احنا اهل جدة يعني لو حجينا ما نجيب لاحد ، بس اصحاب زوجي لما يجو يحو من بريطانيا و العراق ،، االلي جاو من بريطانيا هما مسلمين اخذو معاهم موية زمزم و سجادات صلاة و سبح و مصاحف و صورة للكعبة ،، و المسجد النبوي و العاب الاطفال اللي تجي كاميرا و تطلي فيها تلاقي صور الحرم ،، و كانو مبسوطين فيها عشان محرومين هناك منها ،،
بس اللي من العراق تصدقي اشترو ب 15000 خمسة عشر الف ريال عطورات و عود من القرشي هدايا لاقاربهم ،، يعني انتي على حسب الميزانية لو انا مكانك اودي هدايا زي البريطاني ، اسعارها معقولة وفيها اجر ،، و بعدين لو الميزانية بالمرة تعبانة لا تجيبي هدايا مو لازم المهم انتي ترجعي بالسلامة و كمان نسيت اقولك لا تشتري من الاسواق اللي قريبة من الحرم الشي اللي بعشرة تلاقيه بمية في مواسم الحج لو نزلتو جدة افضل في سوق البلد حاجات حلوة و رخيصة ،،و اغلب الحجاج يشترو من هناك ،،

ايه بس ايش اجيب بالضبط وايش المحلات
ساعدوني الله يسعدكم

والله انا مثلك محتاره الله يعييينا يارب

ام زوجك عطر اودهن عود من سيد جنيد فيه اشياء على 80 و100 ريال وفيه عود معطر علبته مخمل حلو و70 ريال وينفع هديه او بخور من محلات الحرمين وسجاده مع اجلالها

واخت زوجك عطر من سيد جنيد او طرحه من المحلات اللي هناك كثيير واسعارها حلوه
والاطفال العاب واكسسوارات من ابو رياليين

اسأل الله عزوجل ان ييسر لنا الحج ويتقبله منكم
اللهم اجعله حجا مبرورا وسعيا مشكور وذنبا مغفورا وعملا صالحا متقبلا
ادعولي معاكم بالفرج وتيسير اموري وان يهب الله لي زوجا صالح ووظيفه حلال
لاتنسوني اخواتي من صالح دعائكم