aomroena
•
الجزء الــرابع عشر..
أوعدك ما ندم لين مامــوت وأنساك..وأرحل من الدنيا وذكرى سنيني..
ما تدري إني كنت متحمــــل أخطاك..لأنـــك مثل قلبي وروحي وعيني..
انجرح قلب حميد وهو يسمع سالفة عليا منه..
"عليا..عليا؟؟؟!!عليا اتسوي فيني جيييييه..عليا اتخووني انا؟؟!!عليا..
عليااااااا؟؟!!عليا انا اللي حبيتهااا من قلبي..عليا نظر عيووووني..ماااااا أصدق..
بس محمد مستحيل ايقص عليّ..هو داق يتخبر جاني أعرف هالرقم..
رد عند الشباب واستأذن منهم وركب سيارته الاس ال ار..ورد لبيتهم..حدر البيت محد كان وااعي..الكل رااقد..أون انه سلامه يمكن اتكوون يالسه في حجرتها..حدر حجرته وهو مععععصصصصصصصصب وع الأخير..وعلى طوووول دق على عليا..
عليا:وياااااا مرحبااااااااااا..
حميد:ججججب يااللي ما تستحيييين..جب..
عليا:بلاك حميد فدييييتك..
حميد:لا تتفديني لج الحووم يالهرمه..انا شوو سويت لج عسب اتسووويين لي هاذا كله..
عليا:لييش اتسبني حميد..حميد؟؟!!؟؟؟...أنا شوو سويت لك..مفرووض ترمسني اليوم بأسلووب حلوو..لا تنسى اليوم عيد ميلااادي..
حميد:عليا انتي شو تبين بمحمد؟؟؟
عليا:شووو؟؟؟مــ..منوو محمد؟؟؟
حميد:اونج ما تعرفينه..محمد المري..
عليا:للأسف ماا أعرف حد بهالإسم..
حميد:جذوووووووووووووووب..توه الريال مرمسني وعاطني رقمج يا سووودا الويه..شو له اتدقين له وتطرشين له مسجات..وتطلبيين منه انه يواعدج..عليا...عليا فهميييييني طوول هالسنين اللي عشناها ويا بعض..كنت انا شوو أعني لج...؟؟
عليا:كنت..كنت ولا شي..كنت بالنسبه لي وااحد أستغله وبس..
حميد:تستغليييني أنا...أنا...
عليا:هيه صح كنت أقص عليك بكم كلمة وانته اتصدق..حميد.. ولد عمي يباني ومستحيل اودره عسبك..وسالفة محمد..واحد جذبني اسلووبه لا غييير..يمكن مع الأيااام أحبه..
حميد:شوووووووووو؟؟؟؟؟جييه اتسوين يا مسووودة الويه يا مضيعة المذهب..مااا علييييييييييه..
عليا:ههههه.شو بتسوي يعني؟؟
حميد:شو بسوي؟؟؟براووويييج شو بسوي..والله والله الغالي بتندمييين ع اللحظه اللي تعرفتي علييها..ومن بااجر بترقدييييين ودمووعج هماّله من اللي بسويييه لج...
عليا:هههههههههه..شو بتسوي؟؟؟
حميد:يستوي خير يالصايعه..يستوي خير ..
وبند الخط ابويهها..وحط رااسه ع الشبريه ويداته ع ويهه..وتنهد تنهييييييده من الخاطر..وتندم ندم حرق فؤااده وعذبه تعذييب..تندم ع اللحظه اللي شاف فيها عليا وانجذب لها..تندم ع اللحظه اللي ياب فيها رقم تيلفونها..تندم ع اللحظه اللي رمسها أول مرة وذاااب بحلاة صوووتها وروعة أسلوووبها..تندم ع اللحظه اللي نطق فيها بكلمة أحبج لعليا..تندم على كل لحظه من عمره قضاها ويا عليا..وتندم على كل ليله يسهر ويا صووت عليا..شي فظييع ايحس به الإنسان يوم يعرف ان خله كان يستغله..وإنه ماا يكن له اي قدر او شيمه..وانك انسان ما تعني له بالأبد..شي الصراحه يقهر..ويجرح القلب..ويحرق اليوف..
حميد..عااااااش الحب ويا عليا..بس حب ما كان صاادق من صوبها ولو في لحظه..فجأة..ذكر بنيه هو كان يعيش وياها الحب بس كان من صووبه ابد مب صاادق..كان حب جذب في جذب وحب مراهقه ومضيعة وقت واستهبال..والأخير تجريييح قلووب..تذكر البنيه وتذكر كم حبته وعانت منه..وهو ما يسوي شي الا انه يجرح قلبها كل يوم والثاني..وتذكر دمعة اعيوونها وهو يوم كان ايقولها انه ولا يوم في عمره فكر انه يحبها او حتى يفكر فيها..وتذكر كيف كان نظرة عيونها..وكيييف استوى ويهها."ظبيه"..هي اللي عانت منك يااا حميييد..وانت يااا ما وياا ما قسيييت عليييها..
. . . . .
قلبي اللي بصـــــــــــــدري ..صار يشـــــــهد ويدري..
ان درس ابتـــــــــــــــعادك.. اصعب درووس عمري..
امريكا...
جدام البحيره..
كانوا مبارك وذياب يالسين جدام البحيرة ع الكرسي...وكانوا مطقمين في اللبس..بنطلون اسود وتي شيرت بيج امخطط بالأسود..وجاكيت جلد بيج ومن ورا رسمه بالأسود..وكانوا قاعدين ايسولفون ويعلقون عالراايح والراد..
ذياب:هههههههههههههه..اقول بو حمد صخ عن لايسفروونك اللحين..
مبارك:ابركها من ساعه خلهم ايسفرووني..
ذياب:شف شف هالبنيه..
ويطالعون ع اليمين وايشوفون بنيه شعرها اسود وبيضا ولابسه تنورة بنيه وجاكيت اسود..وحاطه ع رقبتها شال بني..وكأن عمرها جي 10 سنين.. مبارك:حوه..عرفتهم ذياب منو هاييلا..
ذياب:لاوالله ما عرفتهم..
مبارك:شو هالغبي..هااييلا اللي من أمس يوا اهنيه تراهم في نفس العماره ..اللي احن ساكنين فيها..
ذياب:امبوني مخلي الذكاء لك..انزين ام هلال شو بعد..؟؟
مبارك:تتطنز يالثور ويا شكلك؟؟
ذياب:لا شكل اللي عدالي..
مبارك:انزين اسمع وعندهم بنت رحييييييييمه..>>قصده ايشوووف ردة فعل ذياب..من يسمع طاري بنيه...
ذياب(واهو ينش..):وخير ياطير..
مبارك:انت ما تفهم ..؟؟
وينش مبارك..ويمشون راادين للعماره..
ذياب:تصدق لا..؟؟وجاااااان ابتلش بك يا بروووك..
مبارك ايوطي تحت ويشل ثلج بيده ويمش ورا ذياب اللي مو منتبه له وحاط يداته في مخباه..
مبارك: ذيااااب..
لف ذياب ويه ع ورا..وجان يرميه مبارك بالثلج..
مبارك:ههههههههههههه...هههههههههههههه..شو بلاك العاشق الولهان..؟؟
ذياب:أأأأأأأااه متا بنرد البلاد وبفتك منك يالنذل..
مبارك"ايي صوبه ويمش وياه..":هعهعهعهعهعهعهع..لاتخاف امبوني مقوى ع فراااااقك..
ذياب:اوووكي حبيبتي يلا بنسير البيت..
مبارك:فدييت رووحك انا..
ذياب:وانا بعد افدييج برووحي...
مبارك:ههههههههههه..وجان استحي..
ذياب:الله يبحص عدووك..عايش الدوور..
مبارك:ياريال خلني استهبل..في بلادهم..واعقل في بلادي..تدري الموضه الشبااااااب الرزان..والعقال...جي بتطيح البنات..
ذياب:عقال ولا سفره..
مبارك:ههههههههه..لالا كندوره..
ذياب:شو البس الرسمي في بلادنا..؟؟؟؟؟؟؟
مبارك:ههههههههههه..لازم بنفتخر به اهنيه..
وجان اتمر عليهم عيوز فاجه شعرها الأصفر وميوده حبل رابطه به الكلب الصغير..مالها..
مبارك:تعرف هااي شو في بلادنا؟؟عيوز لابسه برقع ..
ذياب:والكلب تيس..سارحه لعزبتها العيوز واااحليلها..
الكل:هههههههههههههههههههههه..
ومروا ع البنت الصغيره وسالوها عن اسمها وقالت لهم غايه..وجان ايروحون..من عندها..راادين للعماره..
. . . . . .
بيت بو ناصر..
يوم الخميس..
الساعه خمس ونص..
ان كنت ناوي ع الهجر..برضى أنا بحكم الـــقدر..
مكتوب لي هاذا المصير..اللي انكتب لازم يصير..
كانت الهنوف قاعده ع النت اترمس ربيعتها..وخلاف بعد ما ظهرت اربيعتها..يودت التلفوون ودقت حق اختها العنوود..
العنود:هلا والله..
الهنوف:أهللللللليييييييييييييييين..فديت ختيه اللي بتي اليوم عندي..
العنود:هههههههه..اشحالج؟؟
الهنوف:كالعاااااااااااده طفراااااااااااانه..أمس ما كنت جي بس اليوم لا ..
العنود:ههههههههههه.من السوق..
الهنوف:انزين يلا تعالي..
العنود:هههههههههه..تنكتين حضرتج ولا تحاولين..
الهنوف:ولا وااحد..
العنود:مابييكم ..
الهنوف:ليييييييييش...؟؟؟؟؟؟
العنود:لاني قبل امس كنت عندكم ..احسن اتقعدين اتذاكرين ابركلج..
الهنوف:انزيين قعدي عندي سوولفي..في التلفون..
العنود:لالالالا..بسير فووق صوووب ريلي قاعد ارووحه مجابل ولده..
الهنوف:أأخ منج ما تنفعين..انقلعي..
العنود:انقلعي هاه؟؟مادري منوه قبل شوي يترياني ايي عندهم..
الهنوف:مابي منج احسان..
العنود:ههههههههه..أوكي اوكي يلا بااااي..
الهنوف:بااي ..
العنوود:ذاكري يالعنز ودري النت والرمسه الفاضيه في التلفوون..
الهنوف:العنز بنتج هاللي في بطنج..
العنود:شو درااج يمكن ولد..
الهنوف:انزين سيري جابلي ريلج يالحرمه النذله..
العنود:في عيينج..يلا سيري وانسي حبيب قلبج اشوي..
الهنوف:ااااااه لااتين ع العووق..يلا بااي..
العنود:الله يحفظج...
وبندت الهنوف وسارت تحت صوب أمها..اللي كانت في الحوي تسقي الزرع وميوده الهوز..
الهنوف:امايه ابا اظهر..طفرت من مجابلة الغرفه والنت والكتب..
ام ناصر:قري يا بنيه في بيتج..لا بركن الله فيج اونج تذاكرين وانتي تجذبين..تحسبيني ماعرف انج امبققه عيونج ع هذا مادري شو يسمونه..اللي شرات التلفزيون..
الهنوف:هههههههههههه..الكمبيوتر الكمبيوتر..
ام ناصر:هو هاذا..
الهنوف:اهووون علييييج؟؟
ام ناصر:هيه تهونين ونص..
الهنوف:أأأفا..
وشوي يحدر عليهم سيف..
سيف:السلااااااااااااام عليكم..
الكل:وعليكم السلام..
ام ناصر:هاه خراب الدار كفيت من الحوااطه..
سيف:مرحبا والله منو هاللي يرمسني..
الهنوف:امنا واسمها ناعمه..تعرفها ولا لا..
سيف:هيه لا تكون هاي شيخة ابوظبي.والله والله مرحبا ملااااااااااايييييييين ولا يسدن في ذمتيه..
ام ناصر:هيه ما ورا هالترحيب الا وشي ..
سيف:أفااا..شو بلاها ناعمه ناقع الفيوز عندها..
ام ناصر.:شو شايفني؟؟
سيف:ملاك الكوون..
الهنوف:هههههههههه..سيف ابا اظهر..
سيف:انزين عادي كل البنات يظهرن..ظهري ما فيها شي..
الهنوف:يييييييييس...اخيران لقيت حد بيحوطني..
سيف:حووه حوه وين وين تبيين ؟؟دريول ابووج انا؟؟قلت ظهري بس ماقلت انا اودييج..
ام ناصر:لا حوول..انته شو بلاك ع ابوك..شيخك تراه..
سيف:عاااشوا ..وينك وينك يا عوض عسب تسمع ناعمه شو تقوول..
الهنوف:روووووح العيووز ما فيها حيله..
ام ناصر:عيز حيلج..نشي نشي ذااكري..
الهنوف:بس سيف يبا يحوطني..
سيف:حشااااا علي احوط هالأشكال..مايطييع زيني..
الهنوف:اممممممحق ليل..اخواني لاينفعوون ولا يضروون..هيه بتحوط المسترغدات مالك..
ام ناصر:صخي صخي..
الهنوف:هاه صخينا..بس حراام ابا أظهر..
سيف:مع ويهج منو بيظهرج؟؟
الهنوف:انته..
سيف:لالالا..انا انسان بيزي..برووح سويحان..
الهنوف:شلني ويااك..
سيف:بتبطيييييييين السااع..
ام ناصر:ياعيالي صخوا دوختونيه..والله ان ما صخيتوا برشكم بالمااي..
شرد سيف..والهنوف تمت مكانها..
سيف"وهو يربع..":عااشوا نظر عيين عوض..مافيها حيله..
الهنوف:ههههههههههههههه..وينك يا شيبتنا تسمع عيوزنا..
جان ترش ام ناصر الهنوف وسيف ميييييييييت ضحك..
ام ناصر:الشيبه والعيوز عياالج..انقلعي يلا..
وتخيست الهنوف من فووووق لتحت..
سيف:كنت عادي احوطج..بس اللحين مستحييل اوديج عسب ما تتوسخ الأودي مالتيه..قري في بيتج اخير لج..
الهنوف تسير حجرتها عسب اتبدل ووتتحرطم..
الهنوف:يالله شو هذا لا حبيب ايحس ولا اخو ينفع ولا ام تواسي..اففففففففف..شو هالحاله؟؟؟
أما سيف ع طوول ركب سيارته وصك خط سويحان..
. . . .
علمتني الليـــــــــالي..بــــعدك انته يا غالي..
أمشي بين البرايــــا..وأشـــــعر اني لحالي..
يوم الخميس..
الساعه 6 العصر..
بيت بو منصور..الحوي
اليازيه وظبيه يالسات ع الدري ووياهن مها الصغيرة اللي جدام المطبخ ايسولفن عن الفلم الهندي اللي كان أمس..أما ام سلطان وام منصور وموزة وسهيل يالسين ع المنصه يسولفن هن بعد"ظنتي مااشي يديد .."..
ظبيه:اممممممممم..وبس..
اليازيه:خلصت قصتج..
ظبيه:هيه آآآآآخر شي مات وااااحليله..
اليازيه:ابااااا أفهم أمس لييش ما قلتي لي ان الفيلم بيكوون حلووو...اللحينه شوو أسوي بج..؟؟؟
ظبيه:حرااااام عليييج..تدرين كنت أصلاً ما بشووفه وبسير أرقد بس ما ياني رقاد لأني كنت أفكر بهاك الريال......................"وحطت يدها ع ثمها لأنها ما كانت تبى اتقوول شي من اللي في خاطرها لليازيه."..
اليازيه"مستانسه لأن ظبيه كشفت عمرها":هاااااااااااه؟؟هاااااااااااااااااه.؟؟ب دينا انخش عن بعععععععض..
ظبيه:شووو اخش عنج وتخشين عنيه..بسم الله من هالطاري..
اليازيه"تمط قصة ظبيه":رمسي ملعونة الصير..شوووووو السااااالفه؟؟
ظبيه:حووووووووه..بتنتفين شعريه انتي..لييييييش غيراااااانه..
اليازيه:بتقوووليييين السالفه ولا بيزه لج يز..
ظبيه:امممممممم..والله مالي خاطر اسوولف لج اللحينه..هب متفيجه..
اليازيه:ان شالله متى الشيخه بتتفيجين؟؟
ظبيه:مادري والله...
اليازيه:يوم تتفيجين بس اشريلي اشاره وبعرف انج تفيجتي..
ظبيه:شو من اشااره؟؟
اليازيه:حولي عيونج..
ظبيه:ان شاالله عمتي اليازيه..
سكتن فتره واليازيه تتريا ظبيه اتحول عيونها..وتطااااااااالع ظبيه بنظرااات...
ظبيه:لييش اتطالعيني جييييه..شو تبين؟؟
اليازيه:هعهعهعهعهعههعههعهع...ابباج اتحولين عيووونج بس الظاهر ما بتحولينها..
ظبيه:اممممم..بعدين بعدين بخبرج الساااالفه..بس انتي ذكريييييني..
مها:أي ساالفه؟؟
ظبيه:خلج بحاالج انتي..اللحينه بيي هدووف وبتلعبين ويااه..
اليازيه:اوووووونه؟؟؟؟؟
ظبيه:والله اللحينه بيوووون..
اليازيه:جيه شقايل محد مخبرني يععععلج العووووق مضيعة المذهب..؟؟
ظبيه:واللله عااده نسيييت..
مها:طالعن طالعن يوا يوا..
اليازيه"اتنش ":هيه والله هاذا استيشن عمي عبدالله...
ظبيه:ياا رب سلااااامووه يت وياااااهم..
اليازيه:نشي يالغبرة بنرووح صوبهم..عمي فدييييته من زماان ما شفته...
ظبيه:يلا بس لا اتسبيييني..
اليازيه:خلااااص نششششي..
ظبيه"اتنش بكسل":اخييييراً نشيييت..
يودت اليازيه يد ظبيه وسحبتها ومها تمشي جدامهن..ظهروا قووم بو عبدالله..من السيارة وين ظبيه واليازيه في الوقت اللي هم كانوا ايسلموون..طبعاً اليازيه بما انها الجريييئة سارت صوب عمها أول شي ووايهته وسارت وسلمت على أم عبدالله وأم هادف وسلامه ووايهت هادف..ويلست عدال عمها..وام عبدالله يالسه عدال ولدها عبدالله من الصوب الثاني..
بو حميد"بعد ما تخبر عن حال ام منصور وام سلطان":شحاااالج ياليازيه ربج ماا تشكين بااس؟؟
اليازيه:ايسرك حاالي يا بو حميد..ولا يضرك..ومن صوووبك؟؟
بوحميد:ماا نشكي بااس..شحالج ظبيووه؟؟
ظبيه"دووومها تستحي ":الحمدالله شحالك؟
بو حميد:مااا نشكي..يلا عااده الإمتحانات قربت..ونبااكن اتبيضن الويه..واتييبن النسبه اللي ترفع الراس فووق..وتخلي العرب كلهم يرمسوون عنها..
اليازيه"المتحدث الرسمي..":أفااا عليك يا بو حميد..ما ينخاف علينا احن..بس عاده عندنا طلب صغيييييروووووون..
الكل سااكت يترريون بو حميد يرمس..
أبو حميد:لج اللي تبينه..
اليازيه:اللي اباااه ..
موزة"اتقاااطع يزووي":ههههههه..انا عرفته..
الكل:شووو؟؟
موزة:اللي تباه هو الكافي يملي ثلاجتها اللي في الحجرة..
يزوي:صح...كيف عرفتي؟؟
موزة:خخخ.انا اعرف اللي تبينه ..شو غيير الحلويات والكافي والآيسكريم..
اليازيه:لو سمحتي لا تقولين أيسكريم..
سلامه:عيل شوو تقوول؟؟
اليازيه:عسكريم..
الكل:هههههههههههههههههههههههه...
تم بو عبدالله يالس اشوي..وخلاف ركب سيارته وويه صوب بوظبي..لأنه عنده شغل هناك..حولن الحرمات بعد صلاة المغرب بيت بو سلطان..في الوقت اللي رااحن البنات فوق في الصاله اللي في بيت بو منصور..بحكم انهن ما يبن ازعاج من الشباب اللي هم "حميد وسعيد وسلطان ومنصور وراشد"..ولا من العياييز اللي سارن من شوي..بعد فتره بسيطه يأ سلطان ووياه مهره أخته..وخلاه اتسير فووق عسب تزقر سلامه لأن يبا ايسلم علييها..يت مهره صوبهن وسلمت على سلامه وقالت لـها اتسير لسلطان اللي يترياها تحت..وتمن البنات ارواحهن ايسولفن ويستهبلن..
اليازيه"اتطالع ظبيه":هاه اشحالج يالبقره..؟؟
ظبيه:بخير ربي يسلمج يالكلبه..
اليازيه:شوووووووه عاده جي يعلج الحووم..
ظبيه:ماعليه ماعليه ..يعلي الحوم؟؟
وتنش اونها بتسير زعلت..
اليازيه:اوووووووووونه..قعدي قعدوا عليج سبع بعراان..
مهره:..خخخخخ..خووووش سبه..
اليازيه:شو هالغباء..اهو يقوول خوش فله..
ظبيه:فله ولا فندق ههههههههههه...
اليازيه:ماا يضحك ..هيه صح ما خبرتكم؟؟
ظبيه+مهره:شووووو؟؟؟
اليازيه:تعرفت ع هندي في الماااسن..
ظبيه:هههههههههههههههوووووووو...
مهره:منوه شاروخان؟؟
اليازيه:لااا..سلمان خان...
ظبيه:هيه ترا هيلا اللي نعرفهم..
مهره:تعرفون ابغي اسوي شي..
اليازيه:شووووو؟؟يا مسودة الويه..
مهره:خلج انتي عاده..من زييييينج..تشردين قبااااايل..
ظبيه:خ خ خ خ خ ...طرووووها..
اليازيه:واااااااااااااااااااااااااايه بالستر..جايفتني ورقه..
مهره:لا قلم..
ظبيه: لا تطروون المدرسه..
مهره:لييييش عاده..
اليازيه:اللي ما تستحي تراها طلقت ظبيووه..
الكل:هههههههههههههههههههههههههههههه..
مهره:يالله..انتي الييين متى يعني عقلح في نعالج..هااااه؟؟
اليازيه:اللحين انا عقليه في نعاليه..
ظبيه:لا في مخباااج..امبووووو...
اليازيه:اه يعلكن العوووق..تتمصخرن عليه..
ظبيه:لا ع اللي عداالج..
اليازيه:اف منكن يالمجرمات..
ظبيه:حووووه..المجرمات بناتج..احن ما ذبحنا حد..والله..
اليازيه:سلياب باس هتاكا وري تلاهتافنم مبينت نتاه ونرملا ...
ظبيه:شو هالرمسه..
اليازيه:فتحي القااامووس وبتعرفين المعنا..
مهره:هههههههه..بس بس هذيج المره سووتها اونه رمسه هنديه,...
ظبيه:حركااااااااات..
اليازيه:فتحه ولا ضمه..
مهره:كسرة..
اليازيه:خبله..
مهره:انتي..
ظبيه:واااااااااااااااااااايه شو هالخبايل اللي عنديه..يتواقعن كل دقيقه..
اليازيه:يا ويل يا ويل حااااااالي يام الذوووق..
مهره:ههههههههههههههههههههههههههههههههههه..
ظبيه:ضحكتي من سرج بلا ****لله.تتطنزين علي؟؟
مهره:لااااااا افا..من قال..
ظبيه:ريموووه البطه السوده..
اليازيه:هيه هيه يالبزيه جذبي جذبي ترى الجذب مخاااوييييييييج من صغرج..
ظبيه:الله يبحص عدوج كفشتيني..
اليازيه:كفشتيني..عربي عربي عربي لو تكرمت ظروووفج..
ظبيه:ما عندي ظرروووف بس رساايل..
وتنش يزووي..
مهره:وين وين؟؟
اليازيه:ما يخصج يلا قري مكاااااانج..
ظبيه:مالي حص والله مالي حص..ماما لازم اسيللل وياج..
اليازيه:يا بنتيه تراااج طفرتيبي وفقرتيني..
مهره:تعالوا مهووووووي وينها..
ظبيه:سارت ويا امايه..
جان اتسير وترد وهي ماسكه عبي بيدها..
اليازيه:يلا تعالوا بنلعب..
مهره:شووو؟؟
اليازيه:باتماااااان..
ظبيه:هيا هيا..سابق لا تتردد ..لاحق الفوز مؤكد..لا لن يهزم ابدن من سعى بأصرار..
اليازيه:لااااااااااااا..هاي مال سابق ولاحق..حق باتماااان غيييير..
مهره:تعرفينها..؟؟؟؟
اليازيه:ضوء لمع وسط المدينه رسم ندائن لمنادينا..(اههه خلين اخواني يخبرووني اياها..)
وبعد ماحفظنها..
ظبيه:يلا بنغنيها وبنربع وبنخلي العبي تتطاير ورانا..
اليازيه:هههههههههههههههههههه..يلا يلا..
وبدن يلعبن ويغنن..وشوي بدن يتضاربن..جان اليازيه تاخذ المخده الصغيره وتضرب ظبيه..وبدن يخربن الصاله..
ظبيه:أأأأأأأأأأأأأأأأأأأأأأأأأأأأأأي ياليازيه السوده يعلج العوووق..
اليازيه:العوق في بطنج..علج تفدين اثري...
جان اتي مهره وتضرب اليازيه ع راسها..
اليازيه:اااااااااااااااااااااااااااااااااااااااااا اااااااي..اهئ اهئ ما عليه يا الصخله ..أرويج..>>على فكره اليازيه دوووم اتسمي مهره الصخله..
وتمت تربع ورا مهره اللي كانت تربع بسرعه..
ظبيه:خخخخخخخخخخخخخخخخخخخ....ههههههههههههه...ب س بس لا تموتني ضحك..
اليازيه"وهي تربع والشعر طايح وراها..":ماااعلييييه ماااعليييييييييييييه..تضحكين ويا ويهج...
ظبيه:بس بسسسسسسسسس..هههههههههههههههههههااااي ..والله بموووت..
مهره:هههه..موتي موتي محد قبضج..بس بس
لا اوديج الشرطه..
ظبيه:ههههههههههههههههههههه......................مه رووه مهرووه..
اليازيه:بسم الله خلي البنت تربع..
مهره"وتطالع اليازيه اللي كانت وراها":..اول مرة اشوف عرب يحبوون يتعبون ارواحهم..
اليازيه:لا والله بس من الغياااض اللي فيني..تعااااااااااالي..
ظبيه:مهره تراج بتطيحين طالعي جدامج..
وتطالع مهروه جدامها وطراااااااااااااااااااااااخ..وطاحت ع ويها..اهنيه يلست اليازيه ع الأرض وهي مييييييييييييييييييته ضحك..اما ظبيوه طلعت الضحكه المعتااااااااده؟..
اليازيه:ههههههههااااااهااااااااااااااهههههاااااااا ااااااي..خخخ..
هيهييييههههههييي ييييييييااااااا..
نشي نشي يعلج العوق خليني ارووم اشوف ويهج..اريد اضحك..
ظبيه:هههههههككككككككاااااااااااااك...
والله بطنيه عورني ..هههههههههههه..نشي عنلاتج نشي. ههههههه...
وتنش مهرووه وهي ماسكه يدها..وطالعت فيهن وخلاف نقعت ضحك..
مهره:ههههههههههههههه..تضحكن علي ضحكوا عليكم ينوون..
اليازيه:عساهم في رااااسج..
ظبيه:ههههههههههههههههههههههههههههههه....
اليازيه:بسم الله شوو بلاااها..
مهره:الينون..مايوا راسي يو في راسها..
اليازيه:ههههههههيييييييييييييييي...
مهره:هههههههههههه..
جان اتي سلامه..
سلامه:بسم الله بسم الله يا رب سكنهم في مساكنهم..عوذ بالله عوذ بالله..يارب تحمي هالبيت من الجن والشياااااااااطين..لعنببووكن اصواتكن شاله البيت شل محترم..
اليازيه:ع بالي قليل ادب..ههههههههههههههههههههههه..
ظبيه:بسنا بسنا اسمينا اليوم مطيحات في تواام..
مهره:بسم الله جي عاده..
وينشن ويقعدن ع الكنب والصاله فوق تحت..مخرررررررررررربه..
اليازيه:اسميهن البشاكير بيحدرن الجنه من فعايلنا..
مهره:هيه والله..
ظبيه:تعالي وين سرتي ..مالقيتج..>>>تستهبل..
سلامه: مااشي كنت يالسه عند سلطان تحت.."وييهها أحمممممر"..
اليازيه:ع بالها ظعتي..
سلامه:خخخخ..شايفتني ياااهل..
ظبيه:عيني تقووم بتصغير الأشياء احم احم...
مهره:يلا تعالوا بنرقص..
ويبطلن نجووم ويرقصن على غنية الموت الأحمر لحربي العامري..
مهره اللي اخترعت الفكرة قعدت ع الكنب وتم اتشجع..
مهره:عااااشوا عاشوووا ..صوبنا صوبنا..روووح سلامه بنت عبدالله ما فيييها حيله..
وتمن ايولن وسلامه تنعش ..واليازيه لفت الشيله ع شكل سفرة..واونها واحد من الشباب..وتيول وتيول..اما ظبيوه سارت حجرة امها ودورت لها برقع ويت تريع وهي لا بستنه...
الكل:ههههههههههههههههههههههههههه..
وتمت ترمس اونها عيووز..
سلامه :أأأأأأأأأأاخ والله انيه تعبت..من الضحك..تعالوا بطني يوعانه..
اليازيه:عادي بس اكليييها..
مهره:خخخخ..
ظبيه:اللي معها فلووس تطلبلنا من المطعم او من الدكاان..اليازيه عندج..ولا انررووح انهف من حجرة عايشه..يعني امايه..
مهره:لالالالالا..بلا سرقات محرمه...انا عندي فلووس..بس من وين من المطعم ولا الدكان.؟؟.
اليازيه:لالا المطعم فليل من الدكان..
مهره:شوووركن وهداية الله..يلا شو تبن..
سلامه:1ميرندا..ثنين كتكات..بدرهم بطاطا عمان الحار...
اليازيه:ثنين بيبسي واحد جلكسي كراميل اربعه علوج..وووووووو...ايسكريم ..اي ايسكريم..
مهره:هيه هيه..
ظبيه:واانا..انا ابغي 1 شاني..وثنين تويكس وبدرهم بطاطا الأصابع..واممممم..بس..
مهره:هيه ماااااشالله افقرني افقرني..كل وحده عندها خزاانننييين...
ومسكت التلفوون ودقت ع الدكان ووصته باللي يبنه وقالتله اييبه بيت بو سلطان..لانهن بسيرن بيت بو سلطان..
. . . . .
ما تحمل تصدق ضنونـــي.. لو تغيب النــــاس تبقالي..
غصب عن منهم يلوموني.. وكل عذالـــــــك وعذالي..
الهير..
بيت بو عبيد..
الساعه 12ونص..
جدام الباب العود مال الفله..
عبيد واقف جدام الباب ويرمس تيلفون..من بند عنه على طوول انشغل فكره بظبيه..كااااااان وده ايشووفها حتى لو من بعيييد..بس المهم ايشوووفها..
حدر عبيد البيت..وما لقى حد في الصاله..رقى الدري ووصل الطابق الثاني..نفس الشي محد في الصاله..جان يحدر حجرته ويظهرله ملابس عسب يتسبح..وحدر الحمام الله يعزكم...وأول ما حدر انفج باب حجرته مرة ثانيه وكانت ميرة حادرة ووياها قلم وودفتر صغير..ربعت بسرعه وفوق الشبريه لقت تلفون أخوها عبيد موجود..جان تيلس ودورت على رقم سعيد بن سهيل..ونقلته بسسسسسرعه ع الدفتر..وحطت الدفتر والقلم بمخباها..ويلست ع الشبريه تتريا خوها يظهر..مرت ربع ساعه وخلاف عبيد كان ظاهر من الحمام الله يعزكم ولابس فانيله و وزار..وانصدم يوم شافها موجوده..
عبيد:هلاااااا ميرة..
ميرة:هلا عبيد..
وتسير اتوايه..
عبيد:شحاالج ؟؟عساج بخير؟؟
ميرة:الحمدالله انا بخير..شعلومك انته؟؟عساك طيب..؟
عبيد:الحمدالله ما نشكي بااس..
ميرة:امممممم..عبيد..
عبيد"واقف جدام التواليت ايمشط شعره":عيونه لج..>>على فكره هو ايدلع خواته واااايد..
ميرة:اباك..اباك اتحوطني بااجر..تراني مليييت من يلسة البيت..
عبيد"ماا صدق طلبت هالشي منه لأن يمكن ايغير منها اشوي":اممممممممرة ما طلبتي ..كم ميرة احن عندنا..بس ويييين خاطرج اتسيرين؟؟
ميرة:والله ماشي مكان يعني محدد في بالي..أي مكان ودني ما بقول شي عاادي عندنا..
عبيد:خلاص عيل باخذكن بااجر..
ميرة:يعني لازم نااخذ ميثا ويانا....
عبيد:ميرة تراها أختي شرات ما انتي ختيه..هنتينكن باخذكن وبنستانس ارباعه..
حدرت ميثا لأنها سمعت أصواتهم وكان الباب مفتووح..
ميثا:السلاااااااام عليكم..
ميرة وعبيد:وعليييج السلام..
وتسير ميثا واتوايه اخووها..
عبيد:شحالج؟؟
ميثا:يسرك الحال ومن صوبك؟؟
عبيد:الحمدالله بخير..يلا عاده شدي حيلج..هالشهر عاطينكم ايااه عسب تدرسين وتشدييين حيلج..نباج اتبيضين الويه..
ميثا:افاااا عليييييك ما طلبت ياا عبيد..على فكره مب أنا بس ثنويه عااامه..عرب كثيييييييير..
عبيد:اووونه؟؟
ميثا:والله صدق ما جذب علييك..
جان تظهر ميرة من الحجره وهي مغيييييييييضه من الخاطر...
ميثا:يالله شو بلاها ظهرت من الحجرة هااي اللحينه..
عبيد:ماااا عليييج منها..قوليلي ظبيه اللحينه ثنويه عاااااااامه..
ميثا:هيه..أقوولك عايلتهم كلها ثنويه عامه..
عبيد:كيف هااي بعد؟؟
ميثا:عندك اليازيه وظبيه وسعيد"ويوم قالت سعيد طالعها عبيد بنظره استهتار"..وسلامه..وو
عبيد:لحظه لحظه منوو هااي سلامه..؟؟
ميثا:هااي بنت عم عيال عمتيه حصه..بنت عمهم عبدالله..
عبيد:يعني أخت حميد..
ميثا:هيه ..وعندهم الهنوف بنت عمتهم في بوظبي..
عبيد:اها..يعني أخت ذياب وسيف عيال عوض ..
ميثا:هييييه..أحسب كم واحد ثنويه عامه..خمس من عايلتهم ثنويه عااامه...
عبيد:ماااااااااشاالله...الله يوفجهم..ومن أشطر واااحد فيهم من هالخمسه..؟؟
ميثا:ومنووو غيرها ست الحسن والجمال..ظبيووووووووووه..لالالالا..أجذب عليك الهنوف بنت عمتهم ناعمه اللي في بوظبي...
عبيد:اااااااه فديييييييييتها ظبيووووه....بس في شي مخرب علييها..
ميثا:وينقد البنيه بعد؟؟
عبيد:وياااا ويهج يالحيوانه..ليش ليش هي حزييينه وهالشي امبين في عيوووونها..
ميثا:اممممممممممممم.."وهي سرحانه"..يمكن من سالفة حميد..
عبيد:ايفز صووبها":شو شو سالفة حميد بعد؟؟خبريني خبريني..
ميثا"اتويه صوب الباب":مااشي سالفه؟؟وبعدين انته شو عليك ؟؟
عبيد:شوو عليّ بعد..فانيله ووزار..والله لا اتقولين شوو سالفة حميد وياا ظبيه..
ويقبض يدها عسب ما تظهر..
ميثا:أأأأأأأأأأأي عورتني فجنييييييييي...
عبيد:ما بفجج الا يووم اتقووليين..
ميثا:يالله .ياخي والله سالفه ما تنرزى..وش له حااشر عمرك ؟؟
عبيد:بس انه اتخص ظبيووه عسب جيه ابا اعرف..
ميثا:يالله مب لازم تعرف؟؟والله سالفه ما تسوى؟؟
عبيد:وانا حلفت انج اتقولينها..
ميثا:مشكلتك اتحمل انته صيام هالحلفه؟؟؟مااالي خص..
عبيد:بطلي عناااااااااااااد وقووولي السالفه ولا والله انييه اسدحج اللحينه واسحبج من شعرج وانظف بج الصاله يلا رمسييييييي..
ميثا:انزين فج يدي وخلني ايلس وبقولك السالفه..
عبيد:هاه فجيتج يلا رمسي..
ميثا"تيلسع الشبريه":شوو بعد مااشي سالفه؟؟ترى ظبيه كانت اتحب حميد ..وحميد ايحبها..بس حميد شكله ايجذب علييييها وجرحها الخاين من بعد ما قال لها انا ولا في يوم في عمره فكر بظبيه او انه فكر ايحبها..بس..من هاك اليوووم وهي ظبيه جيه حالتها..تحسها حزينه..وبس..
عبيد:وانتي منو مخبرنج؟؟
ميثا:منو بعد؟؟اليازيه..
عبيد:اها..يمكن الريال عنده ظرووف عسب جيه خلى ظبيه..ولا ظبيه مووول ما تستاهل اللي ياها..وحميد ريال مااشالله علييه..
ميثا:خلاص انا بسير برقد وانته حلل السالفه ع كييييفك..
عبيد:الأخت ديايه...عنبوووه توها 1..
ميثا:شووو أسوي والله ابا ارقد ميهووودة..تصبح على خير..
عبيد:وانتي من هله..
ظهرت ميثا من حجرة أخوها عبيد وخلته ينفرد بافكاره بظبيه..
. . . . . .
ودعتكم ياليـــت ما كــــان..يوم الووداع القلب ممــحون..
اتــــسالني وش الذي كان..لـــــمفارق أحبابه وش يكون..
بيت بو سلطان..
الصاله..
يوم الجمعه..الساعه 4ونص..
اليازيه وأم سلطان ومهره يالسات في الصاله ..واليازيه اتحاول تقنع امها اتوديها السوق قبل ما اتيي الإمتحانات...
اليازيه:امااااااااااايه..أنا ثنوية عاااامه لازم اتوفرون الجو اللازم للمذاكره..
أم سلطان:وين الجو اللازم..في السوق..أحيد العرب يدرسون في بيوتهم مب في السووق..
راشد:ههههههههه..لقطي لقطي ويهج يالسباله..
اليازيه:اماايه طلبتج فديييييت روووووحج...
أم سلطان:مب متفيجه لهالخربطان مالج..
اليازيه:أمااايه بتوديني السوق ولا ما بقدم ثنويه عامه...
أم سلطان:عادي خلج يالسه في البيت والبشاكير بسفرهن..
راشد ومهره:هههههههههههههه..
اليازيه"اتطالع فيهم":تضحكون هاه..؟؟خلوني بس أسير السوق لا انت ولا انتي بتسيرون ويايه..
اليازيه:امااااااااااااااايه فديييييييييييييييتج يامايه..الله يخلييييييييج..
أم سلطان:لأيعني لأ..
اليازيه:حصوووووه دخيييييلج دخييييييلج وديني السوق..
أم سلطان:خلاص زين بوديييج بس بعد صلاة المغرب انكون في البيت..
اليازيه"تعفد على أمها":فدييييييييييييييييييييييييييتج والله يعلني ما خلا منج فديييت هالخشم والله..
أم سلطان:ربعي فوق لبسي عبايتج بسرعه..مهروه بتسيرين؟؟؟
مهره:لا ما بسير..
اليازيه:لا لا لا بتيي ما نستغني عنها عاده هي وويهها..
مهره:انزين فجي يدي والله ادل الدرب..
اليازيه:لا لا انا بوصلج الحجره..لا تخافين مب من طيبيته ولا من محبتيه لج..الا خايفه يستويلج شي..وبدال ما نسير السوق انسير مستشفى توام...
مهره:هههههههههه..
تلبسن البنات ابسرعه ودقن على ظبيه ووافقت بدون اي اعذار..ومروا وخذوها هي وسهيل..والسبه ام سلطان اللي تبا اسهيل يكون وياها..وتحيدون انتوا سهيل كيف ايطفر ..
أول شي راحن المول..ولا في أي شي في بال اليازيه..الا انها اتقول اللي اشوفها يعيبني باخذه..ودتهن اول شي شومارت..واتشرت منه نعول حق المدرسه ..وثانيه عاديه..وظبيه ومهره خذن شراتها بالضبط..وخلاف اقترحت ظبيه ايروحون كان كان ويتشرن قمصان للمدرسة..وحدرن المحل وكل وحده خذتلها قميص..بس القميص اللي أختارته مهره كان أحلى واحد من بينهم فخذن شراته..وأول ما ظهروا من محل كان كان شافوا واحد ماخذ اسهيل ويلعبه..وكان وياه ثنتين..
أم سلطان :واااااايه هاااييلا عيال خوويه..
عبيد"ياي صوب عمته":السلااام عليكن..
الكل:وعليييكن السلاااام..
انصصصصدمت ظبيه يووووم شااافته..وما كنت متوقعه أبدا انها اتشووفه اليوم..
أم سلطان:وشحالك ياعبيد وشحال اهلك وعربانك وتواليك..
استانست ظبيه لأنها أخيييراً عرفت عبيد..
عبيد:مااايشكون باس وابخير ونعمه..وشحالج يا عموه عسااج طيبه؟؟
أم سلطان:الحمدالله ايسرك الحال ولا يضرك..
عبيد:افا افا يا عمووه..وينكم اممره ما تويهون صوب الهير..ما تيووون ولا يسلموون..لولا سلطان وسعيد اللي ما يوون ويسيرون علينا..جان اللحينه امممرة ما ارمسج..
أم سلطان:فدييييييت رووووحك ثرك حاط عليّ في خاطرك..والله ان ما نفضي يا عبيد..بس ****الله من يخلصون الإمتحانات الثنويه..لك وعد مني انييكم ونيلس عندكم يومين ولا ثلاثة أياام..
عبيد:وخلج قد كلمتج..
أم سلطان:هههههههه..لا تخاف قدها وقدود..
وويهت أم سلطان صوب ميثا وميرة وسلمت عليييهن وتمت لهن ساعه تتخبرهن عن بوهن وأمهن..وعن ييرانهم..أما عبيد وقف قريب من البنات ..وعرف ان ظبيه وياااهن..لأن سهيل امخبرنه..قاله اليازيه وظبيه ومهره..عبيد عرف ان اللي ع اليمين هي اليازيه من وقفتها وطول عودها ..
عبيد:وشحالج ياليازيه عسااج طيبه؟؟
اليازيه:ماا نشكي بااس ..وشحالك انت؟؟
عبيد:يسرج الحال ولا يضرج.."ويطالع مهره وأكيد بيعرفها لأنها ما كانت متغشيه"..شحالج يا مهره؟؟
مهره:الحمدالله ابخير ونعمه..ومن صووبك..؟؟
عبيد:يسرج الحال.."وطالع ظبيه في الوقت اللي اليازيه سحبت مهره وسارت صوب ميثا وميرة"..
عبيد:وشحاالج ظبيوه عسااج بخير..؟؟
ظبيه:..أيــ... سرك الحال ومن صووبك؟؟
عبيد:ابخير ونعمه..
وربعت ظبيه صوووب البنات وهي مستغربه كييف عرف اسمها...كيييف؟؟استانس عبيد واايد من حركة اليازيه وقال في خاطره"لالاالحمدالله طلعت تنفع بنت سهيل"..
سارن ميثا وميرة ويا قوم أم سلطان.."طبعا هي اللي متزعمتهن"..ميرة تمشي ويا عمتهاهي ومهره وسهيل..اما الثلاثي المرح ميثا واليازيه وظبيه يمشن ورى مهره وميرة وأم سلطان..مرن على كذا محل..ومع مروور الوقت..ياهن عبيد وهو ميود بيداته حوالي فوق الخمس اكياس..وزقر ميثا..وعطاها الأكياس..ورواها الكيس اللي فيه وجبة ظبيه..الأخ طالب لها سبيشل غير عنهن..وسارت ميثا وزقرت ميرة وعطتهن الوجبات..واحتشرت ام سلطان تباهم يتعشون عندهم في سويحان..بس عبيد اتعذر لها وان بعده ما خلص اشغاله اللي في العين..
وفي السيارو وين ما كانن أم سلطان ومهره وظبيه واليازيه..تمت اليازيه تغلس عليييييييهن وتتفلسف..عكس ظبيه اللي ملتزمه الصمت..
مهره:اماااايه شوفي اليازيه ..طفرتبي..
أم سلطان:بس بس صخن...اليازيه خوزي عن ختج..شو تبين بها..
اليازيه:شو هاه؟؟هي ظربتني..
مهره:شوووووووووو؟؟؟؟
أم سلطان:بس بس ياليازيه بنحدر الينه من فعايلج..صخي صخي عن ختج..
اليازيه:هيه عيل يا حظكم..
وتدز مهرووه..
مهره:أأأه ياربي...تراج مممرة متفيجه ..انا تعبانه..خلاص ريولي راحت فيها..
اليازيه:جب جب يالصخله يالعياازه..
أم سلطان:ياربيه من هالبنات..يزووي ان ما صخيتي وقريتي مكانج ولميتي ثمج تراني بفج الباب بنزلج وبخليج ارووحج في نص الدرب..
اليازيه:شو هاه حصه بنت خالد بتضحين بوحده من بنااتج؟؟
أم سلطان:هيه ..يالله متا بفتك منكن واعرسلكن..
اليازيه:هيه ترا يوم أعرس ما بحدر بيتكم..وانتي بتقولين...أأه فديت اثر اليازيه ليتها بس اتي مرة وحده..
أم سلطان:ثرج مضيعه مذهب..ماشفت حد شراتج ضاربنها الدوود ع العرس صخي يابنيه دوختيلي راسي..
اليازيه:أمايه بس حبيت انبهج للمستقبل..
أم سلطان:لحووول...اسماعيل بابا وقف وقف..
وقف الدريول..
أم سلطان:اليازيه ان ما صخيتي بنزلج..
اليازيه:هيه اعرفج تبين تفتكين مني..
ظبيه ومهره:ههههههههههه..
أم سلطان: سر سربابا..زين يووم دريتي..
اليازيه:بس في الأحلااام..انا ماريدج تفتكييين منيه..أأأأأممممممممممممممموووووووواح...
ام سلطان:فجيني فجيني يعلج العووق..شو بلاج لصقتي..
وتضربها ع يدها..
اليازيه:أأأأأأأأأأأأح...شو ها حصووه..ليش تضربييين اليازيه..
أم سلطان:لا اله الا الله..
مهره:بس اليازيه صخي طفرتي بامايه..
مهره:اوووووووونها هاي بعد..رقدي رقدي يالصخله..
وتضربها ع راسها بخفيف..
ام سلطان:يارب يصبرني ع هالبنيه..
اليازيه"تستهبل":أماايه؟؟
ام سلطان:هاااه؟
اليازيه:شوو بلاها ظبيه ما ترمس..
ام سلطان:ما فيها شي...انجبي يلا..
اليازيه:خلاص بنجب..اووووووووف..متى بنوصل بيتنا حبيبي..
وردوا هل سويحااان وفكر ظبيه مشتت ...
. . . . . .
جفني جفا نوم اللــــــيالي .. متصــــــوب والقلب ممحون ..
يظويني طيفه في خيالي .. وأسري مع الأشواق مطعون..
بيت بو حميد..
الساعه8ونص..
الطابق الثاني..
اليازيه وسلامه يالسات ايذاااكرن..مادة رياضيات ..اليازيه بتيلس هاليومين في العين..لأنها تبا تدرس ويا سلامه..وسلامه ماشالله عليها شااطره في الرياضيات..وشي ثاني وهو ان في مدرسه اتيي البيوت وتدرس المواد.."كمدرسة خصوصيه.."..بس المشكله ان هالمدرسه بس اتيي في العين..ماتروم اتيي في سويحان..
اليازيه كانت لابسه كندوره عيناويه ومظهره قصتها وطبعاً حاطه جحال وقلوس..وسلامه نفس الشي بس لون كندورتها ورديه...شلن أغراضهن من كتب وأقلام وارواق وسارن الميلس مال الريايل الثاني..وهالميلس الرياييل يوم اييون ما يلسون فيه..يسيرون الميلس الثاني وطبعاً الميلس الثاني امجابلنه..اما هالميلس فهو مال الشباب يعني يوم ايون شباب سويحان او ربع حميد من الهير والرماح والمقام..لأنه هالميلس فيه تلفزيون وبليستشين وفيديو..فعسب جيه الشباب ييلسون فيه ..بالمقارنه من الميلس الثاني اللي ما فيه غير تلفزيون..
وجدام الميلس اليازيه و سلامه واقفات...جان اتقول سلامه انها راده للبيت عسب اتدق للمدرسه واتشوووفها وين..وجان تحدر اليازيه الميلس الثاني"مال الشبابيه"..وتلايم الباب ..ويوم لفت ويهاا جان اتشوووووف وااااااحد يالس على نهاية الميلس..ردت ع ورى وظهرت قصتها ..."هالقصه ما اتووب الا وتظهر"..وهي منصدمه من اللي اتشووفه..ريال لابس كندورة بيظا وغتره حمر..ووشكله واايد حلووو..جان اترد وتظهر من الميلس وحطت الكتب ع الأرض وتحجبت لأنها شافت حميد ولد عمها يااي..
حميد:لا يكوون حدرتي الميلس اللي ع اليمين..
اليازيه:لا ما حدرت ولا واحد من الميالس شفت نعال ريال"جذاااااابه هي اصلاً ما انتبهت للنعال.."..وعلى طوول رديت..
حميد:زين ما سويتي..ربيعي حمد الخيلي كان في الميلس..يلا براايج..
اليازيه:مع السلامه..
وتنهدت من الخاطر اول ما سااارت من عند حميييد..بس شوو اقووووول عنه هالخيلي عنلاته حلووو..بس والله والله الغالي ان مباااااارك أحلىىى منه..
"صدق ترى مبارك أحلى من حمد الخيلي"..
وردت البيت بس ما يابت اي طاري للسالفه اللي استوت وياها لسلامه..
. . . . .
أبليت واســـبابي من الود..وهـــــموم والدنيا اسباب..
قلبي عليك ايحــــن محتد..حنيني ياللي فارق أحباب..
بيت بو عبيد..
يوم الأحد..
الساعه11ونص..
في هالوقت ميرة يايبه تلفون البيت..وطبعاً الخط مفتوح..فعلى طووول دقت على نيلفون سعيد..
سعيد:أألوووو..
ميرة:.................
من سمعت صووته سكتت وبندت الخط..
جان ايدق عليها سعيد مرة ثانيه..
ميرة:هلا والله..
؟؟؟؟؟؟؟؟؟؟؟؟؟!!!!!!!!!!!!!!!!؟؟؟؟؟؟؟؟؟؟؟؟؟؟؟
aomroena
•
الجزء الخــــــــــــــاااااااااامس عشر..
بعد الغياب اللي برا باقي الحال ...وجروح قلبٍ بالـــــهوى حطمتني
وعمرٍ قضيته شاكي الهم رحال ... وسنين راحت من عناها طوتني
سعيد:وهلا فيييج زوووود......اممممم....منو ويايه؟؟؟
ميرة:شو انته ما تعرف الرقم..؟؟!
سعيد:لا الشيخه اعرف الرقم بس ما اعرف منو اللي يرمس ويايه...ميرة ولا ميثا؟؟؟؟
ميرة:لا انا ميثا..
سعيد"بيموت من الفرح":وياااا مرحبااا ملاااااييين ولا يسدن في ذمتيه..شحالج وعلوومج؟؟
ميرة:يسرك الحال ومن صوبك؟؟
سعيد:مااا نشكي باااس بس غريبه داقتليه..؟؟؟عسى ما شر..؟؟
ميرة:ماشي بس جي..سعيد انا انا..انا..
سعيد:انتي شو؟؟ميثوه فدييتج شي فيج؟تانسين شي..؟؟؟
ميرة:سعيد شو بلاك..انا ماا فيني شي..السالفه بكبرها انيه ابغي اسمع صوووتك ودقيت لك..ولا شو رايك؟؟
سعيد:فدييييييت روووحها اللي بغت تسمع صوووتي..اخيييراً حنيتي علي يا ميثاني..
ميرة:افا يا سعيد انا طووول عمري ما جفيتك ولا فكرت انيه اجفيييك..انت كنت عااايش في قلبي ومستحيييل انسااك..
سعيد:تدرين ميثوه اللحينه ردت روحيه مكانها..أدري انج اتحبيني..بس ما كنت متوقع انج اتحبيني هالحب كله..
ميرة:مب شرط الواحد يعرف اذا خله ايحبه او لا..بس انت غييير يا سعيد عن هالعالم كله..انت واحد سكنت رووحي وحياتي بدوونك ابد ما اسميها حياااه..
سعيد:ميثا انتي ما تدرين كم اسهر الليالي من بعادج القاسي..والله يا ميثا ان ايامي اللي تمر بدووون ما اشووفج فيها روحي ترووح وما تنرد الا اذا شفتج..حبج سكن بداخلي وما أظني في يوم انه راااح ويتركني وحيد..دوووووون حبج انا وحيييييد..وحيد بمعني الكلمه..
حبيبي لا تعذب من اذا طال الجفا يهواك..
تولع في هوى حبك وحبك صدق يحلالي..
وانا ما همني الا اشوفك والتقي وياك..
وابدل وحشة غيابك بوصلك يا بــعد حالي..
وانا مهما يعذلوني احس اني بزود اهواك..
اداري عشرة الماضي ولا اصغي لجهالي..
انا اهواك ياعمري انا اهواك انا اتمناك..
وشوقي لمن هويناهم يزيد ودوم عمالي..
غريم الشوق ما يقوى يبات ومطلبه لقياك..
ونار الشوق في صدري لهيبن دوم شعالي..
ميرة:فدييييييييييييت هالصوت تسلم يا الغلا كله..
سعيد:اااااااه شو من حظ عليه..خلاج اليوم اترمسيني..
ميرة:سعيد فديييتك انا بسكر اللحينه..
سعيد:ماا اصدق ماا اصدق ميثا تتفداني؟؟؟
ميرة:اووهو يلا يلا انا بسكر..تراني استحي من رمستك..
سعيد:اوكي تامرين بشي..؟؟؟
ميرة:لا سلامتك..ومن صوووبك..
سعيد:ما يامر علييج عدو..مع السلامه..
ميرة:فمان الله..
بندت ميرة التلفون وهي حاسه بانتصاااار في داخلها..حست انها ملكت سعيييد عاشق ميثا ختها من أول مكالمه..وان خطتها راح تتكمل تتوقعون شو نتاايجها لقاء ولا فراق...؟؟؟؟
. . . . . .
