يووووه
نسيت اقولكم وش صار بين هناد وراشد وعبيد
تذكرون ان عبيد اخذ علي خاطره من هناد عشانه تركه في المدرسه وطنشه
وكمان زعل من راشد يوم مارد عليه من دون نفس هناد حاول انه يصالح عبيد ولكن عبيد مارد عليه وكنسله واداه طنااااش وراشد حس انه مازعل عبيد عشان كده ماكلمه هناد كان يقول لراشد ان عبيد زعلان منه لكنه كان يعتقد انه يتدلع لانه عارف عبيد دائما يزعل منهم وهم يجون يصالحونه لكن راشد هذه المره كان باله مشغول مع ان راشد يموت في عبيد ويحبه وهو دائم الي يصالحه حتي لو كان الي زعلنه شخص غيره لكنه كان مايرضي عليه يزعل فكان هو الي يقوم بدور الوسيط بينه وبين الشخص الي مزعله
عبيد من ناحيه ثانيه استغرب تغير اصحابه عليه فجاء في الوقت الي كان يبونهم حوليه كان يبغي يفاجئهم بتغيره وانه خلاص ساب حركات الدلع والمياعه
استغرب تصرف راشد معه وهناد كمان ليش يعاملونه كذا جلس بينه وبين نفسه يفكر يمكن زعلتهم قلت حاجه من دون قصد وهم اخذو علي خاطرهم مني
وهو يفكر اتصل عليه عاصم يقوله انه رايح للعم صالح.............
(بنفس يوم الحفل)
في المستشفي
الطبيب يكلم رجلا غريبا _ صراحه يا اخي ما اقدر اقول شي هذه معلومات سريه
الرجل _ معلومات سريه طيب ممكن اشوف المريض
الطبيب _ لا ما اقدر اسمح لك انك تشوفه بما انك ماتقرب له الشرطه منعت الزياره عنه لازم ترجع للنقيب عبد الرحيم هو المسئول عن قضيته
الرجل _ ايه النقيب . وهز راسه ومشي من عند الطبيب
الطبيب بنفسه _ وش علاقه الرجال فيه لا يكون هو المتسبب بالحادثه خليني اتصل بالنقيب واخبره عنه
في الحي
الفرحه تعم المكان والابتسامه تعلو الوجوه
البنات جلسو يطالعون من الشبابيك وبعضهم لبسو عباياتهم وخرجو عند الابواب يتفرجون علي الهمله الي مسوينها الشباب
بعض الشباب من الحي المجاور لهم سمعوا ان فيه دق وحركااات وجو يشاركون بالحفل
تحول الجو من احتفال بسيط الي تجمهر واحتفال كبير توهق ابو راشد وعبيد بالناس ماعملو حساب لهالبشر كلهم ( ههههههههه
ابو مشعل لما شاف الخلق كثرت قال لا ابو راشد وعبيد انه راح يشارك بالعشاء ويعتبرها صدقه عن المرحوم اخوه
عبيد كان جالس عند ابوه ماراح عند الشباب
لأنه لسه زعلان من هناد وراشد
هناد حب يصالح عبيد وقال يمكن الحين راح يرضي علي فراح له وجلس عنده عبيد ماطالع فيه وطنشه
سلطان اخو عبيد الكبير كان يشوف الي يصير
هناد بأبتسامه حط يده علي كتف عبيد _ عبيدان حبيبي انت لسه زعلان مني
عبيد مارد عليه وجلس يطالع الناس الي رايح والي جاي
هناد _ عبيد احنا اصحاب من عمر لا تخلي شي تافه وشخص مثل فهد يفرق بينا ( فهد هو الشاب الي يضايق عبيد ) ويوم تركتك هذاك اليوم في المدرسه كنت ابيك تعتمد علي نفسك
عبيد طالع هناد بنظره غريبه استغربها هناد _ انا مو زعلان منك عادي من قال اني زعلان
هناد _ تصرفاتك تقول
عبيد _ انت لما طردتني من بيتك مازعلت قلت تعبان بس لما طنشتني في المدرسه مرتين قلت لا لازم ازعل واخذ منك موقف
هناد _ انت ماتدري وش صار لي ياعبيد
عبيد قام من مكانه وطالع بهناد وقال له _ مع نفسك
ومشي من عنده وترك هناد مصدوم وسلطان تابع الفصل بذهول وماحب يتدخل لانه ضنه خلاف بسيط بين اثنين اصحاب
وراح يتصالحون قبل ما يخلص الحفل
................
في الجانب الاخر
كانت هند واقفه مع مجموعه بنات من الي خرجو عند الأبواب عشان يطالعون الحفل من قريب
بنات الحي كلهم يعرفون بعض ويعرفون الشباب
كانت واقفه جنبها بنت اسمها ساره ساره معجبه بهناد وتموت فيه
ساره تطالع بهناد الي كان جالس ومصدوم وباين شكله مو مع الناس
ساره تكلم البنت الي جنبها واسمها ريهام الي هي عارفه ان ساره تحب هناد
ساره _ طالعي القمر شكله زعلان مين الي قلبه حجر وزعله
ريهام _ والله مادري عنك ياساره يا اختي ارحمي نفسك وانسيه
ساره بدلع _ يوووووه ياريهام انتي ليش كده قلبك قاسي ايش اسوي ليتني اقدر اواصله
هند تدخلت
هند بلا مبالاه _ اليوم شفته وجهه لوجه
ساره طارت عيونها _ وش شفتيه وين
هند _ في بيته دخل علي المطبخ امي صاحبه امه ( ام هناد ماتخرج كثير من البيت عشان كده حريم الحي مايزرونها دائم لأنها ماترد الزياره وماعندها الا صاحبتها اسمهان الي تزورها دائم وعادي عندها انها ماتزورها لانها عارفه طبع صحبتها )
ساره مدت يدها لها تسلم _ ماتعرفنا انا ساره
هند ردت السلام _ وانا هند تشرفنا
ريهام تضحك_ تتمصلح معك ياهند
هند _ انتي ايش الي حببك فيه
ساره _ يا الله وسامته وتواضعه
هند _ متواضع ههههههههههههههههه من جدك
ساره _ ايه والله
ريهام _ اسكتو اسكتو عاصم يعني الله علي صوته
وسكتو يسمعون غناء عاصم
عاصم كان يغني اغنيه
ياهلا با اغلي الحبايب ياهلا بريحه هلي ( اكيد تعرفونها هههههههههههههه
..................
عند الشباب
راشد كان يقراء رساله جاته من ياسمين
( حبيبي يالي نظره منك تسوي الدنيا ومافيها
راشد انت حبيبي مهما صار
حاولت اكرهك عشان انساك بس ماقدرت اكرهك كل مافكرت اكرهك الاقي نفسي اكره نفسي لاني فكرت للحضه اني اكرهك يابعد عمري
راشد احبك موووت
( وحبيت اقولك ان بكره شبكتي علي عدنان )
انصدم راشد لما قراء هذه الجمله (بكره شبكتي علي عدنان ) وحس ان خلاص حبه معاد ملكه هو كان عارف انه مراح يرتبط فيها بس يوم كانت حره كان يحس انه يملك جزء منها بس الحين خلاص راح تكون ملك شخص آخر
ومو جزء منها كلها راح تكون ملك شخص ثاني
خاف بفقد رباطه جأشه عند الناس فأبتعد عنهم وجلس بمكان بعيد عنهم واستسلم للبكاء وكأنه فقد اغلي مايملك بحياته
مشعل حس ان هناد فيه شئ راح له
مشعل _ هناد حبيبي وش فيك
هناد طالع فيه _ عبيد مدري وش فيه
مشعل _ تزاعلتو
هناد _ ايه انا زعلته بس ما كنت اتوقع انه لهدرجه حقود
مشعل _ لا لا تقول حقود يا هناد
هناد كان بيتكلم بس سمع صوت جواله استأذن من مشعل انه يرد
كان راشد الي اتصل عليه
هناد _ هلا راشد وش ... وسكت لما سمع صوت راشد مو طبيعي
راشد _ هناد تعال ابيك
هناد _ وش فيك الحين اجيك انت وينك
راشد _ انا هنا اليحين بروح يم سيارتي تعال ابيك ضروري
وقفل هناد وقام بدون مايكلم مشعل الي جلس مكانه مومستوعب وش فيه
وهو ماشي شاف مجموعه بنات يتكلمون كانو شله الانس
ساره وهند الي اخذت عليهم وريهام ووحده نعرفكم عليها بعدين هههههه
هند ضربت ساره من كتفها _ شوفي هنادو جاي جهتنا ,وضحكت
ساره ارتبكت _ ياربي ياربي قلبي قلبي
هند _ يالبي قلبك ياساره .. وهمست لها .. تبين اجيب لك رقمه
ساره بصوت عالي سمعه هناد _ بلاه ياهند احبك احبك جيبيه الله يخليك
هناد سمع صوت ساره واسم هند
هناد بنفسه _ هند هند معهم ياتري مين فيهم
وطالع من تحت لتحت لجهتهم وشاف هند تعدل طرحتها
وابتسم ومشي كمل طريقه لراشد
.....................
