رهوفة @rhof_2

كبيرة محررات

ها المرة مو مكرر ادخلوا وتشوفون وش سوت فيني ريوفه

اهلا بكم جميعا يا حبيباتي والله اني احبـــــــــــــكم حيل بس ما ادري ليش حظي معكم وحش دايم لا نزلت موضوع ينحذف ياربي ليييييييييييش انا ولعت خلاص ليش يصير معي تشذيه ..

لكن اذا عرف السبب بطل العجب اكيد بتستغربون انا اقولكم ليش منذو مبطي <<< مدري وش جاب هالكلمة بس معليش ابلعوهـــــــــــــــــــــــــــــا

يابونياتي كل ما كتبت موضوع الا وكم وحدة تشكرني وتقول شكرا لك ياريوفة قلت يا حليلهم يغلطون بالاسم لكن الموضوع زاد عن حده ومرة من المراريت يمكن حول ثلاث يقولون لي ريوفه قلت لااااااااااااااااااااااع هنــــــــــــــا الموزوع فيه سر ولازم اعرفه ..

وعرفته يا ويحك يا غلامة لقد عرفت انهم يظنونني انت ياريوفه وانا على بالي انهم يعرفون اني رهوفة ,, ولقد اكتشفتها ومسكتها بالجرم المشهود بموضوع المطارس هناك وهي تسولف والناس يحسبوني هي وامسكها مع رقبتها بيدي اليمين وبايدي اليسار العجرا يا تتوبين يا بنت الناس وتبعدين عن طريقي وتعطيني فرصة اثبت وجودي يا إني بمحطك بهالعجرا لين تقولين انا اشهد اننا ثنتين .. محنا وحدة ..

مير تقول بكل بساطة : الله الله بالمواضيع الزينة لا تشوهين سومعتي أنا الى هنا وخلاص :icon33: معد بي صبر ليش ثم ليش يحصل معي هذا وفي ذاك اليوم الي مسكتها فيه وعرفت سبب حذف المنتدى لموازيعي بالترفيهي الي هو امس كنت منزلة الصبح موضوع وانا فرحانة :icon28: قلت عناد مارح اقول لها اني منزلة موضوع لين تكثر الردود ..

مير اجي انا وخشتي وانا تسذا :) وادور موضوعي والقى بجواره علامة X قلت ما اذكر اني حطيت ايقونة مع اسم الموزوع <<< تستهبل كأنها ما تعرف وش هالعلامة
ويوم دخلت والقى الدنيا زي ما تركتها واتلفت يمنة ويسرة يافضيحتي بجلاجل هالمرة
قلت معليش

بس اكيد بنات الواحة كرهوا شيء اسمه رهوفة وبمجرد ما يفكرون الدخول يقولون اكيد مكرر :( ..

والملم ما تبقى من جراحي ( وجه يلزق بقلبه ) وقلت والله لا اوريك يا ريوفه هييييين

قلت لازم انزل لكم موضوع بالترفيهي تستانسون عليه ولا احد يقول لي مكرر هالمرة هالموضوع خااااااااااااااااااااص بالحيييييييييييييييييييييل خليكم تضحكون لين تموتون وتعرفون اني انا رهوفة مو ريوفة ..

هذا يا حبيباتي جعلي ما اعدمكم اختي المصون جتنا بعطلة الاختبارات الي راحت العطلة الي قبل العيد الي فات الي هو عيد الاضحى <<< المهم انجزي

وهي فرحانة بعد قلبي من اعرست ما طبت الرياض وفرحانة تقول ابي اروح السوق واعوض عن الماضي المشين على فكرة هي عندها اسواق بمدينتهم لكن شفاحة وعلى قولتها اسواق الرياض <<< في ذي انشهد انس صازة وانا اختس

الموهيم .. قالت تبي تشتري لولدها يامال الصلاح قلنا مشينا ويوم نطلع قال الوالد الحبيب وين تبون تروحون انا من من الفرحة معد اشوف الدرب قلت بكل معاني البراءة والادب والوفاء والاخلاص <<< وش جاب ذي كلها بس معليش هم ابلعوها

قلت يقولون صحارى يجنن فيه تخفيـــــــــــــضــ ولا امداني اكمل كلامي وفرحتي الا وهو يلتفت لي طبعا انا وخشتي جالسة قدام اختي ما تحب تجلس قدام قلت أأأأأ قال ولا كلمة الا صحارى كل مارحنا درتي ورجعتي ما معس الا شباصتين وخاتمين متى بتعقلين انت ما تعبتي من السوق وفي هذي اللحظات ما مسكت نفسي خلاص :icon33: ولكن بصمت عشان اختي الي معنا وسكت قال ابوي بوديكم الهرم :30: قلت مارح افتح بؤي بكلمة والي يصير يصير اصلا محد يحبني بهالدنيا كلها الله يبعت الي ابن الحلال الي ياخدني ويوديني كل يوم سوق ابيه ويعوضني عن الحزن الي راح :( وبينما انا اتحلطم بأفكاري وعيوني مورمة من الصياح .. الا ونوقف عند مركز الهرم ,, قال انزلو كنا اربع انا قدام وخواتي الكبيرة وثنتين اصغر مني معنا المهم اننا اربع ما علينا نزلنا ..

قلت صعبة نمشي اربع لازم ننقسم .. واتفقنا انا اخذ اختي الي بالثانوي ,, واختي الكبيرة تاخذ الي بالمتوسط ..