وانته ربيع الخفوق وشمسه وفيّه..وأن حب غيرك خفوقي بقطع وصاله..
ماريد بك حد لولو ولو كان حوريه..انته مهدي الغرام وانتــــــــه زلزاله..
الإثنين..
بيت بو منصور..
الساعه 3ونص الظهر..
هالوقت ظبيوه يالسه ع الأرض وجدامها بيبسي وبطاطا ليز وكتكات وجلكسي..وميلسه مهوي ختها وسهيل..
سهيل:ابا تااافي>>>ابا كافي>>بستوي مترجمه..
ظبيه:يا ابن دلوأتي خالتك بتي وبتييب وياها اكل واااااايد>>الأخت مسويه كوكتل رمسه..خخخ..
مها:يزووووي بتي؟؟؟؟
ظبيه"تتصخر ع البنيه":لااااااا البشكاره بتي..
مها:منو ببيي ترى البشكارة مب خالة سهيل..
ظبيه:ترا البشكاره عمة سهيل واسمها مها..
مها:شوووووو؟؟انا بشكاااااااره؟؟
ظبيه:هههههههه..هيه وما العيب؟؟
مها:سكتي ولا تراني بزقر منصووووور..
ظبيه:هههه..منصور ؟؟منصور مجابل موزة..
سهيل"توه ذكر امه":ابااااااااا امااااااااااااايه...
ظبيه:ياااااااااااالله...شو تبا بأمك الحينه خبرنيه...
سهيل:اباااااا مممممماااااااااممممما..
جان تحدر اليازيه..
اليازيه:والسلااااااام عللللللييييكم..
ظبيه:وعلييج السلااام شو تو الناس لي ساعه وانا اترياااج وانتي اللحينه ياااييه..
اليازيه:اووووووووه..بس بس بس ولا كلمه...انا كانت عنديه اشغااال مهمه جداً جداً..
ظبيه:هاهاهاها..بليز يعني لا اتظحكيني شو من شغل عندج اتخمين الحوي ولا تكنسين الصاله..
اليازيه:لا اغسل الصحون..هههههههههههههاييي..سمعي يبت ويايه بيتزا حااره...توها مخلصها الطباخ ويبتها طااااااااازجه..بس قبل اشوي كنت اسمع حد يصااارخ...أكيد هاذا سهيل..
ظبيه:هيه يبغي امه..
جان ينفج باب القسم مال منصور وتظهر موزة وهي ميودة تلفونها..
موزة:اوووه يزووي هنيه..
اليازيه"اتنش":اووه موزوه اهنيه..
ويتوايهن..
موزة:شحالج؟؟
اليازيه:يسرج الحال ومن صوووبج؟؟
موزة:ماا نشكي بااس..اسمع صراخ سهيل شووو بلاه..
اليازيه:مااشي طال عمرج الأخ اتحول لكلب..
موزة"تيلس ع الكنب":كلب في عينج يالهرمه..سهيل فدييييييت رووحك والله تعال عند ماما..
اليازيه:سير سير عند الكلبه العوده يالكلب الصغير..
وتفج اليازيه البطاطا كله وتحطه في الصحن اللي عند ظبيه وتحطه جدام سهيل..وسهيل الدموع في عيونه ويطالعها.
اليازيه:فديتك سهيل تبا؟؟
هز راااسه سهيل بكل براءة على انه يبغي من هالبطاطا..ومد يده اليمين عسب ياكل بس اليازيه ردت يده ورا ظهره بشوي شوي ووطت راسه ع الصحن..
اليازيه:الكلاب ما ياكلون بيداتهم يوطون رووسهم ع الصحن..وانت امك كلبه وانت كلب وط راسك ع الصحن يلا..ههههههههههههههههههههههههههههههههه..
ظبيه:هههههههههههههههههههههههههه..
موزة:عنلااااااتج سودا الويه يعلني افقدج..تعال سهيل فديتك شوتبابهن هاييلا الفاظيات ما عندهن شغل..
سهيل:اهئئئئئئئئئئئئئئئئئئئئئئئئئئئئئئئئئئئ.
موزة:لا حووول.....اللحينه شو استفدتي ياليازيه يوم صيحتي الولد..
اليازيه:وخييييير ياااطير..خليه ايصيح..اليهال كلهم ايصيحون ابسبب ولا بدوون سبب..
موزة:مااعليه بخبر عليييج سلطان..
اليازيه:هههههههه..لا اتخوفيني..
موزة:نش نش سهيل فديييتك بنسير من عند هااييلا الحيوانات..
ظبيه:انا حيوانه يا حيوانه..
موزة:عنبووووه كلتني..ما ينرزا عليكن هالبطاطا وهالبتزا جيه مأذيات اليهال..
اليازيه:ناكلج؟؟؟!!!ظبيوه متى استوينا آكلات لحوم البشر...
ظبيه:ما أحيد والله..بس نشي بنسيييير الحجره اهناك بنذاااكر..
اليازيه:اووووووووهووووووو..مااافيني..
موزة:شوو مافيج هااي ثنوية عامه لازم اتيبين فيها نسبه حلوه ما نباج اتفظحينا جدام العرب..نسبه تظهر في الجريده كل من هب ودب شافها ؟....
اليازيه:وهااااالللي قاااااااهرني..
نشن اليازيه وظبيه وسارن فوق لحجرة ظبيه..ويلسن فيها ايذااكرن..
. . . .
أرى يا سيد فرقاكم علينا هم وانكـــــالي..وتوحش عقبكم لاوطان لي طولتوا الغيبة
وانامن عقبكم يا زين كني في خلا خالي..ويا سعد الليالي يوم يدني الشمل تجريبه
الأربعاء..
بيت بو حميد..
الصاله العوده..
الساعه5ونص..
حميد وسعيد يالسين في الصاله ايسولفون عن عليا..
سعيد:بس ابغي افهم انت بالظبط شوو سويت؟؟
حميد:شو سويت؟؟اللهم انيه يبت رقم اخوها خلفان ورمسته وقلت له يا ولد الحلال ختك مطفره بالشباب الا وغصب رمسوني وواعدوني..وربيعيه محمد المري متأذي منها..وأنا شخصياً متأذي منها..شوفلها حل ربي يخليك هاي مب حاله..جان ايعصب عليها ويسيرلها البيت ويضربها ضرب قاسي جداً جداً جداً..وخلاف الله يعمر طولك دقتلي فليل ولعنت خيري اتسب وحاشره عمرها وبندت التلفون في ويهها..بس اتصدق كأنها درت اني انا اللي سويت فيها هالشي..لدرجة ان ولد عمها درى..وودرها ..وهاي هي السالفه طال عمرك..
سعيد:يعني عليا كانت اتحاول اترمس محمد المري ربيعك..هو هو ما غيره؟؟
حميد:هو هو بس يا خسارة حبنا فيكم حرام واتضحلي معدنك على العموم..وانا استاهل هاللي يستويلي لأني كنت غشيم وودرت محبة ظبيوه عسب هاي السباله..
سعيد:واللحين؟؟؟شو بتسوي؟؟
حميد:شو بسوي بعد؟؟عليا وتركتها..وظبيه ما أظني بترمسني او بتسويلي سالفه..اللي سويته في ظبيه مب بشوي..وربي ردلي هالشي وكما تدين تدان..ظبيه اللحين حسيت ابعذابها يوم عرفت ان حبي لعليا كان مصلحه وبس..
سعيد:ياما نصحناك عن هالأشكال يا حميد..الشله كلهم نصحوك..ربيعك حمد وانا ومبارك وذياب وسلطان وسيف وعبيد بس انت الله يهديك كنت متعلق فعليا وما تتحمل حد يرمس عنها..
حميد:شوووو اسوي يا سعيد القلب وما يهوى..وخلي هويته وتركته..
سعيد:مسكييييييين قلبك اللحينه يحتوي على فرااااغ عاطفي...
حميد:ههههههههههه..صح ما خبرتك؟؟؟
سعيد:شو عندك؟؟
حميد:انا فكرت في داخلي انك بعد ما تخلص من الإمتحانات ومن النسبه وهالسوالف البطاليه كلها انسافر لأي بلد ونيلس فيه كمن اسبوع ونرد خلاف وشراااايك؟؟
سعيد:الصراااااحه فكره انرحب بها ..وانا ماا عندي اي مانع..وبنشوف سيف ولا عبيد اذا بيسافرون ويانا تدريبهم لا عندهم لا شغل ولا مشغله ..
حميد:ويكون احسن وانا بعد بشوف حمد ربيعي اذا بيسافر ويانا..
سعيد:خلاص اتفقنا؟؟
حميد:اتفقنا..مد يدك..
ومد يده سعيد ويسلمون وخلاف يينشون ويتوايهون..>>>>>مااشي شغل..
وجان اتيييهم سلامه وميوده بيدها اوراق لمادة الإنقليزي وهالأوراق لسعيد واليازيه والهنوف وظبيه..سلامه عندها نسخه وحده وصورتها لـ الشله الكريمه..
سلامه:شو توكم اتشاوفتوا توني مودرتكم من دقايق..
سعيد:لا انتي يوم سرتي تزاعلنا..
حميد:واللحينه اتراضينا..
سلامه: عافانا الله جنكم الا يهال..يود هالأوراق نسخه لك ونسختين لليازيه وظبيوه وبقت وحده لهنوف بنت عمتيه ناعمه..بس منو بيوديها؟؟
سعيد:امبونا اللحين سايرين لبوظبي مواعدين الشباب في المول..
سلامه:لاوالله..وانت ليييش ما اتذاكر..الشباب لاحق عليهم وعلى حشرتهم..
سعيد:لا اصلاً اليوم انا عندي اجازة..امس فتحت كتاب العربي حشى مب كتاب دستووور دولة..
حميد وسلامه:هههههههههههههههههههههههههههههه...
حميد:يلا يلا انت وسوالفك اللي ما اتخلص..
سعيد:يلا بس بنروح بسيارتك..أعطيك علم؟؟
حميد:وليش بالله ما نسير بسيارتك..تراك الا ياي بالرنج..
سعيد:لاااا يا غبي زمانك..سيارتك احلى ينفتح بابها ع فوق..يوم نظهر منها الشباب بيصورنا..وتبى الصدق سيارتيه مفضيه ما فينها قطرة بتروووول..
سلامه:اهاااااااااااااا..جيه السالفه..
حميد:وليش بالمدح في سيارتيه هاه كله جان قلت من اول وخلاااص..
سعيد:اوهو ما فيني اشرح لك الخطه لأن تفكيرك ما بيوصل في تفكييييري ابد..حرك يلا...
حميد:جين بابا ما في سوي جنجال...
سعيد:جين يلا..
وظهروا سعيد وحميد وساروا لسويحان بطلب من سعيد لأنه يبا ايبدل ثوبه..اما عن حميد ما كان عنده مانع لأنه يبا ايسلم ع العيااييز..ويمكن ايشوف ظبيه اوحتي يلمحها.."غريبه يتمني شوفة ظبيه..سبحانه مغير الأحوال"..وبما انكم عارفين سعيد وحركاته..قال لحميد انه يوقف سيارته جدام بيت بو منصور..وان سعيد بيظهر بيشوف جان العياييز في بيت بومنصور ولا بيت بو سلطان..
وظهر سعيد وحدر الحوي وماشاف غير ظبيه اللي كانت يالسه عالمنصه..وجدامها كتاب العربي..ويأ صوبها..
سعيد:ظبيووووه..
ظبيه:هاه يا سعييييدووه..
سعيد:ججججب..
ظبيه:خلاص اخر مرة..
سعيد:هههههههه..شو تسوين؟؟
ظبيه:مااشي ارقص..
سعيد:ذاكري بدال الرقص...هيه صح...سلامه طرشت اوراق لج انتي ويزووي تراهن في سيارة حميد جانج تبينهن حميد تراه خاري يترياني..سيري وييبي الأوراق..
ظبيه:شووووووووو؟؟؟شكلك مهستر ياريال..
سعيد:لا الحمدالله لا مهستر ولا شي..
ظبيه:انزين انته ييب الأوراق ما بيستوي بك شي..
سعيد:تدرين ان حميد عاطني بس خمس دقايق اسير واتسبح واغير ثيابي ترا ورانا خط بوظبي ..
ظبيه:انزين يوم اتسير بيتكم قول لليازيه تظهر وتاخذ الأوراق من عنده..
سعيد:لا للأسف يزوووي سرتلها قبل اشوي وكانت راقده..
ظبيه:شوو؟؟ما مداها البنيه ترقد..
سعيد:عاده رقدت شو انسويبها..
ظبيه:خله هو اييب الأوراق...
سعيد:اهنيه عندج؟؟
ظبيه:لا لا بيتكم..هاللي ناقص..
سعيد:المشكله ان سيارته وقفت جدام بيتكم ولا تحركت تعرفين ليش؟؟
ظبيه:ليش؟؟
سعيد:لأن البترول خلص حتى مايروم يحركها جدام بيتكم...تراني نزلت اهنيه جدام بيتكم ولا انا طبيعي ابدل في بيتنا..>>>>>>>جذاااااااااااااااااااااااااااااااااا اااااااب...
ظبيه:خلاص برايها الأوراق..
سعيد:ما تبينها..؟؟
ظبيه:تنقع..
سعيد:تراها مهمه لدرجة انيه بظرب مشوار لبوظبي عسب اعطيها الهنوف بنت عمتيه ناعمه..وشباب اعرفهم اهناك ملزمين الا ويبونها..
ظبيه"ببراءة":انزين انا شو اسوي محد طاع اييبها لي..ولا اانا اباها..
سعيد:كييييييييفج...باااااااااي..
راح سعيد..من عند ظبيه وهي مقهووووورة..حدرت الصاله وشافت مها راقده ع الكنبه راحت وزقرت البشكاره عسب اتوديها لحجرتها في الوقت اللي سمعت فيه صوت واحد يهوّد..
حميد:هووود هووود..
ظبيه"تغطي شعرها":اهدا محد غريب..
حدر حميد الصاله وشاف ظبيه وهي بدورها نشت..
حميد:شحالج ظبيه؟؟؟
ظبيه:الحمدالله شحالك انت؟؟
حميد:ماا نشكي باس..اممم...هاذي اوراق مراجعه طرشتها سلامي لج انتي ويزووي..
ويمد الأوراق..مدت يدها ظبيه وكانت مستحرصه على ان يدها ما تلمس يد حميد..
ظبيه:مشكور ونخدمك في الأفراح..
حميد:لا شكر على واجب..يلا فمان الله..
ظبيه:ايلس تقهوى وتهبشلك من الفواله..
حميد:لا تسلمين مرة ثانيه ****لله..شي في الخاطر..؟؟
ظبيه:تسلم..
حميد:فمان الله..
ظبيه:مع السلامه..
قفى حميد وارتسمت علامات الإستغراب على ويه ظبيه...."غريييييييييييييييبه احميد يعاملني جيه وييب الأوراق عنديه وما يوديها عند يزووووي..طااااااااااف..حميد لو امووووووت ما ارد واحبه.."...
وسارت فوق لحجرتها..
. . . .
لو شنت بعيون المخاليق ما شنت..في عين من حبك ســـرابه سرابه..
لولا الغلا يا صاحبي ما تمكـــــنت..صدرن من الهجران صاير خرابه..
بيت ابو ناصر..
الساعه10ونص..
الصاله..
الهنوف وحمدان وأم ناصر يالسين في الصاله..الهنوف اونها ماخذه بريك..وقاعده اتسولف وتتضارب مع حمدان..أما ام ناصر اترمس تلفون..
الهنوف:وانت ليش ما اتسير اتذاكر..؟؟ولا عشانه باجر اخر يوم ما اتذاكر..
حمدان:اذاكر ما اذاكر شي مااا يخصج..انتي اللي مفروووض تكونين اللحينه غرقانه بين كتبج واوراقج..اما انا الا اول ثنوي ..شي عااادي ..
الهنوف:شوووو؟؟اللحين اول ثنوي شي عاادي..انا كنت خايفه منه..وشااااده حيلي اخاف ارسب فيه..وااايد بنات اعرفهن رسبن فيه وعادن السنه كامله..
حمدان:تبين الصراحه انا ظامن ظامن انيه عايد السنه..فليش ادرس لأمتحان بااااجر..
الهنوف:شووووووو؟؟؟عنلاتك يا مسود الويه..امايه لودرت بتخليك عشا لنا اليوم..
حمدان:اووووووه ياتنا هااي اللحينه..ما عليه من حد هاذي حياتي وكيفي فيها..
الهنوف"اتحط كاس العصير ع الطاوله اللي جدامها":احمد ربك امايه ما سمعتك..تراها الحينه بتبند..
حمدان:تبين اتخبرين براااااااايج خبري..
بندت ام ناصر وتمت اتطالع فيهم..
ام ناصر:يلا نشووا ذاكروا..
نشت الهنوف اما حمدان تم مكانه يالس..
حمدان:وياااااااااااكرهي لهالكلمه..
ام ناصر:جب بس جب ..نش ذاكر..
الهنوف:مااايحتاي يامايه خليه ايريح تراه تعبان لأنه شد حيله في الإمتحانات اليايه..
حمدان:صح كلامها..
الهنوف:ياااكلب..
حمدان:انا كلب يا كلبه.."ويفرها بالريموت مشالله محد ايوصيه"..
الهنوف:أأأأأأأأي..ليش تضربني واتخليه ايي على جتفي بس الغلط مني انا اللي ساكته..اتعذرلي ولا تراني بخبر امايه بذيج الرمسه..
حمدان:شووووووووو؟؟اتخبرينها؟؟ياااااااويييييلج ..
ام ناصر:هااااه اشوفك كشفت عمرك يا البعير..
حمدان:لا كشفت عمري ولاشي..الهنوف بشووو بترمسين..
الهنوف:باللي قلته لي قبل اشوي..
حمدان:لالالالالالالا كل شي الا هالرمسه فديييييت رووحج..
الهنوف"فاجه عيوناتها":شوووووووو؟؟حمدان يتفداني؟؟لالالالاغريبه يا دنيا حمدان يتفداني شو اللي حل عليييه؟؟
حمدان:الهنووووف لعلج الحوووم يعلج العرس بواحد اعمى لا اتقولين الرمسه اللي قايلنها لج..
الهنوف:هههههههه..اقول انا حمدان ماا تغير اول شي تفداني وخلاف سبني..مقيوله طال عمرك بوطبيع ما يوز عن طبعه..
حمدان:اقووولج لا ترمسين..
ام ناصر:سمعي الهنوف ان ما رمستي بالرمسه يا ويلللللج ويلاه..
حمدان:لا ترمسين..
ام ناصر:لا بترمس وهي حمارة..
الهنوف:شذنبي اتسبوووني؟؟
حمدان:انا بشرد والشردة نص المريله..
ظهر حمدان من الصاله والهنوف رقت الدري في الوقت الللي دخل سيف الصاله وشاف محد فيها الا امه..ياهاوباسها ع راسها وحط راسه ع ريولها..
ام ناصر:من بد عيالي كلهم انت اكثر واحد يدلع عمره..
سيف:شو تبيغيني اسوي ما اصبر لازم اتدلع امايه امايه سمعي هالغنيه..
وتم يسمعها اغاني من تلفونه والعيوز اونها اونها تفهم..>>>>طاااف..
اما الهنوف اللي من حدرت الحجره ويلست فوق الشبريه وحطت كتابها مجابلها زارها خيال سعيد وتذكرت اليوم اللي يأ ويابلها اوراق مادة الإنقليزي .......استرجعت ذاكرتها هاك العصر يوم وقفت سيارة حميد وكان وياه سعيد جدام البيت والهنوف وابوها وامها وحمدان وسيف كان يالسين في الحوي..تذكرت شكل سعيد وهو داخل البيت وكيف شكله بالكندورة البيظا والغتره الحمرا...تتذكر كل شي فيه حتي بسمته..ونظرته وحركة يده..ليييش هالإنسان حبته عن بد هالناس كلهم..احتارت ولا لقت اي اجابه لهالسؤال..ما حست ابنفسها الا وهي تكتب هالقصيده على كتابها..
ليش حبيتك ولا لقـــــــــيت اي جوااب لــهالســـــــــؤال..
حبيتك وعشقت همسك وصوتك وفي واقعي تخيلتك..
حبيتك ولا كنت داري عن معاناتي عقب الوصــــــــــال..
ومشيت ابدرب وكرهت البعاد لاني بس حبيــــــــتك..
وبالأخير رحت رديتني انك فارقتني وما سألت عن الحال..
لو تدري يالغلا بحالتي هلت ادمووعي لا تذكرتــــك..
ويعلن قلبي ألمه عن جرح خافي كاتم عن الســـــــؤال..
ويتألم خفوقي من حقيقه اني للحين ما نسيــــــــــتك..
أمووت واحيا انا على هجرٍ..وهم يهد الجبـــــــــــــــال..
واصبح وأمسي على ندم على اليوم اللي فيه لقيــتك..
واعيش بجسد ماتت روحه من عقــــــب الوصــــــــال..
وونتن ونيتها صرخ لها قلبي وقال :ليتني ما عرفتك..
ليش حبيتك؟؟للاسف مــالقيت إجــــــابه لهالســــــؤال..
وبقيت بحيرة قلب كل مناه ينساك كثر ما تمنيــــــتك..
الدليل الواضح وضوح الشمس على ان الهنوف كم عانت وكم تعذبت في حبها لسعيد ادمووعها اللي تنهمر من تفكر ان قلب سعيد ملك وحده ثانيه اسمها ميثا..فكره تقهر وتحرق قلب الهنوف مية ملون مرة..رمت بالقلم بكل عصبيه ع اليدار..وفرت بكتابها ع الأرض..ووقفت ع الدريشه بعد ما فجتها..والهوى يلعب بخصلات شعرها وبأفكارها..لين ما حست بعمرها وردت اتذاكر من أول ويديد...
. . . .
يزيد الشوق بفـــــراقك ... ولا أدري سبب فرقاك
أحس القلب مشـــتاقك ... يحـــــن ويرتجي لقياك
بيت بو سلطان..
الساعه 5ونص العصر..
الحوي..
في هالوقت كان رااشد قاعد جدام المسبح يتريا اليازيه....ولابس بنطلون برمودا واصل له تحت ركبته بشوي..ولونه رمادي..فانييله رماديه..
راشد"وبأعلى صووت..":اليااااازيه.. وحطبه تكسر راااااااااسج...
اليازيه"جدام المطبخ تتمشى ع راحتها ع الدري وقابضه تلفوون راشد..":
هااااااااه يعلك العووق ييت ييت..
ويوم يت صووبه ..
اليازيه:هاه مستعد..
راشد:اكييييييييد...
وتمسك اليازيه التلفوون وتصور ..
راشد:ولا اقوول لحظه لحظه..
اليازيه:يالله شو بتسوي ..؟؟
راشد:لحظه اللحين بييج..
وسار راشد صوب حجرة الدريول..اما اليازيه قعدت ع الكرسي اللي مجابل المسبح..وشوي الا الدريول يربع..وراشد وراااه..
راشد:اليااازيه..صوري صوري دريولنا البعيير..
ونشت اليازيه وتصوور ..وجنها عرفت ان راشد بيسوي شي..
وشوي الا ينطش الماااي ويخيس البقعه..وتخسيت اليازيه من فوووق ليين تحت...راشد النذل طييح الدريول المسكييين في المسبح..واهنيه تعالت اصوااتهم وهم يظحكوون..وخاصتن راشد اللي قعد من كثر ما كان يضحك ع شكل الدريول..واليازيه حاطه يدها ع فهما جنها تمسك الضحكه..
الدريول"يتحرطم..":سو هازا انت وازد مسكله لاسد انا في خبر هازا بابا سلتان..
وتم رااشد يضحك عليه بصووت عالي ..وعيوونه دمعت..وهو يشوووف الدريول متبهدل..
راشد:هههههههههههههههههههههههه..ههههههههههههههههااا ااي..
عيل اليوم رفيق لاتتسبح..ههههههههههههههههههههههه...سبحتك بلاااشي..ههههههههههههههههههههههههههههههههههههههههه هههه..
سارت اليازيه واهي اتشوووف الفيديو وتمت ناااقعه ضحك..وقعدت عند قووم امها وعمووتها عايشه وروتهن الفيديو.
ام منصور:عتلاااااااته من صبي اممرة ما ييوز مبهدل الدريول..
ام سلطان:اااه من هالراااشد فعااايله كبيرة ولسانه ما حد سلم منه..
اليازيه:هههههههههههههههه..كككككككككككككك...وا لله واالله لو شفتوا الدريول وهو يتحرطم بتموووتين من الضحك..
أم سلطان:بس بس صخي يا خراب البيت..امبوونج انتي وراشد مأذين خلق الله..انتي بالبشااكير وهو بالدريول..ماتيووووزووووووووون....
اليازيه:هههههه..امايه يعلني فدااج..امبونه نمزح ونسووولف..
ام سلطان:يا زينها زيناه من سوالف ..ما تعبر دقيقه الا والبشكاره عافده عنديه اليازيه واليازيه..وراشد وراشد..
ام منصور:ههههههههههههه...لا تحرجيين عليهم يا حصه..تراهم هاااييلا عيالنا وسندنا..
اليازيه:هيه امايه خليها تحفظج كم جمله اتدلعييني بها قبل ما ارقد ويوم انش ويوم اسير المدرسه ويوم ارد ..
ام سلطان:بتبطيين الساااع..يلا نشي ذااكري امتحاناتكم قربت..واليوم المدارس امخلصين الا انتوا..
اليازيه:انزين انزين بس خلونيه اسولف شوي عندكن..
ام منصور:سيري ذاكري فديييت رووحج اممرة لااحقه ع السوالف امبونها ما تخلص..والمذاكره اخيرلج وبعدين هاي سوالف عياييز..شو تبين ابها..؟؟الا واحد عرس والثاني طلق وع هالمواال..
اليازيه:امبونيه عارفه سوالفكن ولو تبيني اسمعها حاظرييين...بس دخيييلكم ماريد اذاكر اللحينه..بريك بريك..
ام سلطان:ما عندج سياره لا تعفدين علينا..اونه بريك بريك شو هالرمسه؟؟
اليازيه:يعني امايه استرااحه.."وقالت في خاطرها.."..استراحه ولا فندق..هههاي..
ام سلطان:شو له استراحته..عاد اللي يسمع جنج قطعتي الكتاب تقطيييييع...
ام منصور:والله يا خويتي من تعلموا الرمسه العنقليزيه وهم الا يرمسوون شراتهم.. امس كنت قاعده في الحوي وشوي الا منصور ظااهر وقلت له وين ابها..قالي هنيه قريب...قلت له عيل سوليه تلفون اباك في حايه..جان ايقووولي اووكي مادري اوطي.اويجي..والله ما فهمتها..
اليازيه:ههههههههههههههههههههههههههههههه..عموه يعني زين زين...
ام سلطان:زين والله..حتى كلمة زين عندهم...
ام منصور:امبونهم العنقليز ما يفوتهم شي..يلا حصه خلينا انسير ع عرب سويحان..من بدت الأمتحانات واحن الا في البيت مبتلييين بهالعياال..
ام سلطان "اتنش":هيه والله... والله اعلم باللي يبوونه في شهايدهم ..
اليازيه:حوه حوه وين بها يا شيووخ سويحان...؟؟؟
ام منصور:جانج ما سمعتي صخي..
اليازيه:اووويه قفطوونا ..لالالا عموه وين يعني بترووحون..
أم منصور:بنسير ع عرب سوييحان..من كثرهم عاده...
اليازيه:هييييييه ..عيل شااو..
وتسير اليازيه..من عندهن ونفسها في خشمها..طالعت الكتاب اتلوعت جبدها..استغفر الله دين..وماريد اذاكر..وصلت فووق عند حجرة مهروه..وكانت امبنده..يعني مهره رااااقده..قالت اليازيه في خاطرها"ياا حظها اليوم خلصت الإمتحانات..وانا بعد يومين ببدا..شو هالحاله؟؟"..
سارت اليازيه صوب الدريشه اللي كانت مجابله الحووي..وشافت امها وعموتها وهن ظاهرات من البيت..وشافت سياره وقفت عندهن وعرفت انه منصور..
ردت ع ورا..ربعت يداتها..وبدت اتغني واتشل منوعات ع كييف كيفها..وبندت الدريشه وخلاف الستااره..وشلت اكتابها..وظهرت من الحجره بهدوووء...وسارت الصاله وقعدت ع الكرسي وتمت اتذاكر..
. . . .
جمعت الشوق وأهديته عيونك...وكل الحب في دربك نثـــرته
وعطرت المشـــاعر من جنونك...وزفيت العمر لك لو خسرته
بيت بو عبيد..
الساعه9ونص..
حجرة ميثا..
في هالوقت ميثا كانت وسط اوراقها وكتبها اتذاكر خايفه من امتحان بااجر..طالعت الساعه وشافتها تسع ونص..بمجرد ما ردت لوضيعتها وبدت اتذاكر دق الباب وكانت ميرة ختها..
ميرة:مرحباااا..
ميثا"اباتسامه":مرحبتييين تو مانورت الحجره..
ميرة:ها شحال المذاكره؟؟
ميثا:والله انيه زااايغه..أحسه باجر الإمتحان بيكوون وااييييد صعب..وبعدين مليت احس انيه طوول عمري بتم امتحن..
ميرة:ههههههه..يلا ما بقى غير ثلاث ايام فتره واتعدي..هاج يبت لج عصير ليمون وبعد اشوي بزقرج للعشا..
ميثا:تسلميييين فديتج ..
ميرة:الله يسلمج ..يلا تامرين ابشي..
ميثا:يسلموو...
ميرة:يلا ذااكري زين نبا نسبه حلوووة..
ميثا:لا اتوصين..
ظهرت ميرة واظني الكل استغرب شو هالمعامله والتطور اليديد..ميرة من بدت اترمس سعيد على انها ميثا بدت اتحسن بعد من علاقتها ويا ميثا..ما تبا اتشكك اختها ان في شي يستوي وهي مب عارفه..
من ظهرت ميثا شلت تيلفون البيت وشيكت ع الأرقام..وانصدمت يوم شافت رقم سعيد متصل فوق الأربع مرات..مسحت الأرقام ابسرعه ودقت له..بعد ما حدرت حجرتها وبندت الباب..
سعيد:واخييييراً انتي وينج عن التلفون؟؟
ميرة:سعيد شو بلاك انا كنت اذاكر..امتحان بااجر وااايد صعب وطوويل..تباني اترياااك واتريا اتصاللك..ليش انت اصلاً من متى حفلتني..
سعيد:شووو هالرمسه؟؟
ميرة:شو شو هالرمسه..امس اترياك اتدق تتخبرني عن الإمتحان..وفي الأخير لا دقيت ولا هم يحزنون..بس تدري انا الغلطانه يوم ارمسك تلفون واودر دراستيه عسبك..
سعيد:ميثا انتي فاهمتنيه غلط..انا اخاف ادق على التلفون خوفيه حد ايشوف الرقم ولا ايرد علي ..اتخيلي عبيد ايرد علي..شو اقوووله؟؟؟؟بس اليوم ما شفتج لا اتدقين ولاشي رحت ودقيت لج وانتي امطنشه ع الأخير..وانا بعد امودر دراستيه عسب ارمسج واشوف ااخبارج..
ميرة:المهم انا بسير اذاكر اللحينه..ميرة ختيه شاكه في السالفه ...
سعيد:شو شاكه في السالفه..هلج لو دروا ميثووووه بيذبحووونج..
ميرة:انا اعرف انهم بيذبحووووني..بس مدري الله شحدني علييك يا سعيد ويخليني اسويلك تلفوون..سعيد تعرف انا ليش سويت هاه كله..بس لأني احبك..وما ارووم اعيش ابدونك..
سعيد:والله انا بعد احبج وامووت فيييييج....
ميرة:خلاص سعيد فديتك انا بسير اذاكر وما اوصيك في المذاكره..ابغيك اتشد حيلك اكثر..
سعيد:****لله ودعواتج لنا..
ميرة:فديتك والله انيه دوووم ادعيلك من خاطريه..يلا انا ببند..مع السلامه..
سعيد:فمان الله..
بندت ميرة وابتسمت ابتسااامه نذاله..وظهرت من حجرتها ..
. . . .
شفت موتي وانا حي والسبب هم فرقاك ... ارفق بحالي شوي قلبي ماطاع يسلاك
اطلبك دامني حي احفظه لي ويفــــــداك ... خلني المح الضي ضي طلت محيـــــاك
أمريكا..
شقة مبارك وذياب..
في هالوقت مبارك ميود الابتوب والطابعه ويطبع اوراق..اما ذياب ميود اكتابه ومدد اريوله على طوول الكنبه..
مبارك:اتصدق ذياب انيه طفرت وافكر ارد للبلاد..
ذياب:اممم..انا بعد افكر ارد والله طفرت من هــالدراااسه..احسها كل مرة اتزيد صعوبتها..وبعدين مشتااااااااق حيييل لهل الإمارات..
هف مبارك ولبس جاكيته ..ووقف جدام باب الشقه..
مبارك:خاطرك ابشي..ان بسير للسبوماركت..
ذياب:امممممم..اللي تاخذه لك خذ من اثنين..
مبارك:ههههه..وفرت على عمرك..
ظهر مبارك وبند باب الشقه بقوووه وبقهر..كأنه ايرد حرته فيه ...عض على شفايفه بقهر..بندم..بألم..كان ما يتحمل هالحياه ويا ذيااب ربيعه..ذياب ايزيد من عذاب مبارك لأنه بدا يرمس عن اليازيه واحلى ما في اليازيه ومواقفه ويا اليازيه..كله يرمس في اليازيه..ومبارك؟؟ومبارك؟؟محد عطااه سالفه يضحك ويدوووس على قلبه..يضحك ويتحمل جروووحه الداميه..يضحك ويحاول ينسى محبووبه..مبارك لو الود وده ييلس في امريكا ويودر الإمارات بسبة اليازيه...خلاص مبارك ما يبغي ايشووف اليازيه..هو بس بأفكاره يحس انه يخون ذياب ربيعه..كلكم تدرون ان مبارك يمووووت على اليازيه وما أظن ان عنده استعداد يتخلى عنها....لكن السالفه فيها ذياب..وانتوا تعرفون منو ذياب بالنسبه لمبارك..ذياب هو أعز وأغلى انسان بالنسبه لمبارك..نصه الثاني..توأم رووحه..الإنسان اللي عاش مبارك حياته كلها وياه ابحلوها وامرها..روحاته يياته ويا ذياب قضى ايامه وسنينه ويا ذياب..لو صار شي في ذياب يمكن يتينن من وراه مبارك..علاقتهم مب اي علاقه صداقه واخوه بس..كلن يمووووت ع الثاني..واللحينه..طلعوا اثنينهم ايحبون بنيه وحده اسمها اليازيه..
""ليش هالحظ النحس ..ليش انا حبيت اليازيه وهي حبتني..وذياب هو بالأصل ايحبها..ليش ذياب ما خبرني من أول جان من أول ابتعدت من دربها وحياتها..واللحينه..شو الحل؟؟أخبر ذياب..اخبره؟؟؟!!!شو أقوله؟؟ذياب انا أحب اليازيه..وهي اتحبني؟؟؟انا بعقلي اقوله هالكلام لووووو على موتي ما اجرح قلب ذياب..لوووو شو يستوي انا ذياب ابغيه يعيش مرتاح وقلبه مرتاح..اذا انا بعاني عيل مب لازم حد غيري يعاني ويايه..بخلي العنا والشقا لي انا وبس..وذياب..ابغيه يعيش مستانس..ما ابغيه يتعذب ويعذب قلبه..آآآآآآآآآآه يا ذياب..ليتك ما قلت لي باللي قلبك يهواها..ليتك خليتني على غفلتي..بس الحمدالله انه خبرني..عسب اشوف حل لهالسالفه القويه..ذياب مغرم حييييييييل باليازيه..وانا بعد امووووووت عليها وما اظني ذياب ايحبها شرات ما أنا احبها.. انا اللحين متوتر ما ارووم اطلع حل لهالسالفه..حاير بينكم انتوا يالإثنين ..ذياب واليازيه أعز وأغلى الناس في قلبي...الإثنين اللي اغليييييييهم عن بد هالناس كلهم..محتار اخلي منو وابقى مع منو..محتار اضحي بمنو منكم..محتار..بس...خلاص ما بشتت افكاري..ابروحها امشتته.."
حدر السبوماركت وشاف البنيه اللي ساكنه في عمارتهم..لو تذكرونها البنيه اسمها غايه..شافها واقفه ع طرف..لابسه بنلطون جينز ازرق وقميص اسود وفاجه شعرها..من شافت مبارك ياي صوبها تحركت هي ابصوبه..
غايه:هلا مبارك..
مبارك:هلااا غااايوه..
غايه:شحالك؟؟
مبارك:انا بخير ومن صوبج..
غايه:ما نشكي باس..
مبارك:ويا منو يايه ويا عمج عبدالله..
غايه:لا لا ييت ويا ختيه يزووي..انا اترياها اللحينه..
مبارك:ختج اسمها اليازيه..
غايه:هيه..
مبارك:اها ..تامرين ابشي..؟؟
غايه:لا سلامتك..
مبارك:لو شفتي عمج عبدالله قوليله مبارك ايسلم علييك..
غايه:****االله..
مبارك:يلا بااي..
غايه:بااي...
تذكر مبارك اليازيه..تذكر بسمتها ضحكتها وقفتها صراخها لعبها مزحها ...تذكر ايامه اللي قضااها وياها..تذكر اول موقف امبينهم في مطبخهم يوم كانت امقفيه وهو سبها..تذكر يوم تزاعلوا وخلاف كلن راضى الثاني..تذكر اليوم اللي اعترف لها ابحبه..تذكر اليوم اللي شافها في بيتهم وخلاف وداها لملجة نورة بنت عمه..وبالأخير تذكر اليوم اللي توادعوا فيه........................
هنيه ما اروووم اكمل او اقوول شي.....يمكن اذا كملت ازيييد جرووح مباارك...
تحرك مبارك في السوبر ماركت واشتراله كمن غرض بطاطا وعصير وحليب وكافي ومن هالأشياء..كان سرحان..يشتري بدون اي تركيز..لين مارد على ورا ودعم عبدالله..اللي هو عم غايه"البنيه الصغيره"..
مبارك:اووه عبدالله..
عبدالله:مرحبااااااااا مبارك..
مبارك:ومرحبابك زود..
ويتوايهون..
عبدالله:شحااالك؟؟
مبارك:ايسرك الحال ولا يضرك..شحالك انت وشعلومك..وينك ياريال مطول الغيبه اللحينه صايرلي اربع ايام ما شايفنك جنه الا انت في عماره وانا في عماره..
عبدالله:هههههههه..كنت عارف انك بتستلمني ..السموحه منك الشيخ والله انشغلت ويا الوالده ومواعيدها مع هالدكاترة..السموووحه منك ع القصور..
مبارك:مسموح وبالحل يااخوي..الا طمني ع الوالده ****لله أحسن..؟؟
عبدالله:والله شو اقولك..كل شي بيد رب العالمين..الوالده للحينه حالتها شرات ما هي قبل ابد ما تغير فيها شي..
مبارك:الله يعافيها ****لله ..
عبدالله:الا وينه ذياب ما اشوفه وياك غريبه انتوا دووومكم ويا بعض..
مبارك"زاد حزن قلبه":الله يعمر طولك ترى ذياب ودرته في الشقه يحرسها لين ماا ايي..
عبدالله:اوكيك سلم عليه..اها عيل استرخص منك ..وشد حيلك في الدراسه نبغي انرد البلاد نسمع بمبارك واسمك شال البقعه شل..
مبارك:افا ولا توصي..شي في الخاطر؟؟
عبدالله:تسلم..ومن صوبك..
مبارك:تسلم الغالي..حياك الله..
عبدالله:فمان الله..
سار مبارك صوب الكونتر وحاسب وشل الأكياس وظهر من السوبر ماركت مشى في طريقه وفكره رد لهالسالفه الللي لعبتبه وقلبت حاله فوووووق تححححت....حدر الشقه وشاف ذياب مرتبش ويا الأغاني..حط الأغراض ع الطاوله الللي جدامه..وحط مفتاح الشقه عدال الأغراض..وسار وفج الثلاجه وظهرله مااي وشرب..وخلاف رد ويلس ع الكرسي وهو يطالع ذياب..
ذياب:ياليت قلبك عارفني من صغر سنه..والله لأحبك واضمك بين احضاني..
حبيب قلبي منعت القلـــــــــــــــب لا كنه..يبغيك انتـــــــه ولا يبغي احد ثاني..
الصراحه هالغنيه خبلتبي متى سيفتها..
مبارك:سيفتها أمس..عيبتك؟؟
ذياب:هيه ووووااايد..
مبارك:عبدالله بن خليفه ايسلم عليييك..
ذياب:الله يسلمه ووينه الريال ما ينشاف..
مبارك:مشغوول ويا امه.."ويطالع في اظفورة كأنه يهرب من نظرات ذياب"...
وايي ييلس ذياب ع الكرسي اللي مجابل مبارك ويرفع ويه مبارك ويطالع فيه..
ذياب:مبارك..خلك صريح ويايه..انت شي في خاطرك..انت في خاطرك رمسه..مبارك ليش جيه متضايق..
مبارك:..........شوو في خاطري؟؟انا ما فيني شي..
ذياب:لا انا متأكد انت في خاطرك شي..بس ما تريد اتخبرني..
مبارك:لا تفسر الأمور على كيفك..
ذياب:انا للحينه ما فسرت شي..بس انت متضايق وهالشي امبين من تصرفاتك..مبارك انت من ردينا من البر هاييج المرة وانت مب على بعضك..احس انك غيير بالمرة..تتهرب مني..انا قصرت في شي عليك..ان قلت لك شي جرحك ولا ضايقتك..بلييييز مبارك خبرني..انا ما ارووم اشوفك جيه اسكت..أحس بك متعذب وااايد..
مبارك:ههههههه..بليز ذياب لا اتضحكني..خذها بالعقل انا شو بيعذبني..
ذياب:مادري فيك...
مبارك:تطمن ذيابوه ما فيني شي..
ذياب:امممممممم..للحينه ماا صدقتك..
مبارك:تباني اثبت لك انيه للحينه ما تغيرت..
ذياب"يربع يداته":شوو بتسوي..
مبارك:امااااااااااااااااااااايه..قول هاه..
ذياب:هاه..
مبارك:ابالي اسكرييييييييييم..
ذياب:ماشي اسكريم..
مبارك:مااعليه بخلي بابا يطلقج..
ذياب:ههههههههههههههههههههههههههههههه..هههههههههههه ههههههه...
مبارك:اخبرك نكته..
ذياب:يلا قوول..
مبارك:نسيييييتها..باجر تعال..
ذياب"يرميه بقرشة الماي":عمرك ما تترك الإستهبال..
يت القرشه على راس مبارك وطاح امسوي عمره مغمي عليه..ذياب يضحك على مبارك واستهباله..وحس ان حياته دوون مبارك ما تسوى شي..
. . . .
هاذاك قلــب الندامه طارلك من هيامه..شفت وشلوون حبك خلى قلبي حــمامه..
بس حمامه تحبك الا ماتت بحبــــــــك..مثل صاحــــبها ياللي ما يبي غير قربك..
المدرسه..
آخر يوم في الإمتحانات..
في هالوقت الشله الخربانه "ظبيه اليازيه هيور سهيله وودوم"..كالعاده واقفات جدام بوابة المدرسه يترين السيايير..
هيور:يالله اليوم أخر يوم..بنودر المدرسه خلاص..
اليازيه:الحمداالله بفتك من شيفكن اشوي..
ظبيه:ويا ويهج ماشي فكه مني..
ودوم:ودج انتي بس بشوفتيه..
اليازيه:شدعوه انتي امايه..
سهيله:ههههههههههه..اتصدقون انا خايفه من النسبه..
اليازيه:هونها وتهون...****لله خير..
ظبيه:وينها هالسيايير..
سهيله:سبحانك اخر يوم اتبروا منا..
الكل:هههههههههههههه..
اليازيه :شافوا ما منج فايده..الا الرقاد..
سهيله:حراااام عليييج..صح ما خبرتكم احن اليوم بنسير زاااااخر..
ظبيه:اها عند الحبيب..
ودوم:ما اتشوفينها مستانسه..فديتني انا بسير دبي هليه ما صدقوا اخلص بنسير عند قوم عمومتيه..
اليازيه:وانتي سهيله سودا الويه ليش ما اتسيرين عند عمومتج..
ودوم:تراها نذله قلت لها بنسير رباعه ما طاعت..ملعونة الصير..
سهيله:شو نسوي اذا قوم خالي داقين الا وعشانا عندهم انردهم..؟؟؟؟؟
اليازيه:اها جيه السالفه...
هيور:اما انا بسير لبوظبي عند قوم عمي..فديتني متوله على نورة بنت عمي..
اليازيه:عيل سلمي عليها..وخليها اتيي سويحان في العطله عسب انشوفها مرة ثانيه ونسلم عليها..اما احن هلنا كلهم بتيمعون في بيت عمي عبدالله..
ظبيه:وأحلى شي ان قوم عمي بعد بيوون..اووووف ربيببببببببببشه..يزوي حسبيهن البنات اللي بيتمعن اليوم..
اليازيه"تحسب البنات عسب اتغايض هيور وسهيله وودوم..لأن عايلتهم أكثرشي":سلامه وظبيه واليازيه ومهره ومنيرة ونورة وهنوفي..سبع فديييتنا..
هيور:ماااشالله..انا وحده وبنات عمي ثنتين..
ودوم:احن اربع ويا سهيله...
ظبيه:اشوووووووووي..
هيور:هيه يلا خقن..مقيوله في بنات سويحان اكبر خقاقات..
اليازيه:ومن حقنا جمال ودلال..
ودوم:عاد جمال ..ساد انج احلى وحده في المدرسه..
سهيله:بس عاد لا اتكبرين راسها ابروحها هي مكبرة راااسها..
ودوم:خلينا انمدحها هااي يزوي زعيمتنا..
اليازيه"اتسوي عمرها عندها عضلات":احم احم..ماا يحتاي تحرجوني..
وشوي يت شلة شيخه الكتبي..وهاي ربيعتهن بس مب دوووم وياهن..وشله تحتوي خمس بنات شيخه وحصه ونورة والغلاو فطوم..وكلهن يعرفن اليازيه وربيعاتها وسلمن علييهن لأنه أخر يوم..
وخلاف يت عايشه بنت حمدان ووياها ربيعتها سلامة بنت ابراهيم..وسلمن هن بعد على اليازيه وربايعها..وبعد ما راحن البنات..
اليازيه:مااشالله واقفات اهنيه واللي اتشوفنا اتسلم علينا وتسير للبيتها..
هيور:ترا هالنقطه اللي احن قاعدين فيها نقطة الوداع..
الكل:ههههههههههههه..
ودوم:ما خبرتكن..؟؟
الكل:شووو؟؟
ودوم:هاي الورقة اليوم يتني بنت وعطتني اياهاوللحينه ما قريتها مادري شو مكتوب فيها..
اليازيه:منو البنيه..
ودوم:هاااييج شو اسمها؟؟اممممم...هيه بخيته اللي من شلة فاديه..
ظبيه:وووعععيييي..اللي من شلة فاديه..شو بغن فيييج..
ودوم:مادري والله عطتني الورقه وخشيتها في مخباي..ونسيتها..
سهيله:مالت علييج فقدتج فجيها الورقه خلينا نعرف شو مكتوب فيها..
هيور:يبوها يبوها انا بقراها انتن كسلانات ما تعرفن تقرن..
اليازيه:صح انا كيف امتحنت اليوم..ربي الهمني ونزل علي الوحي وامتحنت بدون ما اعرف اقرا..
سهيله:بسكن هذره خل نعرف شو مكتوب فيها الورقه..
ودوم:وانتي شو له ممتحنه الا ورقه..
ظبيه:بتطير مع الأيام..
ودوم:ههههههههههههه..
هيور:بسم الله الرحمن الرحيم..انتن يا شلة اليازيه لو فيكن خير جن ما قلتن هالرمسه جدام البنات..انا ابغي افهم انتن ليش تكرهونا لا يكون عشان احسن منكن..تراكن حقيرات ونذلات وانانيات..واهالكين ما عرفوا ايربونكن..
اليازيه:بنت الذييييييييييين هربوا عنلااااااااااتها انا مربايه احسن عنها سود الله ويها..
ودوم:يلعن شكلها يعلها النفاااااااااااااد..يبوها هاي بخيته لعلها الموت..
ظبيه:عنلاتها اللحين احن حقيرات..وينها مضيعة المذهب لعل العله اتصيبها..
سهيله:قمنالهن مسودات الويه يلا لعل العله اتصيبكن..تراهن للحينه ميلسات في الساحه العوده ..
اليازيه:قمنا لعنا خيرهن بنات الذين..
هيور:نشن يلا وما علينا من الإدارة اليوم أخر يوم وباجر محد بيزقرنا في الطابور..
اليازيه:تراج بتكونين افبيت عموووووومتج..
الكل:يلا..
وردن الشله الكريمه داخلات المدرسه بعبيهن..واول ما دخلن تمن يزقرن بخيته لما سارن لها في الساحه العوده..شلة بخيته منهن خمس فاديه وبخيته وشجون وسارة ومها..وهااييلا سمعتهن رااايحه رااايحه..وراعيات مشاكل في المدرسه ودووومهن ايحبن يظاربن البنات..وعاد شلة اليازيه ما صدقوا حد ايسبهن عسب يظاربهن ودهن هن بالظرايب..تمن شلة اليازيه ايسبن شلة بخوت لين ما ساره ومها شردن اونه احن مالنا خص..
اليازيه:ووووووووي ما تشوفن ربايعكن كلهن شردن منو بقا..
هيور:شلتكم امسوينها تكملة عدد..
اليازيه:وبعدين احن متربيات احسن عنج وعن ربايعج يا قليلات الأصل..وما يتكلم عن الأصل الا قليل الأصل..
ظبيه:يعلكن النفاد يالخوافات شو له ييتن أخر يوم..ليش ما ييتن من قبل عسب انشرشحكن في الإدارة..
سهيله:لا ترى الخوف لا عب بقلوبهم ويا اشكالهن عافانا الله..
فاديه:ماااايسوى علييييكن جيه محتشرات..
اليازيه:وشو بتسوين يعني؟؟بنحتشر على كيف كيف ابونا يا بنت الذين هربووا..
ظبيه:ياللي ما تخيلن ولا تحشمن..
ودوم:بسنا بسنا من السب ظهرنا الدريوليا اكيييد يوا..
وبعد موووت اقنعتهن ودوم يتحركن ومرة اتسب ومرة اترمس ربايعها الين ما ظهروووووووا وردا لبيوتهن..
اليازيه اول ما ردت تمت امسويه حشره في البيت ويا خووها سعيد اللي كان مستانس هو الثاني لأنه افتك من الدراسه بكبرها..وحلف لو عنده دور ثاني ما بيقدمه..لأن نفسه خلااااص عااافت شي اسمه الدراااسه..اما اذا كانت نسبته حلووه وتساعد في دخوله للكليه او الجامعه فهو امفكر يدخل الجامعه"يعني في طموووحات والحمدالله"..وخلاف كلن سار يتسبح ويرقد ويرتااااح بعد عنا طوويل وايام مرت ما كانوا ايفجون الكتب الا مجابلينها اربع وعشرين ساعه"للحينه ما مريت فيها هاي المرحله"..
وع الساعه 8ونص نشت من الرقاد..وكانت اعيوناتها مدفنه مسكينه..وفاجه شعرها..ولابسه بجامه زرقا..غسلت ويهها وظهرت ابسرعه من حجرتها..ونزلت تحت ..البيت مفظي محد فيه ولا كأن حد عايش فيه..حجرة امها وحجرة سلطان اللي في الطابق التحتي كلها امفظيه وما ظهرت الحوي اكتفت بنظرة من الدريشه خايفه لا حد ايي وهي بهالشكل..اسميييه بيشرد مسكين..المهم..ردت وطلعت فوق..حجرة مهره نفس الحاله..؟؟؟؟وييييييينهم؟؟؟وين اختفوا؟؟؟؟؟حجرة راشد هي بعد محد فيها..ما بقت غير حجرة سعيد..دقت الباب فجلها سعيد الباب وكان لابس كندورته وفاج شعره والمشط بيده..
سعيد:هلا الليازيه يلا خلصي بسرعه بنسير بيت عمي حميد كلهم يتريونا..اترياج في السياره..
اليازيه:اوكيك..
كانت تبا اتكمل رقادها بس اتذكرت سالفة بيت عمها..حدرت حجرتها وتسبحت وتكشخت ولبستلها تنورة اشترتها من كان كان عاد اليوم خلصت امتحانت لازم اشوي كشخه..وبعد ما خلصت ظهرت من حجرتها دق التلفون..سارت وردت..
وسمعت صووووووووت مبااااااااااارك من الصوب الثاني وهو يقول..
مبارك:آلووو..
انتهىىىىىىىىى البااااارت..
الجزء الساااااااااااااادس عشر..
لا تذكرني بحبك ياغنــــــــاتي..ولا تذكرني بماضيك الجـــــميل
في صدى ذكراك باجزر حياتي...مستحيل احب غيرك مستحيل
أحساس فرح مندمج مع حزن..صوت مبارك..سمعته اليازيه بعد فراااق طوييل..أبد ما كانت متوقعه ان مبارك بيذكرها وبيسويلها تلفون..ما خاب ظنها في مبارك..كانت اميودة السماعه ..وريولها مب شايلتنها..والسماعه اشوي بتطيييح ..جنها اليازيه مب مصدقه انه صووت مبارك..
مبارك:الووووووو..
اليازيه:هلا..
مبارك:اليازيه؟؟؟؟؟؟>>>كان صعب عليه وهو ينطق اسمها ينطقه بكل قهر..
اليازيه:هيه اليازيه...
مبارك:أأأأأأأأه..لو دريتي ياليازيه باللي استوالي..والله والله الغالي انج ما بتعاتبني ابد..
اليازيه:شوو استوالك؟؟
مبارك:خلينا من اللي استوى..شحالج ؟؟
اليازيه:انا بخير..بس انت اللي مب ابخير..شو اللي حل عليك...مبارك قلبي قابضني حاسه ان في شي مستوي..
مبارك:صدقيني ما استوى شي ينرزا..ليش امكبرة الموضوع..مبروك خلصتوا الإمتحانات..
اليازيه:الله يبارك فيك..بس خبرني شو فيييك؟؟مبارك ان حاسه ان في شي نبرة صوتك اتدل على ان في شي..بلييييييز مبارك طمني انت بخير..شي يعورك؟؟
مبارك:فديتج والله انا ما فيني شي..الحمدالله ابخير وعافيه..وينهم هليه ادق على تلفونهم وما يردون..
اليازيه:أكيد ساروا بيت عمي عبدالله..واحن اللحين بنسيرلهم سعيد يترياني في السياره..