العم صالح
جلس يتلفت يدور علي راشد يبي يسأله ليش ماعزم يزيد للحفل العم مايدري عن الي صار له وراشد ماحب يقوله جلس يتلفت يمين يسار مشاف راشد نادي علي عبيد الي كان جالس مع عاصم وباين عليه متضايق
راح عبيد للعم وابتسم غصب عنه
عبيد _ هلا عمي
العم _ اقولك ماشفت راشد ياوليدي
عبيد _ لا ياعمي ماشفته تلاقيه مع واحد من الشباب
العم _ اقول ليش ماعزمتو يزيد ولا ماتبونه بينكم
عبيد _ هاه مدري
العم _ طيب اقولك تعال معي يم بيتهم نروح نجيبه
عبيد الي مايدري كمان عن الحادث هناد وراشد مقالو لا احد عن الحادث
عبيد _ طيب ياعم انا اروح واناديه انت خليك
العم _ يعني تعرف تروح لحالك
عبيد بأبتسامه _ عمي كيف يعني اعرف اروح ايه اعرف اروح ههههههههههه
العم _ لا بس ههههههههههههه طيب روح وناديه واذا رفض جيبه غصب عنه
عبيد _ طيب ياعمي **** الله
العم صالح استغرب تغير عبيد بالعاده يقول عمو ويتكلم بدلع ومياعه ويخاف يروح مكان لحاله
وتغيرت طريقه لبسه كمان
العم بعد مامشي عبيد رايح لبيت يزيد
انتبه لسياره راشد وشاف راشد رايح لها وكان بعيد فطلب من ماهر ولد ضاري الكبير انه يناديه
ماهر ينادي علي راشد الي مو منتبه له _ راشد هييييه تعال العم يبيك
راشد ماشي بطريقه ومو يم احد وسارح يفكر بياسمين وكيف يبنساها وحاس ان هذا عقاب الله له لأنه دائم هو الي يسحب علي البنات ويجرحهم ويكذب عليهم والحين حس بشعورهم لما يضحك عليهم ويقول لهم بتزوج ولا بسافر ولا اي كذبه ___
راشد مر من عند شله الانس وهند شافته وتنهدت بقوه حست عليها ساره
ساره _ وش فيك
هند ارتبكت _ ولا شي يابنت
ريهام_ جا المغازلجي
البنت الي مانعرفها ههههههههههههههه _ هيه ما اسمح لك تتكلمين علي اخوي كذا
هند _ مين المغازلجي ؟
ساره بضحكه _ راشد ههههههههههههههه
هند _ ليش هو نسونجي
البنت _ لا مو نسونجي بس انتم الي تقولون كذا عشانه يعطيكم وجه
ساره _ هههههههههههههههههه هههههههههه
هههههههههههههه
هند _ بس فضحتينا بضحكك
ريهام _ بس شكله زعلان ولا شي وشوفي مهوري يناديه وهو مطنش
البنت _ خليني اتصل عليه واشوف وش فيه
شالت جهازها واخذت تقلب بالارقام تبي تتصل علي اخوها
البنت _ يوووووووه ماعندي رصيد
هند لقيتها فرصه انها تاخذ رقم راشد وبسرعه
هند _ خذي جهازي عندي رصيد اليوم شحنت ب50
البنت _ بلاه الله يرضي عليك
هند _ شكلك تحبين اخوك كثير
ريهام تدخلت _ ايه هم تؤم
هند _ ايه مشا الله
البنت _ تؤم بس مو متطابق ههههههههههه يعني احنا تؤم المختلف
ساره الي ضحكتها توصل لا اخر العالم فقعت من الضحك ههههههههههههههههههههههه
ههههههههههههههه
هند عصبت منها _ شكلك بتفضحينا يساره خلاص انا بدخل داخل