وافترقنا .. واحنا بأمان الله ندور بهالسوق ونختار ونشتري انا والضعيفة الي معي مر تجي حرمتين وحدة منهم معها بيجامة لونها زيتي قطنية فيها خط بيج المهم مامعهم عربية وهالبنت حاطة البيجامة على كتفها ..

عاد انا ما التفت لهم اصلا بس وش الي خلاني التفت لهم اختي الملقوفة الي معي جت وسحبت البيجامة منهم تخيلوا وانا اشوف الحدث عن بعد بضعة امتار المهم انهم ماسكين البجامة كل وحدة مع طرف في هاللحظة تجي الحرمة الثانية الي مع البنت ذيك وتسحب البجامة بأقوى ما عندها وتجي اختي الملقوفة وتسحب بالبجامة وقاعدة تكلم البنت والحرمة تمسك البيجامة بيدها بقوة وتقول للبنت الي معها : علميها من وين خليها تروح تاخذ مثلها وخلاص .. وتمسك البنت بيدها ويروحون انا تفقعت من الضحك اكتشفنا ان الحرمتين كانوا خواتي الثنتين .. وانا بهاللحظة تفرقعت من الضحك معد قدرت اتحرك بطني عورني الموهيم ..
بعدين تقابلنا انا وخيتي ونموت من الضحك وتقول حسبتها حرمة تبي تاخذ بيجامتي وخفت منها يوم تشدها بقوة بدون احترام هههههههههههههههههههههههاا ها ا اي
واختي الي معي ما عجبتها البجامة فحبت تقول رايها مسكينة بس ما عطوها فرصة ..

المهم اننا ردينا افترقنا من جديد .. ومر اشوف الهندي ماسك له بوت بصراحة لوأطة يجنن بني فيه خرز مشكوك بخرز ذهبي على بني قلت من فين جبت هذا قال من العرض واروح طيران على العرض انا والي معي هالمرة كانوا الثنتين معي واختي الكبيرة راحت تتشتري لولدها ..

لقيت بنت صغيرونة يمكن بأولى ابتدائي ولا ثالث .. واقفة عند مكان العرض حق الجزم اخذت البوت وقعدت اجرب يوم جيت بوري خواتي لقيت البنت هذي بيني وبين خواتي قلت ياربي ممكن شوي قالت :16: قلت خواتي بيشوفون ممكن بعدين خواتي شافوا وجت وحدة منهم تغطي علي عشان افسخه لأنه الى ماتحت الركبة في هاللحظة قلت يالله حبيباتي تأخرنا واحط البوت بالكيس حق المشتريات وانا بمشي الا والبنت الصغيرة تنادي قلت ياذا النشبة :30: قالت لو سمحتي هذا كيسي قلت اقول اعقلي لا اوريك وفتحنا الكيس لقينا فيه اغراض مو لنا واتفقع من الضحك :D واقول معليش تفضلي حبيبتي واعطيها كيسها وافر هاربة الى حيث تسحبني رجلاي وانا ميتة من الضحك ..
المهم ان الله عوضني عن الصياح الي بالسيارة بهالضحك وضحكت لين ما شبعت .. وطلعنا بشيء وشويات اختي ما خلت شيء الا وشرته لولدها يا حليلها الله يخليه لها ..

والطوطة طوطة خلصت الحطوطة ..

اتحداكم يكون مكرر هالمرة ,, وهالمرة لازم تفرقون بيني وبين ريوفه خلوها تتفقع من القهر .........

نيهاهاهاهاهااي نيها هاهاهاهاهاهاي ضحكة تنم عن حقد وكراهية

يالله الله الله بالردود .. لا تزعلوني والله هالمرة لا اتعقد ومعد اجيكم الا زائرة ..

يلزم عليك تسجيل الدخول أولًا لكتابة تعليق.

تسجيل دخول

الشيخة غلا • 18 سنة

ياطول موضوعك اعذريني ماقريته

يسألوني ليه أحبك • 18 سنة

هههههههههههههههههههههههه ياقلبي يا رهوفه وربي مت من الضحك
مواقف ولا أروووووووووووع خخخخخخخخخخخخخخخخخخ

يسلمووووو ياقلبي وسعتي صدري ربي يسعدك ويخليكي

ميــــــمو. • 18 سنة

هههههههههههههههههههههههههه
معاناه مع اسمك هههههههههههههههه
بس قاعده اتخيل اشكال خواتك وهم يسحبون في البجامه ههههههههههههههههه
بس مواقفك تحفه تدل على انكم مرجج الله يصلحك انتي وخواتك<<<< تبي تقولك انها عاقله وماعمرها تكلمت مع وحده بالغلط هع هع

يسلمو رههههوفه على الموضوع الحلوووو

م ي م و

(¯·._.·(كافي لاتيه )·._.·¯) • 18 سنة

ياعمري انتي اجل متعقده من اسمك

ومنتب صاحيين انتي وخواتك....

اجل ساحبتن كيس الناس!!

يسلو رهههههههههههههههههههههههوفه

رهوفة • 18 سنة

الشيخة غلا :

ياطول موضوعك اعذريني ماقريته

ياطول موضوعك اعذريني ماقريته

شكرا لمرورك حبيبتي .. كنت بتحطم بس الحمد لله صار عندي مناعة ياقلبي ..
من كثر ما انحذفت مواضيعي .. شرفني مرورك