مبارك:أها ..تامرين ابشي ببند؟؟
اليازيه:لا سلامتك..ومن صوبك..
مبارك:تسلمين فديـــ.....مع السلامه>>>كان بيقول فديتج بس ماحب ايكملها حس انه يخووون ذياب"ياهالذياب.."..
اليازيه:الله يحفظك..
بند مبارك السماعه..موجة احاسيس حسبها ما عرف ابشو ايحس..شوق وله ندم قهر ...اليازيه..أأأأااه يالياااااااازيه..كم احبج وكم تعنيت في هالحب..
. . . . .
ارسلك عتاب قلبي واحسب احسابك..وابياتي البيض دايم باسمك ابداهم..
يجبرني الشوق يجبرني على عتابك..واتمنا تقـــــــرا ودادك قبل تقراهم..
دمت الخفوق اذا قابلك هلابــــــــــك..يا اطيب الناس في عيني واغلاهم..
بيت بو حميد..
الصاله الفوقيه..
في هالوقت سلامه ونورة ومنيرة والهنوف ومهره وظبيه واليازيه كانن يالسات..سوالف ضحك وحشرة ومصخره..الا اليازيه كانت سرحانه بتفكيرها بمبارك..كانت تتسائل في خاطرها شو اللي حل على مبارك وامخلي صوته جيه..
ظبيه:بل بل كل هاذا تفكير يزوووي شو اللي حل عليييج..؟؟؟
مهره:اليوم ييتي من المدرسه ما كنتي جيه..
منيرة:أكيييد في سالفه..
سلامه: ماالكن خص في بنت عمي هي بتخبرني شو اللي مستوي عليها..
اليازيه:تبن تعرفن شو اللي مستوي؟؟
الكل:اكييد..
اليازيه:انزين انتوا شو تتوقعون؟؟
نورة:اممممممم..انزين انتي رمسي وخلاف بنشووف..
اليازيه:ااااااااااا.....ولا أقول انا بنزل تحت اشوي وخلاف بييكن واخبركن..
ظبيه:هاهااي..مفهوومه ياماما..تنزل تحت واتفكرلها بسالفه جذب في جذب..
تنش اليازيه واهي امسويه طاف لهن..مالها خلق لسوالف مع انها ما تبا اتفوت هالجمعه بس شو اتسوي دوومه امبارك مخرب علييها حياتها..قلبها ناغزها وحاسه ان في شي مستوي..صووت مبارك ..تنهيدته..ارتباكه..كل هالأشياء دللت على ان في سالفه.."بس مبارك شو بيستفيد يعني اذا خش هالسالفه عني..؟؟لا اتكون هالسالفه اتخصني..؟؟أكيد اتخصني عيل اتخص منوو؟؟"..
وصلت المطبخ بعد عنا شديد هالأفكار وااايد لعوزتها ولعبت بعقل هالمسكينه..شربت لها مااي وتمت يالسه ع الكرسي وتتأمل في الكاس اللي حاطتنه ع الطاوله..وكانت اتمرر ايدها عليه من فووق..كل اللي في البيت ما اهتمتلهم..ما يلست عند حد منهم..تركتهم وانفردت بروووحها في مكان اتحاول تبتعد عنهم بقدر استطاعتها عسب محد يلاحظ سرحانها الواضح وشروودها الدايم..هزها صوت حميد وهو يسحب الكرسي وييلس مجابلنها..على قد نذالة حميد الا ان الليازيه تحبببه موووووووت شرات اخوانها وما تقدر تخفي عليه شي ..وعلى فكره هو عارف بعلاقتها ويا مبارك..
حميد:بل بل شو فييج يزووي؟؟رب ماشر؟؟
اليازيه:ما فيني شي..
حميد:هاهاها..تنكتين ولا اتحاولين..
اليازيه:.................. .
حميد:مبارك مستوي به شي..؟؟
اليازيه:اووه حميد انته عاده لا اتزودها كل شي قلت مبارك مبارك..منو هاذا مبارك يعني الا ولد عمتي عايشه..تراك حشرتني وطفرتبي..
حميد:اعصابج اعصابج الشيخه وخبريني شو له الحشره هاي كله..عنبوووه ما ينرزا هالكلام اللي قلتيه..جيه يبنا طاريه امممرة انفجرتي مرة وحده..الله يهداج بس..
اليازيه:حميد فديييت رووحك اللي فيني كافيني ...
حميد:ماا يهون علي جيه اشووفج واسكت..تدرين بمعزتج يزووي انتي شرات سلامه ختيه ومعزتج فقلبي مب اشوي..شو اللي حل علييج جيه قلبج مرة وحده اول ما شفتج حسبتج ظبيووه..بس خسارة ظهرتي اليازيه..
اليازيه:اوووه اوووه يااا كبرها عند ربي..حميدوووه الهيس انا اشوف تقلبات في الأوضاع شوووو السالفه..
حميد:انا شو يابني ويلسني عند هالأشكال..؟؟؟هي الصراحه غلطت حياتي..
اليازيه:لا وانا اشهد ان غلطة حياتك يا حميد يوم ودرت ظبيوه عسب عليووه سبالتك العوده..واللحينه شو الللي صار..كانت معتبرتنك لعبه لعبتبك ويوم ملت شافت واحد غيرك...وظبيه اللي حبتك من كل قلبها كانت ترخص كل غالي لك..تفداك بعيونها..حياتها كلها لك..خبرني اللحينه منو بيحبك شرات ما حبتك ظبيه..ابغي اعرف اللحين انت شو وضعك..؟؟؟؟؟
حميد:شو وضعي عاده ياليازيه..عليووه وتركتها..وظبيه شوق يشدني صوبها بس
ما لقيت منها اي تجاوب...
اليازيه:حميد انت مالك امل ويا ظبيه..من اول عطتك فرصه وانت ضيعتها..وما اظني انها بتعيد غلطتها مرة ثانيه..حميد ظبيه لقت منك الإستهتار ولإستهزاء..انت عذبتها بفراقك ببعادك واخر شي بخيانتك..
حميد:بس شو اسوي انا كنت احب عليووه لعلها النفاد..
اليازيه:اوكيك اتحبها بس ليش تجرح ظبيه واتسبها.؟؟؟
حميد:لا تتخبرين عن هالشي انا بنفسي ماادري كيف سويت هالشي..تقدرين اتقولين ايام مراهقه..او غلطة ما كنت اقصدها..
اليازيه:صح احيانن الإنسان ايسوي شي هو ما كان قاصده...او ما اهتم به واايد..
حميد:واللحين ظبيوه خلاص مالي امل وياها؟؟؟..انت عاد يزووي رمسيها سويني مسكين جدامها..
اليازيه:اووه اووه..اللحينه حميد الخقاق ايقول خلوني مسكين جدام ظبيه..والله لأنشرها في كل مكان..سبحانك امغير الأحوال..
حميد:استغفري ربج فديتني من يومي متواضع بس لأن احيانن برستيجي ما يسمحلي اسوي اشيا غيري ايسونها قالوا متكبر>>>وجهة نظر..
اليازيه:خلنا اللحينه من هالسالفه..اسمع..اذا ما رقدت اليوم اهنيه وسرنا لسويحان برمس ظبيوه لأن أكيد أكيد قوم عمتيه ما بيرقدون اهنيه عسب ريلها..
حميد:خلاص احن ما نبغيج سيري رقدي في سويحان..
اليازيه:اووه بتخليني اكمل..
حميد:خلاص خلاص عيوني كملي>>>يتمصلح..
اليازيه:انزين وبرمسها وبحاول اقنعها اتغير كلامها الأولاني..وبكل الحالات سواء غيرت كلامها ام لا تغير كلامها فانا بدقلك بدقلك يعني ماشي فكه مني.. وبخبرك بالأحداث اول بأول..وانت عاد بكيفك..انا البنيه ما بغصبها اتررد واتحبك مرة ثانيه..انت ما تدري يمكن حبت لها وااحد ثاني..
حميد:شووووووووو؟؟"وفج عيوناته.."..
اليازيه:بزين بزين على عيوناتك المساجين اللحينه عن ايطيحن ع الأرض ماااالهن ذنب..ايلس ايلس حميداني هد اعصابك الله يهديك بس..شو فيها اذا حبت لها واحد ثاني تراها ككككككااااننننتتت فعل ماضي اتحبك..بس انت ودرتها..واللحينه حبت لها واحد ثاني..
حميد:اللحينه انا ما فهمت عليج حبت واحد ثاني ولا ما حبت واحد ثاني..
اليازيه"عادت حليمه لعادتها القديمه":حبت واحد ثالث..هاهاهاهاهاهاهاي؟؟
حميد:اوووه يزووي جاوبيني ما تيوزين عن الخبال..عنبوووه..
اليازيه:مااادري اذا حبت ولا لأ..بس انا اقول وافترض واحط احتمالات..
حميد:هيه ع بالي بعد لعلج الحوم ويا هالإحتمالات..المهم دقيلي من بعد ما اتشوفين رايها..
اليازيه:اها خلاص عيل اتفقنا..اتصدق كنت يالسه عند البنات وما ظهرت كلمه من ثميه؟؟بس انت لك اثر كبير علي..حياتي من دونك سلطه..
حميد:ههههههههههههههههههه...شو الأخت شغلوج في الدعايات..
اليازيه:الظاهر جييه..
حميد:يلا يزووي خبريني سالفة مبارك..
اليازيه:اي ساااااااالفه؟؟؟
حميد:اها اها عن الحركات مال اليهالوه هااي..وظهري السالفه لا اظهر عينج اللحينه..انا اللحينه امودر الشباب ويالس عندج..
اليازيه:ومحد ضربكم على ايديكم..طال عمرك لا سالفه ولا هم يحزنون..مبارك داق يباركلي خلصت الإمتحانات ورديت انا عليه بس صوته هب عايبني كان صوته مخنووق متضااايج مادري شو بلاه..قلبي ناغزني ان مبارك متأذي وصارله شي..
بالله عليك هاي سالفه..هاي سويلفه اصغر من سالفه..
حميد"يضحك على تعليق اليازيه":هههههههههههههههههههههه..اونه سويلفه ويا هالراس"ويضربها ع راسها"..
اليازيه:اااااييييييييييه انت احسلك ولا تراني ما برمس ظبيووووه..
حميد:خلاص خلاص..شوفيني شو بسوي اللحينه..
تمت اليازيه اتطالعه وهو يظهر تيلفونه من مخباه ويرمس سعيد..
حميد:مرحباااااااا ملاااااااايين ولا يسدن في ذمتيه..شحاالك؟؟...الحمدالله ومن صوبك..؟؟..........افا يا بوحمد منوو قال ابد ما نسيناكم؟؟..............ههههههههه..
ههههههههههه..لا عاد انته ما تصدق من الله تبا اتيود شي علي....لا دخيلك لا تنشرها في الجرايد....الأخ ناوي ايخرب سمعتي...ههههههههه...وعلوومك واخبار الدراسه .....وشالحال عليه اذياب وينه ما نسمع له صوت من وصل امكيرا على قول يدووه وهو امسويلنا طااف..........رد السلام عليه..عاد قله ايرمسنا مب مرة يقطع ......واذا عن الفواتير ويا ويوهكم يالبخلا خلاص انا بدق تدرون ما روم اعيش بلياكم........هههههههه..اعتراااف.......اها... يلا الشيخ تامر ابشي..لا افا تسلم..يلا فمان الله....الله يحفظك.."ويطالع في اليازيه"..اطمني الريال ما فيه شي...وان رفعتي السماعه مرة ثانيه اترمسينه لا حد ايلومني باللي بسويه فيييييييج..سمعتي؟؟؟؟"وضربها ضربه قويه ع رااسها وظهر من المطبخ"..
اليازيه:أسميييه اتكسر راسي فديييته..ااااااااه ييااااا حميد ريحت فؤادي عسى ربي ايريح فؤادك..
نشت اليازيه بكسل وسارت صوب البنات اللي كانن يترينها..ومن عقبها الكل اتعشى..قوم بو حمد ردا لبيتهم في بوظبي بحكم شغل ابوهم..والبنات بعد سارن..وقوم بو ناصر نفس الشي ردوا لبوظبي..وقوم بومنصور كلهم ردوا..وما بقوا الا قوم بو سلطان باتوا عند عمومتهم..يعني يزووووي ما رمست ظبيوه في السالفه..
. . . . .
في ذمتي اني نعم محتـــــاجلك ..عنك دقايق لا حشا ما اتحملا..
كلي ابشوقي يالغضي اتوسـلك..تبقى معي عن لا تفــكر ترحلا..
بيت بو عبيد..
يوم الخميس..
الساعه5ونص..
في هالوقت توها ميثا كانت حادره على امها وعشبة يارتهم لو تذكرونها"ام عيسى.."سلمت عليها ميثا ويلست اشوي عندهن..
أم عيسى:وشحالج يالمييث وشعلومج..
ميثا:ايسرج حالي خاللوه وشحالج انتي؟؟
أم عيسى:ابخير ونعمه الله يحفظج..الا وينها ميرة ختج ما اشوفها اهنه؟؟؟
ميثا:فديتج ميروة فوق في حجرتها..
أم عيسى:اها زين والله..
نشت ميثا من عندهن لأنها سمعت صوت التلفون وهو ايدق..وكانت غبوش بنت عمها متصله بها.."ملاحظه:في الأجزاء القبليه قلت لكم ان غبوش تستوي بنت خال ميثا..بنات خال ميثا هم قوم يزوي..السموحه انا عكست والمفروض اتكون بنت عمها.."...
غبوش:مرحباااااا..
ميثا:وبالمرحب زوود..شحالج فديتج؟؟
غبوش:ايسرج الحال وشحالج انتي؟؟ربج ابخير؟؟
ميثا:بخير والحمداالله..
غبوش:ووينها ميرووه..؟؟
ميثا:فديتها والله ميلسه فحجرتها..
غبوش:علني فداها والله الحمدالله اخيرن اتغيرت حالتها..
ميثا:هيه الحمدالله..حتى امايه وابويه واييد مستانسين عليها استوت تنزل تحت عندتا وتتغدى ويانا وتتعشى ويانا..وتيلس ويانا في الحوي وتسولف عندنا..والله استااانسا واايد..
غبوش:بس ظنتج نست هزاع الله يرحمه ولا لا؟؟
ميثا:هاللي ما ادريبه..بس احساسي يقول انها ما نسته..بس ملت من حياتها العاديه وحب اترد لحياتها الأوليه بس بذكرى هزاع..
غبوس:اها فديييتها والله انيه متوله عليها..صح نسيت ما اخبرج سويت لج تليفون اخبركم ان احن في الدرب اللحينه بنييكم..
ميثا:واخييييييييرن بتيووووووووونا..بنسوي عرس..
غبوش:هههههههههههههه..عاد كونن انتن في الإستقبال..
ميثا:افا علييج بس..
غبوش:يلا ما بطول علييج عسب اتشوفين شغلج مااااا اااووصيج اباالي اكل غيير غيير مثل ما يقولن جده غيير؟؟
ميثا:متأثره وااااااااايد بالتلفزيووون..
غبوش:حالتيه عصيبه يلا تامريني بشي؟؟
ميثا:لا سلامتج..فمان الله..
غبوش:الله يحفظج..
بندت الميث وربعت فوق غرفة ختها ودقت الباب وحدرت..
ميثا:مرحبااااااا..
ميرة:اها اوكي عنودي خلاف ارمسج..يلا مع السلامه فديتج..>>اترمس سعييييد..
هلا ميثوووه..
ميثا:اترمسين منو؟؟
ميرة"اتنش وتجابل المنظرة":منو يعني الا عنود هالبنيه راس مااالي.."وتطالع في ختها..
ميثا:هههههههه..المهم ميروه قوم عمي اللحينه بيوووون..وغبوش توها امسويه لي تلفون اتقول انهم في الدرب قريب بيوصلووون...
ميرة:واااااايه فديتها غبوووش اتولهت علييها..
ميثا:يلا انا بروووح بتزهب تامرين بشي؟؟
ميرة:لا سلامتج...
وظهرت ميثوه المسكينه من حجرة اختها ابد ما حطت في بالها ان ميرة ما غيرت معاملتها الا ووراها شي..حدرت حجرتها وهي وااايد مستانسه ما تعرف السبب..من شافت الدبدوب اللي من عند سعيد..شلته وحظنته وباسته ع خده..
ميثا:فدييييييتك يا سعيد والله اتولهت علييييك وااايد..
ونشت وغيرت ملابسها لبستلها كندورة فوشيه كويتيه على شيله سووودا فيها تطريز فوشي..كشخت حطت كريم وبودرة وجحال وقلوس..وظهرت قصتها وحطتلها شباصه ورديه""اتطقم الأخت""..واخر شي اتعطرت وظهرت من حجرتها ونزلت من الطابق الثاني وشافت ميرة لابسه تنورة زيتونيه على قميص مايل لونه للأحمر..التنورة ظهرت على ميرة واااااااااااايد حلوه..وكانت ميرة موول ما تلبس شيله في البيت رافعه شعرها كله فوق ومظهره قصتها وحاطه حجال..طبيعي طبيعي شكل ميثا احلى من ميرة..
ميثا:يلا اللحينه بنتريا الشيخه غبوش تشرف..
ميرة:عيل قمنا ظهرنا في الحوي شو ميلسنا اهنيه..
وظهرن ارباعه من باب الصاله العوده وين صوب امهن وحبنها ع راسها..امهن استانست واااايد يوم شافتهن رباعه..عاد اللحينه قامت ميرة تتدلع حطت راسها ع ريوول امها وتطالع في ميثا ختها باحتقار واتسويلها مالت..ميثوه على نياتها ما تحسب انه هالشي من صج ..يعني تحسب ان ميروه تلعب وتستهبل..بس ميرة كانت من صج اتوجه هالنظرات وهالحركات..دقايق وودخلت سيارة قوم عمهم..واهنيه ارتاحت ميثا لأنها اخيررن بتيلس مع غبوش وبتنسا عناها..
. . . . . .
ذوب فوادي واملكه ...في وسط غزله شربكه ..
ياناس ماروم الـحقه .. عوقي غبي من اسببه..
بيت بو ناصر..
الساعه9ونص..
حجرة الهنوف..
الهنوف يالسه في حجرتها وياها حمدان ايخبرها انهم بيسيرون لدبي عند بيت عمومتها..وبعد ما قالها يلس يتواقع وياها..
الهنوف:اووووووووووووووووهووووووووووووووو..اظه ر من حجرتيه اللحينه..
حمدان:اظهر ولا اتمي..هههههههااااااي..
الهنوف:امسوي عمرك نكيتي..
حمدان:لا ضحيكي..
الهنوف:اووووه حمدان لا اتطفربي..
حمدان:اتطفربي ولا اتضايجني..
الهنوف:اظهــــــــــــــــــــــــــــــــــــــــ ــــــر..والله بصيح انا ماريدك في الحجره ابا اغير ملابسيه..
سيف:بلاكم بلاكم ملاعين الصير اصواتكم شاله البقعه شل..حمدان ظهر من حجرة البنيه طفرتبك تراها..
الهنوف:سيف والله لعب فيني هالولد اممممرة واقفلي عظم في البلعوم مااظهر كلمه من ثميه الا وخلاني اندم انيه ظهرتها..
حمدان:مااااااالت على هالأشكال..
الهنوف:عنلااااااااااات صداااااك لعلك العرس بعوووورة..
حمدان:وانتي لعلج العرس بواحد أحوووووووول..جيه مسويات اعيونه"ايحول عيونه"..على شكل اكس اكس..
سيف:اظهر اظهر مظيع المذهب..رح غير اثيباك بنسير بيت عمومتي..
حمدان:عاد انته بتسوي حفله وعرس بتحابل روضتك..
سيف:فديييييييتها وفدييييييت طاريها..
حمدان:يعلك الحووووم تفدى بنيه..
الهنوف:تباه يتفدى ريال..؟؟؟
حمدان:عندما يتكلمون الرياييل الحريم يسكتون..
سيف:بالله عليك شو هالرمسه المنقعه..امثال ما تصلح للنشر..
الهنوف"اتدزهم ع برع":تفاهموا برع انا حجرتي مب قاعة مناقشات عامه..
سيف:صدق والله انها اتطفر..مرة ثانيه يوم اشوفك تتواقع وياها بيي وبساعدك..
حمدان:اللحين صدقتوني ان هالبنيه وحش على شكل انسان..
سيف"رايح لحجرتنه":اتقنت التشبيه بس مب جنها قويه وووووحش مرة وحده؟؟؟
حمدان"ساير لحجرته":شووو نسوي بس التعبير ما خانني هالمره..
سيف:ههههههههههه..
اما الهنوف كانت امظهره شنطه عسب اتحطلها ثياب لأنهم بيتمون حوالي اسبوعين في دبي...كانت اتحط اثيابها بأرف هالحمدان لازم اينكد حياتها فوق ما هي منكده..خلصت من الثياب وحدرت الحمام الله يعزكم وتسبحت وخلاف يلست تتعدل جدام المنظرة حدرت عليها البشكارة وهي يايبه المدخن..
الهنوف:هاه نوريه هاذا ماما خلاص..
نوريه:هيه زمان خلاس..
الهنوف:اوكييك..
ظهرت البشكاره وشلت وياها شنطة الهنوف الكبيرة.. وادخنت الهنوف ومن عقبها نزلت تحت وشافت امها يالسه تترياها..
الهنوف:هاه امايه يلا؟؟
ام ناصر:هيه فديتج..بتركبين عند سيفوه وحمادننووه ولا نصور..
الهنوف:لا لا عند ناصر ما فيني على هااييلا المفلع بتستوي جريمه في سيارتهم وانا الضحيه..
ام ناصر:خلاص انا بركب عند سيفوه احسن عندهم عسب ما يلعبون ادريبهم هاااييلا العيال ..
وبجييه ظهروا قوم بو ناصر من بيتهم بيقضون اول اسبوعين من اجازتهم عند قوم عمومتهم......
انا احساسي صدق ولا توهم.. اذا شفــــتك تفز وتحتفيبي ..
انا فاهم وطبع الحر يفــــــهم.. ولكن ودي اسمع ياحبيبي ..
بيت بو حمد..
الساعه12ونص..
منيرة:اوووه من بداية الإجازة وحاسه بملل..ياليتنا سرينا لسويحان..
نورة:شو نسوي يعني تبين امايه اتروح لبوظبي لوحدها عسب ابويه..بنسير احن وياها..
منيرة:انزين حمد اخويه وياها..
نورة:لا والله حمد بيتم امجابلنها..بيرووح صوب ربعها وبيخليها..احسن لن يينا فديتها امايه ما تقهر القعده ارووحها.
منيرة:خلاص بخلي خالوه اتيينا بنسير السوق باجر..ع الأقل بنيلس وبنتحوط لما ابوي ياخذله اجازة وبنسافر ويا قوم عمي..
نورة:هيه والله باجر بندقلها وبنسير كلنا ويا امايه..
ويدق تلفون نورة..
منيرة:تلفونج ايدق أكييييييييد هاااااااذا بطووووووووي..
نورة:هيه فديته رمسته من اشوي وقالي اخلاف بيدق..ظهري يلا برمسه..
منيرة:لعنبوووه من مذهب عليييج..خليني ايلس اسمع شو اتقولين..
نورة:منااااااير فديت قلبج ظهري.. أستحي ارمسه جدامج..
منيرة:اااااااوووووه..ابدن ابدن ما تنفعين..
ظهرت منيرة في الوقت اللي حدر اخوها حمد البيت..عاد هي ما صدقت اتشوف حد عسب ترمس وياااه..مسكيييييين حالها..
منيرة:مرررررحبا ملاااااييين ولا يسدن ببوشهاب شيخ الشباب..
حمد:مااااشالله الأخت شااعره..
منيرة:شوو نسوي غصب عنا من هالطفره والمله...
وتوايهه..
حمد"يفسخ نظارته الطبيه":شحااالج؟؟
منيرة"ترد قصتها ورا اذنها":تمااام ربي يسلمك وعلوومك؟؟
حمد:والله ماشي علوم ..
ويمشي صوب حجرته وهي تلحقه..
حمد:شو الأخت كلبه ..
منيرة:ويااااااااااا ويهك..تدري الغلط مني لأني انا يايه وعاطتنك ويه وابغي اسولف ويااك..بس انت ما تنفع..>>عندها كل الناس ما ينفعون.
حمد:افا يا مناير امزح ويااج..
ويحدرون الحجره ويلست منيرة ع السرير فالوقت اللي كان حمد ايحط بوكه وتيلفون ع الطاوله..
حمد"يفسخ كندورته":شو الإجازة وياج اكيد ملانه من البيت..
منيرة:اووووووووووه لا تتخبر..افا كيف امل وبيتنا المارينا موول..أمممممرة ما روووم أفارج بيتنا تدري انته بيتنا وناسه وحشرة..وين تباني افارجه واظهر..>>>>تتمصخر..
حمد:هههههههههه..وياااااا ويهج..
منيرة:تدري بوشهاب لا تستغربون اذا شفتني في يوم مسدوحه في الصاله ميته..
حمد:لعنبوووه من فااال..صخي عن هالرمسه اللي مب زينه.."يحاول ايقلد امه"..
منيرة:ههههههههههههههههه..ههههههههههههه..والله انك شرااااااات اماااايه..
حمد:وانزين الشيخه ليش بتموتين شي حرامي في بيتنا يذبح العرب..؟؟
منيرة:لاااا مب جيييه السااااالفه..
حمد:عيل ؟؟
منيرة:بموت من الملل..
حمد:أي ملل..
منيرة:مليت من يلسة البيت..
حمد:لو انا بدالج كان يلست في سويحان شو يابني اهنيه في بوظبي..صح ابوظبي من ناحية اسواق ومولات هي احسن بس بعد سويحان وااااااايد حلوووووة..
منيرة:والله لو الود ودي كن يلست عندهم شهر..فديتهم قوم عمومتيه وناااسه عندهم..ودومهن البنات يتمعن وييلسن برع ..مب شراتنا من ساافروا قوم مزوون ما سرنا نظهر..
حمد:هيه تراها مزوون كانت اموستنج بس انتي اللحينه مسكينه محد عندج..
منيرة:اوووه لا تذكرني فدييتها والله بتوله علييها..
حمد:انزين ما خبرتيني هم شو له سافروا الكويت شو عندهم..
منيرة:شو عندهم بعد ما عندهم شي..يبون يتمشون..
حمد:هيه صح احن ما اظن ان ابويه ايسافر؟؟؟؟؟
منيره:شووووووووووووو؟؟وليييييييييش.؟؟؟
حمد:ماادري والله ..أبويه ما رظوا يعطونه اجازة حتى لو مدة اسبووع..وقالوا له اذا تبا اجازة نصف السنه اليايه اونه..
منيرة:واااااااااااايه التراااااااااااب عنلااااااااااتهم..وانا حاطه كل أمالي في هالسفره...
حمد:عاد هاللي استوى شو نسوي بعد..؟؟؟اما انا لااااااا مب متفيج لكم بنسافر ****لله ويا الشباب ارباعه..
منيرة:ومنو الشباب..؟؟؟؟
حمد:سعيد وحميد وسيف وعبيد وحمد الخيلي..
منيرة:لحظه لحظه سعيد وعرفناه بس منو هااييلا الباقييين..
حمد:ماالج خص فيهم اللي من العين واللي من الرماح واللي من بوظبي واللي من الهير.. يعني بنتيمع كلنا وبنروحلنا بلد جيه بنتحوط جمن اسبوع وبنيي..
منيرة:وااااايه انت ظااامن انك اتسافر بس احن لأ لييييييييش؟؟؟
حمد:سهله ابووج ما حصل اجازة..انتي ايي متى بتسكيتن يلا انا ابا ايلس الشااات..
منيرة:اوووووووه..انا ابا ايلس اسولف مليت من امجابل الكمبيوتر والنت والتلفزيون..ابالي شي يديد..تعال حموود انت متى بتعرس..؟؟؟
حمد:عنبوووووووووه وانتي شو لج ابعرسي؟؟ما اباااااج تحظرينه انتي مب ويه خير اخاف لا حظرتيه يستوي شي..
منيرة:اووووووه ليش كل اللي في هالبيت يجرحوووني..
حمد:الله واللي في البيت..انتي ونورة واماايه فديتها وابويه الله يحفظه يا في الدوام ولا في شركته..وين اللي يجرحوووونج..وبعديييين يالشيخه انا واااحد ما اجرح حد فديتني طيب..
منيرة:لااا والله شو ما تجرحنـــي انت اصلا أكثر واحد يجرحني بالفاظه الجارحه والـــــ......................
حمد"يقاطعها":ظهري ظهري من الحجره يبتيلي الصداع خلاص ما ابا ايلس ع الشااات برقد احسن لي..
منيرة:خلني اكمل رمستيه.
حمد"يصاارخ عليها":أقوووولج ظهــــــــــــــــــــري؟..حماره حماره ما تفهمييين؟؟
منيرة"زااغت المسكينه":حشى كلتني كلتني هد اعصاابك بظهر بظهر..
وتظهر من الحجره بعد ما رقعت الباب بقووووو.."يالله شووووو هالحاله؟؟اللحين لو انا في سويحان جني يالسه في الحوي ويا ظبيوه ..انزين ليش ما اسير حوينا..شدعوه احن ما عندنا حوي..؟؟؟!!شي غريييييييييييب"..كانت افكارها بسيطه جداً ..بنيه مسيجينه وتبا تستانس في حياتها..منيرة انسانه شفافه ومشااااعرها وااااايد رقيقه..انسانه رقتها امبينه في كل شي..صح انها احيانن ملقوفه وجانبها الآخر مختفي..الا ان في كل حركه اتسويها تبين رقتها..على قد ما هي طفرانه في البيت اهي طيبه..مالها ابد اي طموحات شرات بعض البنات..انسانه في واااادي والدراااسه في وااادي..لدرجه انها ما تبا تدرس هالسنه لأنها ملت ثاااني ثنوي كم مرة اتعيده..هي المفروض اللحينه اتكون هالسنه اول سنه في الكليه..بس للحينه ما خلصت ثااني ثنوي..وهالسنه بدووون تعليق هي عاارفه عمرها رااسبه رااسبه..امتحانت تقويميه زيرووو..الشنطه في الصف اظني ما جد مرة دخلتها..الصف ناسيه شكله كل يوم الإخت غايبه..وان داومت ترقد في الصف..حياتها غير وغير..امممممرة كل شي يهووون عندها..
قعدت ع الدري اللي جداااام باب الصاله..وهي اتفكر بهالحياه الللي اتعيشها ممله وما فيها شي يونسها اتحس الحياه مالها طعم..من بعدت فقدت اعز صديقه عندها..نوف اربيعة منيرة وحياتها ورووحها..اتموووت عليييييها..بس يا خسارة..نوافي توفت في حادث..ومن بعدها انقلبت حياة منيرة..من أول كانن ييلسن نوف ومنيرة ومزنه..في السكه وجدام البيت..بس اللحينه منو ييلس غير منيرة ونوف..ونوف شخصيتها جداً عاديه لا ربشه ولا هم يحزنون..منيرة اتحس براحه يوم اتييهم خالتها غبوش..لأنها وااايد تستانسس عليها وعلى سوالفها..ودووم اتظهر منيرة من البيت واتخوطها في الأسواق ..
ارتسمت ابتسامه بسيطه اتدل على وناستها لأنها بااجر بترمس خالوتها غبيشه عسب اتييهم وتحوطها..وخالتها غبيشه ابد ما تردلها طلب..وتمت اتفكر شو بتسوي باجر وشو من أسواق بتسيرلها..فالأخير ودرت هالأفكار وسارت صوب المطبخ..المطبخ ليتاته كلها مبندتات الاا وحده منهن كان ضوها واايد ضعيف لأنها على نهاية المطبخ..حست ابشوي خووف..بس شربتلها مااي وسوتلها كرون فلكس وظهرت من المطبخ وسارت فوق..دقت الباب على نواري ختها..بس محد يتوايبلها عييل نواري أكيد رقدت..سارت صوب حجرتها بنظرة كسيرة ما تعرف سببها..بس ابتسمت من تذكرت سالفة الحواطه بااجر"ههههه.."...
وحدرت حجرتها وتمت اتناظر كل زاويه فيها..اوووووووف ملل؟؟فالأخير شغلت الككمبيوتر ويلست ع النت..وتقول في خاطرها"أرووح يمين ولا يسار..اطلع فوق ولا انزل تحت..مردي لك يا النت.."..
. . . . . .
محلاك محلاك قالت لي الشهد ندك..حتا الشهد ما ينافس ريجك الحالي..
أهواك وأغليك وأقـــــــدرك وأودك..وألحنك شــــــــــوق ويغنيك موالي..
بيت بو حميد..
الساعه9ونص..
في هالوقت سلاموه ومهره راقدات..اما يزوي واقفه جدام التواليت وتسحي شعرها..الأخت كانت امواصله من أمس..من بعد ما صلن صلاة الفير سلامه ومهره رقدن الا هي تمت يالسه ع التلفزيون والنت..ومر الوقت وهي ما حست بالنعاس بسبة الرقاد اللي رقدته في اليوم اللي هم خلصوا امتحاناتهم..
اليازيه:حوووووووووه..لي ساعه اصايح فوقكن ابغيكن اتنشن وانتن امسويات لي """طاااااف""">>>>من زمااااااان ما حددت عليها هالكلمه؟؟!!سوووا طاف..
مهره وسلام:........................لا تعليق..
شو العرب رقوود وانتي اتزاعجين فوقهن...صدق مااشي احساس..فالأخير عصبت اليازيه وفرت عليهن المشط بعد ما لبست شيلتها..وظهرت من الحجره ..نزلت تحت..وشافت امها وسلطان وعمها عبدالله ويدوتها وعمتها ريسه"أم هادف"..سلمت عليهم ويلست وناولتها ام هادف الشاي..
اليازيه:تسلمين فدييتج..
أم هادف:الله يسلمج..عاد اتريقي يبغونج في مهمه..
طالعته اليازيه كانت تبغي تسأل شو مهمته بس ما وحالها لأنه يدوتها شيخه رمست..
أم عبدالله:يزوووي مسودة الويه..
زاغت اليازيه لأنها كااانت سرحانه..زاغت لأن تفكيرها كان بمبارك وحست انهم عرفوا في شو اهي اتفكر؟؟؟!!!"البنيه اتخبلت"..>>طااف..
اليازيه:هلا يدووه..
أم عبدالله:تريقي عدل هكووه الجباب والدبس والعرسيه..وهاييج حرارة اللقيمات واللي عدالها حرارة البلاليط..وهاايج دلة الجاي واللي من يمينها دلة الزعتر..أبغيييج تتريقين عدل وبنسير السوق انا ويااج ارباعه..
سلطان:هههههههه..يدوه خايفه عن اطيحين عليها..
اليازيه:ههههههههه..يدوه انا اليازيه مب مهره..
أم عبدالله:مهره؟؟!ويييييييييييييل حااالي عليج يا مهره..امبونها هااييج البنيه مسكينه..بس بعد ابغيج تتريقين عن اتطيحين عليه..
بو حميد:لا يكون امايه تطري سالفة مهروه يوم اغمى عليها في السوق..
أم هادف:هيه واللحينه بغت السوق وبغت اليازيه وياها وخايفه عن اتطيح البنيه عليها ولا يستوي بها شي..
أم سلطان:لا عاده هااي يزووي غير عن بناتيه كلهن..مقوي ويه العنز...
بوحميد:هههههههههه..حسبالي بتمدحج بس يا خسارة اشوف مسحت بج الأرض..
اليازيه:شو اسوي يالعم الا انا نسكت عن الغالييين..
سلطان:امبونهن بنات اسهيل كلهن ينعد فيهن القصيد الا هاااي سودا الويه..
اليازيه:لحظه لحظه لحظه شوووو هالهجوم المفاجئ علي..امايه شيخه بتدافعين عني بسير وياج وجانج ما بتدافعين اتعذر عن هالظهره..
أم عبدالله:بتظهرين وانتي حماااره يا ملعونة الصير دافعت عنج ولا لا...وانتوا سكتوا عن اترمسون اليازيه فديييتها..ولا بهالعيرة ع رااس كل واحد منكم..
بوحميد:دااام السالفه فيها عيرة..احن بنتوكل صوب مزارعنا اللي في ليوا..وحيااااكم..
أم عبدالله:ياااماعاد الله يااابكم.
سلطان:اسميييج يدووه سواالف..
أم عبدالله:انجلع يلا ورا عمك ياللي ما فيكم خير..يزووي سيري لبسي عباااتج يلا..
اليازيه:تاامرين امر يالغاليه..
وسارت اليازيه ولبست عباتها وهي مستانسه انها اخيييييرن بتظهر وهي بتكون اول ظهره للسوق في هالإجازة..نزلت تحت وما لقت الا مرت عمها وهي تقولها ظهري صوب السياره..لبت طلبها اليازيه بدوون حاسيه وظهرت برع..وركبت سيارتهم الإستيشن 2006..وهاي هي سيارة العايله..وكانوا ويا الدريول الللي اسمه حمزة..عاد هاذا ادريولهم ابروووحه سالفه..
حمزة:اوووه يازيه..شخبار شعلوم انسالله بخير.."طالعوا الإسم كيف نطقه ما ينلام الأخ هندي"..
اليازيه:اوووه حمزة انا زين الهمدالله كيف انته انساالله بخير و نأمه"بخير ونعمه".."ولا هااي اونه اتساير الهندي في رمسته..شراااتي.."
حمزة:الهمدالله كلش زين..وين انته انا مافي يسوف انته..
أم عبدالله:مب لازم اتشووووفها عنلااات صدااك مسود الويه..جنها امتحنت منك ولا ييت انته ع بالها..
حمزة:اوووه انا ينسى انته ماما سيخه..انته في زياده زعلان عسان انا يقول هاذا يزووي كيف خال؟؟انت زياده سوي جنجال انا..اوكيك اوكييك نو بروبليم..اللحين وين يريد انته ماما سيخه؟؟
أم عبدالله:السيخ يعمد ينبك "جنبك"ويسلخه لك سلخ..
حطت في بالها اليازيه انه يدوتها تبى كارفور ولا العين مول..بس يدوتها وقفت بهم في المبرزات وتشرت لها تلي وجحال ومن سوالف العياييز..وخلاف ودت يزووي لكارفور عسب اتسكتها اشوي ..حدروا كارفور...ولأول مرة ام عبدالله تحدره..عاد شوفوا شو اللي استوى..
من حدروا وقفوا عسب يركبون الدري المتحرك..لكن ام عبدالله عيّت تركبه..
اليازيه:الله يهديج يدووه شو بيستوي يعني الا دري بيطلعنا فووق..؟؟
أم عبدالله:واني شيخه بنت بالخيل ما اركب هاليني..هاه مب دري هاه يني يطلع بالعرب فووق...
اليازيه:هههههههه..الله يهديج بس عيل سرنا من الدري الثاني..
أم عبدالله:من اللحينه اخبرج اذا هو شرات هاذا طلعي فوق لوحدج مب طالعه تراني..
اليازيه:لا يدووه مب شراته ..والله حاله..من ايشوفني بيضحك على حالتيه..
كانت يزووي لابسه عباتها المفتوحه لأنها يت من سويحان وهي لابستنها وفيها تطريز بني عل الأكمام ..ورافعه شعرها فوق ولابسه شيله ومتغشيه ابها..
وقفوا جدام الدري العادي..
أم عبدالله:وااايه التراب يزوي لعلها العله اتصيببببج ولا تروح منج بغيتني اطلع عالدري وياااطووووله..انا الركب ملعوزتني وين بغيتي بي فووق..
اليازيه:يدوووه الشييمه الشييمه تطلعينه عسبيه..شو بغيتني اسير فوق لحالي ما يستوي ..فديييييتج ..رفقه رفقه علييييج يددددووووه لا ترديني وانا بنت سهيل..
أم عبدالله:خلاص خلاص بنركبه ولا يهمج..
ركبووه وسووا انجاز عظيم..ولفوا يمين وحدروا كريزما..
أم عبدالله:شووو هالسوق يا بنيتي ليش جيه لونه أخضر بالله علييج هاه عشب املصقينه ع اليدار..
وتمت اتحيس بيدها ع اليدار وتلمسه..جان اتموووت اليازيه من الضحك على سوالف يدوتها..
أم عبدالله:هيه والله هاه مب عشب "وتطالع الهندي"..مااالت على هالويه شقايل مب شايف عيوز في حياتك..امك بعدها شبابيه..؟؟
هز راااسه الهندي..جنه مب فاهم اللي اتقوله وتخربط عليه..ما رامت تتحمل اليازيه حست عمرها بتمووت من الضحك من بعد اللي استوالها أمس من ضيقة الخاطر..حمدت ربها انها سارت السوق ويا يدوتها..ربشه الحواطه وياها..
حاسبت يزوي ع العطور اللي خذتها..خذت لها واحد ولمهروه وسلاموه بعد..وطبعاً ما نست ظبيه..ظهروا من محل كريزما ومرت يزووي على برمودا ولا تنسون الشيخه شيخه وياها..حدرن محل برمودا..واول ما حدرت شافت تنورة وقميص وااااايد حلوين وبدون تردد خذتهم لأنهم عيبوها..ومن ظهروا شافوا ابنيه كاااااشخه ع الأخير..لابسه تنورة وقميص ورديه ومسويه ميكب كامل وردي على بنفسجي..ومظهره قصتها وعباتها من ورا من فوق لما تحت خطوط بنفسجيه ولابسه شيله ملونه لونها وردي..
ام عبدالله"بصوتها العادي المرتفع اللي يسمعونه العرب من بعد كيلو":يزووي انتي يبتيني لعرس منووو؟؟طالعي هاااي اشقااايل كاشخه..عافانا الله من هالأشكال..
سحبت اليازيه يدوتها ومرن على باسكن روبنز عاد اليازيه عدتهم كلهم ويابتلهم ايسكريمات وياب لعمرها ولسلامه ومهره ميلك شيك..وبجيه خلصت احواطة اليازيه..بس العيوز ظهرت امحق من اليازيه وقالت لحمزة ايمر بعد ع الجبرة واشتروا ذبايح وفرووووت..وع الساعه 1ونص حدرن البيت..كانت اليازيه ما تروووم اتفج عيوناتها..خلاص تبغي ترررررررررررررقد ولا تنش اتعوض عن الساعات اللي ما رقدت فيها..حدرت الصاله وشافت الشله كلهم متيمعين..سعيد حميد راشد سلامه مهره امها عموتها..هادف..قالت السلام عليكم وكملت دربها بدون ما اتصد صوبهموسارت فوق..عقت شنطتاه والشيله والعبااه..ووطت راسها ع الشبريه ورررررقدت..
. . . . .
اشوف غلطاتك وابريك..في ناظري سياتك احســـــــان..
كني عصا وما بتعصيك..وكلي خضوع وطوع واذعـان..
بيت بو منصور..
بعد صلاة المغرب
الحوي..
في هالوقت ظبيه وامها وموزة ومنصور وسهيل ومها يالسين في الحوي..يتقهويون ويسولفون..
منصور:سهيل فريت راااااااسي ايلس شو تباه التلفون..؟؟
ام منصور:عطه الله يهداك خله ايطالع الصور..
ظبيه:الله وصور اللي في تلفون منصور..
منصور:تعالي تعالي ظبيوه براااويج شو صور بنات عندي يغغغرمن..ايعقن الطير من السما من حلاتهن..
موزة:لا والله وتعترف بعد..
ام منصور:ههههههههههه..مستحرصه ع ريالج يا موزاني..
موزة:هيه يا عمتيه عاده كله ولا ابو سهيل..
منصور"وابتسامته ما فارجت حلجه":هيه ابو سهيل وبو عواشي..
كلهم يطالعون موزة بتعجب..
امن منصور:شوووو؟؟موزووه حامل؟؟
ظبيه:واااايه التراب وانا آخر من يدري..
مها:تراني انا بعد ىخر من يعلم..
ظبيه:جب انتي لا ترمسين"وتطالع موزة"..من متى هالرمسه موزو..
فجت حلجها موزة تبغي ترمس بس منصور سبقها ورمس وهو متشقق من الوناسه..
منصور:أمسات مادري شوو يياها ع الساعه وحده ونص..ووعيت ويوم شفتها اترجع وديتها على طوول توام..دقايق وقالوا انها المدام حاامل..
أم منصور:وااايه فديييتج يام سهيل..مبروووك غناتيه ..
موزة:الله يبارك فيجج فديتج..
ظبيه:ألف ألف مبرووووووك موزة علني فداج..
موزة::الله يبارك فيج علني ما خلا منج..
منصور:شدعوه اهي بتعرس مرة ثانيه عسب اتباركن لها..
ام منصور:حرمه حامل عاد لازم انبارك لها خص انها مرت ولدي فديته..
منصور:احم احم علني فداج امايه..بس باركن لها يوم اتربي وتييب عواش..
ام منصور:شكلك ما عندك لا شغل ولا مشغله يالس اتسوياي سوالف رباشيه اهنيه..
ظبيه:ههههههههههههههههه..حلوووووه..سوالفه رباااشيه...
ام منصور:سكتي انتي ويا هالشكل..
ظبيه:اهئ اهئ امايه لا اتسبيني..
ام منصور"تلبس ظبيه":وااااايه فدييتج مهووي شو فيج ؟؟فديتج والله؟؟تانسين شي ؟؟شي يعورج؟؟
مها:لا امايه بس ابغي ارقد..ما رقدت الظهر..
ظبيه"معصبه من تطنيش العيووووز":العيووووز ليش اتطنشيني؟؟حرام عليج تراني بنتج شرا ما هي بنتج..
منصور:افا يامايه تقولج العيوز وانتي في عز شبابج وسااكته..
ام منصور:عيزن اركبك انت وياها..
ظبيه:خخخخخخخخ..انت ورطت عمرك..
منصور:افا يالعاااش افا..
ام منصور:شو شايفني لاعبه وياك جدام البيت..
منصور:فدييييييت روووحج..ادريبج مصنفره وحالتج لله من هالشيبه اللي للحينه ما يأ..صبرج دقايق وبيي..تبيني اسويله تلفون..
ام منصور:ما يحتاااي فديته اللحينه بيي..أدريبه..
ظبيه:وتتفداه بعد؟؟والله حاله؟؟مسلسلات مكسيكيه على مستوى..
موزة:هههههههههههه..بنشوفج ويا ريالج يوم تغدون شواب..
ظبيه:وياااااحسرة..منو هالريال..
منصور:واااايدين اللي يو من بعدج في الإعداديه..بس انتي مااا رضيتي..
ظبيه:شووو اسوي انا وعقلي نبا جيه..
موزة:الحمدالله دامه عقلج مب قلبج..
ابتسمت ظبيه في الوقت اللي قال منصور..
منصور:اصلاا من خلصت الثانويه اذا يانا واحد انشوفه زين وما عليه كلام عرس بسسسسسسسرعه بدووون تفاهم ..>>يتمصخر..
ظبيه:لا والله شو الأخ ناوي اتهدم حياتيه وانا قلت منصور العود والكبير هو اللي بيوقف ويايه فوق كل شي..
ام منصور:لعنبوووها من سنه عندكم..انا احسن لي انش من عند هالسبلان..
بسبح بنتيه وبعشيها وبرقدها بدل من مجابلتكم وانتم تتنازعون..
ونشت ام منصور..فالوقت يلي منصور يلس ايقلب فتلفونه..
ظبيه:منصوووور..
منصور:والضريس..
ظبيه:نش حوطنا بسيارتك طفرت من اليلسه..
منصور:وين تبين تسترغدين؟؟يلسي ماشي ظهره..
ظبيه:حرااام علييييك..والله حرامظهرني شو بيستوي علييك..
منصور:مااااااااارييييييييييد..
ظبيه:دخييييييييييييلك منصووووورووغلاة سهيل اتظهرني..
منصور:لاااا..مالي خاطر اظهر..
موزة:منصور فديتك وايد متظايقه نش حوطنا اشوي..خل نستانس بدل هاليلسه..
منصور:اها دام الشيخه موزة بنت سهيل الـــ......ي..رمست عيل بنظهركم..بس وين تبون؟؟
موزة:امممم..العراقيب احلىىىى مكان..
منصور:وانا اقووول سعيد طالع على منوو؟؟؟بس تدرين اكتشفت هالشي فيييج كل يوم بوديج..مالي غيرج..
عصبت ظبيه ..انقهرت وفولت وارتفع الضغط والسكر..شو يعني يوم رمست موزة قال بظهركم وانا اللي من الصبح ذاله عمري ع الفاظي..بسوي طااف وبعديها..
موزة:ادريبك فديتك ما اتقصر..
منصور:علني فداااج والله موزاني افديييج بعيوووني..ابغيج انتي ولا ابغي احد ثاني يا حياتي ويا قلبي..وكل شي في دنيااااي..
ظبيه:بل بل بل صرصرووووور نحن هووووناااااا...
منصور:شو اسويبج..؟؟يلا موزاني غناتي حدري السيارة.."ويطالع ظبيه"..وانتي ظبيووة العنز ييبي سهيل بشغلج خدامه اليوم..اصلاً ما ابغييج اتسيرين ويانا بس شو انسوي؟؟؟رزة الفيس من طبايع التيس..
وقفى وخلاها..
وسارت ظبيه ويابت اسهيل وهي منقهره من داخلها من تصرفات منصور اخووها وتعامله..احيانن تحسبه يمزح وياها..واحيانن اتحسبه من صدق..ومرتها هالمره كلها عسب العراقيب..
ركبت اسهيل ورا..واول ما ركب اسهيل حرك منصور السياره..
ظبيه:شووو فيييك انته مااا اتشووووووف؟؟
منصور:ع بالي ما بتسيرين ويانا..وانتي ليش اتسيرين ساد سهيل فديته رزة وبعدج انتي يالكبيرة..
ظبيه:مشكوووور بس الغلط مب غلطك غلطي انا اللي عادتنك اخوووي..حساااافه فيييك هالكلمه..>>كانت امعصبه وما تعرف شوو اتقووول..
بندت الباب ابقووو وهي معصبه؟؟؟؟ تصرفات منصور ابد ما تنطاااااق..وتحركت مسرعه صوب البيت ..وركض وراها منصور يزقر عليها..
منصور:ظبيوه ظبيووووووه...انزين طالعيني ارمسج انا..خليني اوديج اللحينه وتستانسيين..
ظبيه"والدموع فعيونها":شو انته ما فيك احساس لي ساعه ارمسك وذااااله عمري عشان حواطه بستانس انا منها..و
aomroena
•
الجزء الثــامن عشر..
يا كل عمري ياحياتي انا ابيك ... ياعالمي ياحلمـــي اللي طـواني
والله ماحلفتــني اني اغلــــيك ... وانت الامل والحب وكل الاماني
اليازيه:سلطووووووون شووووو بلااااااااه الولد متعوق؟؟!!!!
مهره:شوفيه شو فيه؟؟؟؟!!؟؟!!!
ظبيه:واايه الترااااب شو اللي استوى؟؟فدييييته طاعوا شكله كيييييف..؟؟
اليازيه:بلاك يا بوميد ما ترمس..شقايل استوى جيه باليااهل..؟؟؟
سلطان:أووووووووووه هيدن عليه اشوي كلتني بقشوووري..خلوووني ايلس ويييبن لي مااي وعصير وذييييييج الساعه بخبركن بالسالفه..>>يتشرط مسود الويه..
اليازيه:ظبيه سيري يبي مااي وعصير وانتي مهره سيري زقري البشكاره خل اتيي وتودي هدووفي حجرته..تعال سلطان قرب بنيلس في الصاله..>>وهاي بعد ظاهره على اخوها..تحب تتأمر..
سلطان:يلا..
حدروا اليازيه وسلطان الصاله..وتم ايطالع في الصاله..
سلطان:يزوي..وين ســ.....
اليازيه:سلامه؟؟!خخخخ..فوق فوق سارت تتسبح..
سلطان:اهااااا..وقوم امايه بعدهن ماا ردن..
اليازيه:لا بعدهن..يلا قوول شوو السالفه؟؟
سلطان:خليها اين وبخبركن السالفه مرة وحده..
ماهي ابدقايق الا ثواني الا مهروووه يايه ويا البشكاره وظبيه وراها ميوده صينيه فيها قلاص مااي وقلاص عصير..يلست مهروه عدال سلطان وظبيه جدامه..
اليازيه:نوتيني شلي هادف ووديه حجرته..
نوتيني:اووكيك مدااام..
اليازيه:هاه بوميد شوو السالفه؟؟
سلطان:الياااهل هاذا ملقوف..من ظهر من موتريه لقف الشارع اللي جدام المول بالضبط..مستعيل الريال ع الألعاب..جان يدعمه الريال بموتره..
كلهن مرة وحده:لاااااااااااااااااااااااااااااااااااااااااااا ..
سلطان:شو اللي لأ بعد؟؟
اليازيه:ااها كمل كمل..؟؟شو استوى خلاف...
سلطان:الريال زاغ وظهر من موتره ابسرعه في الوقت للي يأ منصور وشله ابسرعه ووداه توام..وانا هب دااااااري باللي يستوي كنت ويا سهيل ورشوود بعدنا عند الموتر..الا يدقلي منصور تيلفون ويقولي انه ساير لتوام عسب هدووف دعمته سياره..جان اركب موتريه وشنقل ومنقل ويايه..
الكل:هههههههههههههههههه..
سلطان:وسرنا الله يطولي بعماركن لتوام ودخلووه الطواري وشافوا حالته وقالوا انه ما استواله شي..لأن الريال اللي دعمه كان امخفف السرعه..وربكم ستر..الياهل ما ياه الا خدش بسيط ع راسه..وكمن جرح في يده..وهالساااااالفه..ومن شااف راسه امصمم ويده امصممه قال ابغي ارقد..ورقد حليله ابسسسسسسرعه..وقوم منصور ردوا لسويحان وانا يبته اهنيه..
اليازيه:اها جيييييييه السااااالفه..
وتموا اييسولفون لين ما شافوا سلامه تمشي ع الدري وهي هب منتبه من وجود سلطان والأخت يالسه اتغني..
سلامه:انته الأخير وانته الأولاني..لو كان حبك حد قلبي على الصوح..
والله ما باح غرامك لساني..الا عيوني يوم يطرووونك اتبووح..
اليازيه:بل بل هاذا كله لسلطووون..
سلامه"تمشي عالدري ببطء":هاذا شيخج انزين لا اسمعج مرة ثانيه اتقولين سلطون..
مهره وظبيه:وووووووووووووووووووووووههههههه..
سلطان:فدييييييييييت اللي يدافعون عن سلطان..
انصدمت سلامه وعضت ع شفايفها من القفطه..ويهها غدا قووطي طماطم..
وطالعتهم وعيونها مبققه..
اليازيه:هههههههه..طاعوا ويهها جنها الا بقره شايفه حرييييييقه..خخخخخخخ..
سلطان:بس لمي ثمج لا افرج بهالقلاص..بلا شرفن اخواتي الكريمات برع الصاله لو سمحتن..
مهره:افاااااااااا يطردووووووونا..شوووو انتوا ما تستحون..؟؟
سلطان:لالازين والله..عز الله البنيه استخفت..والله وظهرلج لسان مهرووه..
ظبيه:طبييييييييييعي يظهرلها لسان لأنه ربي خااالقنه..
اليازيه ومهره وظبيه:هههههههههههههههههه..
سلطان:ظظظظظظظظظهــــــــــــــــــــــرن خااااااااااري عنلااااتكن..
مهره:يلا يلا عن يااكلنا هاذا..
ظبيه:الأخ مب متعشي..
اليازيه:ههههههههههههههههههههههههههه..ههههههههههههه ههههه..ايلس ايلس..تعالوا صح متى عرسكم؟؟
سلطان"يطالع في سلامه اللي واقفه وحاطه يدها عليها":من اتييب النسبه وننتهي من سالفتها ان شاالله بعدها ابيومين العرس..
اليازيه:واااااااااااااااااااااااو..يعني لازم نتزهب من اللحينه..مابقا عن النتايج الا ثلاث اسااابيع..او اقل..
ظبيه:وانتي سلامه اتزهبتي ولا لا؟؟
سلامه:...........بعدني...
سلطان"سرحان":يااااااااااالله فديييييييييييت منطووووقها..
حمر ويه سلااااااااااااااااااموووه في الوقت اللي تناقعن البقيه ظحك..
اليازيه:ايييييييييه سلطووون راعي العقارب "من وين يابتهله هاللقب الله وعلم"..
احن هنيييه مب لازم تتغزل تتلوم لعلها العرس بأعمى..
سلطان:اتشوفيني اعمى..؟؟؟
مهره:شووو بلاااج؟؟خليييهم انا احب الأجواء الرومانسيه؟؟
سلطان:ههههههههههههه..طاعوا هاذا قوم اول ثنوي صاروا يرمسون في الرومانسيه..صخي يلا..يلا ظهرن خاااري..
ظبيه:انزين خلووونا انشووفكم..
سلطان:شدعووه الأخت ما تعرفينا..؟؟
اليازيه:لا نسينا اشكالكم..اممممممم..
سلطان:لا زين والله الحمدالله.."ويطالع في سلااموه"..يلسي فدييتج وشله وااقفه..؟؟
اليازيه:تستحي؟؟
سلطان:منج؟؟
اليازيه:لامنك..اهي ما تستحي مني..صح سلاموه؟؟
سلامه:............................................ "وتيلس ع الكرسي مجابلة سلطان"..
ظبيه:خخخ..مسوتلج طااااااف..
اليازيه:تراها اتخق جدام سلطوووون حصه بنت خالد"امها"..
وينش سلطان وييلس حذال سلامه..عاااااد اللحينه من صج استحت وخص جدام الشله الفااسده..
اليازيه:شووووووووو هااااااااااذاااااااا؟؟انت ملصقينك بسلامه لصقه اوهو اصليه..طاعوا طاعوا كيف يتلصق فيها؟؟
ظبيه ومهره:هههههههههخخخخخخخخخ..
اليازيه:شكلنا طولناها واهي قصيرة..تامروون بشي..
سلطان:منووو انتي؟؟
اليازيه:عضوة في شلة المافيا البدويه؟؟
سلطان:شوووو اسمج؟؟
اليازيه"اترمش بعيونها":طبيييييعي طبييييعي ..
مهره وظبيه"يقاطعنها":عننننننننننننز الحاره..
اليازيه"اتطالع فيهن مبحلقه اعيوناتها":عنلااااااتكن يالسنااايييح."وذكرت مبارك يوم يقولها عنز الحاره..وزااااد حزن قلبها.."..
سلطان وسلامه:هههههههههههههههه..
سلطان:لالالالالالالالا...انا بغير لقبج يزووي؟؟
اليازيه:ههههههههه.مواااافقييين وباللي اتقوله..بس عاد ما اوصيك يبلي لقب غااوي..
سلطان:حماااارة القايله..
مهره:هههههههههه..الصراااحه ماا قصرت..
اليازيه:حراااااااام عليييييييكم..حمارة مرة وحده..
سلامه:أنزين خلاص عيوز القايله..
ظبيه:هيه احسن لأن هالكلمه تووحي بالعيز والكسل..
اليازيه:اووكيك اتفقنا..
سلطان:انزين وهاييلا الثنتين شوو الحل وياهن..
اليازيه:الله يعمر طولك مهره بما ان دووم نزقرها بالصخله..اووريدي ايكون لقبها الصخله..
ظبيه:لا لا لا ..انا بظهرلي لقب حلوو..
الكل:شووووو؟؟
ظبيه:فديتني غاااويه..
مهره:جب يلا جب..
اليازيه:بتبطيييييييين الغلا وانتي تتريين حد يزقرج بهاللقب..انتي..اممممم..
مهره:سوودانيه بدويه..خخخخخخخخ..
ظبيه:حرام علييييكم انا بيظااااااا..
سلطان:ولااا تزعليبين مصريه بدويه..
الكل:خخخخخخخخ..
اليازيه:وبجذي تكونت شلة المافيا البدويه..
سلطان:اووووووه يعني انا منوو قدي اللحينه حضرت اجتماع تكوين شلة المافيا..
اليازيه:لا تنسى انشرها بااجر في الجراايد..
سلطان:لا تحاتيين مااابقصر..
مهره:بس ما اتشووفووون ان اشوي..ثلاثه بس..
اليازيه:لاما علييج مع الأيام راح تكبر وتنمو وتصبح عصابه تزلزل الأرض..
سلطان:ومنو زعييمتكن..؟
مهره:كيف يعني..؟؟>>>تستهبل..
اليازيه:هيه صح كيف يعني..؟؟؟>>تساعدها في الإستهبال..
ظبيه:اممم.حتى انا ماا فهمت علييك>>>تزيييييد من نسبة الإستهباال..
سلطان: اووووووووونهن ويا اشكالهن شله وعصابه ومادري شوو؟وما يعرفن شو يعني زعيمه..يعني وحده منكن يالعنز اتقوودكن وترعاكن..يعني تستون عنز وهي الراااعي..
مهره:شووووووووووو؟؟؟؟لا لا انا اعلن انسحاابي..واقدم استقالتي..من اللحينه..انا استوي عنز..
سلطان:امبوونج صخله وياهالويه المنتف..
اليازيه:حوووه..ويا شكلك قلبت البنيه عليينا..(وتطالع مهره..)علني فدا مهره والله..تتدرين هاذا انسان غيوووور ..وما يبانا انسوي شله ..
ظبيه:هههههههههههههه...يلا مهره سمعي كلااام ماما..
سلطان:هههههههههههههههههه..حلوووووووووووه..يلا منو الزعيمه..
ظبيه:أرشح عمري..
مهره:وانا ارشح رووحي..
اليازيه:هههههه..يلا وانا ارشح حياتي..هههههههههه..كلمات حللوه عمري وروحي وحياتي..
الكل:هههههههههههههههههههههههههه..
سلطان:هههههههههههه...بنات اخر زمن..اونه مافيا وما مافيا ..انتن حدكن زورو وباتمان..ووايد عليكن..
اليازيه:شو بلاكن خليتونا مصخره جدام هالفار..؟؟افا بس افا..
سلطان:الفار ولدج..مسودة الويه..
اليازيه:بسم الله ..جانه بيظهر ع خاله محد ايلوووووووومه..
مهره:ياربي انا اشكثر اعاني..يلا منو زعيمه..
ظبيه:انا اقوول اليازيه..
مهره:خلاص يلا اليازيه..
اليازيه:ههههههههههه..شكرن شكرن..
سلطان:يلا ويا اشكالكن اوونه مافيا..؟؟ظهرن خاري ..ابا اقول كلمتين لحرمتيه..
ظبيه:بس كلمتيين..؟؟
اليازيه:أاااييييييييهاااااا ابتلشت سلاموه ويا رياااال بخييييييل..
سلطان:ماااااااااالكن خص حتى نص كلمه شكتلكن الحال هي؟؟
اليازيه:موووعد الشكااوي باااجر..
مهره وظبيه:ههههههههههههههههه..
سلطان:اهي اتنكت وتسولف وانتن علييكن تضحكن..
اليازيه:تراني امس عينتهم في خدمة المصخره..
مهره وظبيه:ههههههههههههههههه..
اليازيه:طال عمرك هاذي شركتنا واسمها المصخره على مستوى..وموقعنا موجود ع الإنترنت ترووم تتواصل معانا..وموقعنا و دبليو دبليو دبليو المصخره على مستوى دوت كووم.www...بس لو حاولت تفتحه ما بترووم تعرف ليش؟؟لأنه مب موجوود. هههههههه .خخخخخخخخخخ..
مهره وظبيه:هههههههههههههه..
اليازيه:وخدماتنا هي انخلي اللي ما يضحك..
مهره وظبيه:يييييضححححححك..
اليازيه:وشعارنا في الحياه..انخلي اللي ما يبكي ...........
مهره وظبيه:يبكييييييي..
مهره وظبيه واليازيه:ههههههههههههههههههههه..
اليازيه:واذا ما عندكم مشاكل نخلق لكم مشااكل..واذا عندكم مشاكل انزيد من تعقدها..انت جرب وادخل وتعامل مع شركة المصخره على مستوي وصدقني طوول حياتك بتعييش تعيس وما بتندم ع اللحظه الي شفتنا فييها..بالعكس بتستانس وبتذكرها دووووم....
مهره وظبيه:هههههههههههههههههه..
اليازيه:اخيييرا وليس اخرا نقدم لكم ارقام هواتفنا..الظاهره ع الشاشه..اول واحد ممسوح..والثاني مقطووع..والثالث التلفون خربان ..اما الرابع والأخير السماعه مكسوورة..اتمنى ان تتواصلوا معانا عبر هذه الأرقاام..وماا عليييكم قصور..معاكم عيوز القايله زعيمة شلة المافيا البدويه وموظفه في شركة المصخره على مستوى..تقبلوا تحياتي وتحيات طاقم العمل..ودمتم بخير وعافيه..
مهره وظبيه"ايصفقن":طقطقطقطققطقططقطقططقطققطقطقط...>>>>>ا ونها هااي صفقه..سوووووووووا طااااااااااف ..
نش سلطان من مكانه وشل عقاااله..ومن شااافن العقال عطن شرده"الشدره نص المريله"..
سلطان:لوو كنت اعرف جان من زمان راويتهن اياااه بدل هالسوالف كلها..
اما قووم يزوي"شلة المافيا البدويه خلاص من اليوم وساير بنزقرهن جييه اتفقنا؟؟"..يلسن في الحوي..
ومن يووا العيااييز خبرنهن بسالفة هادف وترابعن كلهن صوب حجرته وتمن ايبوسن في ويهه ويتفدنه..
ولو شفتوا اشكااااااااااالهن وهن يدخلن الصاله فجأه على سلامه وسلطان"خربوا علييهم"..يربعن بعبيهن جنهن الا خفااافيش..اليازيه وشلتها ميتات ضحححححححححك..دقايق الا وسعيد وسلطان ايقولن يلا..وطبعاً قوم بو منصور وياهم..تراهم بيردووون لسويحان..هزركم..هالمره شوووووو من أحداااااااااث في سوييييييييحان؟؟؟
. . . . .
ياشـوق خبرني عن اللي انا اغليه ... عن واحد روحي بحبه شغوفه
اغليــه من بد المخاليـــق وافديـــه ... احس للفرحـه طعم يوم اشوفه
يطلب عيوني يطلب القلـب واعطيه... ارهن حياتي بين ضمة كفوفـه
بيت بو حمد..
يوم السبت..
حجرة منيرة..
بعد صلاة المغرب..
وفي بووووظبي داااااار الظبي..وين ما كانت منيرة مسدوحه على شبريتها وتلعب بخصلات شعرها..وتفكر بالشخص اللي شافته في الميلس هاك اليوم..
" صح شو اسمه..يالله..اللحين بياكلني الفضوول..بس هو نفسه اللي شفته في البيت وفي ..يالله شو اسمه..يلا
بخمن..سعيد..
أحمد..
مطر..
فهد..
سلطاان..
اممم..مايد..
يمكن ..خليفه او خلفان..
مادري ..اووف..
صح يمكن حمد حميد ..يالله..شو اسمه..؟؟"
وغمضت اعيوونها....واول ما غمضت اعيونها..بدا طيف اللي سلب قلبها يبين جدامها..بالكندووره الكركميه....والسفره البنيه..والأبتساامه الحلوه..وحياته المقروونه..وخشمه السيف..والكبرياااء والخقه ..شافته في اسلوبه وفي عيونه..
عرفت ان هالأنسان غير..طبعه غير..حست انه انساان غير مسالم.ِ
"شكله والله نذل..لالا..يمكن ايكوون طيب..بس ماعرف..انا ولا مره تعاملت ويااه..يالله اتخيل انه ايرمسني..ويزقرني باسمي..ويييلي بذوووب...يالله انا ما قد مرة سمعت صووته..عسب اتخييل ع كييف كيفي ولا يزقرني
بعد..اووووووووف..شو هالحااله.."
انقطع تفكيرها بصوت الباب اللي كان اشوي وبيتكسر..
منيرة:اوووووووووهووووووووو..الباب مفجووووج..
تدخل بشكارتهم..
البشكاره:منيررررة ماما يريد تهت..
منيرة:اييييييها لو الود ودي جان افعصج ويااا ويهج...اوكيك سيري يلا..
البشكاره:زياااااده مشكل انته..
منيرة:بلا تحرطيييييم يعلج الحووووووم..ظهري من حجرتيه..
نشت من الشبريه وتقول في خاطرها"كم تقهرني هالبشكاره"..وقفت جدام المرايه اتشووف عمرها..شوي وكانت بتصرخ..عيونه ميفنات وظهرتلها هالات سوودا..وقصتها حاطتنها على طرف..وخصلات منها "اللي كانت تلعب بها"..طاحن ع ويهها..ولابسه بجامه كحليه بدون اكمام..ووااااسعه وااااايد عليها..شكلها واااااااايد ايزيغ..ربعت الحمام "الله يعزكم"..وغسلت ويهها وظهرت ابسرعه ولبستلها كندورة ولفت شعرها ورفعته فوق..وسحت قصتها وفرقتها من النص وسوت لها كريم ع ويهها..ولبست شيتلها بعد ما تعطرت وظهرت من حجرتها تحت اتشووف شو اللي عندهم..من نزلت الصاله شافت لصاله فااااظيه..وحطت افبالها انهم اكيد اكييييييد فالحوي..ظهرت من الباب العوود مال الصاله وسارت صوبهم..كانوا يالسين ع القعده ايسولفون..
ام حمد:وهاكي يت مسودة الويه..
حمد:هههههههههههههخخخخخهههههههه..يييتي يييتي يالعرووس..
منيرة:شووووووو؟؟انت شو قاعد اتقوول؟؟
حمد:اوني ناااسيه السالفه؟؟
منيرة"تستهبل":وأي ساالفه؟؟
حمد:بلا استعباط لا اصكج بكف ..يشل حسج يالمدوخه..
منيرة:لا اذا السالفه فيها كفوف وغيره ما بنستعبط..واذا عن خليفه بن سلطان خبرتكم انيه ما ابغيييه.. وكلمتيه بويه طولي بعمره دراابها..
حمد:لييش شووو فيه الريال ما ينعاااب..ينشرى بفلووس..؟؟
منيرة:.........................................."ل اترمسوون بليييييز في هالسالفه..خاصةً من بعد ما شفت المجهوووووووول"..>>اتقول هالكلام افخاطرها..
نورة:خلاص يا بوشهاب هي ما تبغييه مب كل شي بالغصب..
حمد:انا ما بغصبها على شي ما تبغييه..بس واااايدين يا نورة يبغونها واهي راافضه..ولا المشكله من انخبرها باسمه اتقول ما تبغييه..حتى ما تفكر..
منيرة:شسوي اذا كنت افكر بسسسسسرعه..
حمد:ههههههههههههههههههه..وياااا ويهج..يلا انا بظهر تامرون ابشي..؟؟
ام حمد:لا سلامتك..
وظهر حمد من البيت ..راقبته عيون منيرة ومن بعدها نشت..وسارت صووب المطبخ تبا تاكل لها شي..اتحس عمررررررها مدوووووخه من كثر التفكيير..
. . . . .
تميز في جمــــــالن ميزه ربــــــي.... و خذ منه الحلا أشكال والواني!
اهو راحت هناي و بلسم جروحي.... يهلـيـبه فوادن فيه شفـــــجاني!
بيت بو سلطان..
الصاله..
بعد صلاة العشا..
اليازيه وحميد وسعيد...يالسين في الصاله كلن يتمصخر الثاني..
سعيد:شفتي ويهج قبل لا اتييين اهنه..
حميد:عنبوووووووه جان خلصن كريييماتج خبريني بتبرع وبييب لج كرييم..
سعيد:وجان خلص الجحال رمسي وانا بتبرع وبييب لج جحال..
طالعتهم اليازيه بنظرات وميودة عمرها عن اتهب في ويووهم ويندمون ع الساعه اللي رمسوا فيها..
سعيد:حميد اتشوف اللي اشوفه..
حميد:انت شو تشوف؟؟
سعيد:اشوف اليازيه سااكته وما ترمس؟؟
حميد:حتى انا اشوف اليازيه اتشوووفنا وما ترمس..شي غريب صح؟؟
سعيد:اها..وهاذا الشي الغريب شو ايسمووونه؟؟
حميد:ايسموونه الهدوء ما قبل العاصفه..
سعيد:كيف يعني اللحينه بتستوي عاصفه؟؟
حميد:اوووه واكبر عاصفه..
سعيد:بس كيف والدرايش امبنده وباب الصاله امسكر..
حميد:اممممم..الصراحه ماا عندي فكره..
اليازيه"بصوووت عاااااالي":صخوا يالسبلان ولا تراااني ما برمس بسااالفة ظبيه..
حميد"بدوون اهتمام":واي سالفه ويا ويهج؟
اليازيه:افا السالفه؟؟نسيتها؟؟
حميد:امممم..ما تذكرها..
سعيد:رمسي يزوووي اهو يسوي عمره مب مهتم..
اليازيه:والسبب؟؟ليش مب مهتم..الأخ من يومييين كان متحرقص يبغي يعرف شووو بتسوي ظبيووه؟؟شووو اللي تغير؟؟
سعيد:بعد ما ترمسين والله والله الغالي..انيه بخبرج..
اليازيه:بكل اختصار ظبيه اتقولك شلني من حياتك شلني من خيالك..انسى حبي وقربي وانسى ذيييج الليالي..
حميد:غااااااليه والطلب رخيييييص..اممممرة ما طلبت..وانا بشلها من حياتي وبشلها من خيالي..وبنسى حبها وقربها وبنسى ذييييج الليالي..
سعيد:وانت الخسرااان يا حميد ظبيوه ما تنبااع برخييص..
حميد:بو عسكوور اعترف اني غلطت افحقها يوم رديتها ويوم خنتها..ويوم تندمت وتعذرتلها ردتني..وبكل سهوووله اهي ما تباني..وشله احرق عمري..واذل عمري مرة ثاانيه..ظبيه بدالها الف..وانا الصراااااااحه حبيتلي وحده ثاانيه وخذت افقلبي مكان لا عليووه ولا ظبيوووه قدرن يوصلن له..>>اكييييييد عرفتوووا منو؟؟
اليازيه:منو منو منو؟؟
حميد:لأسف الشدييييييد مااااا أعرف اسمها..
اليازيه:هههخخخخخخخههههههههخخخخخخخه..حبيتها بدوون ما تعرف اسمها..
حميد:امممممممم..حبيتها ..جذي من ربي حبيتها..
سعيد:كذااا من ربي حبيته.صدفه يوووم لاقيته.؟؟يااناس اللي تمنيته..اخييراً صااار محبووبي..
حميد وسعيد:هههههههههههههههههههههههههههههههه
وشوي اييهم راشد ومهره وتموا يسووولفووون..لين ما يأ سلطان وشل سعيد وحميد ويااه صووب العرااقيب..
. . . . .
ملاك لا كان من يساويك؟؟ كنت الذي ساكن عيوني....
أغليك يالمحبوب وأغليك..غصبا على ناس أعذولني....
بيت بوو عبيد..
حجرة ميثا..
هالوقت بوعبيد كان توه ظاهر من عند ميثا بنته..ثواني من ظهرته الا وميرة حادره على ميثا وشافتها يالسه ع الشبريه..
ميرة:شو شو شو الساالفه ميثووه؟؟>>>>>>>لعنبووو اللقافه..
ميثا:اممممم..طال عمرج هاذا واحد ياي يخطبني..
ميرة:شوووووووووو؟؟رفضتيييه؟؟
ميثا:لا..
ميرة:عيل وافقتي عليييه؟؟
ميثا:لا..
ميرة:بالله علييج شو سويتي عيل..؟؟
ميثا:شو سويت؟؟قلت لأبويه بفكر يومين وخلاف بعطيك موافقتي ولا رفضي..
ميرة:وييييااااا ويهج ليش ما رفضتي من البداايه..لييش هالربشه كلها واتطوليين السالفه..
ميثا:بس ما ابا ابوي يشك ان في ساالفه اتخص سعيد...وبعدين فالنهااايه اكييد اكييد برفض..تعرفين انيه امووت افشي اسمه سعيد..وما بوافق على غييره..
ميرة:اها جييييه الساااالفه عيل..عيل اكيييد مستاانسه يوم انا بنسيرلهم بعد دقاايق..
ميثا:اووه الا بمووت من الوناسه..
ميرة:بس انتي سخيييفه من اتشوفينه تشردين مادري لييش؟؟
ميثا:ياااخي استحي شووو اسووي؟؟ارتبش من اشووفه..
ميرة:بس انتي حتى ما تسلميين علييه..
ميثا:شووو ؟؟والله بمووت من المستحى..
ميرة:وااااايه فدييت اللي يستحوون..
ميثا:فديييييييتج والله..
ميرة:انا بظهر بسير ارتب ثيابي..باااي..
ميثا:بااي..
وظهرت ميرة من حجرة ختها..وسارت صوب امها..وخذت تيلفونها وشافت مسج واصل لها من سعيد جان تقراه "ابغي ارمسج ضروووري"..وهي مسجله اسمها نورة..اونها هااي ربيعتيها..مسحت المسج ابسرعه وطرشت له.."مب فاااظيه ارمسك اللحينه"..
وقالت افخاطرها"نهاااااايتكم اليوم وعدها"..
. . . .
شوقي عليكم دوم ماينقص ايزيد ... ومازال قلبي وافي العهد والود
ادري لقاكم يالغــــلا كانه العـــيد… ماخذك يالغالي على محمل الجد
بيت بو بطي..
يوم الأحد..
بعد صلاة المغرب..
في هالوقت الهنوف كانت توها ظاهره من حجرة روضه..شافت روضه يالسه وترمس وحده من ربيعاتها تيلفون..خطفت عليها ونزلت تحت..وشافت الصاله امفضيه..العنود وبطي ريلها ووياهم خلووف ولدهم سار وياهم يتمشون..ومن ظهرت الحوي شافت امها ومرت عمها توهن ظاهرات من الباب العود مال الفله اكييد بيسيروون صوب ييران قوم عمها..جان اتسير وتيلس ع الدري مال باب الصاله..وتيييييييلس اتفكر بسعييييييييد..ترى مااا عندها شغل غيييير سعييييييييد..
وشوي الا يدق تيلفون امها..كان وياها وحاطتنها في مخباها..نشت من مكانها ومن شافت رقم ام سلطان استاانست ان اليازيه دقتلها..لأنها كذا مرة دقت ومحد يرد..
الهنوف:وياااااااااا مرررررحباااااا ملااااااايييين ولا يسدن افذمتيه..بهل سوييحان..
اليازيه:والمرررررحب لااااا هااااااان..شحااااااالج يا بنت عوض..
الهنوف:ايسرج الحال ولا يضرج يا بنت سهييل..وعلوومج؟؟
اليازيه:والله نشقح بس ماا ننطح..ووين دااارج؟؟
الهنوف:ههههههه..الا في دبي..مكانا ما تحركنا..
اليازيه:أشووووفها عيبتكم..
الهنوف:طولي بعمرج شوور سيف ..
اليازيه:ييييييييها..الأخ يبغي عند غنااااااة قلبه..
الهنوف:شوووووو نسوي عااااده؟؟المهم..وعلوومكم وين سرتوا ووين ييتوا..عنلااتج يالسباااله اتولهت علييييج..؟؟
اليازيه:هههههخخخههههه..جمهوووري العزيز ما يستغنون عني..هههه.فديييتج والله..وين سرنا..امممم؟؟هيه سرنا العين عند قوم عمي ويلسنا كمن يوم..وامس يينا سويحان.واليوم قوم خالي بوعبيد بيوونا..وبيبتاون وبااجر بيسرحون دبي صوب عمهم..
"ويكوون خاال يزووي..بس مب خالها خالها..يعني يقرب لأمها..وبينه وبين بو عبيد رضااعه..عسب جييه ما طريناه في القصه بكبرها"..
الهنوف:اها جييييه الساااالفه..ووينهن ظبيوه ..ومهروه؟؟
اليازيه:والله ظبيه من اشوي كانت عندنا وخلاف ساارت بيتهم..ومهره سارت تتسبح..وانا مجابله هالفواله ومن خلصتها عينت لهم وخبزته حق راااشد وسعيد ومن خلصته يودت التلفون ودقييتلج..
الهنوف:اهاااا..وشو رااشد للحينه مب ناوي ايخوز عن درب الدرايات اشوي؟؟
اليازيه:ههههه..الأخ ناووووي يعرس بوحده من درياااته..
الهنوف:خخخخخخخخخخخ..من يقوووله جيه؟؟
اليازيه:منو غيره النكيتي سعيد..من كثر ما يشوفه اربع عشرين ساعه ع الدرايات..قام وقاله بنعرسلك بوحده منهن..
الهنوف:ههههههههههه..
اليازيه:والله انهم حاله..المهم غلاااي بخلييج اللحينه بغير ملابسي وبكشخ عرب بيوونا اللحينه من يشوفون شكلي جيه اخاف يغيرون راايهم يردون البيت..
الهنوف:ههههههههه..اشك والله..سلمي ع اللي عندج..
اليازيه:يووصل..وسلمي على بنت عمج رووواااااااضي..وقوليلها اتولهنا علييها..ولو فاضيات اليوم حدرن المسن اووكييك..
الهنوف:اكييييد فاضيات ما ورانا شي..يلا فمان الله..
اليازيه:الله يحفظج..
وبندت الهنوف من يزووي..في الوقت اللي يت روضه..
الهنوف:هاذي يزوي اتسلم عليييييج..
روضه:واااااااايه فديتها الله يسلمها من كل شر..والله الغالي اتولهت علييها..
الهنوف:فدييتها يزوووي محد شراتها..
روضه:هيه والله..هنوفي قووم عايشه بنت ييرانا وبنات عمها وحصووص اللحينه بيمرن علينا وبنتحوط وياهن في الحاره..
الهنوف:يكووون احسن احس عمري متضااااايجه..
روضه:فديييييتج والله..من نمشي اللحينه وتسمعين سوالف حصوه بتنسين الضيييجه..
وشوي الا شلة روضه ين..وسارن كلهن فوق ال11بنت..يتحوطن في الفريج ..
قبل احبك واشوفك كل شي كان عادي ... كل شي بعــيني كنت مرخـص بـشانه
بك عرفت المحبه وصــار قلبك بلادي ... ومن سكن في خفوقك به يلاقي كيانه
بيت بو منصور..
الساعه تسع ونص..
الصاله..
في هالوقت كانت ظبيه تتعطر لأنها اللحينه بتسير صوب بيت بوسلطان..وكاانت متكشخه ع الأخير..مظهره قصتها ومجحله اعيوناتها ومثجله الجحال اشوي..ولابسه كندور ذهبيه..ومن تحت شك بني..وحاطه رووج ذهبي..وبلاشر خفيف..ولابسه شيله ذهبيه وع اطرافها شك بني شرااات اللي في كندورتها..بالفعل بالفعل كاااااانت غراااااااااام..من ظهرت من حجرتها ..واهي تفكر بعبيد وتتخيل انها اتشووفه..صج بتستااانس.."والله واتطورت عزبتها..لووول"..
حدرت الصاله وشاف موزة واقفه جدام قسمها واترمس سهيل ولدها..
ظبيه:بلاكم محتشرين؟؟
موزة:هاذا الصبي عايابي.."لعوزني"..يبغي يروح صوب خواله..وانا بعدني ما تسبحت ولا غيرت ملابسيه..جانج بتسيرين شليه ويااج..
ظبيه:هيه اللحينه بسيرلهم..اميه ومهوي سارن..؟؟
موزة:هيه لهن دقايق..
ظبيه:يلا انا بااخذ سهيل ومن اتخلصين تعالي ابسرعه لا تبطيين..
موزة:اوكيك..
ظبيه:سهوولي فدييت رووحك تعال ويايه..
سيهل:زييييين..>>اونه معصب من هالحااااله...خخخخخخخ..
وسارت ظبيه وسهيل يمشي وراها..ووصلت جدام باب الفله مالت قوم بوسلطان..ومن صدت وراها اتطالع اذا كان اسهيل وياها الا اتحس ان في حد دعمها..ومن صدت شااافت "عبييييييييييييييييد"..ميود التلفون وحاطنه على اذنه..ومن شااف ظبيه اتصنم وماا راام يتحرك...عبيد كان يمشي عاادي..بس صد وراه ايشوف سعيد دخل ولا ما دخل..ومن صد جدام الا يدعم ظبيه وماااا كاااان يقصد..بس صج كانت دعمه قووويه..وطبيعي اذا سمعتوا خبر ان جتوف ظبيه اتكسرن..
ظبيه:ااااااااخ..>>>> تعوقت مسكييييييييينه..
عبيد:ظبيه؟؟؟؟!!
ظبيه"سااكته واتهوس ع جتفها":..................."لو انا بدالها جن استلمته وشرشحته لين ما يحترق ويهه"..
عبيد:ظبيووه فدييتج اتعورتي؟؟سمحيييييلي ووالله ماا شفتج..
ظبيه:شوو هاااذاااا؟؟احن وين عايشين الأخ يالس يتتفدااني":لا ما تعورت..
عبيد:السموووووحه والله ما شفتج>>>متلوووم..
ظبيه:لا افا علييك عادي ما استوى شي.."وتصد ورااها"..يلا سهيل..
وخطفت ظبيه ..وسارت صوب البنات اللي كان يالسات في الصاله الفوقيه..ايسولفن وشالات البقعه من الضحك..
ع الساعه 12ونص..ظبيه وموزة وام منصور ووياهن مهوي وسهيل ردوا طبعاً بعد ما اتعشووا..في الوقت ياللي ام عبيد وام سلطان سارن يرقد..اما ميرة فتلفون امها كان وياها بحكم انها تبى اترمس سعيد..ثواني..وانتقلن البنات من الصاله الفوقانيه لحجرة مهره..فالوقت اللي ظهرت ميرة من عندهن..وسارت حجرة اليازيه..وحدرت..وبندت الباب بالمفتاح.."ما تبى حد ايشووفها"..
دقت لسعيد..فالوقت اللي كان اسعيد يالس في الحوي..ويطالع رااشد وهو يلعب بدرايته اليديده"راشد ما عنده شغل كل يوم والثاني درايه يديده"..ومن دقت ميثا"ميرة"..حدر الميلس ما يبغي رااشد يسمعه..
طالع تيلفون.."ساارق القلب"..يتصل بك..
سعيد:وياا مرحباا ملاايين ولا يسدن وان سدن فلا بااس..
ميرة:هلا..
سعيد:فدييت رووحج والله؟؟اشحاااااااالج؟؟
ميرة:ايسرك الحال ولا يضرك..شحالك انت شمسوي؟؟
سعيد:والله الحاااااال ما تسر لا عدو ولا رفيييق..
ميرة:شو استوا؟؟
سعيد:تهل دموووعي على فرقاااااكم..
ميرة:سعيد..
سعيد:عيووونه..
ميرة"اتسوي عمرها اتصييح":سعيد انت لين متى بتم اتمثل علي..؟؟؟
سعيد:شووووووو؟؟
ميرة:لين متى تبى تلعب علي وتلعب بمشااعري..واتسوي عمرك العاشق الولهان..سعيد..من يوم ما عرفتك وانا امووت فييييك..من يووم ما عرفتك وانا اعشق شووفتك..بس يا خسااره تيي انت واتخرب كل احلامنا..
سعيد:ميييييثوه فدييتج خبريني شوو السالفه..
ميرة:سعيد اانا ما بعيد وازيد واذكرك انت شو سويت"جذاااابه "..بس حبيت اقولك ان في وااحد متقدملي وانا بوافق عليه..يمكن انسى ويااه الجرووح اللي سببتها لي..
سعيد:شوووووووووووووووو؟؟انتي اكيد تمزحين..انتي نااويه تذبحيني..
ميرة:انت واحد حقير وحيوان ولا تستحي..اتحلف لي انك ماا ترمس بنات من غيري..وتحلف لي ان قلبك ما هوى غيري..وف الأخير انت جذااااااااب واكبر جذاااااب..بس ياا خسااره يا سعيد انت بعت ماااضيك..بعت مييييييييثا..واتحلم مرة ثاانيه اردلك..ارد لواحد شراااتك خسيس..
وبندت التلفون افويهه..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!! !
انصدم..استغرب..وبالأحرى عصب وعيال سهيل يوم ايعصبوون خوزا عن دربهم..تلقااائيا بدوون اي تفكيير دق لحميد وخبره بالسااالفه من اولها لآخرها..
سعيد:شوو راايك..؟؟
حميد:......يااا سعيد قلبك لا تذله واللي يذله عسااه يفداااك..انت لازم اتصدها..انت وشلك ابحبها دامها فضلت واحد ثااني علييك..سعيد..ميثا بداالها الألف..شو تبغيبها دامها سبتك وبدت غيرك وفوق هاااذااا صكت التلفون ابويهك..بالله علييك هاذي من يرضاها..يا سعيد قدرك في محله..واللي رجيته ما بيسواك..
كانه تكبر منك خله..والطين كان بلووه ينهااب..وجانك تبا رمستيه..هاذي نهااايتكم يا بو عسكور..يلا انا بخلييك..
سعيد:حيااااك الله..
شو اقولكم..يخوني التعبير وانا احاول اوصف حالة"سعيد"..منصدم..متلوم..محرج..منذهل..مستغرب..معص ب..
تفكيييييييره متشتت..مارام حتى يذكر الموقف..
صدق غريبه هاذي الدنيا بالأمس كان يرمس وياها ويسولفلها عن حياته..واليوم تتهمه بالغدر والخيانه..تتهمه انه خاان حبها وانه خااان الأيام والليالي الجميله..
غريبه هاذي الدنيا..هاذي البنيه بالأول ايعد القصيد فيها ويشل الشلات كلها لجل عيونها..واليوم اتصده وتجفيه..وتقول انا ما اباك..
غريبه هاذي الدنيا..خل يحبه ويغليييه..وبالأخير يجرحه وينساااه...
تم سعيد مسمر افمكانه افكاار وااايد اتدور ابراااسه..يحس بألم..وبحزن بقهر..موجه من الأحاسيس المختلفه..يحس انه بعد ما فقد ميثا فقد الدنيا بكبرها..ميثا جرحته في كرامته..سبته ولعنت خيره وبالأخير اجرحته وبندت التيلفون افويهه......؟؟!!!؟؟؟!!!
"انا من كنت اغليييييييها ولا احب غيرها..اتييني اليوم وتلعن خيري وتبند التيلفون افويههي..يييييييهااااااااااااااااااااااااا..معقوله ..معقوله اتكون هاذي هي النهايه..معقوله انا اترك ميثا..سعيد..ميييييييثا مااااا تباك..لو انها تباااك جان ما قالت هالرمسه...معقوله اتكون نهايتنا الفراق..معقوله بعد هااك الحب كله..انا وميثا نبتعد عن بعض..
خيبت ظني فيك وش يــــــاك..وأنا أعدك فوق الأنـــــــــــــام..
كنت أحسبك بأطباعك أملاك..وثرني أعيشه حبك أوهــــــــام..
انا لييييييييش رمستها تيلفون..انا لييييش عطيتها ويه ورمستها..بس الغلط مب مني..منها هي اللي دقتلي اول مرة...هي اللي طلبت من هالشي..ولا انا مستحيييييل اخرب سمعتها واخليها شرات هااييل اللي يرمسن تيلفون..؟؟!!
لول معي زايد غــــــــلاكم.. أفدي بروحي واشتريكـم..
أحرب و اشني من شناكم.. مــا ارتضي بالشين فيكم..
اللحين شو بسوي؟؟اسكت عن السالفه..لا شو اسكت..انا سعيد بن سهيل الــ......ي..والله للحينه ما يابتها امها اللي بتلعب بقلبي وتعذبني..مب بن سهيل اللي يسكت عن ابنيه اتسبه وتجرحه..والله ثم والله ثم والله..انج يا ميثا بتندميييين ع اليوم اللي عرفتي فيه بن سهيل...
وأنتو تجافون اصدقاكم.. مــــــن دون زلات تجــــــيكم..
كدرتو الخاطر تـــــراكم.. و عرفت قاصي اوليـــــــــكم..
اللحينه انا حيوان وسبال وخسيس وحقيير..انا "جذااااااب"...أأأأأأأأأه ياااهالكلمه كيف يت افقلبي جنها سكييييييين..ااااااااااه كم اذتنيه هالكلمه واااااااايد..
والله يااا تندمييين يا ميثا..وبتندمين ندم ما ظنتيه حد ندمه من قبلج..لأخليييييج من صج اتعااافييين شي اسمه سعيد..
وبقول لاني فــــــي ذراكم ..الله يهديـــــــني و يهيدكم..
و القلب حالن عااف ماكم.. يوم املحت شربت طويكم..
صحيح انيه احبج..بس الحب عمره ما وقف في ويه الكرامه..حب بدون كراامه..مب حب..هاذا ايسمووونه ذلة عاااااار..والحر القبيلي مااااااا ينذل..
اعتبرني محبن في غرامك وفـــيت..ابعدته الليالي عن عيونك ومـات..
او مجرد خيالن غاب عنك وسليت..مر بنوم واصبح في النهار شتات..
وهاه ويهي ان ما تحسفتي على كل ثانيه رمستيني فيها..وشفتيني فيها..مثل ما سمعتج الكلام زين..ارووم اسمعج الكلام الشين..وهالشي ما يصعب على بوو عسكوور..
لكن خسارة ما نفع شي وياك..حتا يمينك غصب تلمس يميني
خلاص مات الحب وأنا اتحداك..أحلى نهايه صدق بينك وبيني..
خسااره والله الأيااام اللي حبيتها فيييييج..خسارة يوم خليت قلبي دوووم منقااد صوبج..ااااااااه..ليتني ما عرفتك وليتني ماا هويت..ولا رسمتك افعيني اجمل الأمنيااات..ميثاا..؟؟!!ميثا؟؟!!كل هاذا يطلع منج يا ميثا..صدمتيني وجرحتيني واهنتيني..وانا كل الحب عطييييييتج اياااااه..وانا اللي طنشت غيييرج لجلج انتي وبس..
سلمت قلبي لشخصن كنت به واثق..لين اكتشفت انها من اكبر اغلاطي..
الله يا مصعب الغلطه على الــحاذق..صدمه عظيمه تسبب هم واحباطي..
بدون اسباب جرحتيني..وبدون احترام سبيتيني..وبدون اي معنى للحب رحتي وتركتيني..اتحسبيني بصييح فرااقج..لا والله مب انا اللي اصيح عسب وحده ماا تسوى شي..اتسبيني؟؟اتسبيني؟؟مافي وحده يت وراحت اتفكر حتى انها اترمسني..واللحينه اعز الناس واغلاهم..يسبني ويتهمني بالخياانه..
بغيت اعلمك قبل اتــــــــــــــــروح يا خلي..ان زعلــــــــك صار هاليومين بزياده..
كنت احسبك كل ما صديت متــــــــــــــغلي..بس للأسف صارهاذا الطبع لك عاده..
بيني وبينك اشوف البعد اسهــــــــــــــــلي..خلاص ابا ابـــــعد مادام عنديه اراده..
اصفيت لك وكنت احسب انك كنت صافلي..نبغي الحبيبه كرهـــت الحب واجهاده..
بعد الليالي الجميله..والأيام الأوليه..نفترق انا وانتي ابسبتج..وبسبتج ابنسى كل اللي صااار يا ميثا..ابنسى انيه في يوم حبيييييتج..ابا انسى انيه افيوم اغليييتج.وخصتج عن النااس كلهم..خليت قلبي ملكج..وروحي رهينه لج..بس للأسف يوم خلك ايصدك..ما عاد تعرف تلقف في هالدنياا وييييين؟؟!!!
جرحتني كلمتن منـــك..سبــــبت في قلبي أوجاعي..
وابعدتني يالغلا عــنك..لو تـــــرحب قلت الوداعي..
والله والله لو ترحب قلت الوداعي..نهايه منو كاان يتوقعها..نهايه ما يت على بالي..كنت احسب انيه من اشتغل واثبت عمري بسير اخطبج وبنعرس وبنعيش انا ويااج افبيت وااحد..لكن صدمتيني..والله صدمتيني..؟؟!!باللي قلتيه لي صدمتيني..؟؟
مسموح أبعد عن هــــــواي..مقــــدر أجامل وأخدعك..
وأسمحلي لو تلقى ســوااي..غيــــري ترى ما ينفعك..
انتهى الحب ورااح..وانتهت دنيتي معااه..اذا تبين البعاد..انا ما اغصب حد على يلسته معااي..بطوف الأيام ذيييج كلها..بطوف وياها ظحكتج وبسمتج..نظرة عيونج حتى كلمتج..
روح دور لك شبيهي بالغرام..ولا تــكدر فيه عتابه والكلام..
لا تدورني بعد فــوات الأوان..طارت طيور العرب بارزاقها..
دامج بغيري رضيتي..ونسيت حبنا العذري..ونسيت كل شي بينا..نسيتي حتى من انا..داامج بغيري رضيتي..رضيتي انج تتركيني..رضيتي تجرحين قلبي..انا بنسااااج لو شووو يستوي...؟؟انتي من صج زودتيها..وانا ما ارضاها على عمري..
يبي يلعب على أعصابي..لأنه ســـــــــــــــيد أحبابي..
ولكن يـــــــــــوم زودها..شطبت اسمه من حسااابي..
حياتي من أول ما اتصورها دووونج..اصبح وامسي على صوتج..وانتي تمثلييين علي طووول هالفتره..وانا المتيم ابهواااج..وادور رضااااج..وانتي خليتيني لعبه بين يديج...متى ما مليتيني فريتيني..
هذاك وقتن نعيمة كان في قربــك ...واليــوم وقتن على فرقاك يسعيبي
وشلي بحبن معلى وهام متشربك …ولاني مكلف أشب النار في جيبي
كل منا يبتعد عن الثاني..وكل منا يترك الثاني..وكل منا ينسى الثاني..وينسى من كااان يحبه..ينسه من رهنه حياته..وسناه اعيونه..ومد له قلبه..وما يتخيل حيااته ابدووونه..فرااااق قاااااااااسي..على كل منا..
كم سهرت الليالي وكم ليله أسهرتك..وكم ليله خيالك نام في وسط عيني..
كم قلي دخيلك بالدموع انتظرتـــــك..وكم قـــلي تفضل..وكم صدك يجيني..
وكم اقولج يا ميثا ارحميني..وانتي تزيدين افعذااابي..وش استفدتي من تعذيبي..وش استفدتي من تجريييييحيي وش استفدتي يوم تركتيني..؟؟!!
هاتلي ذكرياتي واستـــــــلم ذكرياتك..رد قلــــبي وروحي..حتى باقي خيالي..
كنت احبك حقيقه كنت اداري غلاتك..كنت تسوى حياتي..بالفعل كنت غالي..
وبالفعل كنتي غااااااليه على قلبي..واليوم كل ما هو غلا لج افقلبي دقاايق وختفى..دقايق واختفى كله..اختفىىىىىىىى كللللله...
نس سعيد من مكانه..وسار المطبخ..ومن حدر شاااف ميثا يالسه ع الكرسي ارووحهاااااااااااا..؟؟؟؟؟؟؟؟؟؟!!!!!!!!!!!!!!!!!
...الجــزء التــاسع عشر..
قلبك يغرّك وانت فالحب تحـــــــــتال ... وشــــلون شايل بين الاضــــلاع قلبك
مدام مالك بالهوى فيّ وظـــــــــــلال ... ما يختـــلف لو شــفت سلمك وحربك
كنت احسبك تعطي على كل الاحوال ... واثر الـــــــعطــا ما وافـق بيوم دربك
عشتك (الم) كلك متاهات وهبــــــال ... معنى العــــــــــذاب وجـاير الهم قربك
في داخلي يبني لك الكره تمـــــــثال ...بين الحنايا لـــــــــــــو تــصـورت يربك
خنت العهود وجيتني حيل تخـــــتال ... والوجه شـــــــــرق ونيتــــك يم غربك
لا تحسبن جروح مثلك على البـــال ... من صد جيشك قادر أيبيد ســـــــــربك
مات الشعور ولا بقى فيه مثقــــــال .... تعبت اجامل .. وادفع اتعاب كذبـــــك
خذها صريحه واصدق القول ينقال ...هجرك دواك وزايد البعد طــــــــــــــــبك
وش تنتظر بالله يا متعب الحــــــال ...ارحل ولملم مع بقاياك ذنــــــــــــــــــبك
ما عاد قلبي ينظرك عزّ واجـــــلال ... ولو متّ عنده ترتجي ما شعـــــــــربك
فرصه عطيتك وانتهى وقت الامهال ... اعلنت فيها للملأ موت حبــــــــــــــك !!
دقايق..هاجت كل مشاعر العصبيه والقهر والألم في خفوق سعيد..
ماارام يظهر من المطبخ بدوون ما يعق رمسه علييها..مارام يسكت ع اللي استوى وايطوف السالفه ويتفاهمون خلاف..لأنه بالأصل ما يبا "يتفاااهم"..عاف ميثا..عاف علاقته...عاف الحب..عااااااف الدنيا بكبرها..وقال افخاطره..
"مثل ما سمعتني كلام يجرح..حتى انا اعرف اجرح"..
سعيد"بضحكه استهزاء":هاهاها..اشوف ناسية العشره مييلسه اهنه..
ميثا"تصد وراها ويهها حمر من شوفة اسعيد":سعيد..؟؟
سعيد:هيه طولي بعمرج اسعيد الي جرحتيه واهنتيه ولعنتي خير خيره وفالأخير بندت التيلفون افويهه..
ميثا:................................>>مب عارفه شالسالفه؟؟
سعيد:الميث..اقولها بكل صراااااااااااحه..كل شي بينا انتهىى..انتهىىىى..اللي سويتيه مب اشويه..انتي ما شفتي سواد ويهج..ماحسيتي انج نزلتي سمعة هلج ع القااع..شو انتي مب بنت قبايل؟؟؟
ميثا:سعيد فديتك خبرنيه شو السالفه..مب يالس اتسب فيني وانا شرات الحيوانه مب فاهمه شي..
سعيد"ويجااااابلها":لأنج حيووووووووواااااااانه واكبر حيووووووووااااانه..لأنج انتي النذله والحقيرة والجذابه..مب انا..ولا تتفديني ولا تطرييين اسميه على لساانج الوصخ..
ميثا:......................>>>صاخه وما ترمس..
سعيد:ميثا..داااااامج رمستيني اكيد رمستي غيري..حساافه ان خالي يكوون ابووج..الريال اللي من طروا اسمه في الميالس فزوا الرياييل لطرواه..وحسافه ايكون عبيد اخوج..الريال الشهم اللي الكل يذكر افعاله..بالأخير اتيين انتي وتسودين ويوووهم..
ميثا:سعيد..عن الغلط انت شوو قااعد اتقول..انا الحمدالله رافعه رااس هليه فوووق..
سعيد:شو انتي اتحاولين اتضحكيني..ولا اتسوين عمرج راعية سوالف..سمعي انتي ..رمسه توصلج وتعداج..بعدي عن دربي وانا ببعد عن دربج..انتي وحده ما تساهل الحب..ما تساهل حتى حد اييب طرواها ويذكر اسمها..يااااا خساااااااره يااا ميثا..طحتي من عيني والله الغالي طحتي من عيني..من بعد هااك الحب كله..كرهتج اللحينه..كرهت حتى طااارييييييج..
ميثا:...........................>>اشوي وبتصييييييح..
سعيد:جرحتيني وانا اللي احبج..تركتيني وانا اللي محتاينج..خنتيني وانا اللي صنت حبج..جذبتي علي وانا اللي كنت صادق وياج..اهنتيني وانا اللي كنت اداريج..وبالأخير سبيتيني وانا اللي كنت حاشمنج..انتي ادميه..انسانه..لا والله ما اظن انج لا ادميه ولا انسانه..انتي وحده نذلللله بمعنى الكلمه..وحده لعووووب ..
ميثا:..........انــ.......ــا لعوب؟؟
سعيد:عيل منو؟؟؟روحي للي اتحبينه..وجانج بنت عرب وقبايل..اشوفج اتوافقين ع اللي خطبج..انتي حيوانه لو رفضتيه..حمدي ربج حد يااج يستر علييج..
ميثا:شوووووووووو؟؟
سعيد:لا تظنين انيه بيي بيتكم وبخطبج بعد اللي سويتيه فيني..ميثوووه اناااا شوووووو ذنبي يوم انيه حبييييييييتج..شووووووووو ذنبي.."دمعت اعيونه"..شوو ذنبي انيه خصييتج عن العرب اللي جدامج كلهم..شووو ذنبي انيه اغليييييج واودج..بس تدرين الغلط مب منج..مني انا اللي عاطنج ويه..اتقولين لي جذاب..ااه يهالكلمه والله انها صااابت قلبي..وكل مشاعر حب تنقااد صوبج..ردت مييييييته..ادري والله ادري انيه احبج واموووت افهوااااج..بس انتي جرحتي كرامتيه..ومقيوله طااال عمرج..الحب ما يوقف افويه الكرامه..ليتني ما عرفتج وليتني ما هويتج..ولا رسمتج ابعيني اجمل الأمنيات..اللحينه انا اخونج..انا اخووونج..يا حساافة كل دقيقه رمستج فيها..ويا حسافة كل شله اهديتها لج..ويا حسافة كل ليله سهرتها اسامر طيفج..رااااااح الحب يا ميثا..راااااااااح..وراحت دنيت سعيد..بس تدرين انا غلطان ييت ارمسج..بس ولو ..نحب نجرح اشوي..ع العموم..انسي سعيد..وطلبتج يا ميثا طلبين..اول شي اتوافقين ع اللي يبيج...وثاني شي لا تفتحين هالسالفه معااي ابد..لو عندج كرامه مع انه ما عندج كرامه..لا تفتحين هالساالفه حتى مع يزووي..ماريد ختيه تتأثر بج....ولو تنطبق السما ع الأرض ماا ارد لهواااج..
كل شي جايز يكــــــون..كل شي يمــكن يصير..
لكن انت اللي تخـــــون..ما بقا في الدنيا خير..
ما هقيتك يالحنـــــــون..ترتضي لي هالمصير..
لما غيرك يجرحـــــون..جرحي منك يبقا غير..
ياللي ما تعرف تصون..خذها كلمة بالأخـــير..
وش تفيدك هالعيـــون..دام لك قلب ضريــــر..وظهر من المطبخ..وظهر قلب ميثا من مكانه..سعيد اغلق كل ابواب الأمل في ويه ميثا..ما عطاها فرصه تتفهم السالفه..تعرف الله وين عاقنها..
"ليش سعيد محرج..ليش يكرهني..ولييييش يبغي البعاد...ليش ايقول انيه وطيت راس هلي..ليش ايقول اني رمسته..ليش يبانا نفترق..ليش ما يباني افتح السالفه من يديد..ليش يباني اوافق عاللي خطبني قريب..وشو درااه؟؟اذا اليازيه..اليازيه ما خبرتها.. انا شو سويت؟؟انا ما سويت شي..؟؟متى جرحته ومتى سبيته ومتى اهنته ومتى تركته؟؟متى؟؟ابغي اعرف متىىىى؟؟والمهم اناااااا متىىىىى خنته..ليش يباني ابعد عن دربه..ابغي اعرف ليش مافهمني السالفه..ليش ما خبرنيه انا شوو سويت بالضبط..اااااااااه ياهالهم اللي ظواني وما بيخليني ابات شرات العالم والناس..انا شوووووو سوييييييييت؟؟اخبر اليازيه..بس هو طلبني انيه ما اخبر حد..قال لو عندج كرامه لا تفتحين السالفه مع اي حد..وانا الكرامه باساسها..تبغي الفراق يا سعيد..حاااااااظرين..لي ما يبانا وماا نبااااه..وانا ما بجبر حد يبقى ويااااااااي..بس والله شي يحير؟؟"
طاااحت دموعها وخذت مجراها على خدها لين ما وقفت عند شفاتها..في ذيج اللحظه مسحتها..بس انهارت يوم شااافت الدمووع نزلت مرة ثانيه..ظهرت من المطبخ ابسرعه وراحت فوق..تبغي لها حجره لوحدها..ما تبغي اتشووف حد..شافت ميرة ختها ظاهره من حجرة اليازيه..
ميرة:ميثوه شوووو بلاج.."على فكره هاذي السوسه كانت تسمع حوار سعيد وميثا..من ظهر سعيد ربعت هي فووق ابسرعه..واستااانست وااايد لأن سعيد ظهر هاذييج الرمسه كلللللها..
ميثا:ظواني الهم يا ميرة ظواني..
ميرة"شبه ابتسامه واخفتها":شووو اللي صار؟؟لا اتخليني استهم علييج..
ميثا:جان لي خاطر عندج..سيري ييبي مفتاح حجرة موزوه الأوليه..ابغي ارقد..رااااسي بينفجر من كثر الأفكار...
دقايق قضتها ميرة ويابت المفتاح ومدته لميثا ..في الوقت اللي ميثا ربعت وحدرت الحجره ورقعت الباااب بقووو..واطلقت لنفسها العنان..وخلت دموعها تعيش الحريه بعد ما انسجنت فعيونها وتاخذ راحتها وتنزل..ليله قضتها وحالتها ما يعلم بها غير رب العالمين..
في هالليله ..حبايب اتفارقوا..في هالليله..انجرح سعيد وانجرحت ميثا..كل واحد ايحسب الثاني يبغيي الفراق باسرع وقت..شموخ وكرامة كل واحد منهم منعتهم يتفاهمون ويعرفون شو السالفه..عزة كل واحد منهم منعتهم انهم يعتذرون لبعض..بالعكس..شافوا البعاد انسب حل يرضي غرورهم..
جرحتني كلمتن مـنك..سببت في قلبي أوجاعي..
وابعدتني يالغلا عنك..لو ترحــب قلت الوداعي..
في هالليله..اثنين يا ما حبوا بعض..حب عذري فاااق الخيال..حب محد يتصوره..حب جديييييم ..شيد ركووونه للحين...بس من دقايق انهدم..من دقايق انتهت كل المشاعر..كل الأيام الحلوه..ومن دقايق تلاشت الأحلام السعيده..من دقايق تفارقوا سعيد وميثا..تفارقوامن حبوا بعض من زمن..من بعدهم صغار..حملوا الحب فقلوبهم..ولكن الحقد وسود القلوب فرقوا امبينهم..
خلني بقول ناسنــك..لا تحاول كثـرة أوجاعي..
ذاك الأول يوم هاونك..في لقاك القلب طماعي..
في هالليله..باتوا سعيد وميثا كلن يتلوى على ناااااار الفراااق..يحسون بشعوووور قااااااسي..يعذبهم ويشقيهم..بعد الحب..فراااااق....بعد الموده كره..وبعد الشوق جفا..وبعد الفرح حزن..وبعد الأمل الم..
كنت خلي وكنت معطــنك..المحبه وخالص مطاعي.
كنت عندي فووق معلنك..عقبها وأمسيت بالقاعي..
في هالليله..جرووووح يعانون منها ميثا وسعيد..كل واحد منهم يتعذب اكثر من الثاني..شو ذنبهم داااااامهم ايحبون بعض ويغلون بعض..ليش الكره يوصل لهالحدود بين الأخوان؟؟..ليش بعض الناس نسوا خوانهم..؟؟ايامهم..؟؟عيشتهم افبيت واحد؟؟..ليش ينتقمون من اقرب الناس لهم باسبااااب غير مقنعه..؟؟ليش يزرعون الحقد ويجنون الألم للغير..؟؟ليش الكره اعمى قلوبهم..اللي كانت في طفولتهم بيضا وصاافيه..؟؟ليش يحاولون يمسحون طابع البسمه ويبدلونها بدمعه حزييينه..؟؟
ليتني لو كنت مجــفنك..قبل تهدم مقبض شراعي..
كان ما جاني ولا حنك..خــــــافقي بالهم والقاعي..
مرت هالليله قااااسيه ع الكل..قااسيه بمعنى الكلمه..وما اظن بيي اليوم اللي سعيد بيرد لميثا..؟؟!!الله وعلم..
يا حسافه ينقطع فنك..وين عهدك ليش ما تراعي..
جرحتني كلمتن منـك..سبـــــبت في قلبي أوجاعي..
. . . . . . .
منهو غلاتك عـــــــــندنا منهو يكون..من اللي شراته من يسااوي حبيبي..
من عقب عينه ما رأت عيني عيون..لا يا عيــــــــــــونن نورها ما يغيبي..
بيت بوحميد..
حجرة سلامه..
الساعه3ونص..
بعيد عن قهر سعيد..وظلم ميثا..وحقد ميرة..
سلامه يالسه افحجرتها..كانت لابسه بيجامتها..وفاجه شعرها..الأخت تبغي ترقد..بس اتصال سلطان ما خلاها ترقد..
سلامه:تعال ليش للحينه ما رقدت..
سلطان:كنت ابغي ارمسج..فدديييييتج..
سلامه:سلطان..>>>>بعتاب ياي ع دلع..حركااااات..
سلطان:لبيه لبيه..لبيه يا اغلى محبيني..
سلامه:شو الفايده اللحين سهرتني وسهرت عمرك..باجر شقايل بسير السووق؟؟؟...وانا نعسانه..والرقاد ظاهر من عيوني؟؟
سلطان:فديييييييت اللي ينعسون..سلامه..
سلامه:اعيونها..
سلطان:تدرين يزووي شو قالت لي؟؟
سلامه:....شو؟؟؟؟؟؟؟؟
سلطان:قالت ان قبل عرسكم باسبوعين بتحرمك سلامه من سماع صوتها..صج؟؟
سلامه:هههههههههه..صج..
سلطان:يالله فديييييييتها فدييييييييت ضحكتها..وفديييييييييييييييتها..
سلامه:وكمن مرة تتفدى؟؟
سلطان:على كيفي اوكيك؟؟
سلامه:اوكيك..لاتعصب..
سلطان:عن شو كنا نرمس يا قلبي وروحي وعيني؟؟
سلامه:سلطان غناتي لا اتم تقوول هالرمسه والله استحي..
سلطان:يالله ياا حلات كلمة غناتي وهي ظاهره من ثمج..
سلامه:سلطااااااااااااااااااااااااان؟؟خلنا انكمل رمستنا..
سلطان:عيووووون سلطاااااااااااااااااااااااااان...انزين ذكرينا افشو كنا نرمس..هيه صح عن سالفة التيلفونات وسماع صوتج..ليش الغلا "ايسوي عمره مسكين"..من اللحينه مليتي منا..؟؟!!
سلامه:لا سلطان عنوني عمري انا ما مليت منك..بس تدري ابغيك تشتاق لي اكثر..
سلطان:ياللللللللللللللله كم بصبر انا؟؟سلاموه شو راايج انجدم العرس ونخليه باجر..
سلامه:لا والله..بعدني ما خلصت ..اشياا وااييده للحينه ما خذتها..
سلطان:سلامه غلاي شي ناقصنج؟؟
سلامه:لا فديتك انت ما قصرت..
سلطان:فدييييتج والله..سمعي شو بقووولج..؟؟
سلامه:شووووو؟؟
سلطان:
حروف أسمك مغروســــة بقلبي .. وحبـــــك قدر من الله إنكتب
أغلى من حبك ماني بلاقــــــــي .. ومعدنـــــك للألمـاس منتسب
دايم طيفك يخطر على بالـــــــي .. من دون طـــــــاري أو سـبب
إحترت أنا وإزداد إحتيــــــــاري .. من جمال من الله إنــــــوهـب
أهديك قلبن مخلص يعانـــــــي .. رجواه بس منك يقتــــــــرب
دايم أرتجي المولى بدعائـــــي.. يسمح للغالـــــــــــي كل درب
ويجمع ربي شملك بشمـلـــــي .. ويلطف في نـــــاري واللهب
ألا يامنيتي ورجوى قلبـــــــــي .. ما به سواك هــــــــذا القلب
أرجوك لا تخلي هذا القلب يعاني ..أرفق بحاله ولبي الــــطلب
دخيلك لا تــــــــــخيب رجـــــواي.. تعال تعال وداري هذا القلب
حروف أسمك مغـــــروسة بقلبي .. وحبك قدر من الله إنـكتب
وسلااااااامتكم..
سلامه:فديييييت روووووووحك يااا رووحي..
سلطان:انا اللي بفديييج يا سلامي بحياتي كللها..تدرين سلامه..؟؟
سلامه:شووو؟؟
سلطان:عرسنا الساعه8..بيخلص..
سلامه:هههههه..لييييييش؟؟
سلطان:اممممممم..بس جيه ابا اشوفج ابسرعه..
سلامه:تدري سلطان ضاربني حفووز من اللحينه..
سلطان:لييييييييش؟؟
سلامه:عشــان الــ.................................لحظه حد ايدق الباب بشوف منو؟؟
دقايق الا وحميد يرمس سلطان تيلفون؟؟؟!!!؟؟؟!!>>شووووو هاااااذاااا؟؟
حميد"ابصوته الخشن":الـــو..
سلطان:بسسسسسم الله الرحمن من وين ييت انته..
حميد:من الرماح..شعندك اترمس البنيه تيلفون..
سلطان:حبيبتي..
حميد:لاا احلف انته بس..؟؟
سلطان:والله ما جذب عليك..
حميد"يستهبل":سمعنا انك بتعرسها..
سلطان:هيه تراك معزووم..
حميد:امممم..بنشوف على حسب الأشغال..وان فضينا بنيكم..ما ورانا شي..>>يستعبط..
سلطان:لاااا..قوول والله انته بس..
حميد:افا كييف ما نيي عرس المغاريم..ايي ولو انيه مكسر..
سلطان:اللحينه احن مغاريم..مادري والله من العااقل...ياخي انت فيك عقل ما صار في راس حد..ممكن اتسلفنا اشوي..
حميد:اخوي للحينه الطلبات ازدادت بكثرة..بس فاااااالك طيب..تدري انت الناس من يشوفون واحد ايوزع عقل سووا هجوم عليه جنهم الا في حرب..حياه او موت..
سلطان:هههههههههههه..وياا ويهك..
حميد:اقول تدري الساعه جم اللحينه؟؟
سلطان:لا..
حميد:لا يكون ساعتك خربانه..
سلطان:لا..
حميد:عيل اكيد ضيعتها..
سلطان:لا..
حميد:انت اسمك لا....؟؟؟
سلطان:خخخخ..شو علمك سعيد الأستهبال..؟؟!!
حميد:فدييييييييتني وفديته..الا وينه بو عسكووور ادق على تيلفونه ويعطيني كله مغلق..
سلطان:يمكن رااقد..
حميد:اممممممممم..ما اظن والله..المهم شي في الخاطر..؟؟
سلطان:عطني الحرمه برمسها..
حميد:فقتك مسود الويه..خذها خذها لعلك النفاد انت وحرمتك..
سلطان:لا اتسب حرمتيه..
حميد:بسبها ع كيييييف كييييييفي..بعدين هاي ختيه قبل لا تكون حرمتك..
سلطان:اووف الصرااااحه اكتشاف بتربح ملااايييين من وراااه..
حميد:مشكور ع الإطراء..تدري سلطان؟؟
سلطان:شوو؟؟
حميد:اسمييييييني بتطنز عليك يوم تحدرع الحرمات ليلة العرس..واسميييييييني بموووت من الضحك يوم اتبوس العنز سلامه ع راسها..خخخخخخخ..من اللحينه اتخيل اشكالكم..
سلطان:عنلاااااااااات صدااااك يالسبااااال..ع بالي شي ينرزا..قلب قلب ويهك..لعلك الحوووووم..
حميد:هههههههههههههههههه..اتحمل اتسبني مرة ثاانيه..يمكن افجر فيك قنابل..تراني الشيخ حميد بن عبدالله بن راشد الــ......ي..
سلطان:والله وامسويلك رااس..قلللللللب ويهك يلا..
حميد:اللحينه تتحداني..
سلطان:اتحداك واتحدى عشر من اشكالك.."وبند التلفون افويهه.."
رد حميد ودقله..
سلطان:ههههههههــــــ..............
ما كمل ضحكته لأن حميد بند التلفون افويهه..خخخخخ..
حميد:والله انها حااااااااله هالرياااال..يودي يودي تيلفونج لا اعطيييييييج كف يشردج..
سلامه:عنبوووه..مب اسلووب عليك الصراحه..
حميد:يخبل اسلوبي صح؟؟
سلامه:الا..في ذمتيه انه طرررررررر..تخلي الوااااحد يتنرفز..
حميد:اقول الأخ حارق التلفون من كثر ما يدق ردي عليه وفكوونا من حشرتكم..
سلامه:يالسين فوق رااسك..
حميد:ويااويهج..رمسي رمسي يلا..
ظهر حميد من حجرة سلامه..كان اميود تيلفونه..ويدق ويدق ويدق على سعيد..بس ماشي فااايده..فالأخير يلس يتسمع شلات سعيد وشلاته من تيلفونه..لين ما أذن وصار يصلي ويا ابووه..
. . . . .
طال عني غيابه ماتحمل عذابه اه يامبرد اعصابـــه
حبه غير ايامي تاريخي واحلامي خلا قلبي له ظامي
بيت بو بطي..
بعد الغدا..
الصاله الفوقيه..
الهنوف توها امبنده من يزووي..وطالعت في روضه..
روضه:شعلووومها؟؟
الهنوف:علووم الخير..يالسه اتخبرني شو سووا عسب عرس سلطان..
روضه:هيه صح..
الهنوف:طولي بعمرج اللحينه بيسيرن موزاني ويزوي وظبيه وسلامه ومهره..مشالله شله منهن بيسيرن بوظبي عسب اييبن فساتينهن..تدرين عشان اذا شي خربان ايكون في وقت يردونه ويصلحونه..
روضه:اهااااااااا..
الهنوف:تعالي احن ليش ما نشتري فساتين جاهزه..
روضه:يكووون احسن..ولو نطقم يكوون احلىىى..
الهنوف:هيه والله صج بيكون احلى..
روضه:شو الشور نتشراهم من دبي ولا من بوظبي..
الهنوف:اممممممم..دامنا في دبي..بنتحوط وجان شي يعيبنا بناخذه..واذا ماشي..بنسير بوظبي..
روضه:هيه والله ايكون احسن..
الهنوف:ومن ناحية الميكب..
روضه:دام العرس في العين..فبنتعدل فصالون في العين..عسب ما تتخرب كشختنا..
الهنوف:هيه صح..وبعدين صوالين العين كلها يمدحونها..
روضه:اهاااا..
الهنوف:شو رايج انسير الصالون ..ابغي اقص شعري ..
روضه:هيه والله..قصيه بس اتحملي تصبغينه..لونه وهو مايل للبني واااايد رهيب..وبنخليها اتقصه لج..بس ما اتقصره وايد..
الهنوف:تدرين انتي لو شافتني يدوه شيخه بتهزبني ان قصرته وااايد..
روضه:هيه والله..امااااا انا..ابغي اصبغ شعريه اسود..عسب هالخصلات تراها ما عايبتني..
الهنوف:امممممم.والله انها حلووووة..انتي ماا عندج ذوووق..
روضه:هزرج تكون كشخه ع التسريحه..
الهنوف:صدقيني صبغتج غاااااويه..بس الظاهر ماا عندج شغل وتبين تقضين وقت فراغج..
روضه:ههههههههههههه..وياااااااا ويهج..
اشوي الا وخليفه عافد علييهن..وميود ابيده بطاطا لييز ..واااايد عوود..
الهنوف:هههههههههه..خلوووفي فديييتك شوو مستويبك...؟؟
روضه:طاعي ويهه انتي بس..من شو مهوير"شارد"..؟؟؟
خليفه:انا..انا..
روضه:انت شوو؟؟
خليفه:عقيت البيبسي على ....على...حمدان..وييت شارد منه.
الهنوف وروضه:هههههههههههههههههههههه..
روضه:ههههههههه..وين بتشرد عن حمدانوه اللحينه..
الهنوف:لو وصلت القمر ورديت..تراه وراك ورااك..
خليفه:اوووووه..لا تخوفوني..بسير صوب امايه ولا بووووويه..
الهنوف:لالا يالشيخ..سر صوب خالك سيف..وقوله..اتقول روضه خلني عندك وانا افويهك..ذييييج السااااعه اتأكد ان حمدان ما بيلمس شعره من راااسك..
خخخخخخخ...
خليفه:والله؟؟؟
الهنوف:سر انته وبتشووف..فديتني والله ما اجذب..
وسار خليفه بينفذ اللي قالته له خالته الهنوف..عصبت روضه..وفرت الهنوف بالمخده الصغيرة..
روضه:ويااااااا ويهج..اللحينه هاذا بيفظحني جدام الشواب..
الهنوف:واااااايه ليييييش يفظحج..كل شي امبين وواضح شرات الشمس..صح نسيت ما اقوولج؟؟
روضه"باهتمام":شوووو؟؟
الهنوف:نصيييييحه يعني لكم..انتوا وسواااااااف..حمدان لاحظ عليكم هاييج المرة يوم سرنا وافي ومول الإمارات كان فااج عيونه ع وسعهن..وسواف مااخذ رااحته..
روضه:وااااايه يا فظيييحتنا..
الهنوف:من شو خايفه..خلاص انفظحتي..خخخخخخخ..
روضه:ههههههه..وياا ويهج..انا بسير بيبلي أكل..تبين شي..
الهنوف:اممممممم..يبيلي اي شي..بس مب جنج قبل اشوي كنتي متغديه..
روضه:ماا تغديت زين..
الهنوف:كنتي اتفكرين في سواف..
روضه:ههههههههه..صح كلاامج..سي يوو..
الهنوف:سي يو..
نزلت روضه تحت..في الوقت ياللي يلست الهنوف اجلب في القنوات..ويلست تقرا الشات اللي على حوااس..جان تقرا اسم ميرة..ويت مير على طووول افباالها..ونشت بسرعه وحدرت حجرة روضه..ويلست ع النت..فجت المسن..غرييييييبه...ليش مب اووون..؟؟شي استوالها ما صاارت تحدر..ظهرت من الحجره وشلت تيلفون امها ودقت على موبايل ام ميرة"ام عبيد"..بس محد يرد..استغربت..ورددت افخاطره..
"عسى ميرة ما سوت شي يجرح قلب سعيييييد"..
. . . . .
ياذا النجوم اللي شراتي سهارى .. قولي لنجم الياه يطلع مع سـهيل
خل احـــــبه ســـر ماهو جهارى .. ودي بشوفه واسرتني المواصيل
امريكا..
شقة مبارك وذياب..
ع البلكونه..الساعه10ونص..
مبارك يالس يتأمل العالم اللي تحته من بلكونة شقتهم..وميود بيده كوب نسكافيه..يدفي عمره ابهالجو الباارد..وذياب يالس ع الكنبه ويطبع اوراق..بس فكره في مبارك..
ذياب:مبارك؟؟!!
مبارك:هلا..
ويصد صوب ذياب..
ذياب:شو فيك؟؟ليش ما تحدر داخل وتيلس عند النار..برع برد بتتجمد..
مبارك:اممممم..ماادري..بس في شي خاطريه؟؟
ذياب"يحط الابتوب ع الغنفه":شو في خاطرك..
مبارك"يبند سحاب جاكيته":انسير نتحوط تحت وخلاف النسير المطعم ونطلب لنا عشى..
ذياب:شو انت شارب شي..اقولك احدر داخل وانته تبى تظهر..
مبارك:عااد هالشي افخااطريه..
ذياب:جنك ياااااااهل..
مبارك:انت قلت انيه اصغر منك..
ذياب:اوكيك يلا..
ولبس ذياب جاكيته الأسود..ورمى كاب مبارك ع ويهه..ولبس كابه..وظهروا من الشقه..حل الصمت في اللفت كلن ملتزم الصمت..وبالع لسانه..
نزلوا من العمارة..وهم متساويين في المشيه..كأن ذياب يعرف مبارك وين بيسير..مشوا لين نهاية الشارع..ولفوا ع اليمين..وكملوا مشييهم..لين ما دخلوا حديقه صغيرونه..وقف ذياب مكانه..الا ان مبارك وقف جدام البحيره..وتنهد تنهييييييده وصلت لأذن ذياب..اللي من سمعها سار صوب مبارك..وحط يده ع جتفه..وخلى مبارك يصد صووبه..
ذياب:انت فييك شي..؟؟
مبارك:شوفيني ؟؟ماا فيني شي؟؟
ويطنش ذياب وييلس ع الكرسي..
مبارك:تدري ذياب احلى شي في هالبلد..هالمكان..واايد يعيبني..>>>يغير السالفه..
ذياب"ييلس عداله":ههههههه..يعني اذا ضعت بنحصلك اهنه..
مبارك:هههههه..تقدر تقوول جيه..
ذياب:ع بالك انك رمت اتغير السالفه..انزين ما خبرتنيه شوو فيك؟؟
مبارك:اللي فيني محد يقوى ايشيله ويخليه افقلبه يا ذيااب..
ذياب:كنت حااس انك تعبان يا مبارك نفسياً..مبارك انا ما قدرت اخمن انت شوو فيك بالضبط..خبرني ؟؟
مبارك:شو اخبرك..؟؟وشو اقولك؟؟وشو اشرحلك؟؟ذياب انت ما بتفهمني..اذا خبرتك ...............................
ذياب:لييييييش سكت..اذا خبرتني شو بيستوي..؟؟كمل شو بيستوي..؟؟
مبارك"يهوس على طرف الكرسي":خلاص انسى السالفه..
ذياب:شو انسى..لهالدرجه السالفه قوويه وما تبا اتخبرني..؟؟؟
مبارك:لا ...قول لهالدرجه السالفه سخيفه وتافهه ولا تسوى..
ذياب:اذا كانت سخيفه وتافهه ولا تسوى..وشله هالعذاب كله...؟؟!!
مبارك:شفت كيف..سالفة سخيفه وتأثر..
ذياب:هيه صدقتك..بترمس ولا لا؟؟
مبارك:لا ما برمس..
ذياب:شو السالفه سالفة عناد..
مبارك:لا مب سالفة عناد؟؟>>وكان يرمس بصوت عالي..
ذياب:عيل سالفة شووو؟؟>>هو بعد كان معلي الصوت..
مبارك:السالفه اتخصني انا...مااااااالك خص فيييييييني..>>قالها بدوون قصد..
قالها وطالع افذياب..كان يحلف انه ما كان يقصد ايقوول جيه..من متى هالرمسه تستوي بين ذيااب ومباارك..؟؟؟!!اللي كانوا طول عمارهم اخوان وربع..ومحد من العايله وصل لعلاقتهم ابد..
وطى ذياب راسه تحت..وهز راسه بمعني نعم..او جيه السالفه..او انت اتقولي هالرمسه..نش من مكانه..ومشى بخطوات بطيييئه..وعيون مبارك تتبعه ليين ما وقف ذياب عند البوابه..وتم يطالع جدامه وما صد صوب مبارك..
مبارك:مابتترياني؟؟؟
ذياب:...............................
ربع مبارك صوب ذياب ولوى عليييييه..
مبارك:والله ما كان قصدي وربي الغالي انيه ما قصدت اقولك جييه..
ذياب:لا تخاف ما استوى شي..ادري انك كنت مب متعمد..
ومشوا رباعه لين ما وصلوا الشقه..وخلاف كلن رقد عسب الدوامات بااجر..
. . . . .
يا حسافة عمري قضيته ... كنت فيه أغلى من أعياني ....
كل حبيب لجلك اجفيـــته .... لجل حبك يا أغلى انساني ...
بيت بو عبيد..
بعد صلاة المغرب..
الحوي..
ميرة وميثا يالسات على طرف الحوي على كرسي خشبي..كانت ميثا مكسورة الخاطر؟؟وحالتها لله..وخبرت ختها ميرة بكل السالفه..مع ان ميرة هي اساس السالفه..
ميرة:ياااااااااااااااااالله..بلاه الريال يرمس بالغاز..ميثا انتي متأكده ما سويتي شي..؟؟
ميثا:ييتنا انتي اللحينه..شو بسوي انا يعني؟؟برمسه تيلفون..؟؟!!!؟؟!!!
ميرة:اممممممم..أكيد لا..بس يا ترى شو السبب..
ميثا:خلاص انا ماا اريد اعرف الأسبااااب...ما يهمني اعرف..
ميرة:اتجذبين على عمرج..
ميثا:شووووووو اسوي..؟؟ابي اعرف..بس كرامتيه اتقول مب لازم تعرفين..يعني واذا عرفت شوو بسوي؟؟ما بيتغير شي ..بعاد وفراااق هي الحاله..
ميرة:تفهمين السالفه..ع الأقل تقدرون تتفاهمون وما تتفارقون..
ميثا:شوووو؟؟تبيني ارد له بعد مااا ذلني وسبني ولعن خيري...والله ما رديت له لو يموت جداااامي..
ميرة:بس انتي اتحبينه..
ميثا:هيه صح..احبه واموت واغرم عليييييه..بس هو ظلمني يا ميرة..ظلمني..شو يعني اعق عمريه على وااااحد ما يبيني..منو ترضاها هااي؟؟
ميرة:والحل اللحينه..
ميثا:الريال اللي يأ يخطبني..
ميرة:شوفيه بعد؟؟
ميثا:بقول لأبوي انيه موااااافقه..
ميرة"اتصاارخ":شووووووووووووووو؟؟؟تخبلتي انتي؟؟
ميثا:ليش سعيد خلى فيني عقل..
ميرة:بتتركين سعيد؟؟
ميثا:هو اللي تركني؟؟
ميرة:كيف بتعيشين معه..
ميثا:يمكن ينسيني جرووح هالريال سعيد..
ميرة:انتي بهالشي بتأكدين لسعيد انج خااينه..
ميثا:خلييه يتأكد..اذا هو عنيييييد وراااااسه ياااابس..انا بعد..بااخذ واحد غيييره خله ايموووت من القهر..
ميرة:امممممممممم...مااااادري شوو اقووولج..سكتي سكتي عبيد يأ..
عبيد:ميثوووه تيلفون..
ميثا:منو؟؟؟
عبيد:يزووي..
ويسير عبيد عنهن..طالعت ميرة في ميثا..
ميرة:اتقولين انه مطرش اخته..
ميثا:يزوي ما بتغير شي في الموضوع..
ميرة:يمكن.
ونشت ميثا في الوقت اللي عيون ميرة تتبع ميثا وهي مستانسه من اللي سويته في ختها..حست بانتصاااار..يوم انها فرقت بين ميثا وسعيد..
"خلج اتذووقين المر ..تركج سعيد ..مثل ما تركني هزااع وترك هالدنيا كلها بسبتج.."
وصلت ميثا الصاله ورمست اليازيه..
اليازيه:ميثووه شو فيه صووتج..؟
ميثا:ماا فيني شي..وقالت افخاطرها"يمكن يزووي ما تعرف باللي استوى.."
اليازيه:الميث شو مستوي بينج انتي وسعيد..
ميثا:اممممممم..ما استوى شي"لا لا تدري شكلها بالسالفه"..
اليازيه:هكووه بوعسكور برمسه..سعيد سعيد..
وتسمع ميثا صوت سعيد وهو يقول هاه..
اليازيه:شوو استوى بينك وبين المييث..
سعيد"ابصوت عالي عسب ميثا تسمعه":لااا تطريين اسمها هالوصخه جدااااامي..
اليازيه:سكت عنلات صداك البنيه تسمعنا.."وردت اترمس ميثا"..الووو..الوووو..
زين جييه بندت السماعه افويههي.اخخخخ احترق ويهي..
رقعت ميثا السماعه ابقووو..ما اتحملت اهانة سعيد..وربعت فوق لحجرتها..وتمت اتصيييييييييييييييييييح..
. . . . .
صحيح حبك قدر من قبل يملكني..ويفوت سنين من عمري على عــــــــمري..
بس الليالي كفــــــيله بك ينسني...وان مانسى القلب شلته من قفص صدري..
جدام بيت بو سلطان..
سيارة سعيد..
الساعه2ونص فليل..
كان سعيد يالس افسيارته..وحاط راسه ع السكان..لابسله كندورة بنيه وفاج العقم اللي فوق..مب لابس لا قحفيه ولا سفره ولا هم يحزنون..افكاره اتسيره وترده...ترفعه فوق وتنزله تحت..حيرته هالأفكار..عذبته..واتعبت حالته..
كان ايفكر....صج ميثا بتوافق ع اللي خطبها..منو هو؟؟شو يستويلها؟؟كيف شكله؟؟ولد منو؟؟شو من جبايل..والمهم والأهم بتواااااااااافق عليييييه..؟؟؟!!
قطع تفكيره صوت هرن سيارة حميد..ومن شاف حميد..ظهر من سيارته..ووقف جدام باب السيارة يتريا احميد اييه..
وقف حميد وكانت حالته عـــكــــس حالتة سعيد ..لابس له كندرة بيضا..وحاط السفره ومظهر شعره من ورااا..وحاط السماعه على اذنه..تراه كان يرمس تيلفون..يعني شكللللللله الصراااااااحه شي..والصراحه اللي يميز حميد خشمه الشيوووخي..
توايهوا..من بعدها ركبوا سيارة سعيد..الرنج لأنه النيسان امخربه..حاول حميد انه يقنع سعيد انه يسووق...بس تدرون به سعيد كيف عنييييد وراسه يابس..الكل سااااااااكت..حميد يطرش مسجات لربايعه..متفيج تراه..اما سعييييد ملتزم الصمت..اتخيلوا من ركبوا السياره محد رمس عن اي شي..حتى حميد ما تكرم يتخبر سعيد شوو سوى من بعد ذييج الساااالفه..مرت فتره..وقطع الصمت صوت حميد..
حميد:شو اشووفك وديتنا اليحر..
سعيد:شوو؟؟
حميد:لييش امودينا اليحر..شو من حاايه لك فيها..؟؟
سعيد:.....ماااااادري..جيييه..
حميد:وقف وقف عند الكوخ الذهبي..تراني يوعااان..
سعيد:اوكيك بس وينه..؟؟
وتم حميد ايدله وين الكوخ الذهبي..لأنه حميد يدل في اليحر بحكم ربايعه اللي اهنيه..ودوووم اييهم..
دقايق ووصلوا المطعم..ظهر حميد من السياره ..وتم سعيد يطالع المحلات اللي عدال المطعم..مرت فتره مادرابها سعيد وهو يفكر افحالته..فز يوم سمع صووت تيلفون حميد..ويوم شااف المتصل "رااشد بن سهيل"..
سعيد:الو..
اليازيه:الوو..سعيد وينك انته ياااخي..؟؟!!تميت اترياااااااك..>>عرفت صوته..
سعيد:في اليحر..
اليازيه:بل بل شوو مودنك اليحر..؟؟
سعيد:نتحوط ويا حميد..
اليازيه:ووينه تيلفونك كله مغلق..
سعيد:فضى ولا جرجته..
اليازيه:ولييييييش ترمس من طرف خشمك..
سعيد:متضاااايج..
اليازيه:كله عسب ميييثا..
سعيد:لا تطرين اسمها مرة ثاااااااانيه..؟؟
اليازيه:بل ماا ينرزا عليك..خوفاتي تظهرليه من التيلفون اللحينه..
سعيد:انزين وينهم عنج..؟؟؟
اليازيه:الكل راااقد..
سعيد:رقدي انا ببطي..
اليازيه:لالالا..اول شي ابغيك اتييبلي اكل ويااك..
سعيد:شو المطبخ فااظي..؟؟
اليازيه:مافيه انش واسويلي اكل..
سعيد:انزين شو تبين؟؟
اليازيه:اممممممممم..اي شي..بس ياليت تكون وجبتين..
سعيد:حشى مب بطن عليييج..دنكككككر..
اليازيه:خخخخخ...دنكر امممرة وحده..
سعيد:هاه تامرين بشي..؟؟؟
اليازيه:لاسلامتك..بس لاتبطي..
سعيد:اوكيك..باااي..
اليازيه:فداعة الله..
بند سعيد ورد التيلفون مكانه..في الوقت اللي يأ حميد وفج الباب وحدر السيارة..
سعيد:اليازيه دقت ع تيلفونك..
حميد:شو تبغي؟؟
سعيد:تبالها عشى..اطلبلها..
حميد:اوكيك..
ونزل حميد من السيارة مرة ثانيه وطلب لليازيه..امسويتلها راااس يزووي..ورد وحدر السياره وبند الباب بقووو..
سعيد:بلاك يا ريال؟؟
حميد:تعبتوني انت واختك..
سعيد:هههه..يااا ويهك..
حميد:اووه يا مكبرها ضحكت..
سعيد:والله..؟؟
حميد:اسمع انته بسك من التعذيب..اشوفها قدرت اتعذبك هالميثا..
سعيد:يييييييييها يا حميد..القلب يهواها من زماااااان..ويبالي فتره لين ما انساها..
حميد:شووو فترته؟؟ياريال حبلك وحده غيرها وسووا طااف لميثا وبتنساها بسسسرعه..>>>>>صح كلاااااامكم قلبه فندق..والأخ يوزع افكاره ويقنع بنصااايحه..
سعيد:ههههههههههههه..انت ترمس من جد..
حميد:لاا طولي بعمرك من عم..اسمع..
سعيد:شوو؟؟
حميد:انا ماا اجذب عليييك..اذا حبيت لك وحده غيرها بتنسى ميثا وبتنسى ايامك معاها..واذا نبا انزودها اشوي..بتنسى حتى شكلها..>>ثره راااعي سوالف..
سعيد:ههههههههههههههههه..لا اتقولي انها هاااي فكرتك عن الحب..تراني بنقع من الضحك..
حميد:شووو الأخ بااالونه..
سعيد:شوو لوني؟؟
حميد:يمكن اصفر..لأنيه دووم اشوف هدوووف ميود بالونات صفر.مدري شحااادنه على هاللون..يقول عبد..
سعيد:هههههههههههههههه..يااا ريااااال..
حميد:اسمع..خلنا انرد لمحور حديثنا وطنش هدووف والوانه العنقاشيه..
سعيد:يلا ردينا لمحور الحديث..
حميد:طاااع هاذا انزين حرك السياره عسب انردله..
سعيد:خخخخخخخخ..لالا شكلها السالفه من صج..انت شارب شي..
حميد:لا والله..اللحينه بشربلي بيبسي..
سعيد:اهاااااااااا...انزين اللحينه هااي هي فكرتك عن الحب..
حميد:اسمع..حبيت وبغيت تنسى..حب مرة ثااانيه..
سعيد"بغى ايمووت من الضحك":هههههههههههههههههههههههههه....ههههههههههههه هههههههههههههههههههههههه...
حميد:بالله شو اللي يضحك في السالفه؟؟
سعيد:ههههههههههواااااااااككككككككككككككككككك...
حميد:طااااعوا هاذا انتوا بس..جنه الا غوريلا.."ويدق تيلفونه"..بس بس سكت عنلااات صداك يالغوريلا..رقم رقم غرييييب..
سعيد:سكتنا..
حميد:قوول والله..
سعيد:رد يلا..
حميد:مرحباااا..اهلين..هيه طال عمرج الشيخ حميد بن عبدالله بن راشد الــ.......ي..هيه بشيخ عمريه شو بتسوين يعني وياا ويهج.."يرمس من طرف خشمه"..هاه..شو تبين..غصب احبج مااااااااريد احبج..انزين ماا ريدج اتشوفيني..لاااا حلفي انتي بس...حبتج الناقه يا قليلة الاصل..هيه دامج اترمسين تيلفون قليلة اصل..ولا منو من بنات الجبايل بترمس الشباااب..حشّمي عنلات ذي الويه..ججججججب...بنات فااضيات..
وبند التلفون افوييهها..
سعيد:حييييييييييييي ابوووووووووك ولد العم..اشكر فنك والله..
حميد:ياااخي شعب فــاظي..
سعيد:ههههههاااي...منو هاااي؟؟
حميد:الله يعمر طولك هاذي وحده من بنات بوظبي..تحيد يوم سرنا المول ويا حمد بن حمدان"ولد عم مبارك"..>>على فكره اليوم اللي شاف فيه منيررة..
سعيد:هيه..؟؟
حميد:بالغلط رقمتها..حسبالي حلوووة..
سعيد:وخلاف..؟؟
حميد:لحقتها ارووحي بعد ما طنشتكم في الكوفي..ودخلت المحل وهي عارفه انيه وراها..جان اتعق الغشوه مسودة الويه مضيعة المذهب..من شفتها بغيت اصيييييييح..
سعيد:هههههههههههههههههههههههههه..
حميد:ياابوك اتزيييييييغ اتشرد قبااايل سبع ودياااااااان...
سعيد:ههههههههههههههههههههههههه..
حميد:وفالليل طرشتلها مسج بالغلط..والله ع بالي رقم واحد من الربع..الا اجوفها متصله ورمستها ونفسي افخشمي..وردت دقتلي مرة ثانيه..وناازعتها ..واللحينه داقه مره ثااانيه..
سعيد:وييههاااااااااااا لووووووووح..
حميد:الا واكبر لوح..
وشوي الا الهندي ايدق ع الجامه..
حميد:عافااانا الله..شقايل هالهندي ماا فيه لحمه وحده..بابا ماا في اكل..؟؟
يهز رااسه الهندي..وخذوا منه الأكل..لأنه حميد محاسب داخل في المطعم..تحركوا بعد ما حطوا اكل يزوي في السييت الوراني..وكملوا سوالفهم اللي ما تخلص..وصلوا سويحان..بيت بو سلطان..وقوا وظهروا من السيارة ناسين اكل يزووي..
حميد ركب سيارته ورد وصك خط العين..اما سعيد حدر البيت..وييلس ع الدري اللي جدام باب الصاله العوود..وما حس ابعمره الا وهو يشل..وخاااااطره مكسووور..
سعيد: نادم على الحب والله لي يعوظني.. واللي جرى شي لازم من زمن يجري..
ماهي بمنك ولكن صدق هيه منـي..ياما تحــــــــــــــــملت كني ماسمع ولادري..
صحيح حبك قدر من قبل يملكنـــي..ويفوت سنين من عمــــــــري على عمري..
بس الليالي كفيله بك ينسنــــــــــي..وان مانسى القلب شلته من قفص صدري..
لا بد في يوم ما تندم وتذكرنـــــــي..وتحطلي عذر في بعدي وفـــــــــي صبري..
هذي النهايه واقول اليوم سامحني..خلاص حبك رميته من ورى ظهــــــــــري..
اليازيه"من وراه":يعني من صج انت وميييثا متزاعلين..
سعيد:قلت لج لا تطريين اسمها..
اليازيه:وليييييييش؟؟
سعيد:بس جييييييه دقة رااس..
اليازيه:انزين انتوا متزاعلين؟؟
سعيد:الا متفاااااااااارجيييييييين..
اليازيه:والأسباب..>>وتيلس عداله..
سعيد:لا تعورين راااسج بهالسوالف..
اليازيه"اتحط راسها ع جتف اخوها":ماا تهونون علييه..
سعيد:سووووي طااااااف..
اليازيه:ااااااااي يووعانه.."وتفز "..اسعيد وين اكلي؟؟
سعيد:اووه السموحه منج..طلبنا لج وجبتين..اكلنا ما سدنا..جان ناكل اكلج..وجبه لحميد ..ووجبه لي ..
اليازيه:شووووووووووووووووو؟؟عنلاااتكم يالسبلااان..اللحينه بتم جييه يوعانه..
سعيد:عنبووووه طريتي اذنيه..سيري سيري بتلاقينه في السيت الوراني..
اليازيه:اذا ماا عفن يالمعفنين..
وتسير يزووي اتييب اكلها..وترياها سعيد وخلاف يلست هي في الصاله..وسعيد ساار فووق..
. . . . .
سيد الهوى في كونــه ...غالي ولا انســــــاه..
في الحب انا مجنونـه... قلبي انا يـــــــــهواه..
يوم السبت..
بيت بو منصور..
الصاله الفوقيه..
الساعه4ونص..
ظبيه يالسه ع الغنفه..وممده اريولها..جدامها الطاوله وعليها شيبس وبيبسي..الأخت يالسه تبلع..وفكرها في النتاايج اللي بااجر بتكووون..
اشوي الا مها عافده عليها ميودةالتيلفون..
مها:هاذا مباارك رمسي رمسي ياا سباالوه..
ظبيه هالمره ما كفخت مها ع رااسها..كالعاده..شلت التيلفون بسسسرعه..
ظبيه"بلهفه":مباااااااارك..
مبارك:مررررررحبا ملاااييين ولااا يسدن..
ظبيه:ياااااااالله فديييييت هالصووووووت..شحالك فديتك؟؟
مبارك:بخير يعلج الخير..علوومج انتي؟؟شمسويه؟؟
ظبيه:انا بخيييييير..الا اني بمووت من التحرقييص عسب النتاييج باااااااجر..
مبارك:قووولي والله؟؟
ظبيه:مااجذب..يموووت من الزيييغه..
مبارك:اها الله يعينج..شو الجو عندكم..
ظبيه:الكل مرتبش بعرس سلطووون وسلاااموه..
مبارك:خسااااااااارة ما بنحضره انا وذيااااب..
ظبيه:برووك فديتك متى بترد والله والله اتولهت عليييييك وااااااايد..
مبارك:****االله في نص السنه بييكم..بالضبط اوووول يوووم في اجاازتكم..
ظبيه:واااااااااااايه بتبطي انته..والله البيت بدوووونك ولااا شي..
مبارك:فديييييييييتج والله..ظبيه؟؟!!
ظبيه:عيونها..
مبارك:وين اليازيه عنج؟؟
اشوي الا واليازيه حادره علي ظبيوه..لابسه مصلى كبدي..ومظهره قصتها وحااطه قلووس..شكلها خبااااااااااال..
ظبيه:الطيب عند ذكره..توها الا حاااااادره علي..
مبارك:هاتيها برمسها..
ظبيه:ماااااطلبت الشيييييييييخ..
سارت ظبيه عند اليازيه ويودتها من يدها..ودخلتها حجرته..وحطت التيلفون ع الشبريه..
ظبيه:هاذا بروووك سراق تواير..يبا ايرمسج..سييييي يووووووو..
ظهرت ظبيه بعد ما بندت الحجره بالمفتاااح على يزوووي..خلت يزوي ويااااهالتلفون اللي بيسمعها صووت غنااااااااااااة قلبهااااااااااا..
كانت افحيره..تبى ترمس وما تبى ترمس..تبى اتصده وما تبى اتصده..يلست ع الشبريه عداااااااال التيلفون..وخذت التلفون ابكل هدااااااوة..من وين يايبتنها هالهداااوة مااااااتدري؟؟حطت التلفون ع اذنها..وهي تسمع انفااااس مبااااااارك..استانست يوم سمعتها..او الروووووح ردت لها..حست بشعووور اول مره اتحسبه..
مرت فتره وكلن منهم ساااكت يسمع انفاااس الثاااني..لين ما قطع مبارك هالصمت..
مبارك:يزووي..
اليازيه:هلا..>>>>لو لاحظتوا من يزقرها اتقوله هلا..
مبارك:شحااااااالج؟؟
اليازيه:يسرك الحاااال ومن صوبك؟؟
مبارك:ابخير ونعمه..شو المعنويات..؟؟
اليازيه:تبي الصراااحه..
مبارك:أكييييييييد..
اليازيه:والله انيه مب خاايفه..أحسه شي عااادي لأني واثقه اييب نسبة اووكي..
مبارك:اووه عندج ثقة نفس...........
اليازيه"اتقاطعه":ماااااا بتلقى شراتها..
مبارك:ههههههه..يزوي بتخبرج..؟؟
اليازيه:شوو؟؟
مبارك:بعدج اتحبيني؟؟
اليازيه:.............................."كان ودها اتقووووول حبك ملكني..بس تدرون بها اليازيه "
مبارك:تذكرين اول يوم ..يوم شفتج وطيحتي قلبي..عند باب المطبخ..يوم يلست اتطنز ع البنيه اللي ماده ييداتها ع الباب ومقفيه..من شفتج قلت مرحبا....وقلتي لا ترحب ولاشي..انا واقفه اهنه وع كييفي..وهب انت اللي اتيي على اخر زمانك وتعلق ع وقفتيه.. هبيتي ابويهي جنج ما صدقتي حد ايسبج..
اليازيه:هههههههههههه..
مبارك:ياللله فديتها هالضحكه..
اليازيه:برووك كمل لا اسد التيلفون افويهك..
مبارك:تذكرين يوم لقيتج ع الدري..افبيتنا..سلمت علييج..وحلفت انج ما بتمشين فليل في هاك اليوم..وانصدمتي يوم ما خلنج العيااييز اتسيرين تتحوطين..اسميييني استانست هااااااك اليوم..
اليازيه:وليييييييييش؟؟
مبارك:لأني ادري من تردين بتسيرين بيتكم ولا بشوفج..
اليازيه:اهااا..>>>وهي تسترد الأحدااث كلها..
مبارك:تذكرين يوم ييت في حويكم..وتضااااربنا وحااالتنا لله..كنت امحرج ع الأخير..بس في الأخير انا المنتصر..ادري انج ما بتغلبيني..يزووي..تذكرين يوم يدووه شيخه اتقولج مدي العيره عسب اتضربني ابها وانتي ما مديتيها..تذكرين يوم رمستج افهااك اليوم في المطبخ..وتراااضينا..اتصدقين كاان اسعد يوووم افحياتي..غناتي تذكرين..يوم ييتكن هاك اليوم المدرسه وشليتكن عسب ظبيوه العنز مريضه..تذكرين يوم يلسنا ارواحنا في الحيرة..وخلاف وصلتج تحت عند السيارة..تذكرين يوم حدرت عليييج افحجرة ظبيه وانا لابس القنااع مال الوحوش..ونفس الحاله..ردينا واتواقعنا..فديتج تذكرين يوم حدرت عليكن وانتن افحجرتيه انتي وظبيووه..كنت مستاانس لأنيه من رديت من بوظبي شفتج على طووول..تذكرين يزووي الليله اللي خبرتج فيها انيه احبببببببج موووووووت..والله انيه كنت صاادق افكل كمه قلتها..اليازيه تذكرين يوم دقيتي ع بيتنا..وردييت انا علييييييج..والله مستحيل هاااك اليوم انساااه..تذكرين يوم سرت المدرسه ووصلتج لبيتكم..تذكرين يوم لقيتج افبيتنا ارووحج ويا سهيل وخلاف سرنا ارباعه ويا سعيد لبوظبي عسب ملجة نورة..ااااااااااااااه ياليازيه تذكريييييين يوم توادعنا..كان هاذا يووووم حزييين ابحياااااااااتي..
"وييلس ايقول"..
لاقال دعني وانا ما قـلت له دعني..يا لين سالـــت من الفرقا مدامــــعنا..
حتا في يوم الموادع يوم ودعـــني..بكت جميع اللــيالي من مــــــوادعنا..
والله يمتعك بلـــــــــــقاي ويمعتني..بلــــقاك والسحب تمطر من تمـتعنا..
والله لخلي سنين الماضيه تــــعني..وأوادع الـــناس وأرجع اخذ المعـنا..
شفتج هاذاك اليوم وانتي ما تبين اتشوفيني لأنيه بسااافر..فترة غيااابي عنج كم تعنيييييت فيها وكم شقيت..وكم حاااربتني اشوووواااقي طاالبه مني الوصال..شفتج ياليازيه واناا الحزن بغا يحرق فؤاااااااااديه..فديييييتج يزوووي اتولهت عليييييييييج حيييييييل حيييييييييل..
اليازيه:مبارك..
مبارك:لبيه..
اليازيه:لبيت حاايه..مب جنك طووولت..انا بدوووونك ضااااااااايعه..اتخيل ان طيفك افكل مكاان القاااه...اتخيل انيه قبل ما ارقد ايلس اتخيلك ..صدقني تعبت من هالحاله..تعبت..
مبارك:ييييييييها ياليازيه..فديييتج والله..الأياام بتمر بسسرعه..وبتشوفيني يوم اييكم هاذاك اليوووم..صبري لين اجازة نص السنه..ومن بعدها بتشوفيني ياالس في الإمارات لأنها هاي السنه اخر سنه..
اليازيه:بس هالفتره طوييييييييله..
مبارك:وبتم بسسسسسسرعه..يلا انا ببند..تامرين بشي فديييتج؟؟
اليازيه:لا سلامتك..مبارك شد حييلك ماا اوصيك..
مبارك:افا عليييج بس..
اليازيه:يلا فداااعة الله..
مبارك:الله يحفظج..
وبندت اليازيه قبل مباارك..في هالدقاااايق..رمسته..وقلبها يتقطع كل ما قال مبارك كلمة تذكرين..اللي استوى بيتم ذكرى..ااااااااااه يااا مباااارك كم احبك...
ظهرت من الحجره الا وظبيه في ويهها..هههههههههه..
. . . . . .
ولا غيرك فهالدنيا فتنـي..و حمــلي ثقيلات النوايب..
انا يا شوق حبك ذابحني..فدتك الروح دامنا حبايب..
بيت بو حميد..
حجرة سلامه..
الساعه9ونص..
هالوقت سلامه كانت توها حادره حجرتها..شافتها منعفسه فووق تحت..الأكياس نصها فوق الشبريه واللي على أطرافها..وبعضهم ع الكمدينو..ونصهم فوق التواليت..واللي ع الغنفه..واللي ع طاولتها..بعضهم ع المكتبه..وشي منهم ع طاااولة الكمبيوتر..هاذا من غير الثياب اللي معلقه افكل مكان..والأكياس المرميه ع الأرض..
تمت لها دقايق اتشوووف هالمنظر"الخلاب"..خخخخ..وحاطه يداتها ع خصرها..كانت توها يايه من السوق..تشترلها اغراااض..من كثر ضيجتها من هالحجره..فرت الأكيااس ع الشبريه ابكل قوووه"اعصابج اعصاابج"..
و فرت عبايتها وشيلتها...وقالت ابكل ضيجه..
سلامه:يالله شوووو هالحيرة..كل ما عدلتها ردت وانعفست مرة ثااانيه..
حطت تيلفونها ع التواليت..وسارت صوب كبتها..اول ما فجتها..شافت صووورة سلطان..كاانت وايييييييد عوووده وموول ما راوتها حد..هالكبت مفتااحه دووم معها..شلت الصووورة..وباستها..
سلامه:علنييييييي فداااك يالغالي..
وصلها مسج..ربعت صوب التيلفون وقلبها ايقوول انه سلطان..وبالفعل..كان من عند سلطان..
" أبرســـــلك صــدى شــوقــي
دخيــــلك لا تخلينـــــــي
يــا أحلا ذكــرى فـي عمــري
غــلاهــا فـي شــرايينـــي"..
تفدته مليوون مرة مرة افخاطرها...وهي تدري بحركات سلطان..يطرش مسج ويدق بسسسسسسرعه..ما وحالها اترد التيلفون ع التواليت الا وغناة الرووح متصل..طنشته النذله وسارت اتظهرلها ملابس تبغي تتسبح..
تم سلطان ايدق..مرة مرتين..ثلاث مرات..ومطنشه الأخت سلامه..حدرت الحمام "الله يعزكم"..وتسبحت وبعد ما خلصت..سارت صوب التيلفون حاااااارق حرق من كثر المسجاات والمسكول..
ما تعبت عمرها تدرون شو طرشت..؟؟!!
"شو عندك؟؟!"..>>اقولكم ما تعبت عمرها..
طرشلها"لا حلفي انتي بس"..
تضحك وتطرشله"والله العظيم"..
"ردي علي"..>>مسكيييييين ثره..
"مب فااظيه حيرتيه معتفسه فوق تحت..وبرتبها اللحينه ...بعدين خلاص هالأسبوع مااشي مكالمات لا تظن انيه برد علييك"..
متجااهل مسجها الأولي
aomroena
•
الجزء العشرييييييين..
هو حيات الروح هو شمسي وظلي ... هو منات النفس هو مطـلب ظنينه
صورته مابـــين ترحــالي وحلــــي ... وهاج بحر الشوق يسال عنه وينه
الهنوف:اللحينه انتي من صج ترمسين؟؟
ميرة:والله ما اجذب علييييج..
الهنوف:انتي غبيه؟؟ماا عندج احساس؟؟انتي نذله لهالدرجه؟؟ميرووه لييش سويتي جييه..ليش سويتي هالسوااااااه..؟؟الكافر ما بيسوي جيه في اخووه..وانتي تفرقين بين احباااب..ما هقيييتج جييه يا مييرة..
ميرة:وو هالرمسه اللي اسمعها..اقووووووووولج فرقت بين ميثا وسعيد تردين وتقولين لي انتي نذله؟؟
الهنوف:يااااااااا ويييييل حااال قلبيه..يااااا هالحزن اللي حل عليه..سعيد يا ميرة سعيد..اللحينه شوو الحال عليه..أكيد متعذب علني فداااااااا روووحه وقلبه..اللحينه هو متعذب وغناة قلبه ميثا متعذبه...
ميرة:شوو يعني على رااسه ريشه..خلهم يتعذبون وانا من قبلهم متعذبه ولااااحد تخبر علي ولا امتحن مني..
الهنوف:انا شو عليه منج..انا عليه من سعيد..اللحينه حالته مب حااله..لا يرقد الليل ولا يذووق الزاااد..وقلبه محرووق من فرااق غناته..
ميرة:شو هالغبيه هااي؟؟اقول حمدي ربج..اللحينه سعيد يكره ميثا وانتي خليه ينجذب لج..
الهنوف:شوووو..احمد ربي ان خلي متعذب..؟؟؟
ميرة:وانتي شوو دراج انه متعذب..؟؟
الهنوف:قلبي يا ميرة قلبي ايقوول انه سعييد متعذب..لييييش هالحقد كله ياا ميرة ليييش ما همتج ختج وانتي توطين كرامتها ع الأرض..ليش ما همتج وهي تنجرح وتذرف ادمووعها..ولييش ما همج ولد عمتج اسعيد وهو يفاارج حبيبته وامل عمره..بس ياا خساارة ياا خساارة يوم ظنيت بج الخير ياا ميرة..كل هاذا لييش..
لييش؟؟
ميرة:اووووه..عشاااانج..عشااان اسااعدج انتي ما تعرفيين وين مصلحتج..؟؟
الهنوف:وانا ماا طلبت منج اي مسااعده..كنت رااضيه باللي يصير لي..ادري اني شكيت لج الحال..بس مب لهالدرجه يا ميره مب لهالدرجه..
ميرة:يا غبيه المفروض اتكونين مستااااااااانســ............
الهنوف"اتقااطعها وتصييح":اي ونااااااسه يا ميرة اي وناااسه والهم متربع فقلب سعيد..اي وناااسه وسعيد حالته مب حااله..اي وناااسه والحزن خيم على ويه سعيييد..اي ونااسه وخلي متعذب من فراق محبينه..تظنين انيه بستاانس..الا ودي ان جرووح سعيد اتيي كلها لقلبي واتم انا اللي اتعذب بدل اسعيد..ودي اشووفه واخبره انج انت سبب كل اللي صااار..
ميرة:تظنين ان سعيد بيرد لميثا..ههههه..ميثا حلفت ما ترد له..وبعدين واحد متقدملها وعلى فكره..هي واافقت..اقوول خلج انتي مع سعيد ومالج خص بميييثا..
الهنوف:ماا كنت اتوقع ان في نااس جيه..بمنتهى الحقااره والنذاله..حتى مع اقرب الناس لهم..انتي ماا فيييييج خييير؟؟اقوول مع السلاااامه..ما يشرفني اني ارمس نااس قلووبهم سوودا..قلبوا حياة خوانهم..ما استبعد يقلبوون حياااااتي..
ورقعت السماعه افويه ميرة وتمت اتصيييييييييييييييييييييح من الخاطر..اتصيح لأن حبيبها متعذب..حبيبها متألم..منقهر ..وحالته مب حاله..ودها اتسيرله وتداريه واتخلييه ايرد ويفكر بميثا ويصالحها..عسب الهنوف تستانس يوم اتشوف سعيد مستانس وحياته حلووه..لأنها ذييج السااعه بتحس بمعنى الفرحه..
وقفت روضه عند باب الحيره وهي تزقر الهنوف..
روضه:هناايف هناايف ..
ابسرعه مسحت ادمووعها الهنوف ويداتها ترتجف..ورسمت شبه ابتسااامه على ويهها تخفي ألمها..ونطقت ابكل صعووبه..
الهنوف:دقااايق وبييج..
ومن صوتها ومن المها..ربعت روضه صوبها..
روضه:هنااايف فدييتج ليش اتصيحين..؟؟
الهنوف:ااااااه يااا رووضه ااااااااه.."ودمووعها تنزل"..
روضه:بسم الله عليج من الآه فدييت قلبج..نشي بنسير الحيرة..
ونشن من مكانهن..والهنوف تمشي بخطواااات ثجييييييييله..
رهيبه هاذي الإنسانه اللي فاهمه معنى الحب صح..ودها اتشوف من اتحبه مستانس ابحياته ولو كان مب معها..تفرح لفرحه وتزعل لزعله..وترضى لرضااه..وقله قليله منهم يفهمووون هاذا الشي..؟؟!!؟؟!!؟؟!!؟؟!!؟؟!!
. . . . . . .
لوعات بعدك ياحبيبي كفتــــني..لو ماشكيت البعد قلبي شكاله
لوعات بعدك ياعيوني كفتـنــي..لو مابــــكيت البعد قلبي بكاله
بيت بو سلطان..
الساعه10ونص..
حجرة اليازيه..
اليوم بتظهر نتايج الثنويه العامه..والناس مشتطه..وما اظن حد من طلاب الثنويه العامه رااقد اللحينه ..الكل ناشين من صبااح الله خير..الا عيال سهيل"اليازيه"..و.."سعيد"..كلن رااقد افحيرته ولا عليه لا من نسبه ولا من نتيجه ولا هم يحزنون.."واااثقين من انفسهم ماا شالله"..؟؟!!سووا طااف؟؟!!
اليازيه راااقده ونااسيه الدنيا برقااادها..ما مرت ثواني من رمسنا عن اليازيه الا ومهرووه فاااااجه الباب..ولابستلها بيجامه وشكلها ما رقدت من البارحه..
مهره:يزوووووووي عنلاااااتج نششششششي..
اليازيه:.................>>>>>>أكبر طاااااااف..
مهره:نشي سباالوه نشي..
اليازيه:................>>>>>>طاف طاف طاف...
وسحب اللحاف عنها..ولو تشوفون اليازيه كيف راقده جان متوا من الضحك..ملتويه على عمرها جنها الا قطوه خاايفه..ومن شلت عنها اللحاف..نشت وطالعت مهره بنص عين وسحبت اللحاف وتلحفت ورقدت مرة ثاانيه..جان اتيي مهره مرة ثااانيه وتشل اللحاف..ويظهر صووت اليازيه..
اليازيه"محررررررررجه ع الأخير":شووو تووم وجيري..؟؟"وتاخذ اللحاف عنها وترقد"..
مهره:يااخي نشي العرب محتشرين تحت وانتي .....................
ما مداها اتكمل رمستها الا يزووي قدها اتصاارخ..
اليازيه:عنلااااااات ذي الويه عنلاااااات ذي الصوت..ياخي صخي نبغغغغي نرقد حرمتووووه انتوا الرقااااااد؟؟!!؟؟!!..والله يا ان سمعت صوتج لا اتشوفين شي ما شفتيه مهروه الصخله..سكتي ولا اتظهرين كلمه من هالثم لعل العله اتصيييبه..
وردت اتوطي راسها..
مهره"وااقفه عند الباب بتشرد":نسبتج91,2..
اليازيه"اتهف":....شوووو؟؟................ههههههههه ههههه..وااااااااااايه فديييييتنيه محلااااااااااااااااااااني..
وهفت من الشبريه جنها غزال..ولا جنها ذييج اللي قبل اشوي اتصارخ تبغي ترقد..سبحانه امغير الأحوال..ربعت الحمام الله يعزكم..وغسلت ويهها واسنانها..وطيرااااااااان تحت ..وتربع ع الدري وفاجه شعرها ولابسه بيجامتها..ومهره وراها..
من نزلت تحت لوت على امها..وامها اتصيييييييح..
ام سلطان:يالله علني فدااا قلبج يا غناة قلبي..مبروووك تستاهلينها ذي النسبه الزينه..
اليازيه:يالله يامايه لا اتصيحين ولا ترااني بصييح..الله يبارك فييج يا عنوني..
وصدت صوب سلطان اللي كان وااقف..ومرت دقااايق وهي اتطالعه..لين ما يت ولوت عليه ودفنت راسها افحظنه..وصاااااااحت من الخاااااااطر..تدروون ليش؟؟لأنه شافت ويه ابوها في سلطان..أنها تمنت ابووها ايكون حذالها افهاللحظه..لأنها كم اشتاااااااااقت لأبوها وهو يزقرها يزويتي..
الكل ملتزم الصمت..والكل محترم مشااعر اليازيه افهاللحظه..اولهم سلطان..لأنه يدري ابشو اتحس اللحينه..وابشو يدور ابخاطرها.. تم لاوي علييها..لين ما رمسها وقال..
سلطان:اللحينه هاذي دمووع شو؟؟شو نعتبرها؟؟
اليازيه"اتطالعه وتضحك":اعتبرووها مطر..من زمااااااان ما نزل الغييث..وهااي ادمووعي اللحينه تنزل..
الكل:هههههههههههههه..
سلطان"حاظن ويهها بكفوفه ومسح ادمووعها":فدييتج قلبج لا اتصيحين..والف والف مبروووك..
اليازيه:الله يبارك فيييك.."اتصد صوب مهره"..شو نسبهم البااجيين..سعيد كم يااب؟؟
مهره:اسعيد طولي ابعمرج ياب 70,5..وظبيه والهنوف يابن 92,6..وميثا يابت 90,3..
اليازيه:ماااااااااااااشاااااااااااااااااااالله..
ام سلطان:سيري فدييتج بدلي اللحينه قووم عموتج بيوون..
اليازيه:عنيه فدااج اللحينه بسير..
وسارت اليازيه فووووووق وربعت صوب حجرة سعيد..ودقت الباب جان ينفج وظهرلها اسعيد ولابس كندورة بنيه وحاطه الفوده ع رااسه..
ومن شااافها لوى علييها وتم يدووربها في الحييرة..
سعيد:دوختي ولا بعدج ..؟؟؟
اليازيه:دووخت دووخت خلاص فرييييييييييت رااااااااسي..لعنبووها من عضلاات عضلااااااتك..
سعيد"يلسها ع الشبريه":قولي ماشالله عن اتضربيني بعين..
اليازيه:مااشالله ماا شالله ..مبرووك ع النسبه الحلوووه..تراك يبت...........
سعيد"قاطعها":ادري ادري..
اليازيه:شو دراك وانته شكلك اللحينه نااش..؟؟
سعيد:وااحد من الربع مطرشلي مسج..
اليازيه:اهااا..جيه السالفه..يلا بسير بيبااي..
سعيد:بااي..
ظهرت اليازيه من حجرة سعيد..والأرض مب شاليتنها من زوود فرحتها..ربعت حجرتها تبا تتسبح وتكشخ وترمس ربايعها وتتخبرهن عن نتايجهن وتباركلهن..من حدرت حيرتها..ربعت الحمام الله يعزكم..وتسبحت وكشخت ..لبستلها كندورة سماويه وفيها تطريز وشغل بالأحمر..وظهرت قصتها ورسمت اعيوناتها وحطتلها قلووس..وتعطرت..
جان اتصد صوب هاايييج الصورة.."صورة ابووها"..الي كانت على طرف التواليت..
سارت صوبها بدووون ما تدري..شلتها وبهدووء يلست ع الشبريه وهي تطالع الصورة واصابعها تلتمس الصوره بكل نعووومه..تلمس عيون ابوها خشمه وهي مشتاااااااقه حييل والألم ايقطع قلبها..
كم تمنت ابوها ايشاركها هالفرحه..كم تمنت انها اتكوون هاللحظه في حظن ابوها..وكم تمنت تسمع كلمة يزويتي.."ااااااه يالهالكلمه كم اشتقت لها..وكم اشتقت لأبوي.."
سالت دمووعها بدوون ما تحس..وهي تتذكر ..تتذكر بسمة ابوها مشيته همسته ضحكته..وكل شي..تتذكر اياامه..تتذكر مواقفها ويااه..كيف كانت ترقبه يوم ايي من صلاة الفير..وييلسون في الحوي ويتقهون..كيف كانت اتخبره بسوالفها في المدرسه وتنقعه ضحك..كيف كان ايخبرها بسوالفه وايام عرسه وايام حزنه وشقاه وايام وناسته وفرحته....اليازيه هي الوحيده من بعد سلطان تشاارك ابووها كل شي..لأنها متحملة مسؤؤوولية هالبيت اكثر من امها..يمكن بسبب شخصيتها القويه..
صج كانت ليله ..حزينه ..كئيبه..مليله..اليمه..طويله..الليله اللي خبروهم بوفاااة ابووهم..كيف كان الخبر صدمه علييهم قلب حياتهم لمدة سنة ونص..قلبها من فرح لحزن..ومن بسمه لدمعه..ومن سعاده لتعااسه..من بعد جو المحبه والفرح والإستقرار اللي ملى البيت في هااذيج الفتره..خاصةً من بعد ملجة سلطان..انقلب البيت فجأه وامتلى بجو الحزن وذرف الدمووع والصيااح..محد يلومهم..فقدوا أغلى نااااااسهم"ابووهم"..اللي من فقدوه..فقدوا بسمتهم فقدوا ذكرياتهم فقدوا اجمل ما في حياتهم..
غمضت اليازيه عيونها..وبكل الم وبكل حزن استرجعت ذكرياتها الأليمه..يوم العايلتين متيمعات في بيت بوسلطان....قوم بو سلطان وقوم بو حميد..اليازيه وسلامه ومهره كانن في الصاله الفوقيه..وراشد وحميد وسعيد فالميلس..اما ام سلطان وام هادف وهدووف ميلسين فالصاله..
حدر بو حميد "عمهم عبدالله"..وسلطان..ودموعهم افعيونهم..واشكالهم منقلبه ..
كانن يالسات ايسولفن..وبدون سابق انذار ربعت ونزلت تحت.. كان قلبها ناغزنها ان في شي..ومن شافتهم تمت تتخبرهم عهن ابوها
"وين ابووي؟؟!!أبوي وينه انا ما اشووفه ويااكم؟؟!!"..
اترددت هالجمله في الصاله كلها وظهر صداها..لأن الكل سااااكت..حزتها رمس عمهم عبدالله؟؟ وقالهم بالحقيقه المره..قالهم بالخبر اللي شتت تفكيرهم وحطم قلوبهم..كم كااانت هاللحظه صعبه ع الكل..على كل من كان موجود افهالصاله..؟؟!!
الكل كان مب متحمل هالخبر..اليازيه تمت مرقده في المستشفى شهرين متواصلين..ومن ظهرت كانت حالتها النفسيه واااايد تعبانه..دوومها من اتصلي صلاة الفير تيلس في الحوي وترمس ارووحها..تتخيل ابوها موجود..وصارت ما ترمس واايد..ويلا يلا تظهر كلمه..وما تيلس وياهم..وتتهرب من سلطان..لأنها اتشووف ويه ابوها في سلطان..وما تبا حزنها ايزيد..لين ما تصرف عمها وسلطان وتموا يقروون عليها ويظهرونها..وصارلها سنه كاامله وهي ترقد عند سلطان..الكل متفهم حالتها..وبجييه..ردت اليازيه لحالتها الطبيعيه..وكله بفضل رب العالمين ومن بعده سلطان وعمها عبدالله..بس مازالت ذكرى ابوها افداخلها ومستحيل افيوم تنساها..
"الصراحه اتعمدت ما اييب سيرة ابوها الا في يوم نزول نتايجهم "..
وبدون مقدمات..انفج الباب وحدرت ظبيوووه..وشكلها غييييير بالمره..لابسه كندورة فوشيه ومظهر قصتها وتعديلها شرات اليازيه..فكانن يشتبهن اشوي..
ظبيه:ياااااااااااالله علني فدااااااااج..
اليازيه:ويااااااااااااااااااامرحبااااااااااا بالمصريه..عنيه فداا خشمج..
توايهن..ومن طالعت كل وحده في خويتها...ردن ولون على بعض..وتمن يضحكن مستانسات..عدلت اليازيه جحالها..وظهرن من الحجره وسارن صوب سعيد وظهروا كلهم ارباعه..ونزلوا تحت واستووا مميزين من بينهم..اول شي سلموا على بو منصور لأنه بمثابة ابووهم ..وسلموا خلاف على منصور وخلاف على العيااييز ووياهن موزة ومهره..الكل مستانس..سعيد وسلطان وراشد وابو منصور يالسين كلهم ع الكنب افصوب....والكنب اللي امجابلنهم ام منصور وام سلطان ومهره وموزة ويزوي وظبيوه يالسات علييه..وسهولي مرة عند الرياييل ومرة عند الحرمات..الكل يبارك للثاني..والكل مستاانس..والفرحه امتلت ونشرت عبيرها افكل مكان..
يلسوا فتره ومن بعدها نشوا وتريقوا..وخبرهم سلطان ان عمهم عبدالله عازمنهم كلهم ابسبة طلاب الثنويه..وربعن البنات ايرمسن تلفون..اول شي كلمن سلاموه وميثا والهنوف..وخلاف دقن على ودوم وسهيله وهيور ..ومن بعدها باركن للبنات الثانيات..وتيلفون ام منصور وام سلطان ممزور مسجاات..
مهره:هااج يزووي مسج واصل من العنود..
اليازيه:واااايه فديتها ام خلووفي..عيل اكيد مطرشتلج ظبيووه..؟؟
ظبيه:من اشوي طرشت وقريته..فديتها ما تنسانا..
مهره:يلا اييه الساعه استوت 12ونص..وسلطان ايهازب برع..
اليازيه:يلا احن بنركب مع سعودي..وسلطوني بنسويله طااف..
ظبيه ومهره:هههههههههههه..
وبجيه الكل سااار بيت بو حميد..وتغدوا اهناااك..ومن بعدها اللي قيل..واللي ظهر من البيت..واللي يلس ايسوولف..
. . . . . .
عن لا تزيـــــد الـطين بله..رحماك يالمظنون رحماك..
أرجووك قلـبـــــي لا تذله..لا تســـــرفن بقلب ترجاك..
بيت بو حمد..
بعد صلاة العشا..
حجرة منيرة..
هالوقت..منيرة يالسه اتشوف عمرها في المنظرة..وهي مب بعقلها..كانت اتفكر بحميد"مسكيينه ما تعرف اسمه"..
من شافته وهي مب بعضها..وحالتها حاله..والفظول بغا يااكل فواادها ..الا انها للحينه ما تعرف شوو اسمه؟؟
تركت هالأفكار وظهرت من حجرتها..وودها اتشووف حمد..وتكفخه..الا ودها تجتله..الكل يدري الا هي..آآآخر من يدري..وهاللي غيضبها وخلاها اتعصصصصصب..
بخبركم باللي استوى؟؟؟حمد خطب اخت بطي واسمها خوله..توها مخلصة الثانويه العامه..وقرروا ايسون عرسهم افليله وحده..نورة وبطي..وخوله وحمد..صج كانت منيرة مستاانسه حييييل..الا ان وناستها ما اتساوي غيضها من حمد..وقالت افخاطرها.."وانا اللي موصتنه ايخبرني اول وحده يوم يخطب..عنيه فاارق خشمه"
راحت حجرته ومن فجتها لقتها فااااظيه..نزلت تحت ولقتهم كلهم يالسين فالصاله..طالعتهم واحد واحد جنها اتدور على حمد..ويوم يت عويناتها عليه..
منيرة:انت يا مضيع المذهب ياللي ما تستحي..
حمد:هاه الناقه الضايعه... بلاااااااج؟؟!!..
ابو حمد:هاذا بدل ما اتبوسينه ع رااسه وتقولين له مبروووك..
منيرة:ابوويه هاذا ولدك ما يستحي..
وتسير وتيلس عند ابوها..دلوووعة بابتها..
ابو حمد:افا والله شو امسويلج هاه مسود الويه..؟؟
منيرة:اللحينه انا منيرة بنت حمدان بن منصور الــ........ي...آخر من يدري ان عرس بطي وعرس حمد افليله وحده..يااااااااااكبررررررها..
ابوحمد:هههههههههههههه..
ام حمد:أمممممممه عليييج..واللحينه دريتي شو بتسوين يعني..؟؟
منيرة:انا وحده رااافضة هالشي..
حمد:محد طلب راايج لمي ثمج يلا..
منيرة:انزين خلنيه ارمس وابين وجهة نظري..
نورة:منيرة ووجهة نظر..والله حاااااااله..
حمد:مستحاااااااله..
منيرة:بووويه علني فدااك سكت هالسبلان اللي عنديه ..
بوحمد:ههههههههههههه.جب انتوا وخلوا منااير ترمس..
منيرة:انا وحده معاارضه تعرفووون ليييييش؟؟
الكل:.............................."امسوين لها طاااااف"..
منيرة:شوووهاااذااا؟؟ليش محد متفاعل ويايه..
حمد:شفتينا عناصر كيمايئيه..
الكل:هههههههههههههههههه..
بوحمد:انزين ليش معارضه؟؟
منيرة:هم اثنينه اخواني..راااس ماالي ولا لي غيرهم..ايعرسون افليله وحده..؟؟!!!ابااهم كلن لحاله ايعرس..عسب بعدين اقول هاذا الفستان افعرس حمد..وهاذا الفستان افعرس نواري..تبوني البس وااحد في العرس واخواني اثنينه..ماااااا يوووز..
ام حمد:انزينه عادي غناتيه من بعد صلاة العشا لبسي لج الفستان الثاني..
الكل:ههههههههههههه..
نورة:وذييج السااعه بتستااانسين..هههههههه..
حمد:ههههههههههه..اقووول سكتي خليتي عمرج مصصصصخره جداااامهم..
منيرة"تمد يدها صوب ابوها":فدييييييت ابووويه الوحيد اللي يفهمني..ابويه ظهر ظهر اللي في مخبااك..ابغيلي فلووس؟؟!!ههههههههههه..
. . . . . .
لو دريت اني احبك كــــــــــــثر ذرات الرمال..
وان نبضك في خفوقي اقوى من دق الحديد..
وان سحرك يا حبيبي اقوى من سحر الخيال..
وان حــــــبك صار اقرب من دفا دم الحرير..
وان سهد الليل يسهر في مناجاتك ليـــــــــال..
لاجل نور الأرض يضوي من زمردها الفريد..
وان اشواقي تدور في متاهات المنـــــــــــال..
عن اماني لو تلاقت ينصهر فيها الجلـــــــــيد..
لو دريت انك في قلبي جرح ما يوقف سيال..
وان حبك في خفوقي يبري اجرووحي ويفيد..
وان قربك مثل بعدك ما يطول او يطـــــــال..
من اساسه لين راسه طيب وقاسي وعنـــيد..
وان اسمك في ضلوعي ما يعرف محال..
يبتهي اسمي باسمك يعشق احروفه ويزيد..
وان هذا الكون يشهد عني يا كل الدلال..
انك الحــــــــــــــــــــلم بحياتي يارب العبيد..
لو دريت انك بقلبي هم يهد الجـــــــبال..
وان قلبي دون همك يصبح ويمسي وحـــيد..
وان روحي يا جروحي يا معاناة الوصال..
مـــــــــا تبى تصحا وتلاقي انك بعمري فقيد..
وان عمري لك حبيبي كلمتين بلا جـــدال..
افني سنيني لأجل ما تمضي سنينك سعـــــيد..
ووان ايامي تعاني من ظما كلمة وسـؤال..
بعد هذا الحب كله يا حبيبي وش تريــــــــــد..
بيت بو حميد..
الساعه 12ونص..
حجرة سلامه..
اليوم"المكسار"..توهم العرب راييحين..محد متوقع انه هالكثر عرب ببيوون..ومن ايشوفهم يقوول عرس مب مكسار..الصراااحه كانت زهبة سلاااموه واايد حلووة..حطوها في حيرة الحرمات بما انها اكبر حيرة..يت الحرمه وعدلت الزهبه بطريقه وايد وايد واايد حلوه..وحطت اشموع ..وورود امجففه وفراشات..على لون الستاير..وفي الصاله حاطين البوفيه..صج كان شي مرتب واوكي..
البنات..سلامه ويزوي مهره ظبيه والهنوف..يالسات افحيرة سلاموه..ويزوي وظبيوه شالات البقعه بسوالفهن وتعليقاتهن..
ظبيه:ولا يدووه شيخه عنيه فداها يالسه طولي بعماركن عند عيوز والله مادري منو هي؟؟المهم..العيوز اللي يالسه عندها من شافت يزووي وطول شعرها قااالت ياااحلاته من شعر..ليته الا في بنياتي..ولا اتنطقت الشهاده...جان اتقول يدووه شيخه تفووووووو تفووووووووو قولي مااااااشالله عنلات ذي الويه.."وكان شكل ظبيه ايضحك واهي اتقلد يدوتها"..
الكل:ههههههههههههههههههههه..
اليازيه:يااااهاااااا عووقها فديتها والله..
الهنوف:والله يدوووتيه عليها سوالف..اسميها نقعتني ضحك يوم رمست ذياب وهو السبال امسوي عمره ابنيه..
من قالت جيه..اليازيه هزها ذكر ذياب..تعرفون ليش؟؟لأن كلمة اذياب اتذكرها بمبارك..ولأن ذياب اتحسه شرات مباااااااارك كل شي..تمت صااخه وما رمست عكس البقيه اللي تمن محتشرات ومتى رمسته وووين وليش ما درينا بالسالفه..؟؟!!>>تدروون فظوووووووول..
دقايق وحدرت موزة..وميودة سهيل..
موزة:مرحبا..
الكل:مراااااااحب..
موزة:هل سويحان ع البوابه..
يزوي:هههههههه..شدعوه يالسين افحدييقه..هههههههه..
الكل:هههههههههههه..
ظبيه:الموز ليش اميوده سهول خليه يلعب..
موزة:وين يلعب اللحينه بنسير..
الهنوف:عادي خلوه يلعب فوق رااس ظبيه جنه الا قمله..
اليازيه:وااايه ببعد عنها عن تعديني وتصيبنيه علتها..
ظبيه:هههههه..مالت عليج ويا هالويه..بس بس جنه الا سهووولي قمله..هنوفي سكتي عن افتح مطعم افويهج..
اليازيه:عيل انا بسدحج وبخليها تترقص البرتقاله علييج..
الكل:هههههههههههه..
الهنوف:هيه فدييتها يزووي دومها واقف افصفي..
اليازيه:يالسين في المدرسه؟؟!هههههههههاااااااااااااااي..
ظبيه:لعنبوها من ضحكه..مب ضحكه..
اليازيه:عيل شوو؟؟
مهره:هاي ام الضحكه ...الضحكه اخف اشوي..
اليازيه:لأاااا رمست مهرووه الرقيقه صفقوولها..
ويصفقون لمهره..
موزة:وايه منكن والله تراهم امحرجين تحت واحر ما عندهم ابرد ما عندكن..يلاااااا..
وسارت موزة وظهرن وياها كلهن ..هل سويحان بيسيرون لبيوتهم وباجر من الصبح بيوون العين باستثناء سعيد اللي بيرقد اهنيه عشان حميداللي تم املزم عليه....اما هل بوظبي فبيباتون اهنيه..
وقف الكل يودع هل سويحان..ما عادا سلامه اللي واقفه جدام باب الصاله العود..اما البقيه في الحوي..ويتبادلون السلام على انهم بيجوفون بعض باجر..ومن حدروا البيت........
ام هادف:سلاموه فديتج محتايه شي..
سلامه:لا غناتيه ما تقصرين.."وباستها ع راسه"..
ام هادف:فدييتج والله..
وسارت ام هادف وهدووف يتبعها..ويرمس الهنوف..
هادف:هنوفوه مهوي باجر بتي..؟؟
الهنوف:هيه فديت خشمك بتيي وبتكوون كااشخه وبتشوفها..
هادف:يالله اتولهت عليها من اللحينه..
ويربع ورى امه..وخلى الهنوف منصدمه وحاطه يدها ع ثمها..
سلامه:لا تنصدمين دووومه ايقول هالرمسه..وابوي حلف ان هادف ما ياخذ الا مهوي بنت عموه عايشه..ومن اللحينه محيرة له..
الهنوف:هههههههه..مب هين هالهادف..
سلامه:يلا بنسير فوق..
الهنوف:لحظه بخطف ع امايه باخذ تيلفونها برمس روضه وفطووم..
سلامه:هااج خذي تيلفوني..
الهنوف:ما باخذه لأنيه برمس فطووم ومب حافظه رقمها..دقايق وبيييج..
سلامه:اوكيك بترياج..
يلست سلامه عالكنب تتريا هنايف اتي..نقعت ضحك يوم شافت مسجات سلطان ..كان امطرش مسجات كلها يتحرطم جنه الا هندي ما عطوه راتبه..اغلقت تيلفونها عسب يوم يدق ايلاقيه مغلق"عليها حركات"..يت الهنوف..وسارن فوق..حدرن الحيرة وكانت منعفسه فوق تحت..
الهنوف:وااااايه مب حيرة هااي..
سلامه:هههههههه..أكيد حديقة حيوانات..
الهنوف:طالعي هاي لعبة سهول شو يابها..؟؟
سلامه:لا لا الا شنطة يزووي اللي ناسيتنها..
الهنوف:هيه والله..ليش ما باتن اهنيه..؟!؟!؟!
سلامه"تيلس عالشبريه وتفج شعرها":يزووي فديتها كانت بتبات اهنيه..بس ما يبات فستانها..قلت لها ترقد اهنيه ووياها مهروه وظبيوه..هن قالن عادي..بس هي ما طاعت..تبى اتسير بيتهم وترقد لأنها اذا يلست اهنيه اونه بتم اتسولف وما بترقد..
الهنوف:ههههههههه..عارفه عمرها يعني؟؟..بتخبرج؟؟
سلامه"اتفج شغاباتها":شوو؟؟
الهنوف"تعدل العطور اللي ع التواليت":قوم خالي حمدان ليش مايوا..
سلامه:ام حمد يت..الا منيرة ونورة قالن مافيهن اين اليوم وبااجر..عسب نورة اشوي تعبانه..
الهنوف:اهااااا..
سلامه:هنوفي والله زاايغه مدري ليش..؟؟!!
الهنوف:ههههههههههه..فديتج هاه شي طبيعي ..كل عرووس اتزييغ..
سلامه:والله من اشوي يوم يالسين انسولف وياهن مب حاسه ابشي عادي..بس اللحينه ماادري حاسه بارتباك فظييع..وفوق هاذا اللي منرفزني سلطاان ومسجاااااته..
الهنوف:هههههههه..ضاربنه حفووز..سلاموه بسير تحت المطبخ باكلي شي من بعد صلاة المغرب وبطني ع لحمها ما ذقت شي..بغيتي شي اييبلج اياه؟؟
سلامه:ما فيني اعبل عليج فديتج..
الهنوف:شو بسوي انا بعقر 5جعادين..؟؟؟
سلامه:هههههههههه..فدييت رووحج سويلي اي شي عاااااادي عندي..
الهنوف:اوكيييك..شوفي شو بييب لج..؟؟>>واتطالعها بمكر..؟؟
سلامه:اخاف انج بتذبحين لي ارنب وبتييبنه لي..
الهنوف:خخخ..شكلها جيه السالفه..بااي..
سلامه:بيبااي...
ظهرت الهنوف وهي لابسه تنورتها البيج واللي فيها شك احمر وبدي احمر وجاكييت جلد بييج..كانت لابسه شيله فيها تطريز من صوب واحد بلون بيج واحمر..وراسمه اعيونها..وحاطه قلووس..ومظهره قصتها البنيه ومخليتنها ع صوب وااحد..
ظهرت من الفله سايرة للمطبخ..ومن حدرت حطت التيلفون ع الطاوله.. فجت الثلاجه وظهرت حليب المراعي..ودورت ع الكرون فليكس..ومن ظهرت الصحون دق التلفون ..سارت صوبه ومن شافت "فطوم العنز"..سحبت الكرسي ويلست..
الهنوف:هلا والله..
فطوم:والمهلي ما يولي..حيالله قووم العيييين..
الهنوف:بعدنا فدييتج قوم بوظبي..دااااار الظبي..شحالج العنز؟؟هههههههه..
فطوم:ضحك بلاااااا ضرووووس..
الهنوف:امين ع الداااااااعين..
فطوم:وياا ويهج؟؟شحاالج وعلوومج وشو مسويه وشو سويتي اليوم ومنو يأ؟؟ وشي عرب واايد ومتى بترقدين وشو تجهيزاتج.؟؟؟!!
الهنوف:هيدي هيدي عنلااات ذي الويه..عنبوووه مليون الف حرف في الدقيقه الوحده..جنج الا راادو على قول يدووه..
فطووم:هههههههههههههههههه..تف تف تف عن اتصكيني بعين اللحينه..
الهنوف:افا بس افا يا العنز..
فطوم:شو بلاج اتقولين لي العنز يالسبااااله..
الهنف:هههههه..مسيفه رقمج باسم فطووم العنز..
فطووم:ياالقعتيه؟؟ماااالت على هالشيفه..اللحينه انا عنز يا سباالوه في ذمتيه ان ما سيفت رقمج باسم هنووفي السبالوه..
الهنوف:هههههههه..وااااااااايد قوويه..
فاطمه:هناااايف؟؟بتخبرج؟؟
الهنوف:اعيووون هنايف؟؟
فاطمه:شو شفتي اسعيد..؟!!؟!؟؟!؟!؟!..
الهنوف:وين تبيني اشوف سعيد..اتصدقين ما اريد اشوفه..
فاطمه:افا والله ليــش مــا تبيــ...........؟؟؟
الهنوف"اتقاطعها":سمعي فطووم والله والله والله محد عندي...انا يالسه في المطبخ وابغي اسويلي عيشه ولسلاموه..فديتج بحط ع السبيكر عسب ارمسج وانا اسوي الكرون فليكس..
فاطمه:متأكده محد عندج..؟؟!!
الهنوف:هيه والله ارووحي في المطبخ العرب كلهم ارقوود..
فاطمه:اوكيك..
وتحط الهنوف التيلفون ع السبيكر واتنش اتحووم في المطبخ اتجابل شغلها..
الهنوف:اوكيك وين واصلين..؟؟
فاطمه:اتخبرج لييش ما تبين اتشوفين اسعيد شو اللي مستوي؟؟أحيييدج تتمنين نظرة من عيونه؟؟لا يكون عفتييييييه؟؟
الهنوف"فااجه اعيوناتها":فااااااااال الله ولا فاااااالج ياا ويه العنز..اموووت ولا انسى سعيد..اتخبلتي انتي ولا شوو السااالفه..؟؟!!
فاطمه:عنبوووه كلتينيه بقشووري..اعصاابج اعصاابج انا حطييت احتمالات فقط لاغير...
الهنوف:لعلج الحووم ويا هالإحتمالات..صخي صخي يلا..فطووم تعالي انا ما خبرتج باللي استوى..
فاطمه:بسم الله الرحمن الرحيم..بلااااااج شوو مستوي..؟؟
الهنوف:اسعيد يا فطامي اسعيد..
فاطمه:وبلاااه اسعيد شو حل عليه..؟؟
الهنوف:يييييييها..ياااهالهم اللي ظواني ..حل على قلبه الحزن..
فاطمه:سبالوه دامج بترمسين جيه ببند افويهج..جيه خبرينيه السالفه خليني افهم مب اسمعج جني الا بقره شاايفه حرييجه.
الهنوف:اوكيك اوكيك ريلااااااكس لا اتعصبين....سمعي..؟؟
فاطمه:أسمع..
الهنوف:اتحيدين يوم خبرتج انيه متعرفه على وحده من النت...وظهرت وحده من عربنا..يعني انعرفهم..
فاطمه:هيه وقلتي انها خت ميثوه راعية الهير غنااة قلب سعيد..سوري سوري هنوفي ماكان قصدي اقول هالكلام..
الهنوف:فديتج لا تااخذين ابخاطرج..هاه شي انا اعرفه..من اول كان يحرق اعصابي..بس اللحينه يخلي اعيووني تذرف دمووعها.."وصوتها مخنوق"..
فاطمه:فدييتج هنوفي اذا السالفه قويه جيه لا ترمسين وتعبين قلبج..
الهنوف:لأ لازم انا اخبرج..بس ما لقيت الفرصه..السالفه استوت يوم سرتي عند قوم خوالج في الشمال..ومن ييتي بوظبي انا سرت العين..ما لحقت اخبرج..
فاطمه:فديت قلبج..بس قوليلي عسى ما أذتج هااي اللي تعرفتي عليها..؟؟!!
الهنوف:اسمها ميرة..الا اذتني واذت سعيد واذت ميثا..
فاطمه:جيه شقايل اذتكم وهي ميلسه حيرتها ولا ترمس حد..لعنبووها من سااحره..
الهنوف:شوو اقوولج يا فطوم..انا استغربت من هالإنسانه وتأكدت ميه بالميه..الا مليوون بالميه انها تعاني من حااله نفسيه..عيل في ناااس يهدمون حيات خوانهم ..ويفرقون بين حبايبهم..غرييييبه والله غرييييييبه..
فاطمه:اوووه..ردينا للطير ياللي..رمسي زييييين..بلا تعقيدات ..
الهنوف:خلاص خليني ارمس..طال عمرج هاي ميرة علاقتي وياها كانت اوكي..وخبرتها اني احب سعيييد واني امووت علييه..وحلفت انها اتساعدني ان سعيد ينجذب لي ويطنش ميثوه..فطووم والله والله ماكنت ادري ان هالعلاقه بتسوي جييه..وماا كنت ادري ان هالإنسانه بمنتهى النذاله..حلفت لها انها ما تمس سعيد بشر..وتخليه ويا ميثا لأنه مستاانس..ومرتاااااح..ورااحة سعيد من راحتيه..وانا استانس وااااايد يوم اشوفه مرتااح ومستانس ولا يعرف الهموم..بس هالنذله ميرة..تدرين شو سوت؟؟
فاطمه:شوووووو؟؟حرقتي اعصااابي..؟؟
الهنوف:ساارت رمست سعيد تيلفون ومسويه عمرها ميثا..اول شي اكييد ميثا طااحت من عين سعيد..لأنها ساوت نفسها من البنات اللي يرمسن شباب..وثاني شي..كانت اتخرب علاقة ميثا وسعيد..اتسبه وترضى علييه..اتودرة وترد له..لييييين ما يت الليله اللي اكدت بفراق ميثا وسعيد..رمسته تيلفون..وقالت انها ما تحبه..وانه سعيد جذاب ونذل وماادري شوو..يعني عطته كلام الريال ابد ماا يرضاااااه..اتخيلي ان سعيد سار المطبخ وشاف ميثوه اهنااك..ولعن خير خير خيرها..وحلف انه ما يردلها لو شوو ماصار..
فاطمه:امبييييييييييييه..وانتو منو مخبرنج هالسالفه التعييسه..؟؟
الهنوف:منوو غيرها ميييرووه النذله..داقه اتخبرني بسوااااد ويهها..
فاطمه:ييييييها..هنوفي انتي تذكرين يوم كنتي تطلبين منيه افرق بين سعيد وميثا..واللحينه لييش استويتي ما تمنين هالشي..؟؟
الهنوف:شوو اقولج يا فطامي..ترومين اتقولين عني كنت غبيه نذله غيوورة..كنت ما اعرف ان اهم شي ان خلك ايكون مرتااح ومستانس افحياته..ذييج الساعه انت بتحس انت بالفرحه..وهاذا هو معنى الحب مب انا نحاول انفرق بين اللي انحبهم وحبايبهم..عسب يجابلونا ويتفرغون لنا..او بالأحرى يهتمون لوجودنا..ادري والله ادري..انيه ولامرة طريييييت افباااال سعيد..انا وحده ابد ما اتهم اسعيد على قد ما هو يهمني..هو بالنسبه لي كل شي..هو عيوني اللي اشوف ابها..هو قلبي اللي ينبض لي في الحيااه..هو روحي اللي اعيش بها..هو كل شي كل شي..بس حكمة ربج يا فطووم..اسعيد ولا يدري عن هوا دااري..اسعيد متجاهلني امنطشني ماسحني من قائمة الأشخاص في حياته..واذا سعيد تجاهلني..يعني الحياة بالنسبه لي وقفت اهنيه..
"وبدت اتطيح دموعها وانهارت ويلست ع الأرض"..فطوم ما تتوقعين شكثر خبر فرااق ميثا وسعيد جاااسي على قلبي..شكثر اثر فيني..تخيلي ليلتين من بعد هااك اليوم واناا ما رقدت شرات العالم والناااس..
فاطمه:هناايف وانتي لييش حارقه قلبج على فراااقهم؟؟
الهنوف"تصيح اصيااح يحرق القلب"..:لأن سعيد اللحينه تعبااان..اسعيد متألم..حزين..افذمتج هالشي بيسرني؟؟..بيونسني..؟؟هالشي يكتب علي ان اصيييييييح عذاب اسعيد ليل ونهااار..ودي يا فطامي اشووفه؟؟عسب اخلي جرووح قلبه اييوني جرح ورى الثاني..وما ودي اشوفه..اخاف عيوني اتخوني وتذرف ادموعها جدااامه؟؟والله انيه محتاااااره..
فاطمه:يالله عنيه فدااج..الهنوف انتي وااااايد اتحملتي افهالحب..واايد واايد..ومحد اتعذب في الحب شراااتج..اتعنيتي فيه وااااااايد..واثر في حياتج العاديه بعد..من يوم عرفتج..وانتي اتبااتين وتفكيرج بسعيد..من يوم عرفتج وانتي تعانين بسبة اسعيد..من يوم عرفتج وانتي اتصيحين اسعيد..من يوم ما عرفتج وانتي حياتج كلها اسعيد..ادري اتحبينه والله ادري..ليش ما تنسينه عسب ترتاحين..؟؟!!؟؟!!
الهنوف:ظنج بقدر انساااااااه؟؟لو انسا العالم كله..والله والله والله اسعيد ماا ارووم انساااااه..ميثا ميثا اللي حبته والكل يدري انها اتحبه..اليوم بمجرد خلااااف تركته..تتوقعين انا؟؟اللي كاتمه السر..اللي كااتمه هالحب كله..انساااااه؟؟؟يوم اتشوفيني نسيته اتأكدي انيه غديت مينونه..
فاطمه:ااااااه يالهنوف..اسميج قويه عيل منو بيتحمل هالعنا كله..
الهنوف:فديييتج فطامي غثيتج ويااااايه..
فاطمه:زعلتيني ترااج..من متى بينا هالرمسه..؟؟
الهنوف:افا والله ..لا تزعلين مني ولا بييكم بيتكم اللحينه..
فطامي:حياااااااج ....يلا تعاليلي..
الهنوف:مصدقه العزيزه..فطوم تامرين ابشي..بسير بودي العيشه صوب البنيه اكيد ماتت من اليووع..
فاطمه:لا غناتيه تسلمين..سلمي على سلامه وباركي لها..
الهنوف:****اااااااالله..
فاطمه:يلا مع السلامه..
الهنوف:فدااعة لله..
بندت الهنوف..وشلت الصينيه والتيلفون..وظهرت من المطبخ..وكلها "ألـــــم"..
؟!؟!؟!؟!؟!؟!............؟!؟!؟!؟!؟!؟!............؟! ؟!؟!؟!؟!..............؟!؟!؟!؟!..
على قد حزن سعيد والمه وعذاابه..وعلى قد صدمته العنيفه اللي شللت اريوله وما رامت اتشله.."كبرت الهنوف افعين سعيد"..
كيف هالإنسااانه اتحبه...الا تمووت في حبه..وهو ولا يدري عن هوى داارها..؟؟!؟؟!؟؟!؟!؟؟!؟؟
كيف هالإنسانه تدري بعلاقته بميثا..وفوق هاذا ادووس على قلبها وتتحمل..؟!؟؟!؟؟!؟؟!؟؟!؟
كيف هالإنسانه اتودر العالم كله بسبته..؟؟!؟؟!؟؟!؟!؟!؟
كيف هالإنسانه تتعذب من عذااابه..؟؟!؟!؟!؟!؟!؟
وكيف هالإنساانه تصييحه لأنه مفارق احبااابه..؟؟؟؟؟!!!؟؟؟؟؟؟؟؟!!!؟؟؟؟؟!!!...
للحظه..نسى سعيد عذابه..نسى حزنه..ودمعه واهاته..للحظه حس سعيد بفرحه تسكن ابقلبه..لأنه هالإنساانه اتحبه..لأن هالإنساانه اتعزه وهو يهمها..
للحظه..حس سعييد بونااسه ما قد مره حس بها..حس انه يعني لهنوف واايد..
وللحظه..حس سعيد بندم وقهر..لأنه ودر الهنوف ولا اهتم بها..وتم امجابل ميثا وختها..
نش سعيد من صدمته..ونش من على الأرض..اللي استوى شتت تفكيرة..حدر المطبخ وكل كلمه قالتها الهنوف تتردد في اصوته..ولا يكتفي..يرد ويسمع صداها..يلس ع الكرسي..ومية الف فكره افباااله..
"الهنوف اتحبني وانا ودرتها ..وميثا احبها وودرتني.. ميرة ختها كانت اتقص علي واترمسني تيلفون وانا الغبيييييييي الكلب اللي كنت ارمسها ليل ونهااار كنت امووت في الثانيه اذا مااا سمعت صوووووتها....ااااااااه"..
من يوم دق التيلفون يأ سعيد المطبخ يبغي يشرب له مااي واييب مااي لحميد..هاذا بدل ما احميد اييب لسعيد مااي..سمع الهنوف ترمس تيلفون وكان بيسير وبيرد للميلس..بس اللي شده..اسمه..كان يسمع اسمه ينقال بلسان الهنوف..ويسمع اسمه من التيلفون..الي شده ان في موضوع يخصه خلااه يوقف ع طرف باب المطبخ الثاني اللي يودي للميالس..كان واقف ومربع يداته..ويسمع القصه الحزينه الأليمه..يسمع المآساااه اللي عاشها..يسمع المعاناه اللي عاانى منها..قصة حبه اللي انتهت بالفرااق..
طوووول الوقت وهو وااااقف..بهيبته..بشمووخه..ومتحمل صدمة ان الهنوف ما تعييش بليااه..متحمل صدمة ان الهنوف اتصييح لأنه متعذب..بس ما اتحمل صدمة ان اللي كانت اترمسه هي مييرة مب مييثا...
سمع كل اللي انقال..سمع معاناااة الهنوف..معاناة سعيد ما تسوى شي جدام معاناة الهنوف..حس باحسااس اول مرة يحس به..وهو يسمع صووت الهنوف مخنووق..حس بندم لأنه معذب ابنيه وهو ماايدري..حس بقهر يوم يسمع صوت ربيعة الهنوف واهي اتحاول اتخلي الهنوف تنسى سعيد..وحس بفرح ووناسه يوم سمع رد الهنوف..وانها مستحييل ايي يوم وتنسى سعيد..
ما منع نفسه ايشوف الهنوف كيف حالتها وهي ترمس..صد صوب الهنوف هي امقفيه..وشيلتها اشوي وبتطيح.بس تفاجأ يوم شاافها تيلس ع الأرض واتصييح وفي الوقت نفسه اترمس تيلفون..تذكر كلماتها واهي اتقول..
%%% فطوم ما تتوقعين شكثر خبر فرااق ميثا وسعيد جاااسي على قلبي..شكثر اثر فيني..تخيلي ليلتين من بعد هااك اليوم واناا ما رقدت شرات العالم والناااس..%%%..
نش وشربله ماااي وانفااسه ينسمع صوتها..شكل الهنوف واهي اتصييح ماا فاارق امخيلته..شكلها وهي منهارة انرسم اللحينه جدام ويهه كأن يالس ايشووف فلم..
يلس ع الكرسي مرة ثااانيه..بس هالمرة بنخليه ايفكر ارووحه بدون ما نعرف شو هي أفكاااااااره..
. . . . . . .
قلب الفراق اللي غدى له حنيني ... ظميان والقصه ماهي جمت البير
لكنها شوقـــــن يدفه ظنـــــــيني ... ياله عساها ماتطــــول المشـاوير
امريكا..
شقة ذياب ومبارك..
هالوقت مبارك وذياب يالسين في الصاله..مبارك حاط الاب توب جدامه..ومندمج في حل واجباته..عكس ذياب اللي يحووم في الشقه مب عارف شو يسوي..اخر شي يلس ايدور على مبارك..ماا عنده شغل؟؟
مبارك:ياااااااخي ييلس فريت رااسي..اتقول عيوز مضيعه برقعها>>>>ههههههه.حكينا نكج يا "عيوز مضيعه برقعها"..بشريني لقيتيه ولا لأ؟؟
ذياب:ههههههههههههههههههههههههههههههههههههههههههههه هههه..
مبارك:أحر ما عندي ابرد مااا عندك.."ويطالع يمين ويسار يدور له شي ايفربه ذياب..اخر شي شل كرتون الكلينكس وفره على ذياب"..عنلااات ذي الويه يالمنتف شو عليك امخلص اللي علييك..وانا ياالس بعدني ماا خلصت..
ذياب:ههههههههههههههههههه..يااخي حط اعصاابك في ثلاجه..
مبارك"معصصب":شوو شايف اعصابي عصير؟؟؟!!!
ذياب"اهنيه نقع ضحك وتم اميود بطنه":ههههههههههههههههههههههه..
مبارك"يفر الاب توب وينش من مكانه":متفيييييج وياااااااا هالشيييييييييفه..
ويمشي ذياب صوب المطبخ اللي كان مكشوف ع الصاله...وفج الثلاجه وظهر بيبسي..
ذياب:مبارك..؟؟!
مبارك"يشغل المسيل وميود الريموت بيده":يااخي ييب لنا سيديهات..طفرت من اللي عندي.."يغير السالفه لأنه يعرف باللي في بال ذياب"..
ذياب:ما مدانا نرمس الا وغيرت السالفه..لا تخاف انا ما با ارمس في السالفه..كنت ابا اقول نزلنا بنسير المطعم اللي قريب من اهنيه..يمكن قوم خليفه الكعبي بيون..
مبارك"يبند المسيل":يلا روحنا..
قرروا يلبسون كنادير لأنهم ملووا من لبسهم المعتاد..كلن لبس كاب احمر على كنادير لونها بييج..واشكاااااااااالهم الصراااااااحه طرررررررر..
ظهروا من الشقه ارباعه..ونزلوا تحت..ولفوا ع اليسار وهم ايسولفون وينكتون ويتمصخرون ع الرايح والراد..
ووصلوا المطعم..وبما انه هالمطعم في حي الكل اللي فيه عرب..كان ممزور عرب..من مختلف الجنسيات..يلسوا على طاوله قريبه من الدريشه اللي كانوا فاجينها وحاطين على الأرض نباتات وزرع وورد باشكال مختلفه وصلت لين نص الدريشه..ومن برع اتشوف الناس راايحه رااده..
يلس ذياب في الوقت اللي تم مبارك يحوط ابنظره في المطعم كنه يدور شي..
ذياب:بلااك يااخي يييلس....؟؟!!!
انقاد مبارك لأمر ذياب دوون ما ينطق بكلمه..
ذياب:اتدور منو؟؟
مبارك:قووم خلييفه الكعبي..
ذياب:تلاقيهم بعدهم ما يوا..اامممم..شوو تبا تااااكل..
مبارك:اي شي..............وتم ايطالع اصبوعه..
ذياب:فيك شي هب طبيعي..يا ريال بلاك مستهم؟؟
مبارك:...........ماااااا فيني شي..انت شو بتأكلنا ولا بتخلينا بيوعنا..
ذياب:هههههههههههه..لالاابشر بأكلك..هد اعصاابك ما شي في هالدنيا ينرزا ان نستهم به..الا شي وااحد..تعرفه؟؟
مبارك:لأ...
ذياب:الحبيب اللي صعييييب منااااااله..
مبارك:...................................... . . .>>عرف انه اللحينه بييب طااري يزوي..
ذياب:اتصدق مبارك..اتولهت ع الإمااااااااراااااااات واااااااااااايد..مادري هالأيام احس انيه استانس من اني افكر ان نص السنه بنرد لبلادنا وما بنرد اهنيه مرة ثااانيه..****ااالله ارد اهنيه وانا بحرمتيه نقضي شهر العسل..
مبارك"بكل قهر":ومنووو هي حرمتك..؟؟؟؟
ذياب"ايصد صوب الدريشه ويتم ايطالعها لين ماا نطق":بعد يبالها سؤااااال..؟؟؟اكييييييييد يزوووووووي فدييييييتها وفديييييييت روووحها وقلبها..
مبارك من سمع هالرمسه ما اتماالك اعصااابه..وده الا يموووت ولا يسمع هالكلاااام..نش من مكانه وسار يطلب..ويوم رد ..يلس وكانت اعصاابه اشوي..وملامحه هااديه وما ادل على اي تعبير...
ذياب:شو افسر هالحركه اللي سويتها..
مبارك:زياادة يووع..خخخخ..
ذياب:هههههههههههههه..
مبارك:شف هالبنيه تراها خت عبدالله..اسمها اليازيه..
ذياب:وينهي؟؟
مبارك:اللي يالسه وراي على طوول..
ذياب:اهااا..مب حلووة وااايد..فديتها يزوووي بنت سهيل اسميها شيختهن كلهن..
..................................وبعدين يعني............................
مبارك:اها يلا انا بسوي لخليفه تيلفون خله ايي تراه اتحير واايد..
كم بيتحمل هالإنسان وكم بيتعذب وكم بسكت عن ألمه..
. . . . . . .
طير الحمامي هيج غرامــــي .... هايـــم هيامي والشوق غلاب
هزعـــت فني يـا طيـر منـــي ....ولا كـــان ظني تطريلي أحباب
ذكرتني بــه ليه اعتني بــــــه .... حــب وحبيبه والشوق جذاب
ولفن يحبـــه قلبــــي ولبـــــه ....ويذوب صبــه كالشمع لي ذاب
ادعج خدلج ومدملج أدلـــــج ....وأغنج وابلج شمس على غياب
وخشم تــورد سيـف مهنـــــد ....وخدن مــــــورد جوري وعناب
ليته درابي وعانا صوابــــــي ....أنا المـــصابي في دنيت أغراب
عــايش بدنيا فيها وهنيـــــــا ... مــــــا لذ هنيا فيها ولا طــــــاب
على صوت ميحد حمد...وفي قاعه من قاعات فنادق العين..كانت اليازيه وظبيه يرقصن عليها..الكل منبهر من رقصهن اللي نسسسسسخه من بعض..وحركاتهن الحلووة..والأحلى جماالهن الفتان وفساتينهن الفووشيه..
كاانن ملكات جمااال ..في جمالهن في اخلاقهن في تعاملهن وفي اسلوبهن....ومن حدرن القااعه الكل يسمي ويتشهد ع الملاك اللي ايشوفونه..
من ايشوفهن ايقول خوات وتوووم..نفس الطول نفس اللبس والميكب والإكسسوارات والتسريحه ..وكل شي..
وصلوا عند طاولة البنات اللي كانت قريبه من الكوشه..منيرة ومهره ونورة والهنوف وروضه..منيرة ونورة فساتينهن نفس الشي..لونها زيتوني على بني..الصراحه كانت كشختهن غييييير..اما الهنوف وروضه..لابسات فساتين برتقاليه..على بني واايد واايد رهيبه..حتى تعديلهن كان كشششششخه..اما مهره اللي كانت لابسه احمر ومحد لابس شراتها ..وميكبها الأحمر..كانت في قمة الجماااله والكشخه..واللي محليها اكثر خجلها الطبيعي..
يلسن ظبيه واليازيه وشربن مااي وتمن ايسولفن ويضحكن ويا البقيه..لين ما نشن وسارن صوب الشاااشه اللي موصله لهم اليوله مالت الريااييل..الكل كان موجود..والوحيد اللي قدر يااخذ الشاره هو سعيد..لأنه يولته كانت من صج مميزة..الكل موجود..منصور..حميد..حمد ..سيف ..ناصر..راشد..حمدان...
منيرة اتخبلت من شااافت احميد...ودها تتخبر علليييه..لين ما سمعت يزووي تترمس..
اليازيه:اسميييه حميييييييييييد شي الصرااااااااحه..عنلااات ذي الويه يا ولد العم..جان ماا حسدنك البناااااااات...تف تف تف..
منيرة:وين حميد اللي انتي خايفه البنات يحسدنه..
اليازيه:هاااذاا هو..راعي السفره البنيه..
منيرة..:اهااااا..
ذااابت مييييييرة...ورااحت في خراايطها يوم عرفت اسمه..الا مااااااااتتت..
ردن البنات ويلسن بعد ما خذن لهن اكل من البوفيه اللي كانوا حاطينه على طرف من اطراف القاااعه..القاااعه كان كل شي فيها لونه وردي..ومزين بالفررااشااات..وحتى الكووشه..حاطين فيها ورود طبيعيه..ومنزلين من فوق فراشات بمختلف الألوان..وع أطراف القاعه..كاانت صناديق مقفله..وحاطينها ع طاولات ..عليها فراشات اصطنااعيه..
اما ع الطاولات كانت في نص كل طاوله..صندووق من خشب نازل منه ورود طبيعيه وحاطين عليه فراشات..الصراحه كانت القاااعه اتخبببببببل بمعنى الكلمه..
الكل مستااانس..والكل فرحاان..وأخيراً حب سلطان وسلامه بيتوج بزواجهم..وبيتمون وياا بعض وبتصير لحظة لقاهم قرييبه وااايد...
وبين ما كانن البنات مرتبشات..ومن غنيه لغنيه..ومن سوالف لضحك..يتهن ميرة وهي كااااااااشخه ع الأخير وباارزة جمالها ابشكل وااااااااايد حلووو..سلمت عليهن وحده وحده..وتخبرتهن عن الحال وسارت ويا وحده تقربلها..اما الهنوف من شاافتها ودها الا تسدحها وتخلي البنات يرقصن فوقها..
مر الوقت ابسرعه..ولا حد حس به..تدرون تراها اوقات فرح وتمر بسرعه..وحان الوقت ان سلامه تحدر القااااعه..وطبعاً الأخ حميد اصر انه هو اللي بيزف اخته لين الكوشه...واكثر وحده ايدته اليازيه..واونه هو ما يسمع الا شوور اليازيه..
وعند الباب اللي بتدخل منه سلامه ويا اخوها..يزوي وموزة وام سلطان وام هادف كلهن واقفات عندهم..موزة واليازيه متعبيات ومتشيلات..
موزة:حميد لا تربع بها..هيد عالبنيه وخلها تمشي اووكي وبشوي شوي..
اليازيه:ههههههههههههه..تدري ليش اتقولك هالرمسه؟؟
حميد:لأنه في عرسها سلطان زفها وربع بها..خخخخخخخخخخخ..كففففففج..
ويضربون حميد واليازيه كف بكف..
موزة:اسميييييكم متفيجيييييين..طاعوا شكل سلاامه كييييييييف؟؟
حميد:فدييييييتخ ختيه اتغغغغغغرم..طالعه ع اخوووها..لا تخافين سلامه بمشيج ع بيض..
اليازيه:ههههههههههههههههه..
حميد:يلا يلا..احم احم يزوي كيف شكلي..
اليازيه:اتغرم اتغرم..طالع على بنت عمك..يلا عاااااده زودتها..
حميد:هيا بنا..
موزة:يلا بسم الله..
