هده حال اليي ما عندها خدامة

سلام على احلى بنات في احلى ترفيه

زماااااااااااااان عنكم .......وحشتوني مرة .......

في موضوعي التحفة هدا اليي ابغاكم تشاركو فيه بقوة .احكيكم عن تخاريفي

تعرفو طبعا هنا في امريكا مافي خدامات وان شاء الله عندك الف ولد وبنت انت تدبري نفسك ........هدا طبعا بالنسبة للاحوال المتوسطة لانه الدوبلماسيين يطلع لهم فيزا .......خرابيط مالها داعي :01:

المهم ......طبعا مالي هم ولاتفكير الا كيف اخلص الكوي ومتى اغسل الملابس ومتى اطبخ وايش اسوي على الغدا والعشا:o

ومن كتر الارهاق اصبت بالخرف بس على طريقتي الخاصة ......ما اعرف اشرحه لكم المهم اليي صار اني صحيت على صوت الساعة في الليل وسمعتها تتكم واتكرر معايا دا الشي كم مرة وكل مرة تقول شي مختلف ......بس ايش قالت :time: ما اتذكر!!

مشو حالكم لانه لي فترة عندي حالة نوم رهيبة اشتهي النوم زي ما اشتهي (البيك)
اليي ما تعرف البيك تسال ذكرى اكيد تعرفه..
ما اشوف مخدة الا اشتهي احط راسي عليها ومرات اسرق نفسي واطلع على غرفتي وتللحف في سريري ,,,,,,,,,لكن فين اروح من المحقق (تأبط شرا) هدا وبكل فخر ولدي الصغير.....عنده قدرة عجيبة في ملاحقتي والتنكيد علي وعلى اهلي في السعودية
لما يبكر ناوية اسوي مؤسسة خاصة به يلاحق فيها السواقين والخدامات ويكشف مصايبهم ويعاقبهم بطرقه الخاصة .....:30:

المهم ......وكنت اظن اني وصلت مرحلة شهار:44: بس ربي رحمني وطلع حالي حال كتير من التعبانات من شغل البيت
كنت احكي صاحبتي على الساعة الناطقة قامت قالت لي انه تلاجتها كلمتها وحدة مرة:cook: كانت قاعدة تنضف بعد عزيمة قامت فتحت التلاجة تحط فيها شي قامت التلاجة المسكينة قالت لها : please donot come back again
طبعا انا انفرجت اساريري وعرفت انها معاناة عامة

ابغى منكم اليي مرت بمواقف مشابهة لاتبخل علينا بها وانا في انتظاركم

حمرة الورد:27: