هذا اللي صار بصحارى اليوم<<< تبون تعرفون ادخلوا

اليوم كنت رايحه لصحارى وانا طالعه الا واسمع واحد وراي يغني

شوي الا واشوف شله شباب متجمعين يغنون ويستهبلون عند الباب والناس تتفرج والشباب اشكال وانواع اللي لابس ثوب واللي بدل جميع الاشكال لدرجه ان تجمعهم يخوف

لا وتمر وحده الله يصلحها ويهديها لابس عبايه ضيقه وغطاء خفيف وتطالع جمس الهئيه وتقول ياليت من شالهم بهالجمس ياليتها تنتبه لنفسها بالاول الله يهديها

ركبت السيارة انتظر امي تطلع وتاخر شوي وانا افكر بهالمهزلة اللي صاير فقررت اني اسوي اي شي اهم شي اني احاول اغير المنكر

فرجعت للسوق ابدور الهئيه اببلغهم باللي حاصل برى ومالقيتهم ورحت عند الاستعلامات اسال قال ان هالمهزله كل يوم تصير ولانفع معهم شي لاهئية ولاشرطه ولاغير <<<< الله المستعان

ولا السواقين مبسوطين على الاخر يشوفون كيف شبابنا حالتهم بتدهور واكيد هم الكسبانين خصوصا اللي ماهم مسلمين

مشينا طلعنا من المواقف والا نشوف شباب بيركبون ليموزين انا على بالي انهم بيون يستهبلون عليه طلعوا بيهجون من الهيئه الا رجال الهيئه جزاهم الله خير وقفوا ولحقوهم وركبوهم معهم


قعدت افكر

الحين مسكوهم وودهم للمركز وبعدين وش بيصير اتوقع كل واحد بيدق على ابوه وابوه بيدور له واسطه ويطلع وبكرا وهو عند السوق ولا كان شي صار ( من امن العقوبه اساء الادب)

وسوال يدور بذهني هل سيارة وحده للهيئه وثلاث رجال او اربع بيقدرون على كم هايل من الشباب تصل اعدادهم للمئات

والسوال الاخير متى بنستغفر ونتوب من ذنوبنا الى كل يوم والثاني وهي بزياده لدرجه انا صرنا نخاف لاينزل علينا غضب من رب السماء خصوصا ان الان ننتظر المطر والاسعار بارتفاع فاحش وغيرها من العقوبات

اللهم لاتؤاخذنا بما فعل السفهاء منا

اللهم وفق رجال الهيئه وسدد خطاهم واعنهم على نشر الخير

اللهم من ارادهم بسوء فاجعل كيده في نحره


هذي كلمات جالت بخاطري وحبيت اكتبها يمكن نقدر نسوي شي واول الحلول كل وحده تبدا بنفسها وتحاول تصلح حالها وتتوب

اول صلاتك وعلاقتك مع ربك

بر الوالدين والاهل

الامربالمعروف وانكار المنكر

العباة وماادراك مالعباة اللي صارت الحين من اعظم الزينه الله المستعان الحين البنات ينتقدون الشباب على حركاتهم وهم اساسا اللي يجذبون الشباب بلبسهم مثل الاخت اللي شفتها عند السوق

زوجي دايما اذا شاف الامن عند الباب ويرفضون دخول الشباب يقول الحين من زين البنات اللي جوا علشان تخافون عليهن <<<<<<< يقصد ان البنات هم اللي يجيبون المعاكس لهن وانا دايما ارد عليه لو ان البنت فوقها رجال يخاف الله ويعرف يربيها كان ماصارت كذا

على الاقل لو البنت لها اب او اخ او حتى زوج يغار عليها ويمنعها انها تطلع بذي العباية كانت خافت ومالبستها

يعني الزبده ان الامه في انحدار مستمر والمتفرج المبسوط هم اعداء الامة