انفج الباب في ويه سلاااامه..ومن انفج الباب اتشغلت موسيقي هااديه وااااااايد..ومن خطت سلامه اول خطوه..الصناديق اللي عند الباب انفجت وظهرت الفراااشااات وانتشرت افكل مكان في القاااعه....ومن اتعدي على صندووق ينفج وتظهر الفراشات كلها>>>على فكره هااي زفة ختيه يوم عرسها...
حميد"من سمع الموسيقي":سلاموه تعالي بنرقص شرا الإمريكان...خخخخخ...سمعي الموسيقى انتي..؟؟
سلامه"ميودة يد حميد بقوو":ههههههههه..عنلااات ويهك..
حميد:عرووس وتسبني..صج نااس ما تستحي؟؟
الكل ذكر الله ع الملاك اللي يمشي ع الأرض..""سلامه""..ذوووق افكل شي..كانت من الخااااااااااطر حلللللوة..ميكبها الوردي وحركة الفراشات اللي في شعرها..والإكسسورات وكل شي..
وصلت سلامه الكوشه ..ومن يت انفج الصندووق الخشبي الكبير..وظهرت فرااشااات واايد...وكميتها وااااااايد كبيرة..وباسها حميد ع راااسها..وخلاف ظهر من القااعه..وين الحريم ايسلمن علييها ويباركن لها..
دقاايق وحدر سلطان وياا عمه..وبدى الكل يتصور ..العااايله كلها..ومن بعدها حدروا سعيد وراشد بعد ما غطوا سلامه..وشغلوا المسيل على غنية شط الحشا..وسعيد ييول ويا اليازيه..وخلاف حدر احميد اروووحه"خقااق"..ويلست اليازيه واحتل مكانها حميد في اليواله..وفي الأخير اتصورا كلهم وياااا بعص..وما بقى حد من العاايله ما اتصور..وحلفت اليازيه انه هالصورة محد بياخذها الا هي.. والكل استاانس بهالعرس..اللي ترك ذكرى طيبه افعيين الكل..ومن بعدها سارت سلامه الحيرة اللي في الفندق ..وغيرت ملابسها بمسااعدة موزة..ومن بعدها ساروا المعاريس لدبي..بيقضون ليلتهم اهناك..ومن بعدها بيسافرون مااليزيا شهر العسل..وعين الله ترعااااااهم..
. . . . . . .
بعد هالأحدااااااااااث باسبوووعيييين..
. . . . . .
حبيبي لا تعذب من اذا طال الجفا يقسى...
تولع في هوى حبك وحبك صدق يحلالي..
وانا ما همني الا اشوقك والتقي وياك..
وابدل وحئة غيابك بوصلك يا بعد حاالي..
هالوقت اليازيه ظااهره من كارفور ووياها راشد..وسعيد يتريااهم في سيارته الرنج..من حدروا السيارة ..حركها وصكوا خط سويحان..وراشد ويزووي ايسولفون ويضحكون..وسعيد مرة يشاركهم ومرة يصخ..
دق تيلفون راشد..وعطاااه يزوي عسب اترمس مرة خاله..بس الأكيد مب حرمة خالهم اللي داقه ع راشد..يا ميرة ولا ميثا..
اليازيه:هلا..شحالج ميرة..بخير ونعمه..هيه......شوووو؟؟باركيلها فديييتج..لا افا عليج بس ..دامها ملجه عااديه...وبين هل العروس والمعرس ما فيها شي..مسموحين وبالحل..فداعة الله..
راشد"بلقافته المعتاده":ملجة منووووووووو؟؟
اليازيه"نظرها لسعيد":ملجة مييثا..
انصدم سعيد..وتم ايطالع في يزووي..
سعيد:جذااااااابه؟؟؟جذاااااابه؟؟
راشد:حووووووه يا ريال استهد بالله وشوف طريجك...
سعيد:ميثوووة ادريبها ما اتسوييييييييها؟؟..
ويوم صد جدامه..جان ايشوف شاااحنه شكبرها؟؟؟!!!ويدعمها..وينقلبون من اثر الدعمه عدت قلبات..ادت لحااااااااااادث مآسااااااااوي..
البارت الواحد والعشرين..
يا سيدي يا سيد المــــــلاح..يا مـــنيتي يا راحة الروح..
يا ذا الحبيب اللي له ارتاح..مسموح لو زليت مسموح..
انفجت الصينيه من يد مبارك..فجأة..حس ان فيه شي..وقلبه نااااااغزه..ماادري شعوور فظييع احتوى قلبه الصرااحه ماا رووم افسره..كانوا مستعيلين..اللي يبا يظهر من الجامعه..واللي عنده كلاس..فنش هوعسب يتخبرهم اذا خلصوا او لا..فلقاهم امخلصينه وشله..
ومن طاحت الصينيه كل من فالكوفي تم يطالع مبارك..وايي خليفه صوب مبارك..
خليفه:يااخي بلااك انته..؟؟
مبارك:هاه؟؟.....شو بلاني ما فيني شي...؟
خليفه:هيه صح ما بلاك شي.."ويزقر وحده من اللي يشتغلن في كوفي الجامعه"..
ويسير خليفه بعد ما طلب مرة ثانيه.. ورا مبارك وييلسون عند شلتهم للي عددها خمسه..ذياب ومبارك وخليفه وحمدان وعلي..
ذياب:بلااك مبارك طيحت الصينيه..؟؟فدييتك تاانس شي؟؟
علي:اللحينه سااعه لما ايسون كابتيسينو ثااني..
حمدان:الا ساعتييين..
خليفه:يااا عيال الحلال بلاااكم كلتوا الريااال الا صينيه وطااحت.."ويهمس لمبارك"..شو فيك مبارك اليوم مب على بعضك..وين سوالفك وين حشرتك وتعليقاتك..
مبارك:ماادري شو اللي حل علي..احس عمريه متضاااايج حييييييييل.."وينش وياخذ دفاتره وكتبه وشنطة الاب توب.."يلا براايكم انا بسير..
ذياب:انزين اتريااا شوي..بنسير كلنا اربااعه..
مبارك:احس رااسي بينفجر..بسير بوطي راسي اشوي..
علي:والكاابتشييينو منو بيشربه..؟؟
مبارك:ههههه"من ورى خاطره"..ماا يغلى علييك يا بوحسن..
خليفه"يبند الاب توب":مبارك بغيتني اسير وياااك..بوصلك وبرد عندي كلااس..
مبارك:ماافيني اعبل علييك يا رياال..يلا تامرون بشي؟؟
الكل:سلاامتك..
مبارك:الله يسلمكم..
وقفابهم وهو يسمع حمدان ايقول..
حمدان:بوسهيل بلااه توومك جييه؟؟منقلب حاااله..
ذياب"بألم":والله ماادري..أحس روحي بتظهر من مكانها يوم اشوف حالته جييه..من يهدى اشوي برمسه..ليت اللي فيه فيني..كله ولا بوحمد علني فداااا قلبه..
"فدييييييييتك يااا ذيااااااب فدييييييييت رووووحك..والله والله ماااا اخليك تعيش حياتك حزييييين..يعل الفرحه دووومها افحياتك.."
رددها هالجمله افخاطره..وظهر من الكوفي..ومشى اشوي ..ووقف..ماا يعرف لييش وقف..بس حس ان فيييه شي..ولو تبوون الصدق..حس ان هل سويحان حلت علييهم امصيبه..
ومن يت هالفكره افباااله..اتحرك من مكانه..وظهر من الجامعه...
"من هالموقف وااااااايد منكم ما بيصدقووون..ترى هاذا الموقف مستوي ويا ربيعتيه في المدرسه..اتخيلوا كانت شااااله فايلات بنات الصف ..وفجأة جيه طيحتهم..مع انه محد دزها او وقف جدامها..وتمت طوول اليوم متضاايجه حيييل..وفاجأتني اليوم الثاني يوم قالت لي ان ولد خالتها"تراها اتحببببببه موووت"..استوااااله حاادث..سبحان الله كيف حست فييه..مثل ما مبارك اللحينه حس في يزوووي"... . . . . .
لو حكمــــــني بالعدام..اهــــون من الإبتعادي..
هو ملكـــــني بالزمام..منيــتي وغاية مرادي..
يوم لأحد..
الساعه8ونص..
حدر سلطان المستشفى وهو طاوي سفرته على راسه وفاج اول عقم افكندورته..وسلامه وحميد ورااه يمشون..الا يربعون ومب رايمين يلحقونه من كثر سرعته..
كان في ماليزيا يقضي شهر عسله..بس يا فرحه ما تمت..دق عليه احميد وخبره عن الحادث اللي استوى فاخوانه..
اول ما دخل العنايه المركزة..شاف اليازيه وسعيد يالسين ع الكراسي..وبكرسي بعيد عنهم اشوي امه ويا عموته عايشه..وظبيه واقفه افمكان بعيييد عنهم..ومنصور واقف عندها..
اول ما ياهم..الكل نش من شافه الا اليازيه اللي اتطالع تحت مكان اريولها.. اللي صدت اتطالع امها وهي متجاهله كل هالحشره..بس انصدمت من شاافت سلطان لاوي ع امها..اللي كانت تصييح افحظنه وتم يهديها ..ماا رام حتى يتخبر عن حالهم وضاااعت كل كلماته جداااااام ادمووووع امه..اللي ما شافها الا في يوم وفااة ابووه..
كان توه امسلم على سعيد ومنصور وما نتبهت له..ماا صدقت من شااافته..الإنسان اللي اتحس براحه وامان وطمأنينه..من اتشوفه..ربعت عنده وكأنها ماا شافته من سنه..مب الا سنه من اربع سنين؟؟!!؟؟!!؟؟!! خمس اسنين...عشر سنين..؟؟؟!!!!
ربعت عندها ودمووعها ع خدها اتسيل..لوى عليها بكل قووة..وانفجرت اتصييح بصووت عااااالي اثر على سلطان..حس انه هااي مب اخته..هااي بنته..وحس انه فقدهم واااايد..وتوله عليهم وعلى سوالفهم.......
اليازيه"بدوون ما تدري شتقول":ابووووووويه والله ان ودرتني مرة ثاانيه بمووت دخييلك ايلس عندي انت ماا شفت شو حل علينا من روحت..
الكل سكت ومحد رام يظهر كلمه وحده بس..الكل تذكر حالة اليازيه يوم اتوفى ابووها..نفس الرمسه اتقولها ونفس منظرها ..كأن السنين عااادت لورا..كأن اليوم هو نفسه ينعااد..وكان شريط الذكريات هو نفسه ينعرض..
الكل كان ملتزم الصمت ومحترم مشااعر اليازيه..الكل كان محترم اللي اتمر به اليازيه اللحينه..
طووووول هاليومين اللي قضوها في المستشفى..اتحس عمرها ضااايعه بدوون سلطان..وكانت من اتشوف عمها تيلس عندها وماا اتفاارجه ثواني..ومن يظهر من المستشفى اترد لحالتها وصمتها..حميد حميد مااا رام يردها نفس قبل..اما سعيد ما اظني اقووول شو بيحسبه..من بعد هم فراااق ميثا..الله بلاه بندم فظييع..يحس ان كل اللي استوى بسبته..
ملجة ميثا ما اثرت على سعيد نفسيا وبس..اثرت على راشد واليازيه اللي ماالهم ذنب في السالفه..من استوى الحااادث وسعيد مب سعييد ابدن..سااالي بيلسته بعييد عن عربه..امه امه ماا راام يهديها ولا يواسيها..صلاابة سعيد وقوته الأوليه..كلها ضاااعت جدام ألم خوانه..وصياح امه ودموعها اللي اتسيل بدون ما توقف..
سعيد ما استواابه شي ابدن..الا انه قطعه من جامة السيارة الأماميه دقت افمكان قريييب من خشمه..وشوه ويهه وااااااايد..ويهه اللي يذوووبن البنااات من حلااااته..اللي ميزه ربي بحياته المقارين وخشمه السيوفي..وبعد عنا ظهروا هالقطعه وسووله لصقه علييها..
اليازيه..ما استوابها شي الا ان يدها اليمين"اللي كانت ع الباب"..اتحس بألم فظييع..ومسويين لها جبس اللحينه..وهاذا من غير الأااام اللي شبه بسيطه اتحس بها..
راشد..؟؟؟!!؟؟!!...للحينه محد يعلم ابحااالته..؟؟؟!!؟؟!!..من يومين قالوا لهم ان حالته مااشيه اوكيك..بس انصدموا يوم شلوه العنااايه المركزة..؟؟!!!
الكل يلس من بعد هاللقااء الحار..سلطان بين امه ويزووي..سلاموه وحميد وظبيه ومنصور يالسين على الكراسي دوون محد يرمس..والعمه عاايشه يالسه افمكان ارووحها..اما سعيد واقف عند حجرة رااشد..
سلطان:وووينه رااشد اللحينه..؟؟؟
منصور:توهم اليوم امودينه العنايه المركزة..ومن نص ساعه والدكتور للحينه ماا ظهر..
سلطان:نص ساااعه؟؟؟!!!!!آآآآآآآآآآه..
تنهد سلطان من خاطره..ووخى براسه تحت والهم والحزن باااين ع وييهه..وتم يدعي ربه ان راشد يتم ابخير وعاافيه..طالعته سلااامه وهي بعد اتحس بحزن..كان ما ودها هالشي يستوي لعيال عمها..خواااانها...ولا ودها حبيبها سلطان يتعذب وينحرق قلبه..وفي لحظه نسى حميد وظبيه كل اللي بينهم..من بعد ما شاف حميد ظبيه اتصييح بصوووت وااطي قالها..
حميد:ظبيووه الغبيه مفرووض ما اتصيحين..خلج وياا اليازيه..تدرين انتي اليازيه توأم رووحي..
ظبيه:****االله..
من بعدها كلن نسا ان هالإنسان عذبه افيووم..
.................................
ظهــــــــر الدكتووور
................................
والكل فز من مكانه..ودهم يسمعوون خبر ايفرح قلووبهم..ويسعدهم من بعد الهم الي عاشوه يومين افهالمستشفى..
الدكتور:انا ما أدرش اعملكو حااقه..دل الولد ايعاني من شلل نصفي؟؟!!!؟؟؟!!
ما اقدر اوصف لكم شو اللي استوى..كيف انهاروا..كيف صاحوا..كيف تألموا...كيف عانوا..ماا أقدر اوصف لكم المشهد الفظييع اللي من اوصفه بتبكي اعيونكم وبتتعذب اقلووبكم..كيف اوصف لكم عن الألم اللي عاشوه من سمعوا هالخبر التعييييييييس..توهم..توهم من اسبوعين مستانسين بسبة النتاايج الحلووة..توهم من اسبوعين مستانسين بعرس سلطان وسلامه..توهم من اسبوعين كانوا ايعيشون الفرح..كانت البسمه مرسومه على ويه كل واحد فييهم..كانت الوناسه والفرحه نااشرة عبيرها افكل مكان ..بس سرعان ما تلاشت كنها طيف عابر..او حلم تلاشى مع شروق الشمس..سرعان ما اختفت عنهم..وظهر لهم الحزن والهم..القهر والضييج..
تم سلطان ايطالع الدكتور لما يوده من رقبته وده الا يذبحه..
سلطان:جذااااااااااب علنلااااااااتك يالسبااال تتبلى على خوويه..؟؟!!
الدكتور:إيه يا قماعه إيه ده..دنا ما أكدبش...هد أعصابك يا أخي وخلينا نتفاهم..
تصرف منصور وحميد وفجوا الريال عن يذبحه سلطان..ترى والله ايسويها..تموا ايهدوونه ..وسلطان بين مصدق ومكذب..صج كاااان في حاله محد يحسدها عليه..لا صديق وولا عدو..
سعيد..ويييييييييييل حاااااااالك يااا سعيد..اي شعور سكن قلبه وهي يسمع بشلل اخووه...أي ألم عااش ابداخله وهو يسمع عن شقا اخووه..أي قهر وندم حس به وهو يفكر انه راشد اخووه راعي الدرايات..خلاص ما بيركب دراايه مرة ثاانيه..ما بيدخل بيتهم وهو ايشووف راشد فوق درايته ..ولا بيشوف ذيك الدرايات اللي تعدت 25درايه..كااااااانت ملامح اسعيد جااامده ما ادل عن اي شي..يلس ع الكرسي ابكل هداوه..يتريا حد ايقوله يحدر على رااشد..
ما تصدقون لو أقولكم ان ولا دمعه نزلت من عين اليازيه من سمعت هالخبر..ماادري؟؟!!اذا كانت تحت تأثير الصدمه..او انها استعادت قوتها المعهووده من شوفة سلطان..لوت ع أمها اللي كانت اتصيييييح بكل قهر..اتصييييييييح حال ولدها اللي ما كمل 16سنه..يلستها ع الكرسي..وتمت اتهديها واتسمعها من الرمسه الزينه عسب تهدى نفسيتها اشوي..
دقايق مرت ووصل عمهم عبدالله..اللي من دخل فز الكل لوجوده..مشى بهيبته الطاااااغيه ع الكل لحجرة الدكتور وهو متجاهل وجود الكل..متجاهل هالأحزان اللي امبينه ع ويوهم..مرت نص ساعه وعبدالله ميلس في حجرة الدكتور..ومن بعدها نشوا سلطان وحميد وسعيد ومنصور صوبه في الحجره..ويلسوا يتناقشون ويااه ويعرفون شو هي حالة راشد بالضبط..
ومن بعد ما تفاهموا على كل شي..ظهروا كلهم بعد ما سمح لهم الدكتور انهم يحدرون على راشد..بس ما يكلمونه ولاشي ..لأنه بالأصل رااقد..ومب حاااس فييهم أبد..تراقبهم عين اليازيه..وهي ودها اتعرف اللحينه هم شو يقولون..بس سمعتهم وهم يرمسون..وفهمت اللحينه هم شو بيسون..؟؟دقايق مرت وبوحميد يرمس في التيلفون..مرة يحجز في المطار..ومرة يرمس ذياب ومبارك..ومرة يرمس المستشفى اللي في امريكا..لين ما رد تيلفونه في مخباه..وصد صوبه الشبابيه اللي امجابلينه..
بوحميد:سمعووا..من باجر حميد وسعيد بيسافرون ويا راشد امريكا..بيتعالج في مستشفى انا وااثق منها..ترى ذياب ومبارك حلفوا انيه ما احجز لكم شقه ولا شي..وان شقتهم بتسدكم كلكم..وفي المستشفى اول شي بيسون له عملتين في ريوله..وخلاف بيتامشون ويا العلاج الطبيعي لمدة اربع شهور..ومن اللحينه اخبركم ماا ريد حد ايخبر راشد انه يعاني من شلل نصفي..
وبجيه محد علق عليه لأن كل شي كان مفهوم وواضح..والكلمه من عادات البدو ما يثنونها..ومن بعدها استووا يحدرون على راشد..اول شي سلطان وسعيد وحميد..ومن بعدها بوحميد ومنصور..وبعدين يزوي وامها وعموتها..وأخر شي ظبيه وسلامه..وبطلب من بوحميد انه محد ييلس في المستشفى الليله..ومحد ايبات عنده..لأنه ما بينش الا بااجر الصبح..وبجيه..بدى الكل يظهر من المستشفى..امخلين رااشد ارووحه..الا انسان وواحد حلف انه ما يظهر من الحجرة الا برااشد..
بوحميد:يا بوعسكور الله يهداك بتبات اهنيه الا اتفكر وانته مجابلنه..
سعيد:والله انيه ما اظهر من هالحجره الا براشد..انا برقد عنده وما بيستوي الا الخير..برايك عمي طولي بعمرك جانك بتسير سر..تراني مب متحرك من مكاني..
بوحميد:خلاص براحتك..سعيد اغد ريال وخلك قوي..ولا اتتم مستسلم لهالأفكار..خل ايمانك قوي..انته تعرف انه هاذا قدر مكتوب من عند رب العالمين..
سعيد:لا توصي يا بوحميد..ترانا الا عيالك تربية ايدك..
ويبوسه ع رااسه..وبجيه ظهر الكل من المستشفى من بعد ما خلوا سعيد وراشد ..
. . . . . .
من زمانن وانت عن العيون غايب..وافغيابك كم صابتي مصااايب..
وش يسلي النفس في بعدك حبيبي..كل دقيقه اتمر في قلبي لهايب..
بيت بو سلطان..
حجرة اليازيه..
الساعه 12ونص..
كانت توها اليازيه حادره حجرتها..بطلت الليت..وتمت اتطالع في كل ركن افحجرتها..كأنها اول مرة اتشووفها..دارت بنظرها تشوف كل شي..لين ما طاحت عينها ع الشبريه..وطاحت عليها وهي بعدها لابسه عباتها وشيلتها..وتمت اتصييح وهي تتخيل راشد ع الكرسي..صج كان الحزن مسيطر عليها..وامبين من ويهها..من الهالات السودا اللي ظهرت لها تحت اعيونها..
نشت من مكانها وفسخت عباتها..ومرت نص ساعه..فيها غيرت تغسلت وغيرت ملابسها..وسحت شعرها وصلت لها ركعتيين وتمت تقرا قران..لين ما وصلت الساعه1..نشت من مكانها وسارت صوب شبريتها..فيلست وفجت السيت..وظهرت منها المنبه عسب اتنش من وقت بااجر وتسير وياهم المستشفى..دقايق مرت وتمت تسمع حد يدق عليها الباب بقووو..فزت من مكانها زاايغه..وشعرها طايح ع ويهها..فجت الباب الا اتشووف ظبيه ميوده التيلفون مال عموتها عايشه..
اليازيه:ظبيووه بلااااااج؟؟
ظبيه:الله بلاني ببروك..يزوي هاذا بروك يبغي يرمسج..بتريااج في الصاله..تراني ييت اربع في نصوص الليالي..
ويودت يد اليازيه وحطت التليفون وسارت تيلس في الصاله..حدرت اليازيه حجرتها ..
!!؟؟؟مبااارك؟؟؟!!
وينه مبارك عن كل االلي استوى..وين مكانه في هالأحداث اللي استوت..ليش نسيييت مبارك ولا يأ على باااالي..شو الللي حل عليه..من متى وانا انسى مبارك..
حطت التيلفون على اذنها تسمع نصخ مبارك..وهي متألمه من هالفراق القاسي..تموا فتره وهم جيه..ذكرتها باليوم اللي رمست فيه مبارك...نفس الوقف يتكرر..يسكتون وكلن يسمع نصخ الثاني...لين ما بدا مبارك كالعاده وبصووت متألم..
مبارك:شاللي في خاطرج..؟؟؟؟؟؟؟؟قوليلي ..؟؟
اليازيه:من زمان وانت عن العيون غايب..وبغيابك كم صابتني مصايب..
وش يسلي النفس في بعدك حبيبي ..كل دقيقه اتمر في قلبي لهايب..
مبارك:حكمت الأقدار تبعدنا وتجرح..اه ليتنا على الدنيا قرار..
وين يرحل وين تسريبه سنينه..من غدى في سحرك الفتان ذايب..
وين يرحل وين تسريبه سنينه..من غدى في سحرك الفتان ذايب..<<تعمد ايقولها مرتين..
من زمانن وانت عن العيون غايب..وابغيابك كم صابتني مصااايب..
اليازيه:شو من مصايب حلت عليك يا مبارك من فرااقي..؟؟
مبارك:اااااه ياليازيه لييتج تدرين باللي حل عليه..جانج والله الغالي ما اتعاتبين بهاذا العتااب..من بعدج تألمت والله الغالي تعذبت..عذاااب غرييب ما اظني حد يرووم يتحمله..يزوي انا محتار.. محتار بينج وبين ذيـــــــــ.............
اليازيه:مبارك بلاك صخيت كمل محتار بيني وبين منووو؟؟شي سالفه استوت وما بغيت اتخبرني....
مبارك:لا سالفه ولا هم يحزنون..المهم طمنيني علييج؟؟
اليازيه:شوو اقولك يا مبارك..يومين قضيتهم في المستشفى ودموعي هماله..
مبارك ابغي افهم وييينك عني..انت ما تعرف باللي احسه..مفتقده وجودك يا مبارك....
مبارك:علني فداااج يالغويلي..ودي والله ودي اكون عندج اللحينه..فهمي ظروفي يزوي فدييتج فهمي ظرووفي..بلااج انا ماا أعيش..اللحينه انا مب عاايش..
اليازيه:ع الأقل لو انته اهنيه في حد بكون حاسه وياه بالأمان..
مبارك:فديييييت رووحج وقلبج ياااغلااي..والله اليازيه أحبج..لا اتحسبيني في يوم اجذب عليييج..والله حالتيه من عقبج مب حااله...لو اتشوفيني ما اتصدقين انيه مباارك..اااااااااااه ليتج عندي اللحينه..
اليازيه:.......................................... ...>>ما تبى ترمس..
مبارك:راشد ****لله بيينا وبيعالجونه بيرد لطبيعته..ما ابااج اتحاتين..اوكيك غناتي..؟؟
اليازيه:اوكيك..
مبارك:ادريبج انج للحينه ما ذقتي شي..سيري كليلج شي..
اليازيه:شوودرااك؟؟
مبارك:اعرف..قلبي ايقووولي..
اليازيه:................................
مبارك:يزوي بغيتج ترقدين ولا تحاااتين..ابغيج تتهنين في رقاادج.لا تنسين احلميني.....
اليازيه:ههههههههه..عناد فيك ما بحلمك..بحلم راشد خوويه..
مبارك:ههههههههه..علني فداااج..تامريني بشي؟؟؟
اليازيه:سلامتك..مبارك اتحمل على عمرك..وانتبه لدراستك..
مبارك:لا توصيني فدييتج..
اليازيه:الله يحفظك..
مبارك:فداعة الله..
بندت اليازيه التيلفون بعد ما حست بالراااااحه..كلمات بسيطه من مبارك ردتلها عزيمتها الأوليه..وقوتها المعهووده..بس لامت نفسها انها ردت ورمسته..وحلف بالله انها ما اترمسه تيلفون مرة ثاااانيه...اتحس انها اتخون هلها..ظهرت من حجرتها وشافت ظبيه راقده ع الغنقه..جان اتيي صوبها وتضربها ع راسها ضربه قويه..جان اتباغم ظبيه وتشغل ونانها..
ظبيه:آآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآي..يالمجرمه البقره..
اليازيه:ههههههههههههه..سكتي سكتي عنلاتج يا سبالوه..سلامه اول ليله ترقد عندنا من عرست..خلهم يتهنون عن اينشون من بغيمج يالبغام...
ظبيه"اتنش من مكانها":رمستي الحبيب..
اليازيه"اتسير حذال ظبيه وينزلن من الدري":هيه..حسيت عمري نشيطه من رمسته..
ظبيه:شوو اخووي حليب ينشط..ههههههههههه
اليازيه:هههههههههه..صخييييييي المعاريس ارقووووووود..
ظبيه:وااااايه التراب..زيغتيني..شو قاااااااالج ؟؟
اليازيه:منوو؟؟
ظبيه:برووك سراق تواير عن الحركات القرعه..
اليازيه:ماااااااالج خص.
ظبيه:تدرين شفت منو اليوم الصبح في المستشفى..؟؟
اليازيه:منوووو؟؟؟
ظبيه:شفت عبيييييد...
اليازيه:شوو حبيتيه؟؟ما مداج من يومين حبيتي حميد..
ظبيه:سخيييييييييييفه..
اليازيه:اسميكم انتوا الأثنين تتشابهون..قلوبكم فنااااااادق..
ظبيه:تااااااااااافهه..بس عبيد غير ما شفته سوابي شي..يلا مع السلامه بسير بيتنا..تعالي وقفيلي..؟؟
اليازيه:ههههههه..تنكتين ولا تحاولين؟؟
ظبيه:ييتج قبل اشوي اربع واصد ورايه اشوف جان حد وراي ولا لأ..
اليازيه"تيلس من الضحك متخيله شكل ظبيه":هههههههههههههههههههههههههههههههههههههههههههه ههههههههههههههههههههههههههههههههههههههههههه....... ......كككككككككككككككككككككككككككككككككككككككككككك كككككككككككككك....
ظبيه:انا الغبيه خليت عمري مطنزة جدااااااامج..
اليازيه:هههههههههه..مرة ثانيه لا تبوحين باسرااااارج..عسب ما تستوين مطنزة..
ظبيه:يلا برااايج..
وتظهر ظبيووه وهي تربع راده لبيتهم..اما اليازيه ردت للمطبخ وتمت تاكل لين ما حست بالنعاس وسارت ترقد وقلبها ع راشد اخووها..وحالة سعيد النفسيه...
. . . . . . . .
ياليتك بـــــس لو تدري..عن اللي بي من اشواقي..
مديمن شاغــــلن فكري..حـــــبيبي الشوق حراقي..
بيت بو ناصر..
الصاله..
كانت الهنوف يالسه في الصاله ..وفكرها في ولد خالها راشد..توه سيف كان يالس عندها وخبرها ان بحالة راشد.وإنهم باجر بيسافرون وياه حميد وسعيد..انقبض قلبها من قال سعيد ..ما ودها يترك البلاد..ع الأقل هو في ابلاد اتحسبه قريب من قلبها..وان باجر غدا هل العين عندهم..لأنهم من بعد صلاة العصر بتكون طيارتهم من مطار بوظبي..
يلست ارووحها وهي تفكر شو الحال عليهم اللحينه..كان ودها تتصلبهم بس الوقت اللحينه متأخر..
سارت المطبخ وسوت لها حليب نسكويك..وتمت تشربه ببطئ وهي تتذكر حالتها مع سعيد..وحلفت بالله انها ذا شافت اسعيد بتخبره بكل اللي استوى..وبتخلييه ايرد لميثا..وهي مستعده اترمس ميثا وتخبرها بالساااااالفه كلها....ولو ان هالشي بيضاجها لأن ختها سبب شقاها..
من خلصت من النسكويك وشربته..سارت لحجرتها فووق..وبطلت المسن.جان اتشوف ايميل واصللها من ميرة..من زووود ضيجتها حذفت الأيميل بدون ما تقراه..وسوت لها بلوك ديليت..وتندمت لأنها اتعرفت على مخاوية الموووت..وحلفت من بعدها انها ما تتعرف على حد..<<<<<قارصينها..خخخخخ..
مددت جسمها ع الشبريه وودها اترقد..بس الرقاد جفاها الليله..وهي اتفكر في نفسية سعيد..لأنه أكييييييد اللحينه متألم ويلوووم عمره...
وصل تفكيرها اللحينه في ألم سعيد..عذاب سعيد..ليش هالإنسانه اتفكر في سعيد ..لأنها بس اتحبه وتتمناله الخير افكل مكان وزمان..
دق تيلفون أمها اللي كان عندها واتشوف رقم مرت عمها..يعني رواضي هي اللي داااقه..
الهنوف:مرحبا مليوووون..
روضه:مرحبااابج مليااار وزوووود..
الهنوف:والمرحب لا هان..اشحالج؟؟
روضه:يسرج الحال ولا يضرج...اخبارج انتي شو مسويه؟؟
الهنوف:امممممممممم..اوكيك يعني امشيين حوالنا..؟؟
روضه:هاه طمنيني على راشد بن سهيل شو سووله؟؟
الهنوف:ييييييييها ويييل حالك يابو سنيده..ظهر فيه شلل نصفي..وباجر غداهم عندنا..ومن بعد صلاة العصر طيارتهم بيسافرون صوب بوحمد وبو سهيل في امريكا تراه بيتعالج اهناك..
روضه:يالله الله يصبرهم ****لله..وشو الحال على يزوي وامها والبقيه؟؟
الهنوف:امسات امرمسه مهرووه..وتوه الا السيف امخبرني بحالة راشد..بس اكييد العرب ارقوود اللحينه..
روضه:اهااا..
وتمت الهنوف اتسولف ويا روضه لين ما يت الساعه2ونص..ومن عقبها بندن عن بعض ورقدن..
طال البعاد ولوع القلب فرقــاك..ومن غيبتك صاب المولع مضـره
أسهر طوال الليل وأعيد ذكراك..وأرجع الماضــي وبالقلب حــــره
يذكر زمان فات بالخير ويــــاك..الله يعيـــــــــده لو بالأيـــام مـــره
يوم الأثنين..
8الصبح..
حجرة راشد..
هالوقت كان توه بو حميد ظاهر من عند راشد وأم سلطان سعيد واليازيه وسلطان ومهره يالسين للحينه عند راشد..
سلطان:راااشد خلك ريال شرات ما قال عمي..ما ابغي اشوف دمعتك وهي اتسيل..جنك الا حرمه..الريااااييل ما يصيحون..
راشد:شوو ؟؟ما تباني اصيح وان خلااص ما ابا امشي مرة ثانيه..ولا بركب اي درااايه..شو اللي حل عليّيه؟؟؟؟
سعيد:راشد اسمحلي يا راشد كله هاذا مني..ابسبتي..
راشد:......شو اقولك يا سعيد..خلاص كل شي استوى وصار وهاذا حكمة ربي..
اليازيه:و****لله يا راشد اترد شرات قبل..
ام سلطان:ياااااااالله علني فداااااااااك يااا راااشد..ليته فيني ولا فيييك..
راشد"يلوي ع امه":لا فديييييتج يالغاليه هاذي اول مرة تتفديني جدااااامهم..عيديها عسب يتغااايضون..
الكل:ههههههههههههههه..
ومن بعدها يو بو منصور ومنصور وموزة وظبيه ووياهم سهولي ومهووي..الي من شافوا راشد يربعون عنده..حسبالهم هالمرة بيردفهم افدرياته..مرت الساعات ..وراشد مرة ايسولف وياهم ومرة يسكت ويفكر بحالته..لين ما يأ الوقت اللي قالوا بيظهرون من المستشفى..ويا بوله الكرسي اللي بيستوي رفييجه وين ما يكون..طالعه رااااشد بنظرة كلها قهر..الم وخووف من المستقبل القريب..
حلف راشد انه ما يدخل بيتهم الا بعد ما يتعالج..لأنه ما يريد ايشوف رصة الدرايات كلها ولا يركب وحده منهن..وبجيه ساروا كلهم لبوظبي..وهم شالين شناط سفرهم ويااهم..سعيد وراشد وحميد..اللي اليوم بيودعون اماراتنا الغاليه..
وفي بيت بو ناصر..بوناصر "عوض"..وناصر وسيف وحمدان..الكل ظهر لهم من يوا..هل العين..وكانوا في استقبالهم..شي طبيعي ان الرياييل اول شي حدروا الميالس..بو منصور وبو حميد ومنصور وسلطان وحميد وسعيد وراشد..اللي كان منقهر من انه يشوفهم ايسيرون ع ريولهم..بس هو هالكرسي هو اللي يسيره ويمشيه..بس كان ايحاااول انه ما يبين شي افوييهه..كله عشان ما يحسس سعيد بالذنب..
اما الحرمات اول ما حدرن الصاله لقن ام ناصر وبنتها الهنوف في الإستقبال..سارن كلهن لحجرة الحرمات واهناك فسخن عبيهن وتمن بالمصلى بس..ومن بعد ما اتقهون وتفاولن سارن البنات فووق..ظبيه والهنوف واليازيه ومهره..ويلسن ارواحهن..لين ما يتهن سلامه وموزة..ووياهن سهوولي اللي تم امسوي حششششرة عندهن..وهن يضحكن علييه وعلى امه يوم اتصارخ افوييهه..
ومر الوقت ولا حد حسبه..ومن بعد صلاة العصر الكل ظهر برع في الحوي..يودعون المسافرين..من صج كان توديع حااار...كلهن صااحن ما غير يزوي والهنوف اللي كانن ميودات عمارهن جدام الكل..وكم تمنت الهنوف انها اتشوووف سعيد لوحده عسب اتخبره بالسالفه كلها..بس الظروف ما سمحتلها..وبجييه ساروا الرياييل وياهم المطار.ومن اهناك ودوعووهم وطارت الطيارة وهي اتشل بين ركابها ثلاث من ابطال قصتنا..
. . . . . . . .
حبك حبيبي في الظماير كواني ... كل الجوارح تشتكي من طعونك
لو بخـــــتياري مافترقنا ثواني ... ولا عشت لحظه ياحياتي بدونك
بيت بو عبيد..
يوم الثلاثااء..
الحوي..
هالوقت توهن ميرة وميثا يلسن يتفاولن..وعبيد وابوهن ساروا لعزبتهم..اما امهن كانت امجابلتنهن تسقي الزرع..
ميرة"بصوت واطي ما تبغي امها تسمع":دريتي ميثوو؟؟عن اللي استوى؟؟
ميثا"اتصبلها جااي":جيه شو مستوي؟؟
ميرة:بوعسكور امس مسافر ..
ميثا:وشو يعني؟؟ميرة لااتمين جيه ترمسين عن سعيد..تراني والله والله نسيته..
ميرة:شوو يعني؟؟
ميثا:يالله..خلاص سكتي ميرة دخيييلج لا اتميين اتيبن طااريه...
ميرة:ومنو احسن مطر ولا سعيد..
ميثا:شو بلااااه مطر ما فيه شي..ريال والنعم فيه..
ميرة:بس منو أحسن..
ام عبيد"تزاقر عليهن من بعيد":فدييييتج ميثوه سيري طالعي جااان البشكاره شلن الفواله للميالس ولا لا..لا اييون ربايع بووج اللحينه..
ميثا:ماااااا طلبتي السااااع...
ام عبيد:ماا عليييج زوود فدييتج..
ونشت من مكانها وعيون ميرة اتراقبها وهي تشرب الجااي على مهلها وتضحك ع حالة ختها..مرت دقايق ويلست ميثا ويا امها وختها ايسولفن ..واشوي الا اتييهن ام عيسى..يارتهم..
ام عبيد:مرحبا مرحبا ملاااييين ولا يسدن افذمتيه..
ام عيسى:مرحبااابج زوود فدييتج..
وتسلم عليها وخلاف اتسلم على ميثا وميرة..
وييلسن كلهن..
ام عبيد:هلا والله ..حي من ياانا..
ام عيسى:والمهلي ما يولي ..شحااالج ؟؟ربج ال اما تشكين بااس؟؟
ام عبيد:لا الحمدالله ما نشكي بااس...شحالج انتي وعلوومج؟؟
ام عيسى:ابخير ونعمه علني فدااج..وشو الحال عليهم عيالج ****لله بخير؟؟
ام عبيد:ابخير وعافيه فديت قلبج...
ام عيسى:وشحالج يالميث ..عساج طيبه..؟؟
ميثا:بخير يعلج الخير..اشحالج انتي؟؟
ام عيسى:الحمدالله...شحالج ميرووه؟؟
ميرة:بخير يعلج تسلمين فدييتج..يلا تامرون ابشي انا بسير..
ام عيسى:لا فديتج..
وتنش ميرة وتربع للصاله ..اول ما حدرت دق التيلفون سارت تربع..
ميرة"بصوت كله دلع":الووو..
مطر:مرحبا..
مييرة:مرحبتين..
مطر:شحالج ميرة؟؟
ميرة:بخير يعلك الخير شحالك انت؟؟
مطر:ابخير ونعمه..الا وينها ميثوه ادق ع تيلفونها كله يعطيني مغلق..عسى ما شر؟؟
ميرة:ما من شر يا بوغيث..تلاقي التيلفون امفضي..
مطر:اها وينها اللحينه..؟؟
ميرة:اشوي وبخليها تتصلبك تراها مشغوله اللحينه ويا الحرمات اللي ين..
مطر:اوكيك قوليلها ابغيها ضروري..
ميرة:ما طلبت الشيخ..
مطر:مشكورة لا عدمناج..تامرين بشي؟؟
ميرة:تسلم..
مطر:الله يسلمج..فداعة الله..
ميرة:فمان الله..
وسارت ميرة تزقر ميثا من عند الحرمات عسب اتخبرها ان مطر داق يبغيها..
. . . . .
برق لمع في مقلتي والحــــشا نار..واشـــوف من بين المقادير حتفي..
جاني رسول اخبار الموادع وسـار..قاسي حروفه فاقت احزان وصفي..
بيت بوسلطان..
بعد صلاة العصر..الخميس..
الصــاله..
اليازيه و أمها ومهره..يالسات ايسولفن في الصاله..
اليازيه"تاكل بسكويت وترمس":يامايه الله يهديج بلاااج جيه منكده ع عمرج..امسات مرمسه راشد وانتي سمعتيه يوم ايسولف ويضحك..ومستانس ان عمليته بعد ثلاثة ايام..وبعدين بيعالج علاج طبيعي ثلاثة اشهر..شو اللي مضيجنج الحينه؟؟
أم سلطان:شوو درااج انتي صخي يلا..ودي اشوفه اللحينه..بعدين لا ترمسين والأكل في ثمج..
مهره:خخخخخخ..لقطي ويهج يلا..
اليازيه:يزاتي وانا اخفف عنج"وتسرطاها حبة بقلاوه"..الا وينها سلاموووه ما اشوفها..لا يكون تعبانه وبتحمل..
مهره:شهر ما كملووه من عرسوا بسسسسسسم الله الرحمن الرحيم..
اليازيه:بلاااج اسوي سوااالف كلتيني بقشووري عنبوووه..
مهره:لا كلتج ولا شي..بس مستغربه استويت مثل العياييز ..
أم سلطان:شووو قصدج..
مهره:......ما اقصد شي......
اليازيه:هههههههههههههههههههههههههه..مسكيييييييينه. .
واتييهن سلاموه وهي متكشخه ولابسه كندورة حمرا..
سلامه:السلااااااام علييييييييكم..
الكل:وعلييييييكم السلام..
اليازيه:بل بل ياا حلاااااااااتج بالبرقع..ثرج غاااااااويه..
ترى سلاموه كانت لابسه برقع..
مهره:اتخيلي شكلج يزوي من اتعرسين تلبسين برقع..
اليازيه:اسمييييييييني بعق الطير من السماا..
سلامه:هههههههه..واااثقه من عمرها..
اليازيه:فديتني حلللوووة...
جان ينفج باب الصاله ويحدر سلطان..
سلطان:السلااااااام عليييييييييهم..
الكل:وعليييييييك السلااااام..
اليازيه:قرب قرب بوو مييد..تصدق انيه ما تقهويت ولا ذقت لي حبة تمر الا يااالسه اتريااااك..
أم سلطان:اتجذبين يا ويه العنز..
مهره:كمن فنيال جاي حليب شاربتنه ..وكمن حبة بسكويت سارطتنها..
سلطان"ييلس عدال سلامه":اشووفهم كشفووج يزوووي..
اليازيه:ههههههههههههههه...اف والله مله واحن يالسين في الصاله..ليت ما شي حر عسب نيلس الحوي..
سلامه:هيه صح كلامج..يلا فتره وتعدي وبيي الشتا وبتشبعين وبتملين من الحوي..
سلطان:ما اظني العيوز اليازيه اتمل من مجابلة حويها وخيمتها..
الكل:ههههههههههههههه..
اليازيه:سلطان شو رايك اتودينا السوق..انا وسلامه ومهره وظبيه..شفت دخلت سلامه في السالفه عسب اتودينا..
سلطان:هههههههه..اوكيك متى تبن اتسيرن..
اليازيه:سلاموه متى تبينا انسير..
سلامه:انتي اللي متى تبينا انسير..
اليازيه"اتنش وتضحك":خخخخخهههههه..اللحينه..
وتربع فوق عسب تتلبس..وتقول في نفس الوقت..
اليازيه:هههههههههههه..مهرووووه العنز نشي تلبسي..ترا سلطان ما بيتريانا..
بيتريا سلاموووووه.."وتغني"..يا مساافر للجفا؟؟ يا مسافر للجفا..والوصل يبكي عليك..وين عهدك للووفا ..وين عهدك للوفا..للخفوق اللي يبيك....
والكل يسمعها وهي اتغني..ويضحكون على خبالها..ومن بعد ما تلبسوا خطفوا على ظبيه..وساروا السووق..
. . . . . .
اهواك انا ولا حد غيرك فتني..لك صادق الإحساس والعمر يفداااك..
اهواك يا ساكن بفكري وظنـي..ارعاك بعيوني وادور على رضــاك..
بيت بو ناصر..
الصاله..
بعد صلاة المغرب..
الهنوف لابسه تنورة زيتونه..والقميص شرا اللون..وظهره قصتها ومسويه ميكب خفيف..تتريا ربيعتها فطوم اللحينه بتيي..ربعت حيرة الحرمات اتشوف جان كل شي مرتب..من ظهرت شافت حمدان خوها..
ون تو ثريي..ضرااااااااااابه..
حمدان:بسم الله الرحمن الرحيم..منو انتي؟؟الصراحه زيغتيني..؟؟
الهنوف:لا من زين ويهك عيل..اتقول غوريلا..
حمدان:شو بلاج حارقه اعصاابج..جنج الا فرعونيه بهالعيووون..عافانا الله..
الهنوف:تتمصخر حضرتك..
حمدان:لا أطنز..خخخخخ..
الهنوف:دمك ثجييييييييل..
حمدان:وانتي دمج خفيييييييييف...شو امسويت له ريجيييم..
الهنوف:هيه امسات امودتنه عسب ياخذ الوصفه..
حمدان:جي بس جب..وين نظاراتج..؟؟
الهنوف:مااااااالك خص يالراااااسب..عايد اول ثنوي ثلاث مرااات..****لله اتعيده المرة الرابعه عسب يطردونك..
حمدان:اللحينه بدخل الفنيه وبتشوفين شو بسوي يا البصله..
الهنوف:اللحين انا بصله..
حمدان:هيه..وباجر بتستوين ثوم وبتفتحين مطبخ..
ويدق التيلفون مال االبيت وثنينهم بترابعون صوبه..غياض في الثاني..
حمدان:انا برد لا افتح مطعم افويهج.."ويشل السماعه"..مررررررحبا ملاااايييين..يسرك الحال ومن صوبك..حييييييييهم هل امكيييرا..ههههههههه..لا والله من زمان ما يتنا..اسميها مطيحه عند خالي ولا ودها بشوفتنا ...ههههههه..والله ماشي اعلوم..ومن صوبك؟؟وشالحال عليه راشد بن سهيل..بعد ثلاثة ايام؟؟اه خير ان شالله..ووينهم عنك......وعلومه بو حمد....الله يسلمه....رد السلام علييهم كلهم..والله عندي خندوشه تعرفها..ههههههه...اسميييييك متفيج..لا طولي بعمر سيف سار ويا علي ربيعه للشمال..وناصر صوب العزبه..ماشي يتحوطون..والوالده عند تتحوط في الفريج..اوكيك..هاك خذها..
الهنوف:منووووووووو؟؟ذياب؟؟
حمدان:ترمسين شباب من ورانا..هاذا واحد اسمه خندووش يبغي يرمسج بترمسينه؟؟
الهنوف:خخخخخ..أكيد ما استغني عنه..
حمدان"يضربها ع راسها بخفيف":مضيعة المذهب ما تتحين دواج عند بووويه يأدبج..
الهنوف:هههههههههه..انزين انزين.."وتاخذ السماعه من عند حمدان"..هلا هلا هلا وااااالله..
ذياب:المهلي ماا يولي..شحاااااااالهم؟؟
الهنوف:يسرك حااااالهم..ومن صوووووووووبهم؟؟
ذياب:مااا يشكون باااس..شو اخبارج ويا الإجااااااازة..؟؟؟
الهنوف:اخييييييييج ملل ملل ملل..ما نظهر مكان..خوانك ع الفاظي متفيرزين..اللهم نصوري فديته الوحيد اللي يوديني السووق..ربي لا خليت منه..
ذياب:اوعدج يوم ايي بوديج راس الخيمه تتحوطين..
الهنوف:يااااااالله علني فدا روووووووحك..متى بتيي؟؟
ذياب:ههههههههه..تخبرتي يوم بحوطج..عنلااااااتج يالسباااااااله..
الهنوف:لا خليت منك ذيووبي فديت رووحك ربي لا هانك..وين بتحوطني؟؟بس راس الخيمه ..
ذياب:هيه غلاي بس راس الخيمه ووايد عليج عاده..
الهنوف:ظهرت اخس منهم..
ذياب:خخخخ..ووينها امايه..وين سارت؟؟
الهنوف:مرت عليها ام علي سارن يتحوطن في الفريج ويسيرون ع الحرمات..
ذياب:اها..من اتيي سلمي عليها.و****لله برد باجر وبتصل..اف نفس هالوقت..اوكيك؟؟
الهنوف:اووووووكيك..
ذياب:يلا فداعة الله..
الهنوف:الله يحفظك..
بندت عنه..وتمت اتطالع السماعه..وهي تتذكر الموقف اللي استوالها ويا سعيد يوم رمسته تيلفون وهو يتخبر عن ذياب..ااااااااااه..كم تولهت عليييييك يااا سعيد..
ردت لمكانها..ويلست اتجلب في القنوات..وتسمع غنيه من غنيه..لين ما يت غنية حاتم العراقي ياا طير..جان ات
الصفحة الأخيرة
الجــزء الثــالث عشر..
ஐوشلون اذا توأم روووحي يهواك..وأنا من صـــوب أغليك.. ஐ
ஐوالله احترت يا غناة الروح وياك..قلي وش أسوي وألبيك.. ஐ
تحطم قلب مبارك من صوب..ومن صوب تشتت تفكيره..ما كان يعرف..شو يقول؟؟شو يسوي؟؟أو بشو يرد..جنه حد ربط لسانه..ذياب..ذياب يحب اليازيه..واليازيه اتحبني..وأنا أحب اليازيه..السالفه تلخبطت في راس مبارك..أببببد ماراااااااام ايفكر ........شاف ذياب..كان ذياب يبتسم ويطالع اليازيه..واللي زاد الطييين بله..إن الأخ ذياب ما يود لسانه..بالعكس..
ذياب:ااااااااااخ...ويل حالي يوم لاقيته..استصاب القلب وحبيته..
مبارك:هههه..يلا يلا خل انسير صوب الرياااييل..
ضحك مبارك..ومية ألف ونه في قلبه..ضحك مبارك..وبدى جرح قلبه يتألم..ضحك مبارك..ضحك وضحك ووده يصيييح..يصييح على الحظ النحس..يصيييح من هالزمن القاسي..يصييييح من الحب وبلاااويييه..
"وانا اللي مفكر أقوول لأمايه اتحيرها لي اليوم..عسب يوم ارد من أمريكا أملج علييها..أنا اللي ما ذووق الرقااد بسبة اليازيه..أنا اللي من أشوووف ابتساامتها انسى هموومي وأحزاني..اااااااااااااااااه يااااااا القلب..لييتك ما هويت ولا تعنيييت..أأأأأأأأأأأأأأأأأأأأأأأأأأه..ابد ما أكتملت فرحتي..ذياب..ذييياب بعينه..هو اللي يهاذي باسم اليازيه...هو اللي يشكي من كثر ما يحبها..شووو أسوييييي؟؟شووو أسوي؟؟؟؟؟؟؟؟؟؟؟؟؟؟؟؟؟؟انا وذياب ..أنا وذياب انحب اليازيه..كييييف..وللييش؟؟
شووو أسوي؟؟هل أخلي اليازيه..أو أجرح قلب ذياب..ربييعي..نبض قلبي..شووو اللي استووواااالي..؟؟؟؟؟؟؟؟؟؟؟
ذياب كان أبد ما يأ على باله ان مبارك ايمووووت على شي اسمه اليازيه..بالعكس كان مستانس وااايد لأنه شااافها..
مر الوقت ببسرعه على الكل لأنها أوقااات فرح..والكل استانس...ألا واااحد من بدهم..خاطره يفارجهم وينفرد بروووحه عسب تاااخذ دمووعه رااحتها وتنزل على خدها..عسب ايصدق كل اللي استوى..
ஐ...مباركஐ...
مبارك هو الوحيد اللي مر عليه الوقت ببطئ..كان سااالي بيلسته..وووياااهم لكن رووحه يعتبرها ظهرت من جسمه..حس في لحظه ان من كثر الحزن اللي في قلبه..ان ذياب اييه ويقوول له كنت أمزح ويااك..اليازيه عمري ما فكرت فيها..
كان وده يصرخ والعالم كللللللله يسمعه وهو يعلن عن جرووح قلبه..بس منو اللي بيحس..منو اللي بيساعدني ..منووو..؟؟
الكل رد بيته..ورد مبارك البيت؟؟وصدقووني من بعد اللي استوى..أبببببد ماا رمس ولا ظهر كلمه وحده من ثمه..الا اذا حد رمسه..بس في دقايق ..اتغير..من الإنسان المرح والمتفائل...الى واحد الحزن منه وفييه..الى واحد فقد الإبتسامه..وصل حجرته..وأول ما حدر طااااااح ع شبريته..ودفن ويهه في المخده..من صدمته ما رااام ايفكر بشي.......مرت ربع ساعه.......نص سااعه..........ساعه....بس مبارك ماا رقد.......دق تلفونه..فز من الشبرية.."توأم رووحي يتصل بك"..ماا عرف شوو يسوي..الا انه بند في ويهه..بس سرعان ما حس بالذنب..هو شووو ذنبه اذا حب اليازيه..بس بس بس مااااا أرييد أرمس حد...مااااا أرييد أشووف حد..تم التللفون يدق ..ويدق..ويدق..فوق العشر مرات..بس مبارك ماا يرد...لسبب غير معرووف..وصله مسج من ذياب..
"مبارك والله ان الرقاد ماياني..تانس شي فدييتك..دخييلك يا مبارك.والله انيه ميت من الخووف عليك..انزين طمني انته في البيت؟؟.."
بس مبارك ما طرش مسج الا من بعد ربع سااعه كان يصااارع فيها أحاسيسه ومشاعره بمسج..
"لا تخاف أنا في البيت"..
رقد مبارك بعد ما صلى صلاة الفير..ورقد وقلبه ممزووووووور همووووم..
. . . . .
رسمتك في خيالي في ضمـــيري.. جميلن ماعلى وصفك انا اقدر..
اشوفك كالسما الصافي في ليله..قمرها نــصف شهر ويوم يظهر..
يوم اليمعه..
بيت بو سلطان..
الساعه 11ونص..
حجرة اليازيه..
في هالوقت اليازيه واقفه جدام التواليت..تسحي شعرها..كانت توها متسبحه..
وفكرها صووب مبارك اللي بيسافر اليوم..وليش له يومين ما صار ينشااف..
انفج الباب وكانت مهره..لابسه بجامة..وفااجه شعرها..
مهره:السلاام علييج..
اليازيه:وعليييج السلام..هلا شفييج؟؟
مهره:والله ابغي أرقد بس أمايه فديتها طرشت البشكاره اتقول وحده منكن اتسير وتوعي سعيد..وراشد..
اليازيه:هههههههه..سيري سيري علني فدااج رقدي..انا أنا بتكفل بهذه الحرفه..ههههههه..
مهره:اوكيك يلا بااي..
اليازيه:بااي..
اليازيه"اترمس روحها بصوت مسمووع":حرفه ولا مهنه..صدق انيه خبله..
ظهرت مهره في الوقت اللي لبست اليازيه شيلتها..كانت بس مجحله عيونها ومظهره قصتها..سارت حجرة سعيد..اتدق الباب..مرة مرتين..ثلاث مراات..لين ما عصبت..
