هذا اللي صار بالضبط

السلام عليكم

اخواتي الحبيبات
اختي بتسوي زواج وعطتني 5 بطاقات اعزم من يعز علي
وطلبت مني ما اعزم صديقاتي خوات ثنتين لان امهم اجنبيه وامي ايضا قالت ما ابيهم يجون لان الكل راح يسأل عنهم هذولي مين وانا ابي زواج بنتي من القرايب فقط
قلت الامي لكن صديقاتي الثنتين عازميننا بزواج اخوهم ورحت انا وياك ونسيتي صديقتي عزمتنا بزواج اخو زوجها ومجلسينن قدام وتخيلو يا اخواتي حتى البوفيه بالعشاء ياخذو صحوننا ويحطولنا اكل يقولون انتم ضيوفنا مانبيكم تتحركون يعني قدرونا تقدير ماعمرنا شفنا مثله وتعرفت امي على ام زوج صديقتي عن طريق صديقتي وكم مره تنادينا في بيتها ومره رحنا بيت ام زوجها وتعرفنا على اهل زوجها وصارت امي صداقه مع ام زوج صديقتي هذا غير من عرفو بزواج اختي ارسلولنا هديه
قالت امي ايه بعزم ام زوج صديقتك ووحده من بناتها لكن صديقتك هذي مابيها ولا ابي اختها لان اختك ماتبيهم والعرس عرس اختك رحت الاختي واختي ابد راسها يابس ماتبيهم وقالت ولايجون زواجي
قلت وش شفتو منهم الا التقدير والمحبه والضيافه ليش تعاملونها كذا وفوقها تعزمون ام زوجها وتطنشونها صعبه والله لكن امي واختي ابدا مايبونها
ارسلو البطاقات لهم وارسلت لي صديقتي غريبه ارسلتو الام زوجي وماارسلتو بطاقتي وبطاقة اختي قلت لها والله البطاقات محدوده وصعبه قالت حاولي تدبرين لي وبعدين توجبون ام زوجي وبنتها اللي تعرفتو عليهم عن طريقي وتسحبون علي وانا لولا محبتي لكم ماطلبت المهم استخرت وارسلتلها بطاقه وحده وقلت الامي تراني ارسلتلها وان البنت زعلانه ويا امي صعبه نرسل الام زوجها وبنتها وهي لا واني شفتها قويه امي زعلت وراضيتها وطيبت خاطرها وانتهت السالفه
مر اسبوع
فجئه بالواتس
صديقتي ارسلتلي اهلين امك كلمت ام زوجي وقالت مابي فلانه واختها يجون عشان امهم اجنبيه
برسل السواق ياخذ بطاقتهم
انا انصدمت امي
معقوله امي
العقل والحكمه
امي اللي ماتحب تجرح احد تسوي كذا
دقيت على صديقتي اعتذر منها وطلبت منها تعذر امي
وقلتلها انه امي مو كذا بس ضغط الزواج خلها تسوي كذا
قالت صديقتي انا لو احد ثاني سوى كذا ماستغربت بس امك اللي محبتها بقلبي وشكثر وتراها فشلتني عند اهل زوجي الله يهديها
قلت ابد العذر والسموحه وامي والله ماتقصد
رحت اكلم امي وكانت منفعله ومعصبه وتقول اساسا بقطع صديقاتك وماراح اتعرف على احد عن طريقك وتستاهلين ليش تعزمينهم من وراي قلت يمه انا غلطت وغلطتي كبيره بس انتي ليش تعزمين ام الزوجها واخت زوجها وهي لا كان سحبتي عليهم كلهم وقلتي مختصر وريحنا روسنا اما تعزمين احد وتتركين احد منهم عيب ومايصلح ومهو انا اللي اعلمك العيب انتي حرمه كبيره وفاهمه ومتعلمه قالت امي انا ماعلي منهم واللعنه فيهم
انا اعتذرت من امي وقلت هدي نفسك وطنشي وخلاص حصل اللي حصل وكلنا غلطنا انا وانتي غلطانين انا رحت من وراك وانتي سحبتي البطاقات واعتذر منك وشريت هديه الامي اطيب خاطرها
وانتهت السالفه
جا يوم الزواج جت ام زوج صديقتي وبنتها امي ماعطتهم وجه
وكانت مطنشتهم وجلسو قدام وكانت تبي ترجعهم ورى وقلتلها يا امي عاد خليهم سويتي اللي في بالك وطردتي صديقاتي بس يجلسون ورى بعد حرام خلي الزواج يمشي ع خير واشوى امي خلتهم
كان وجهههم مكسور ومره مستغربين من تصرفات امي ولزمت عليهم يرقصون قلت افرحهم
اللي صار دقيت ع اختي الثانيه اشتكي لها من تصرفات امي
وقلت الله يهديها امي ليش تسوي كذا عيب فشلتني الله يصلحها
ردت اختي هذي امي وان شاءالله اشوفها تكب عليهم بينزين وتحرقهم ما اتكلم ولا ارد عليها لانها امي واللي تقوله يحصل
قلتلها بس يا اختي عيب اللي حصل ليتك تنصحينها هي تعزك وتحبك
قالت ماعلي منك ولاني ناصحتها واللي تسويه امي هو الصح اضيق صدر ام عشان كسرت صديقات واللعنه فيهم
انا اخواتي مررره حزنت على تصرفات امي والله احبها واعزها واغليها بس تصرفاتها كسرت وجهي قدام صديقاتي الله يسامحها يارب وغير كذا حتى خواتي مع امي وقالو معك حق يمه تطردينهم اللي يريحك يمه سويه