وطلبت من البنت انها تدخل معها لبيت هناد وهناك تتصل بأخوها علي رواقه
البنت وافقت لانها كانت تعبانه من الوقفه وخلاص معاد فيه شي ينشاف الوضع كان هدوء شوي والهمله خلاص خلصت هههههه
ساره تدخلت ايه وانا بعد بدخل معكم
هند بملل _ يابنت احنا شاردين منك
ساره بدلعها _ يوووه خلاص مراح اضحك بس بدخل معكم
ريهام _ يابنت عيب
هند _ اممم تعالو حياكم خليني اوفق راسين بالحلال هههههههههههه وياليت تاخذينه وتفكينا منه ههههههه
ساره فرحت لان هذه اول مره بتدخل بيت هناد
وريهام تعذرت وراحت بيتهم
دخلت هند من الباب ووراها ساره الي يدها علي قلبها والبنت كانت اخذه جوال هند وجالسه تطلب رقم اخوها
المكان كان هادئ وكأن مافيه احد
دخلت هند الصاله الكبيره بهدوء طالعت جهه غرفه الضيوف وشافت امها منسدحه علي الكنبه
ونادت البنات انهم يدخلون وراها
وجلست البنت تكلم اخوها الي رد عليها اخيرا
.........................
موخايف تجي بسه وتعضك يا كتكوت هههههههههههههههه
المكان كان هادئ ومافيه احد الناس كلها بالحفل وبيت يزيد بعيد عن الحفل يعني محد راح يسمع او يشوف الي راح يصير
التفت عبيد وقبل ما يعرف مين الي كان يكلمه شخص ثاني من وراه مسكه ورماه علي الارض عبيد ما استوعب الي يحصل وفجاء اظلمت الدنيا وغاب عن الوعي
؟؟؟؟؟؟؟ وش صار هنا ؟؟
ومين الي اخذ عبيد وليش
تري هل هو فهد؟
ولا ابو عادل؟
.........
عند هناد وراشد
راشد كان يكلم اخته ويحاول يقنعها انه بخير والحمد لله ومافيه شئ
راشد وهو يحاول يكتم غضبه _ يابنت الحلال اقولك مافيني شي انتي كيف تفهمين؟
......
راشد _ خلاص اقولك الرجال عندي بعدين اكلمك يا الله روحي تقلعي
.......
التفت راشد لهناد وكان بوجهه هناد 600 علامه استفهام
ابتسم راشد غصب عنه وقال _ اكيد تتسأل وش فيني وايش ابغي منك
هناد _ مدري صوتك كان مو طبيعي
راشد تنهد جلس يطالع من شباك السياره يشوف الناس _ هناد تدري انا اليوم فقدت انسانه عزيزه علي انسانه احبها من قلبي
هناد بخوف _ راشد مين مات
راشد اتفجع منه _ بسم الله عليك وش فيه محد مات ياهناد
هناد _ اجل مين الي فقدتها
راشد طالع بهناد وهو يحارب دموعه _ البنت الي كنت احبها من قلبي الوحيده الي سمحت لها انها تعرفني بكره شبكتها علي غيري علي انسان ثاني بكره ياهناد راح تكون ملك شخص ثاني
سمح راشد لنفسه ان يضعف امام هناد بكي هناد لا اول مره يشوف راشد يبكي فكان موقف جدا صعب عليه انه يتحمله فبدلا من ان يخفف عنه شاركه البكاء
وضمه لصدره ( ياحليلهم هههههههههه
........................
اسفه كنت مسافره
واول ما وصلت دخلت اشوف كملتيها او لا
والحمدالله شفت اجزاء جديده
وياليت تكمليها ياالغلا