انتي السبب ليش تعزمينهم والناس ماتبينهم ومسويه ذربه وعيب كذا ..العيب والله تتصرفين والعرس مو عرسك واخرتها موقف سخيف زي كذا ..وامك مدري وش الدم الي بعروقها بترسل سواق ياخذ البطاقات الله لايفضحنا وش العايله

عزيزتي ارجوكي على سؤالي البنات صديقاتك الأجنبيات هم حلوين ولاشيووون هل هي مستحية يمكن من اشكالهم ولا هم حلوييين وخايفة أمك ينخطبون بنات عيلتهم بسببهم ؟ترى اي كان السبب اللي سوته امك غلط بس نفسي اعرف هو من الشكل ولا بس عشان اغراب فقط أما أنتي تهورتي لما ارسلتي البطاقات من ورا امك حزنتني صديقتك والله💔

نفس سؤال انسانة جديدة امهم من اي بلد
ايا كان السبب امك غريبة عجيبة ؟
اما تبعث سواق يرجع البطايق اعوذ بالله !!
تصرف امك يفشششللللل بما تعنيه الكلمة من معنى
هل انت تعرفي طبع امك الخااايس !
معليش على الكلمة لكن ذا اقل وصف
على فكرة انا ابوي كذا وكلنا عارفين ولا نحرج نفسنا عند احد ونقول ابونا ما يرضى وطبعه كذا
لو تعرفي طبعها وغامرتي فانت جبتيه على نفسك
و ليتك استشرتينا قبل تعزمي
كان اقول لك لا تعزمي اي صديقة لك وقولي لصديقتك وصديقاتك كلهم ااهلك ما اعطوك بطاقات تعزمي حضرتي وبس..
وبالنسبة لام زوج صديقتك كان تقولي امي عزمتها ورفضت تعطيني اي بطاقات وانك ما عزمت احد
ولا ازيد على كلام البنات امك في نعرة كبر الله لا يبلانا
حاولوا تفهموها او اتركوها ولا تتجادلوا معها

غريبه ليش امك عايفتهم كذا ؟؟
معقوله بس عشان امهم اجنبية ؟؟ ما اشوفه سبب مقنع؟؟
على العموم الصدق منجاة المؤمن
المفروض يوم كلمتك صديقتك تشره ليش وجبتوا ام زوجها وماوجبتوها
صارحتيها بالحقيقه وقلتي لها الي سار كذا وكذا وما ادري امي وش فيها وعليكم واعتذري منها وانهي الموضوع واذا صديقة فعلا بتعذرك ومابتلومك لان انتي مو مسئولة عن تصرفات امك

الموضوع صارله شهور ومع ذلك امي مارالت مصره على كرههم قلب حبها كره والاسباب بايخه تأثرت من كلام خواتي وش تبين في الناس خلك في قرايبك وجماعتك لا تجتمعين مع غرباء ترى خواتي متوحدات ومالهن صديقات عاد اليوم جبنا طاري صديقاتي وامي قالت وع الله لايعيدها من صداقه صادقي منا وفينا وش تبين فيهم ذولا وابشركم سحبو علي صديقاتي وصارو مايراسلوني واذا ارسلتلهم مايردون بس والله مااللومهم معهم حق بس امي نفسي اعرف وش هاالكره المفاجئ قريبة امي تعرف ام زوج صديقتي وسألت امي عنها وقالت امي ماعرفهم ولا عندي ارقامهم ولا لي علاقه فيهم تكذب بس ماتبي تبين انها تعرفهم وفعلا مسحت ارقامهم تصرفات امي مو كذا رراها كانت طيبه وحبابه وماتضر احد ولبقه بس كل ماتكبر كل ماتتغير تصرفاتها مادري العمر له دور حتى والله صايره ترمي علينا حكي قبل لا اتوقع العمر له دور والله اعلم