ها انا متخلفة؟

ياعمري الله يعينك ياااارب ..
وينحفك ..

كلنا بالهوى سوى

الله المستعان

اختي حاولي تقللين من كميه الشوكولاته ترى ما وصلنا لهل مرحله الا بسببها
مكان ما تاكلين باليوم لوح كامل اكلي لج قطعه صغيره من حقت الضيافه وكل يوم قلليها لما تتركيها
ولا تقولين رجيم ترى تتعبين وتحسين انج بتنحرمين من كل شي
خففي اكل مكان صحن الرز خليه نص صحن وكل فتره قليله
مكان الخبزتين خليهم وحده
مكان العصير شربي ماء او مشروبات لايت
مكان السكر استعملي حبوب السكرين او سكر دايت

وعلى هل حال جربي مانتي خسرانه اكلي الي تريديه لكن بنصف الكميه الي كنتي تاكليها
واكلي بهدوء واستعملي الشوكه والسكين بالاكل صدقيني بتكون لقمتج صغيره والمضغ احسن وشوي شوي بتقل كميه الاكل
يمكن خلال اسبوعين او شهر من هل مرحله بعدها راح تقدرين تسوين نظام غذائي بيه كميه قليله من الاكل

لان احنا نقول العافيه تجي درجات
ماكو شي بيوم وليله يتحول 180 درجه مستحيل
نبدي بالمشوار حبه حبه والله يقوينا على هل وزن ونخلص منه من غير شر ان شاء الله

حاولي تشوفين برامج عن مخاطر السمنه
حطي هدفج انج تريدين تتزوجين حالج حال البنات وانج تريدين تطلعين احلى عروسه خلقها رب العالمين سبحانه
صدقيني بنوصل للهدف المنشود لو بدينا من جديد

انا وزني بعد كبير
ونزولي بطيئ جدا لكن قاعد احاول احسن ما ازيد ابقى ثابته او انزل لي كم غرام



الله يعينا ويعينج ان شاء الله

الله يعينك
اختي حاولي تشغلين نفسك عن الاكل
كل ما حسيتي انك تبين تاكلين روحي سوي لك اي شي غير الاكل
الله يوفقك ياااااااااااااااااااااارب

انتي مو متخلفه بس الى الآن ما بعد ادركتي الوضع المصيبه اللي حطيتي نفسك فيه

تعرفين متى بتدركين؟؟؟؟
اذا كبرتي واكتشفتي انك ما استمتعتي فحياتك مثل اللي بعمرك
لازم تجيك الاراده وانا فرأيي الاراده لازم تجي لو مره بالعمر
ابدأي نظام صحي لانك شوي شوي بتسمنين وانتي ما انتبهتي الين توصلين لارقام كبيره
ولا تنسين ان السمنه تسبب امراض مثل السكر والكلسترول

عاد شوفو من يتكلم

اصحي يا اختي
محد بيحس فيك الا انت
محد بيتضرر مثلك
انزلي لو كيلو وحااااااااااااااااااااااااااااااااااااااااااااااااااااااااافظي على الكيلو هذا
وبعدها انقصي كيلو ثاني وثالث ورابع وهكذا من دون زيادة انتبهيييييييي
وان شااااااااااءالله توصلين اللي تبينه يا رب ولا تنسين الدعاء