اليازيه:بووووووو سكووووووور فج البااب يالسبااااااال..
مااااااشي رد..
اليازيه:فج الباااااااااااااااب..سعيييييييييد ويه العنز..
مااااااشي يرد"شي يقهر الصرااحه"..
عيزت منه وسارت حجرة راشد..عاد هاذا برووحه سالفه..هو يوم يرقد ما يبند الباب شرات سعيد..ايخلييه امبطل..جان اتدق الباب وتحدر..ما ظني انها حدرت حجرة بشر..حدرت حجرة حيوانات..شبريه مبهدله وراشد راسه ع الأرض وريووله ع الشبريه..والمخده ابصووب..والمكيف مويه علييه..ومخدات ع الأرض مجابله التلفزيون اللي كان مشتغل ومشبكه فيه البلي ستيشن..وعلى شريط قراند..وفوق مكتبة التلفزوين صحن كروون فلكس مخلص وعداله عصير ديوو..
اليازيه:حوووووووووووه شووو هاااذااا؟؟
راشد:........."ماشي رد..الأخ راقد شو له اتصارخين"..
اليازيه:ياااااااااا بووووو سنيييييده...يالله شوو الحل؟؟راشد راشد نش نش سلطان يابلك درايه يديه في ذمتي انها رهيييييييييبه.."حراام دومهم يقصون عليه"..
فز راشد من طاري الدرايه...
راشد:شوو شووو شووو؟؟وينها ووينه سلطان؟؟
اليازيه:خخخخ.أمايه تقوول نشوا يلا صلاة اليمعه..
راشد:يااااااالسباااااله..
ظهرت اليازيه وهي تربع لأنه عاادي يلحقها ويقطع شعرها شعره شعره ويخليها بدوون شعر"قرعه"..ردت لحجرة سعيد..وتمت اتدق الباب ولا حد يتوايبلها..جان تنزل تحت..شافت أمها يالسه ووياها سلطان قاعدين ايسولفون ويتريقوون..جان تسلم وتبوس أمها ع رااسها وتوايه أخوها..
اليازيه:شصبحتوا؟؟"تصبلها فنيال شااي حليب"..
أم سلطان:بخير علني فداااج..
سلطان:أمس سهرتي للساعه كم؟؟
اليازيه:لييش؟؟
سلطان:سألتج ياوبيني؟؟
اليازيه:انزين لا تعصب...سهرت لين الساعه 2ونص..
أم سلطان:أنتي اللي يالسه في الصاله وتضحكين..
اليازيه:ههههههههههههاي..لهالدرجه صوتي كان عالي..
سلطان:أنا حتى كنت أسمع صووت حد يضحك..
اليازيه:كنت أطالع فيلم كوميدي على تو...بس أسميه رهييب..
سلطان:ههههههههه..أنا بعد كنت سهران وأضحك..على الفيلم نفسه..خخ
اليازيه:ووووووووااكككككككااااااك..بس حاط صوتك ع السايلنت..والله هااي مهرووه نذذذذذله نقعتني خيانه وسارت ترقد وللحينه راقده..
أم سلطان:فدييتها مهرووه تلاقينها ميهوودة من كشتة أمس..
اليازيه:أسمييييييييينا استانسنا من الخاطر..يا حيها من تمشيه..كل يوم ودونا..
سلطان:منو بيتفيج لج كل يوووم بيرابع لج صووب البر ..عسب خاطرج..
اليازيه:المشكله انيه أنا اللي طلبت..لو في عرب غييري..طلباااتهم اوااااامر..
أم سلطان: لعنبوو داارج صخي شوي من يلستي وانتي تهذربين..لسانج ايحكج..ماا ترووم اتيووده اشوي..
اليازيه:بل بل بل اللحينه كل هاذا في خاطرج من صووبي...افا يا ام سلطوون..اللحين..اللحين انتي سببتي ألم في قلبي..جرحتني كلمةً منك..سببت في قلبي أوجاعي..يعني شو بيستوي اذا خليتي مهره تكتب هالكلام اللي في خاطرج على ورقه..عسب ما انصدم أكثر..انتي اللحينه يوم تويهين هالكلام لي أحس أحس..
أم سلطان:خلج انتي عاده..مااتيوووزييين.."اتطالع سلطان"..شو اليوم مبارك وذياب بيساافرون؟؟
سلطان"ايطالع اليازيه بنظرات جنه يتمصخر عليها":هيه فديييتج طيارتهم الساعه 9فليل..
انقبض قلب اليازيه وحست بحزن فظييع في قلبها.."اليوم مبارك شجوون الخافق بيسااافر ..شو بسوي من بعده؟؟شوووو؟؟..يالله اترجعه لنا بالسلامه.."..
في هالوقت ياهم سعيد..واللحين الله يعين اللي في الصاله..سلم ويلس ومرت دقيقتين وهو ميود لسانه..بس يااه الإفراااج..
سعيد:شو الريووق..
محد غيرها ام لسانين بترمس..
اليازيه:اممم..بلاليط..جباب..كرواسون..بيض وجبن..وووو..
سعيد:شو الأخت مشتغله في أي مطعم..؟؟؟
اليازيه:مشتغله في مطعم حصة للوجبات الشعبيه..
سعيد:وموقعكم دبليو دبليو دبليو حصه أكل دوت كوم..
الكل:ههههههههههههههههه..
أم سلطان:عنلاتكم ملااعين الصير..
سعيد:صنفرت العيوز اللحينه..
أم سلطان:عيزن ركبك مسود الويه..
سعيد:بل بل بل بل بل أحسن لي ألأسكت لا يتطنزون عليّ اللحينه..في حد ناقص...
سلطان:مهره ورااشد..
سعيد:قمنا فتون سوينا لهم هجوووم..
أم سلطان:حزّن ومن فتوون ذيه؟..
سعيد:اليازيه..وخلينا نرقى السطح اللحينه بتحصليين الشيشه..
أم سلطان:لااباس..اكتملت السالفه..
سعيد:خرااب يا أمايه خرااب..يهدم بيووت يكسر درايش يفجر مدارس..
اليازيه:يااااحيه من خراااب دامه بيفجر المدارس..
. . . .
وإن خنتني أعلــــم ترى ما بعد خنت..الا مـــــــــعك لكن خونك ذرابه..
خنتك مع طيـــــــــــفك بعد ما تيقنت..أنــــك علي بعد الثرا والسحابه..
بيت بو منصور..
الساعه2ونص..
في هالوقت كانت ظبيه توها ظاهره من حجرتها..عسب تتغدى تحت مع هلها..بس اللي شد فكرها ..إن مبارك اليوم محد شافه..وهاليوم هو يوم سفره..مفرووض ييلس وييااهم..لأنه سنه ما بيشووفهم..او سنه ونص..كانت اتفكر بهالأشيااء..وفكرت بعد ان مبارك من ردووا من البر هووو أببببد مااا يرمس..حتى في السيارة كان سااااكت..وهالشي عكس طبع مبارك اللي كله ايحب ينكت ويعلق..
..فكرت ظبيه اتسيرله الحجره وتشووف شو سالفة..لأنه ظبيه أقرب وحده له في البيت..
وقفت جدام حجرته وكأنها متترددة اترمسه باللي خاطرها..ولا اتزقره للغدا..فقالت أحسن أرمسه اللحينه..دقت الباب..مرة مرتييين..جان تسمع صوت مبارك يقوول دخلي..مبارك عرف ان ظبيه هي اللي واقفه ع الباب...لأنه محد حجرته فوق الا هو وظبيه..وأمه مستحييل ترقى الدري..لأنه تعاني من تهشم في العظاام..
حدرت ظبيه ..وانصدمت من شكل مبارك..مبارك كان لابس كندورة بنيه وحاط السفره ع كتفه..ويالس ع الكنبه ومدد راسه علييها..وحاط يداته الثنتين على عيوونه..وأي واحد ايشووفه يقوول هاذا ايصيح..
ربعت ظبيه صووب مبارك..
ظبيه:مبارك اتصييح؟؟
مبارك"يخوز يداته عن وييهه":ههههههههههه..أصيييييح وليييييش؟؟
ظبيه:اوووه..على بالي انك اتصيييح..
مبارك:شوو قالوا لج ؟؟؟ظبيه؟؟
ظبيه:واايه فديتني ذااات احساس مرهف..
مبارك:اهاااا..
ظبيه:مبارك"وتيلس ع الكنبه اللي حذاله"..
مبارك:شووفييج؟؟
ظبيه:مبارك شو الي حل عليييك..من أمس وحالتك والله مب عايبتني..رقدت وأنا قلبي علييك..خايفه استوى علييك شي..
مبارك:مااشي..بس النمله اللي مربيها ماتت..>>>يتمصخر...
ظبيه:هههههههههههههههههههههههههههه..هههههههههههههه. .عنلاتتتتتك يالسباااال..
مبارك:بسج ضحك ما ينرزا علييج..عندكم غدى ولاااا تبوني أطبخ لكم..
ظبيه:لالاعندنا غدى والحمدالله...
مبارك:عيل نشي يلا بطني زعلانه مني..ماا فيني نتطلق بعدين..ساد السيارة طلقتها
..
ظبيه:هههههههههههههههههههههه..
وينش مبارك ويا صوب ظبيه ويمد يده له ..ويسيييرون رباااعه..
انسان غريييب..يخفي جراحه بابتسامته..انسان ..تحمل ألم قلبه وخفاااه لجل غييره..
بنشووووف شووو بيسووي مبارك؟؟؟
. . . . . .
والله لخلي سنين الماضيه تعني..وأوادع الناس وأرجع وأخذ المعنا..
يمكن حبيبي اذا غنيت يسمــعني..قبل البحر يا قــلوب الشوق يبلعنا..
بيت بو ناصر..
الساعه 4ونص العصر..
حجرة الهنوف..
في هالوقت الهنوف يالسه ع الكمبيوتر..اتظهرلها صور..أونها كمبيوترها فااظي...فجت المسن..ومالقت غير مخاوية الموت اوون..وهي مممرة متعلقه فيييها..وكونوا صداقه قويه..
سود الليالي بالسهر لوعتني..فعل الحبيب اللي صعيب مناله:
هلاااا مخاوية الممووووووووت..
الحال عقبك صار ناحل وداني ... لو شفتني بتسيل دمعة عيونك :
مررررررررحباااااااااا ملاااييين ولا يسدن في ذمتيه..وووييينج ملعووونة الصير ما استوتيتي تحدرييين؟؟والله اذا ماا شفتج اوون على طووول أظهر ..المسن دووونج مب شي..
سود الليالي بالسهر لوعتني..فعل الحبيب اللي صعيب مناله:
فدييييييييييييييييييييييتج والله..بس بديت اللحينه أدرس عسب الإمتحانات النهاائيه..تعرفين ثااانويه عاامه مب أي شي..
الحال عقبك صار ناحل وداني ... لو شفتني بتسيل دمعة عيونك :
الله يوفقج غناااتي ونستاانس بالنسبه الحلووة...بس قوليلي اسمج عسب اقدر أظهرها.
سود الليالي بالسهر لوعتني..فعل الحبيب اللي صعيب مناله:
هههههههههههههه...اسمي الهنوف عوض الـــ.....ي...وانتي؟؟؟
الحال عقبك صار ناحل وداني ... لو شفتني بتسيل دمعة عيونك:
قووووووووووووولي والله؟؟أنتي في بوظبي صح؟؟
سود الليالي بالسهر لوعتني..فعل الحبيب اللي صعيب مناله:
هيه أنا في بوظبي؟؟انتي تعرفيني؟؟
الحال عقبك صار ناحل وداني ... لو شفتني بتسيل دمعة عيونك:
هيه..أنا ميرة..من الهير..أخت مييثا...اللي اتحب سعيد وسعيد ايحبها..
سود الليالي بالسهر لوعتني..فعل الحبيب اللي صعيب مناله:
ااااااااااااااااااااهاااااااااااااااااااا..تو ني عرفتج..
الحال عقبك صار ناحل وداني ... لو شفتني بتسيل دمعة عيونك:
يعني انتي اتحبين سعيد ولد عمتيه حصه..
سود الليالي بالسهر لوعتني..فعل الحبيب اللي صعيب مناله:
هههههههههههههههههههه..هيه بس شوو أسوي مب عاطني فيس..تدرين لييش؟؟
الحال عقبك صار ناحل وداني ... لو شفتني بتسيل دمعة عيونك:
ليش؟؟
سود الليالي بالسهر لوعتني..فعل الحبيب اللي صعيب مناله:
لأن الظروف أبد ما قد مرة جمعتنا ويااا بعض الا يوم سرنا البر أمس..يوم ركبت سيارته وسلم عليّ..
الحال عقبك صار ناحل وداني ... لو شفتني بتسيل دمعة عيونك:
انتي اللي تستاهليين سعيد مب ميثا الحيوانه..
سود الليالي بالسهر لوعتني..فعل الحبيب اللي صعيب مناله:
للحينه مب مقتنعه بهالكره اللي تكرهينه أختج..ياااامااااااا حااولت أفهمج بس مااارمت أووصل تفكيييرج..
الحال عقبك صار ناحل وداني ... لو شفتني بتسيل دمعة عيونك:
امممممممممممممم..وما ظني بعد تفهميني..ميثا انسانه أبد ما تستاهل سعيد قد ما انتي تستااهلييينه..
سود الليالي بالسهر لوعتني..فعل الحبيب اللي صعيب مناله:
فدييتج يا ميرة..بس شووو نسوي..خلاص الأمل اللي كنت متعلقه فيه رااااح..واللحينه انا متأكده ان ميثا لسعيد..وسعيد لميييثا..ماا ظني أروووم أغير شي من هالحب..الله يصبرني..
الحال عقبك صار ناحل وداني ... لو شفتني بتسيل دمعة عيونك:
امممممممممممممممممم..أنا أقدر أساااعدج..
سود الليالي بالسهر لوعتني..فعل الحبيب اللي صعيب مناله:
تسلمييين فدييتج بس أنا ماا أريدج أتسووييين اي شي..خلي الأمور تمشي على كيفها واتوقف عند أي نقطه..وأنا بكووون رااضيه..بس أشوووووف سعيد مرتتااااااح..
>>>>>>تغيرت وجهة نظرها مع الأيام<<<<<<<
الحال عقبك صار ناحل وداني ... لو شفتني بتسيل دمعة عيونك:
بس أنا ما أتحمل اشووفج تتعذبين..وختيه مييييثوووه السباله الحيوانه مستااانسه...ماااااااااااااااا أتحمل..لأنج تعنيني واااااايد أكثر من السبااالووه مييثا..
سود الليالي بالسهر لوعتني..فعل الحبيب اللي صعيب مناله:
للحينه مستغربه منج كييييف تكرهين ختج جيييه؟؟ميييرو حبوبه ترا هااي أختج حرااام عليييج اتسوين فيها جيييه..
الحال عقبك صار ناحل وداني ... لو شفتني بتسيل دمعة عيونك:
بلييييييييييز هنوفه غناتي لا اتحاولين ويايه أنيه احب ختيه..هاه من ساااااابع المستحيييلات..وبيني وبينج..أبغييها اتحس باللي انحسه احن اللحينه..أباها تفاارق سعيد شرات أنا ما فااارقت هزااع..وأباها اتحس باللي اتحسيينه انتي لأن سعيييد بعيييد عنج..خلينا انعذبها اشوووووي..
سود الليالي بالسهر لوعتني..فعل الحبيب اللي صعيب مناله:
حراااااااااااااااااااااااااااااااااااااااااام عليييج..ما أقوول انيه اكرهها بسبة انها روووح وقلب """سعيد"""..بس بعد ما أرضى انها تتعذب..
الحال عقبك صار ناحل وداني ... لو شفتني بتسيل دمعة عيونك:
بسج انتي عاااااده..خلج من العواااااطف..السااالفه هاااي خليها علي..
سود الليالي بالسهر لوعتني..فعل الحبيب اللي صعيب مناله:
لاااا ميروووه فدييتج..صح أنيه كنت أفكر بشي ايخلي سعيد يكره ميثا..بس اللحينه لأ...مااريد هالشي يستوي..
الحال عقبك صار ناحل وداني ... لو شفتني بتسيل دمعة عيونك:
سمحيييييييييييييييييييييييييييلي الشيخه..بس هالشي بيستوي..ما قلتي لي ذياب خووج اليوم بيساافر؟؟؟
سود الليالي بالسهر لوعتني..فعل الحبيب اللي صعيب مناله:
هيه فديييييت قلبه..اليوم بيساافر..ويمكن بيرد بعد سنه أو نص سنه..
الحال عقبك صار ناحل وداني ... لو شفتني بتسيل دمعة عيونك:
الله يرجعه لكم بالسلاامه..ويتوفج في درااسته..
سود الليالي بالسهر لوعتني..فعل الحبيب اللي صعيب مناله:
امييييييييييييييييييييييين..والله انيه اتمنى هالشي من خااطريه..
الحال عقبك صار ناحل وداني ... لو شفتني بتسيل دمعة عيونك:
يلا عيل أنا اللحينه بظهر..بشووف كتبيه اشوي..
سود الليالي بالسهر لوعتني..فعل الحبيب اللي صعيب مناله:
عيل أنا بعد بظهر..تاامرين بشيييي فديتج؟؟
الحال عقبك صار ناحل وداني ... لو شفتني بتسيل دمعة عيونك:
هيه..ذااااااااااكري زيييييين...
سود الليالي بالسهر لوعتني..فعل الحبيب اللي صعيب مناله:
هههههههههههههه..يلا عيل بااي..
الحال عقبك صار ناحل وداني ... لو شفتني بتسيل دمعة عيونك:
الله يحفظج..
ظهرت الهنوف من المسن..وخلاف ظهرت من حجرتها..وهي تفكر.."يالله انا اللحينه طوووول هالمده كنت أرمس ميييرة أخت مييثا..ولا بعد خبرتها سااالفتيه كلها مع سعيييد..امممممممم..بس اتصدقوون احسن..".....
"وقفه مع الفلسفه"
++اكييد الكل.. استغرب من الهنوف وميره اللي تطورت بسرعه..وكييف ساارن أيحبن بعض..ميرة ما استبعد هالشي منها..لأنها أخيييراً لقت من يدااري دمعتها..ويحفظ أسرارها..ويهتم بها..بعد ما تخلوا الكل عنها"بحسب وجهة نظرها..بس أنا اشووف لا تخلوا ولا شياته"..وحست ميرة بالرااااحه لأنها تعرفت على الهنوووف..وبالنسبه للهنوف هي بعد ارتاااحت لميييرة..واااايد..واستوت كل يوم اتحبها أكثر عن اللي قبله..بنشووف شوو نهاية هالصداااقه..تفييد ولا تضر؟؟+++
. . . . .
لاقال دعني وانا ما قـلت له دعني..يا لين سالـــت من الفرقا مدامــــعنا..
حتا في يوم الموادع يوم ودعـــني..بكت جميع اللــيالي من مــــــوادعنا..
والله يمتعك بلـــــــــــقاي ويمعتني..بلــــقاك والسحب تمطر من تمـتعنا..
والله لخلي سنين الماضيه تــــعني..وأوادع الـــناس وأرجع اخذ المعـنا..
يمكن حبيـــــبي اذا غنيت يسمعني..قبل البحر يا قلوب الشـــوق يبـلعنا..
اللي خذاني وعيا ما يرجعنــــــــي..والدرب مجــــهول والتفكير ضيعـنا..
بيت بو سلطان..
الساعه7ونص..
حجرة اليازيه..
في هالوقت..كانت اليازيه طايحه ع الشبريه وتسمع أغاني ع الإف ام..تبوون الصدق ماكانت تسمع..كانت سرحاااااانه بخلها اللي اليوم راح ايفااارقها ويودعها..
انفج الباب وكانت مهره ...لابسه كندوورة بيج..وفيها ورود بنيه وشيله شرات لون الكندورة..ومظهره قصتها ومجحله اعيونها وحاططه قلووس..وشكلها واايد حلووو..
مهره:شو يزووي السباله ما بتسيرين؟؟
اليازيه:قبحتك الألهه"تتكلم بلغة عربيه فصحى..وهالكلمه تعلمتها من مسلسل الزير سالم"..لا تسبيني يا سباااااالووووه...
مهره:من عيووووووووني ..بس ليش ما بتسيرين؟؟
اليازيه"اتجذب":رااااااااسي وااااااااااااايد يعورني وأحس بحرارة..
مهره"تلمس رااس اليازيه":امممم..ما أحس بأي حراره..
اليازيه:سيررري انتي شوو درااج بالحراره ..هااي ايسموونها..ايسموونها ..شووو ياربي؟؟اها..يسموونها حرارة دااخليه..يعني محد ايحس فيها الا انا فديتني..
مهره:واااااااايه الترااب..
اليازيه:ظهري ظهري يعلج ما تربحيييين..ظهري سووود الله ويهج ملعونة الصير..
مهره:خلاااص بظهر كلتييني بقشووري..
اليازيه"اتسوي عمرها مستغربه":قشوورج؟؟لييش الأخت موزة ولا برتقاااله؟؟؟
مهره:اف من هالإستهبااال الفظييع..يااخي عقلي ولو لمرة وحده في حيااااتج..يعني انتي لما تستويين عيووز بتميين جيييه مستهبله..
اليازيه:للأسف ماا روووم..تعرفين لييِش..؟؟
مهره:ليييييش...؟؟؟؟؟؟
اليازيه:خخخخخ..بكوون خلاص قد خرفت..كركركركركركركركر..
مهره:سخييييييييييييييييييفه..
اليازيه:محد غييرج سخييفه ياللي ما تخيلين اتسبين اللي أكبر عنج..وينه أحترام الكبير والرحمه بالصغييير.."اتسوي عمرها معصبه"..ويينه رمسي وووويييينه..
"وتنش من الشبريه وتسير تجابل مهرووه"..ويينه قوليلي ويييينه.."وتلصق ويهها جريب من ويه مهره"..ووووووووييييييييينه؟؟
مهره:عووذ بالله..لا لا لا أفا لصقي ويهج بعدج للحينه ما لصق..ياغبيه خوفتيني..
اليازيه"تنسدح ع الشبريه وتضحك ضحك هستيري":..خخخخخخخخخ..هههههه.
هههههههههههههههههههههههههههههههههههههههههههههههههه ه..
طالعوا شقاايل خوفتها..؟؟؟ههههههههخخخخخخخخخخككككككااااك..
مهره:عافان الله احسن لي أسير قبل ما استوي شرااتها أكبر مينووونه..
اليازيه:هههههههههههههه..سلمي سلمي علييهم اللي اتشووفينهم اهناك..حتى لو شفتي بشكارة قووم عمتيه ناعمه سوسي...لأنهم يعرفوون انيه طيبه..ومتوواااضعه..هههههههههههه...
مهره:ماا يضحك..يلا مع السلااامه..
اليازيه"تبتسم":الله وياااج..
من ظهرت مهره..أختفت الإبتسامه من ويه لليازيه...لأنها انفردت بأفكااارها..الكل سااروا بوظبي..قوم بو سلطان وقوم بو منصور..وقوم بو حميد..لأن عوض"ابو ناصر"..عازمنهم عل العشا..ولأن طيارة الأخوان"مبارك وذياب "..بتكون من مطار بوظبي..اليازيه ما سارت..وتعرفوون انتوا السبب..لأنها ما تبى اتشووف مبارك وهو يودعها..وهالشي تعرفه ظبيه.."أكيييد الكل سااروا..بسير بييبلي أكل وبييلس في الصاله برمسلي وحده من الشله.."هااي الفكره اللي كانت في بال اليازيه..ونشت عسب تنفذها..
نزلت تحت وأول ما ظهرت الحوي..شاااافت مبارك يالس ع الدري اللي جدام الباب العود..حست بصدمه كبييرة وشوووق فظييع لمبااارك..زقرته وكلها ألم وقهر من هالظرووف..زقرته وحست إنها هاي آخر مرة تزقر باسمه..
اليازيه:مباارك..؟؟!!!
نش مبارك ولف ويهه وجابل اليازيه..
مبارك:هلا يزووي..
اليازيه:انت للحينه ما سرت..
مبارك:لأ..كنت أترياج..عرفت انج ما بتسيرين بوظبي..فقلت اسلم علييج اهنيه..
اليازيه:أهاااا..
مبارك:لييش ويهج جيه غاادي..جنه حد ضاربنج ببوكس..
اليازيه:في عييينك بوكس يالسباال..
مبارك:لا اتسبيني يا عنز الحاره..
اليازيه:****االله برووووك سراااق توااير..
اليازيه +مبارك:هههههههههههههههههههههههه..
سكتوا فتره..كل وااحد يتأمل في الثااااااني..لين ما وطت اليازيه رااسها تحت..والدمعه في عيونها تلمع تتريا اليازيه تظهر اي كلمه عسب تنزل..
مبارك هو الثاني الدمووع في عيوونه..مااااااااااااااااوده ايفااارق غناااااته ونبض قلبه..اليازيه..بس هالظرووف ولازم يتمااشون وياها..
مبارك"والغبنه ضاربتنه":اليازيه فديتج..
اتطالعه اليازيه..
مبارك:اشوووفج على خيير..
اليازيه:الله يردك لنا بالسلااامه..
لف ويهه مبارك بعد نظره حزينه ووجهها لليازيه..رحل مبااااارك وكللللله ألم من هالواااقع اللي يعيشه..رحل وبقى قلبه عند اليازيه أماااااانه..
ســـافرت عنك وخافقي معك ..ياسيدي عـــــــندك أمانه ...
ما طـــــــاع يالــغالي يودعك ...يرحل و يتـــــرك مكانه ...
خله معـــك يسـهر ويسمعك ...خله يسامـــــــرك بحنانه ...
اذا الولــــــه والـشوق ولعك ..بتشوف طيفي في عيانه ...
لو شفت عني البــــعد يمنعك .. لوطول غيابــــي زمانه ...
لالا تبكي في يوم مــــــدمعك ..ماهو علشاني عشــــانه ...
بكره الليالي بتجـــــــــــمعك...يانبض قلبي ياكيـــــــانه ...
راجع لدانيا يافرحتي معـــك...راجع ولي عندك كمانـــه ...
. . . . .
اشوف طيفك اذا برقت ما ريتك..وأرجع حبيبي لشوفك كم ضرياني..
أتخيلك في عيوني شخص لاقيتك..أفرح ولكن غير الطيف ماياني..
بيت بو منصور..
يوم الأحد ..الساعه5ونص..
حجرة ظبيه..
في هالوقت ظبيه واقفه جدام المنظرة واتشووف عمرها..فجأة..ياها طيف عبيد وهو في المطبخ..وهو في الموول..ما كانت تدري لييش هالوقت وهاللحظه اتخيلته..ليييش يفز قلبها من اييبوون طاريه..أأأأأأأه..
صج من الخاطر تنهدت ..وظهرت على طوول من حجرتها ..ونزلت الحوي..وما حصلت حد.."عيل أكيد في بيت خالي سهيل."..خطفت بسرعه ع المطبخ وفجت الثلاجه وظهرت كيك سويسروول..وسارت بيت خالها..
حدرت وشافت أمها وخالتها حصه يالسات"حراام ما أكتملن الثلاثي المرح يدووه فديتها يوم كنا في بوظبي ردت ويا قووم خالي عبدالله...والله سويحان غدت باايخه..لا برووك ولا يدوووه.."
ظبيه:السلاااام عليييكن..
الكل:وعللييييج السلام..
أم سلطان:حي من يانا ولفانا..
ظبيه:الله يحييج..
أم منصور:وينها موزوووه؟؟
ظبيه:امممممم..ماا شفتها..
أم منصور:اف عليج سودا الويه ما تنفعييين..
ظبيه:لاا حووول..الله يهدييج أمايه..أكييد يالسه في قسمها مجابله ريالها وولدها..
أم منصور:جب يالسباله..وين اتجابل ريالها وريالها ساير للعزبه..
ظبيه:بل بل بل ووووييييهيييي..محححححححترق..
أم منصور:ياا عساااج تحترقين وياااه..
أم سلطان:هههههههههه.شرات يزووي ملعونة الصير مووول ما يصخن اشويه الا ومشغلات وناناتهن..
ظبيه:ههههههههههههههههه..حرام عليييكن..يوم نعرس كل وحده منكن بتجااابل الثانيه بتقووول..ييييييها وينكن يا يزووي وظبيه ووين أياامكن..ابدن وأنا اشهد محد شروانا انا وبنت سهييل..
اليازيه"ترمسهن من بعيد":هااااااااااااه جني اسمع اسم بنت سهيل..
ظبيه"اتفج الكيك اللي وياها":جنه محد غيرها..شقايل جيه ما عندكم بنات غيرها..
اليازيه"اتوقف ع رااس ظبيه":ايي انتي سبااله متطورة رمسي شوو كنتي اتقووليين؟؟
ظبيه:مااااااارررررريد أخبرج..
اليازيه:يعني ما بتقوولين؟؟"بأسلووب جنها اتهددها"..
ظبيه:ماااااا بقوووول..
اليازيه"اتشل الكيك منها وتشرد":هههههههههههههه..عادي لا تقوولين بس تحلميين تتهنين بهالكيك..يااااااااام..
ظبيه"اتنش وتربع وراها":يييييييييييبيييييييي الكيك ماااااالي..
اليازيه:بتبطيييييييييييييين..لحظه لحظه خليني أسوي تلفون لبن عروه هو بيبلج اللحينه..
ظبيه:اهئ اهئ اهئ اهئ اهئ...ابااااا الكييييييك..
ويسون شكل دائرة وهن يربعن جدام العيااييز..
أم منصور:حشى حشى ياليعاارى..
أم سلطان:عنلااااتكن وعنلات الشيااطين اللي في هالرووس..قرن مكانكن يلا مسودات الويه..
ظبيه:قووولوا لها اللي ياني منها يكفيني عمر..
اليازيه:عمر ولا سامي>>>اونها أسامي مصريين..
ظبيه:لا سامر..
اليازيه:الله..سااامر وييييجذبني الهوى..
ظبيه:صخي سوود الويه ويبي الكيك..
ام منصور:في ذمتيه انه ما استوى كيك..
أم سلطان:عاد من زينه هالبلا اللي ياكلنه..
ظبيه:قولن لها لا تشرد منيه..
اليازيه:جب يالهرمه ويلسي عسب أنا أيلس وآكل..ويوم أخلص لا تنسين اتقولين لي بالصحه والعافيه..ولا اقوول يوم أبدا أكل..
في هالوقت ظهر سعيد من البيت..وشاف الضرابه المستويه..
سعيد:صدق شعب فااااظي..
ويسير صوب الحرمات ويسلم..وبعد السلام...
أم منصور:ايلس فديييت رووحك اشرب لك جاي واهبشلك من هالفواله..
اليازيه"اترمس ظبيه":شووفي شووفي كيف العنصريه الوواضحه..شوفي شقايل يعاملوننا ويعاملوونهم..
سعيد"سمع الرمسه":لا فدييتج عمووه ما اشتهي شي..توني ماكل شيتوز"البطاطا الحاااااااااااار"..
أم سلطان:شوو هاه بعد؟؟
سعيد:شرات العيش واللحم..سبحااان الله اخترعوا شي يشبه العيش واللحم..
أم سلطان:ياازينه من أخترااع..
اليازيه:صيووووووووووطااااااااااخ..بو سكور لا تولع صوارريخ ع العيااييز ..عمووه امايه ترااه هاه ايقص علييكن..
سعيد:جب انتي عبوّده"يقصد عبده..بس الإستهبال واااجب"..لا ااييي اللحينه وأزغدج اتوقعين مسدووحه تتطلبين الرحمه..
اليازيه:قبل ما اتيي أصلاً بشرد..
ظبيه:تراها شرات العامل اللي في العين موول مشتركه ويااه في سباق المارثون..خخخخخ..
اليازيه:ههههههههههههههههههههههههههههههه..
سعيد:شوووووو؟؟ماا فهمت؟؟
أم منصور:طبهن فديييتك.هاايييلا من يرمسن ويا رمستهن الماصخه..ما اتقول الا اماتهن هنديااات..ولا تأثرن من البشااكير يعلهن النفاااد..
اليازيه:لالالالا..ظبيووه الغلا تراااهم بدوا يغلطوووووووووووون..
سعيد:مساااكين..
اليازيه:ااييي انت لا اتسبنا ولا نبلش فيك البلشه اللحينه وتتمنى انك ما خطفت من هنييه..
سعيد:فرجينا يبعتلك حمه..شو راح تعملي؟؟
ظبيه+اليازيه:خخخخخخخههههههههههه..
اليازيه:شو الأخ سووري؟؟
سعيد:هههههههههههههههههههههههههههه..جب جب ...
اليازيه:أمايه بتسيرين مكان..ولا شوو راايكن انسير العزبه..ونشم لنا الهوى الزين..بدل ما حنا يالسات اهنيه وسط هالبيوت الكريهه.."قصدها بس اتطفر بسعيد"..
سعيد:ييتيينا بطرج انتي اللحينه..صخي..
ام منصور:لا لا ...نشي يا حصه بنسير العزبه بنشووف الحلال..من زمان ما ظهرنا صووبهم..
سعيد:ماااااااااااااااااعليييه يستوي خير.."ويطالع ظبيه واليازيه بنظرات"..
ظبيه:هيااااااااااااااا..
ركبت أم سلطان جدام..ووراها ظبيه..وفي الوسط اليازيه وورا سعيد أم منصور"طبعاً رااحن بدوون عبي..بالمصلى..الا العزبه"....بدت الرحله على قوولت اليازيه"الأخت يالسه في المدرسه..طاااف"..
وصلوا العزبه..ويلسن العيااييز جريب السيارة..أما البنات ابتعدن اشوي عن العزبه..ويلسن على عرقووب صغيير..
ظبيه"تلعب بالرمل":شوراايج دقي على هيوور خليها اتيي..
اليازيه:ربج يوا هلها من وقت..
ظبيه:ماا ظني طالعي عزبتهم ماشي سياايير..
اليازيه"اتظهر تلفون أمها من مخباها":لا أحسن أطرشلها مسج...يمكن التلفون عند أخووها هادف"أخو هيور صف أول ثنوي"..
ظبيه:هيه أحسن..
وطرشت مسج لهيور كاتبه فيه:
"مرحبااا..هيور انا وظبيه في عزبتنا..تعالي للعزب يلا.."..
ظبيه:اكييييد بتيي..
اليازيه:ان شاالله..ان شالله ترقع ليه..
ظبيه:اووووووووف لا تستهبلين انتي اللحينه..
اليازيه"اتنش":اللحينه بسوي فيديو كليب...
ظبيه:لاااااااااااااااااا..مافيني عليييج...
اليازيه:شو قالولج يالسه ع رااسج أنا..
ظبيه:لا بس أحياناً أمل من الإستهبال..
اليازيه:ملي ليين تقولين بس ما بمتحن منج؟؟
ظبيه:ياااااااااخاينه..
اليازيه:حبي يا ظلام..
ظبيه:شغلووج أكملي الفراغات..
اليزيه:واول راتب هالشهر..
ظبيه:هههههههههههههههههههه...
اليازيه:سوالف والله كم رقمج؟؟
ظبيه:ماا عندي رقم..
اليازيه"اتقلد اليهال":مثكييييييييييييينه..ماا عندها رقم..
مر الوقت وهيور ياتهن وتمن ايسولفن..قرب وقت صلاة المغرب..وهيور ردت لبيتهم..وشوي الا أم منصور تزقر ظبيه واليازيه عسب يغتبقن.."وهالكلمه معناها يشربن لبن الرجاب..وما يعنون فيها اي لبن..بس لبن الرجاب..كلمه بدويه"...وبعدين ردوا للبيت..
وطبعاً سعيد المسكين هو اللي ابتلش ووردهن..
. . . . . . .
ارخصت له عمري فداله..لو هو تجــــنا وصد لاباس..
قلبي وروحي كـــــلها له..تفداه سيدي عذب الأجناس..
أمريكا"أمكيرا"..
الساعه تسع ونص..
الشقه..
في هالوقت كان ذياب امشغل الاب توب..ويالس عليه..أما مبارك حاطله بطاطا شيتوز في صحن..
ذياب:شوو تاكل؟؟
مبارك:شيتوز بدوي..
ذياب:ههههههههههههههههه..كل هاه عسب انك حاطنه في صحن..
مبارك:خخخخخ..شوو نسوي..تصدق انيه طفران..
ذياب:بااجر أول يوم والله يعينا..
مبارك:والله لو ما خذنا الإجازه هالكورس ايكون احسن..
ذياب"عيونه ع الشاشه":لييش؟؟
مباارك:عسب انسير في الصيف...
ذياب:لالاالحمدالله..ان سرنا..
مبارك:لييش؟؟
ذياب:مااشي كنت مشتااق ليزووي والحمدالله شفتها..
انقبض قلب مبارك..حس باحساااس غريب...حزن على ألم على قهر..شل الدفتر اللي عداله وقال لذياب..
مبارك:هههههههه..الله يعينك..
ذياب"يتنهد":اااااااااه..ويعين الجميع..
كتب مبارك ع الدفتر اللي عنده..وبخط يدل على قهر هالإنسان اللي يكتب..
مكتووب لي أحب..وأشووف غيري ياخذ أحبابي..
مكتووب لي أحلم..وأشوف غيري تتحقق له أحلامي..
مكتووب لي أحزن..وأشوف غيري يسرق أفراحي..
مكتووب لي أحب بصمت..وأشوف غيري يعلنه للخلق..
مكتووب لي أداري دمعتي..وأرسم على وجهي ابتسامه..تخفي "جراحي.."..
ملاحظه..
"هالكلام اللي كتبه مبارك..انا قريته في بطاقه وحده من ربيعاتيه طرشتها لي بالإيميل..ومن قريت الكلام يتني فكرة انيه أكتب قصه توضح معاناة هالإنسان اللي كتب هالكلام..يعني النقطه الأساااسيه في القصه كلها..هو عذاااب مبارك.."..
. . . . .
اشــــتاق انا لك واتلذذ بالاشـــــــــواق *** والــــــــــبعد منك يالغلا زاد شوقـــي
انته حبيبي ولك غلا وســــط الاعماق *** سارين في دمي وجارين في عروقي
المدرسه..يوم الأربعاء..
حصة العربي..
صف يزوي وظبيه..
في هالوقت كانت المس ..اتقول اسامي البنات اللي ما سمعن الأبيات الشعريه..وقالت اسم اليازيه..جان تشتط اليازيه لأنها سمعت وظبيه شاااهده..
اليازيه:يااا مس انا سمعت والحمدالله..
المس:لا ما سمعتيييش..."على فكره هالمس اللي ادرسهم عيووووز عيووز..يعني خلاص منتهيه.."..
اليازيه:انا سمعت وظبيووه شاهده.."بصووت واطي"..يالمنتهيه..
ظبيه:هيه تراها سمعت..
اليازيه:هاللي قدرت علييه..لسانج يعورج..
ظبيه:حرام عليج مس والله انها سمعت..
المس:لااا..انا عملت ليها صفر..ازاي سمعت؟؟انا ما بخسرش حاقه..انتي الخسرانه..ده العلامات علاماتك ياليازيه..
اليازيه:لعب حرمااات مخبل..
نشت اليازيه وهي تلعن المس في خاطرها مليووون ألف لعنه..وسمعت لها..ومب هااك التسمييع الأوووكي لأنها ما راجعت اللي حافظتنه..وأول ما خلصت ظهرت لها مصاصه وهي مفوووووووووله ومصنفره..
عاد اللحينه بتقوول اسامي اللي ما سون لها نشاط..وذكرت اسم ظبيه..جان يشتطن ظبيه واليازيه...هاي العيووز وااايد مخرفه...شقاايل حاطينها اتدرس وهي مخرفه وع الأخيير..
ظبيه:أنا سويييت لج بحث 12 صفحه...كيف ما سويت لج نشاط..
اليازيه:هيه يا سم"تراهاا قلبت الكلمه لأنها المس غدت سم".. تراها مسويه وأنا شفتها يوم اتسلمها ليدج لعلها الكسر.."طبعاً ما وطت صوتها ..لأن المس مااا تسمع شي...أقووولكم عيووز؟؟؟!!!!"..
المس:ايه دنتوا اللحينه بتكدبوني..
اليازيه:أقووولج لعب حرماات ما تسمعين الرمسه..
ظبيه:خلاص خلاص بييب لج نشاط لعلج ما تربحين..
اليازيه:خخخخخخخ..معلمات آخر زمن..
"هالموقف استوالي أنا وربيعتيه..يوم كنا صف 3عدادي"..
. . . . .
انته دفا كل العواطف اذا هــــــــب..نسناس برد الشوق لا صرت قربي..
شعور ويلبيك في الشرق والغرب..مـــــــــــن وين ما ناديت خلي يلبي..
بيت بو حميد..
الساعه10ونص..
يوم الأربعاء..
في هالوقت سلامه يالسه في الصاله ويا هادف..أما امه فكانت في المطبخ عسب العشا..تفكييير سلامه خذه حميد أخوووها..شقااايل ايرمس وحده شراات عليا..لا والمشكله انه ايحبها..ويموووت علييها...
دق تلفونها وشافت المتصل "حبك ملكني"..وهاذا سلطان..استانست يوم جافت اسمه..لأنه من يومين ما رمسها..
سلطان:ألوو مرحبا..
سلامه:مرحباااااا ملااااييين ولا يسدن في ذمتيه..
سلطان:هاه اشووفج اترحبييين..
سلامه"اتنش وتظهر للحوي":اتولهت عليييك يالسبال..
سلطان:يااكبرها عند ربي..سلااامه بنت عبدالله الــ...........ي..اتولهت على سلطان بن سهيل الـــــ.......ي..لالالا..شي مستحييييل..
سلامه:أشوووفك تستهبل..
سلطان:أنا استهبل؟؟وييينج من يومين أطرش مسجات وكله التلفون مغلق....
سلامه:هيه والله نسيييت سالفته هالتلفون..خليته امبند ولا بطلته
سلطان:لالالالا...ماا قصرتي..
سلامه:ههههههههههه..يلا عاده عن الحركات القرعه..
سلطان:لا حركات قرعه ولا صلعه..
سلامه:هههههههههه..اشووفك تطورت وصرت تستخف..محد بيلووومك سعيد و يزووي عندك..وراااشد بعد..
سلطان:الحمدالله انه مهره مب شراتهم..والله لو انها شراتهم ونفس طبعهم..اسمييني رحت في خراايطها..تراها هاللي مصبرتني علييهم..
سلامه:يلا عاده يابوميد هم الا اخوانك ومالهم غييييرك..
سلطان:اقووول احن متى بنعرس؟؟
سلامه:يوم أخلص دراستيه في الجامعه.
سلطان:جب بس جب..
سلامه:ليش اتحاول اتسكتني..
سلطان:اونه يوم أخلص دراستيه في الجامعه..في ذمتيه انج بتبطيييييييين..
سلامه:حرااام علييك ..
سلطان:الحمدالله ربي ما حرمه..يااخي انا ريال ابا اعرس وافتك..
سلامه:خلني أفكر بالموضوع..
سلطان:هههههههه..بلييييز لا اتضحكيني..في كل شي بااخذ راايج الا في هالشي..والسموووحه..
سلامه:حرام عليك سلطان ربايعيه كلهن بيسيرين الجامعه..
سلطان:دراسه من بعد الثانويه لأ..يعني لأ..بعد ما تيبين النسبه بأسبووع بنعرس..وهاذي رمستيه ومب مغيرنها لوو شوو يستوي؟؟
سلامه: سلطان..
سلطان:ولا حتى ملك..
سلامه:فديييتك سلطان خلني أكمل الدراسه..
سلطان:أبغي أفهم انتي شو بغيتي فيها الدراسه..
سلامه:مااشي..بس حلو الإنسان يوم يكون متلعم..
سلطان:وانتي اللحينه متعلمه..تعرفين تقرين؟؟
سلامه:هيه..
سلطان:تعرفين تكتبين؟؟
سلامه:هيه..
سلطان:جذي الإنسان يكوون متعلم ..يقرى ويكتب..
سلامه:شو يعني ماشي أمل..
سلطان:لا أمل ولا حتى نقطة أمل..
سلامه:خلاص خلاص؟؟!!
سلطان:وأكبر خلاص..
سلامه:الله يهديك....
سلطان:ويهديج وياايه..
سلامه:هههههههههههه..شو بلاك اليوم..أحسك غيييير..
سلطان:شوو بعد غيير..فديتني ما تغيرت..الا انتي اللي يمكن متغيرة..
سلامه:واااااايه التراااب من شوو بتغييير..
سلطان:اممممم..مااااادري لا تتخبرييني؟؟
سلامه:اذا ما تخبرتك عيل اتخبر منووو؟؟؟
سلطان:اممممممم..مب لازم تتخبرني حد..خلج جيه..
سلامه:اها..شي طييب..
سلطان:على بالي نذل..
سلامه:ههههههههههه..في ذمتيه ان شي مستوي بك...
سلطان:لاا الحمدالله ما استوالي شي.
سلامه:يلا عيل انا ببند..
سلطان:شعندج؟؟
سلامه:شوو بعد؟؟بسير أزهب العشا ويا عمتيه ريسه..فضيحه الحرمه مبركنه أربع وعشرين ساااعه وانا مريحه ومرتاحه..
سلطان:خلاص عيل..سيري..تامرين بشي..
سلامه: سلامتك...فداعة الله..
سلطان:الله يحفظج..
بندت سلامه التفون وحطته في مخباها..وويهت صوب المطبخ..حدرت وشافت البشاكير يالسات..
سلامه:شو عشا خلاص..
وحده منهن المفلع:ايوااا خلاص..
حست سلامه بخجل لأنها ما ساعدت مرت أبووها في العشا..فسارت الصاله ولقتها يالسه ويا هدووفي..
سلامه"وييهها محمر":سمحيلي عمووه كنت أرمس سلطان وما لحقت عليج وأساعدج يوم كنتي اتسويين العشا..
أم هادف:لا والله عادي فديييت رووحج خذي راحتج..عاده اللي يسمع جني الا سويت شي..امبونهن البشاكير سون كل شي..الا انا واقفه ع رووسهن لعلهن النفااد..
سلامه:ولو لازم أكون فيااج..السموحه منج عموه..
أم هادف:ما استوى شي غناتيه سلامه...ليش مكبرة السالفه..سيري فديتج ذاكريلج كلمه..قريب الإمتحانات بتبدا..ونباج اتبيضين الويه..وتيبين النسبه الزينه اللي تفرحنا كلنا..
سلامه:****لله يا عمووه..نبا دعواتج عاده..
أم هادف:يشهد الله يا سلاموه انيه أدعيلج انتي وحميد من خاطريه..وان الله يوفجكم في حياتكم..ترااكم شرات عيالي..
سلامه"اتبوسها عرااسها":فدييتج يا عمووه..من دوونج ما ندري شو كنا سوينا..
الله لاا يحرمني منج..
أم هادف:ولا منج..
هادف:انتوااااا ليييييش اتصييييحوووووون..فلم هندي..
سلامه:ههههههه..اسكت انته لا ترمس..يا بو لسانين..
هادف:ماماتيه شوفيها اتسبني..ايي انتي اذا ما سكتي بسير صوب سلطان وبجتله..عسب اتصيحين..
سلامه:شوووووو؟؟اذا جتلت سلطان بجتلك..
هادف:عادي..وأمايه بتجتلح بعدين...هههههههههه..
أم هادف:فديته متأثر بالرسووم اللي ايشوفها..
سلامه:عاد هالرسوم اللي اتيي الحينه كلها عنف في عنف..مااشي رسوم شرات أول ..
أم هادف:هيه والله من حدرت الصاله شفته واقف ع الكنبه اونه يبا يطير..
سلامه:هدووفي لا اتسوي هالحركات خلاف بتطيح وبتتكسر..
هادف:ظنتي في شي أسمه المستشفى..
سلامه:ويا ويهه ايقفطني ..ما ظنتيه في يوم من الأيام بيحبني هالولد..
هادف:بالله لييش أحبج..؟؟؟
سلامه:عشاني أختك..
هادف:خليني أفكر..
تمت سلامه اتسولف ويا ام هاف وهادف اللي كان يحب يعاندها...
. . . . .
انته حبيبي لقلـــــــبي نوره وضيه..تحلــــــى بعيني وقلبي صرت تحلاله..
وانته ربيع الخفوق وشمسه وفيّه..وأن حب غيرك خفوقي بقطع وصاله..
جدام العين موول..
سيارة حميد..
الساعه11ونص..
في هالوقت حميد واقف يتريا الهندي اينزل الأغراض اللي مشتريها في السياره..فج الباب الوراني..وحط الهندي الأغراض..وكان بوكس وااايد وااايد وااايد عووود..لونه عنابي..وداخله ميكب وأغراض ثانيه من كريستيان ديور..و فندي..و بوجاتي..وعلب متوسط فيها باتشي..ودباديب صغيرة حطانها على طرف..وورد مجفف حاط فوق بطاقة مكتوب فيها..
"كل عام وانته بحياتي حبيبي لا حد مثلك ولا حد سواك..
تسكن بقلبي ومن فؤادي قريب يا أغلى ناسي ويا أحلى ملاك..
كل عام وانتي بألف خيير..
تحيات..
حميد الـــ......ي..."..
وورقه ثانيه في ظرف حاطنه..لون الورقه ولون الظرف أحمر..وفيها رسمات ورود جوريه..ومكتوب في الورقه قصيييده..
"كل سنــــــــه وإنته بخير وعيد ميلادك سعيد
كل سنه وإنته يا غـــــــــالي أجمل أيام العمر
كل سنه وحبك في قلبي يا بعد عمـــري يزيد
كل سنه وإنته رفيقي وصاحبي وأغلى البشر
ليش تسألني وتدري إنه الجــواب عندي أكيد
يعني معقـــــــــوله أنا أنسى يوم ميلاد القمر
حافظ التــــــــاريخ والله مهما كنت عنك بعيد
مستحيل أنساه لــــو ينسى النحل ريح الزهر
شو أقـــــــــــــدم لك هديه ما يوفيك القصيد
إنته أغلى من هدايا الكـــــــــون يا أحلى قدر
ودي لو أهديك روحــــــي والا قلبي والوريد
كل مــــــــا تطلب حلالك لو طلبت حتى النظر
الهديه ماهي الا رمز والرمز مـــــــــــــا يفيد
لا تظن إني بوافــــــــق أشتري غرشت عطر
يا عطر عمري وحياتي يا قديمي والجــــــديد
هاك خذ عمري هديه والله يفــــــــــداك العمر
المهم تكــــــــــــون راضي وغير هذا ما أريد
ما أريد الا أشــــــــــوفك نجمة في عز الظهر
وما أبي غيري يشـــوفك خلني في قلبك وحيد
لا تظن في حــــــــــد غيري يحبك إنته هالكثر
بحتفل فيك وبغني وبكتب أشعــــــــار وقصيد
الله يالأيام تمشي كنها فـــــــــــــي لحضه تمر
إنطفت عشرين شمعه يالله عقبــــــــال المزيد
ما أصدق هذا إنته طفل ٍ بســــــــــــرعه كبر
الله يخليك لأهلك يا عسى عمــــــــــــرك مديد
وتبقى لي يارب يارب قـــدوة وإعجاب وذخر
وأحيا قربك طول عمري وأبقى في ظلك سعيد
وتبقى إنته في حيــــــــــاتي أجمل أيام العمر
كل سنه وإنته بخير وعيــــــــد ميلادك سعيد
كل سنه وإنته رفيقي وصاحبي وأغلى البشر"..
كل هاذا عشان السباله عليوووه اللي يحيبها ويمووت ع الأرض اللي تمشي عليها..دق لها تلفون ورمسها..
حميد:مرحبااااااااا ملااييين ولا يسدن في ذمتيه..
عليا:مرحبااابك زوود يالغالي..
حميد:شحالج..>>>على فكره اللحينه هو ساير لبيتها..
عليا:يسرك ولا يضرك ومن صوبك..
حميد:ماا نشكي باس..عليا فديت قلبج ظهري من بابكم الوراني..وشلي الأغراض اللي بحطها اهناك..
عليا:الله يهديك يا حميد..شو اللي حاطه بعد..توك امس يايبلي سااعه>>اونه اونه..
حميد:يلا بسرعه اتريااج لا تبطين..
بند التلفون وظهر من سيارته وهو شال البوكس..وحطه جدام الباب وركب سيارته يتريا عليا تظهر..ظهرت عليا وأشرتله اونها اتسلم وحرك سيارته ومشى..صوب سويحان لأن الشباب امسوين يلسه اهناك..
"أكييد تمنت عليوووه السباله كل يوم ايكون عيد ميلادها..خخخخ"...
. . . . .
لمنا جو المحبه وضمنـــــــــــا ..ومن بعد قربك انـــا كيف ابتعد..
شوف ما كبر يا حبيبي عشقنا.. فاق كل العشق وحـــده وانفرد..
العراقيب..
الساعه12ونص..
في هالوقت ..خمس سيايير اموقفينها الشباب على شكل دايرة..ومولعين الليتات..ويالسين وسط هالسيارات..سعيد وخليفه"ربيع سعيد"..وحميد وسلطان ومنصور وخلفان والمر..وكانوا توهم متعشين على حساب سلطان..
المر:يلا عاد سعيد شل لنا ذيييج الشله الطر..
سعيد:أفا علييك مااا طلبت..
وعاد كلهم شغلوا تلفوناتهم ع التسجيل..
سعيد:
حبك ملكني وأصبح القلب مفتـــون..فتان حسنك بالجمال عجــــــــــيبي..
تفدى عيوني نظرتن ذيك العيــــون..يا نظرتن منها فؤادي صويبــــــــي..
منهو غلاتك عندنا منهو يكـــــــون..من اللي شراته من يسااوي حبيبي..
من عقب عينه ما رأت عيني عيون..لا يا عيونن نورها ما يغيبـــــــــي..
له بفؤادي حب ما مثله ايكـــــــــون..لا يا خسارة يا ضياع النصيبـــــي..
على زمانن مر من دونك شلـــــون..أشوف ذاك الوقت كنه غريبـــــــي..
اسنين عمري مالها بدونكم لـــــون..عجّل بطبك دام انته طبيبـــــــــــي..
ما دامني بالحب غالي ومصــــيون..أقولها منهو اللي يساوي حبيــــبي..
حبك ملكني وأصبح القلب مفتـــون..فتان حسنك بالجمال العجيبــــــــي..
وسلامتكم..
الكل:لا خليينا منك يا بو عسكوور..
فتره يلسوا الشباب ايسولفون..جان ايدق تلفون حميد وينش..والمتصل واحد من ربايعه واسمه محمد..نش حميد وخل الشباب ..ويوقف جدام سيارته..مسك التلفون وهو منصدم من اللي يسمعه..منصدم وقلبه منقبض من ألم فظيييع حسبه..
بند التلفون وحس ان الدنيا كلها اتدوووووور به..ليييييييش كله هاه يستوي لي يوم حبيييييتج يا عليا..