل خير