ياصباح الخير للسهرانين والنايمين و لكل العطالين البطالين مثلي :biggrin:
ابي اتوظف وظيفه تليق بمقامي احم احم ومالقيت وظيفه وقررت اني اوظف نفسي في مدرسة عالم حواء لاتحاتون ماابي راتب
بدرسكم لوجه الله
قبل لاابدا مشرفاتنا العزيزات طلبتكم طلبه قولو تم :( لاتاخذون موضوعي وتحذفونه في قسم الحاسب ذاك القسم لادخلته تجيني تكه وغلقه احس اني اكلم نفسي عاد لاتصيرون انتو وحافز وجداره والزمن على:icon8:
بعدين مقاطع الفيديو اكثر شي اشوفها باالمجلس العام يعني ودي الاخوات يستفيدون ولا ماكان تعبت ونزلته هنا ادرى مخالف بس خلوه لو اسبوع:44:
درسنا اليوم كيف تنزلين مقطع من يوتيوب في المنتدي بدون رابط احيانا ودك تنزلين خطبه او انشوده وتحصلين في نفس الصفحه مقطع رايح فيها فهمتو قصدي:biggrin:
انا الحين بعلمك كيف تنزلين مقطع اعجبك بدون ماينزل معها مقاطع ثانيه هو فية كذا طريقة بس انا جايبه لكم طريقة مره سهلة حتى اسهل من تنزيل الصور بس ركزو معي وامشو معي خطوه بخطوه:26:
1- اول شي افتحو اليوتيوب على المقطع الي ودك تنزلينه انا اخترت هنا قراءه بصوت الشيخ ماهر المعيقلي
2- راح تحصلون في شريط العنوان رابط الفيديو ظلليه مضبوط وكليك يمين ونسخ
بعدها ادخلو على ها الرابط ها الرابط موقع ينزل لك مقطع اليوتيوب بدون رابط
http://www.safeshare.tv/
وهاذا شكل الصفحة الي راح تفتح معك
4- لصقت الرابط في المستطيل راح يطلع شكله كذا مثل الصوره
5- تحت المستطيل راح تحصلين ايقونه مكتوب فيها احصل على الرابط الأمين اضغطي عليها
6- راح نحصل على الرابط الامين فيها صوره المقطع وعنوان المقطع وفيه رابط تحت الصوره والعنوان مكتوب اعرض الرابط الامين اضغطي عليه راح ينزل لك الفيديو لحاله بدون مايدخلك على اليوتيوب
7-طبعا هنا البرنامج فيه تنسيقات تقدرين تغيرين خلفية الفيديو وعنوان المقطع بالضغط على خيارات اخرى وغيري مثل ما تحبين
8- بعد ماتضغطين على اعرض الرابط الامين راح يفتح لك الفيديو راح تاخذين الرابط الي فوق وكليك يمين ونسخ
9- بعدها تروحين حق موضوعك ولصق
وبس:)
يا لله ياحلوين ابي اشوف ابداعاتكم كل وحده تنزل لي مقطع يا قران اوخطبه او انشوده ياويلكم اذا نزلتو شي مخالف:mad: لاتفشلوني عاد ذيك الساعه وين اودي وجهي من المشرفات والعربان بيطردوني انا وياكم شر طرده:biggrin2:
وهاذا تطبيقي
http://www.safeshare.tv/w/waNsXodVCp