هلا والله بالجميع
قبل كل شي كل وحدة تقولي تقبل الله
تراي داعيتن لكم
أدخل بالموضوع على طول لأني ناويتن لكن نية شينه
طبعا سبق إني وعدتكن بالحقاق من مكه
وأنا صار لي يومين جاية من السفر
بس كنت أفكك الحقاق من كراتينه<<<<<<<ما خبرنا الحقاق بكراتين
بس البساطين عقبكم اكشخوا صاروا يحطون كراتين
عموما قبل ما تاخذون حقاقكم فيه تساؤل بسيط يدور في خلد البعض وهو:-
وش يثبت لنا إنك رايحة لمكة!!!؟؟؟؟؟<<<<اللي هي أنا
لكن أنا مافتني هالشي<<<<<<ذهينه(( ذكيه ))
لذلك لازم تعيشون رحلتي معي
من طقطق لين الحقاق<<<<< من تعرف وجه الشبه بين الكلمتين!!؟؟؟
ونبدأ بسم الله على بركة الله
في أحد ايام الصيف الحارة قررت العائلةالكريمة<<<اللي هم حنا
أن نذهب إلى مكة لقضاء العمرة
رغم إنها مقررة من زمان لكن ما طلعت الروحه إلا بطلعة الروح تعرفون حواقين العيال ما يوافقون على طول (( أبوي ما راح معنا)) بس قال خلو واحد من العيال يوديكم <<<<كبيت العفش كله
طبعا أخوي عزر بنا لين وافق مره يقول بنمشي مره يقول هونا
وحنا ننتظر الحلقة الأخيرة من هالقرارات واشوا وافق بالأخير <<<<<نهايه سعيدةطبعا فرحنا وطرنا من الفرح
بعد ماوافق أخوي عقب ما يأسنا<<<<<<قرقك ما يخلصوفي يوم السبت اللي قبل اللي فات ركبنا العفش فوق الجيب عقب ما ركبنا له سله لأن السيارة يالله تشيل الأوادم واظطرينا نشيل العفش فوق<<<<<<وش دخلنا بعفشكم
وهذي هي سيارتنا
ترى عندنا جمس بس قلت لكم اخوي حقنه وعيا قال يا الجيب والا منيب رايح<<< تراه ما أعرس<<<وش عقبه عقب ما شوهتي سمعته
المهم مشينا أربع العصر ومسكنا الخط ((الله أكبر الله أكبر الله أكبر سبحان الذي سخر لنا هذا وما كنا له مقرنين وإنا إلى ربنا لمنقلبون))
ولقطت لكم هالصورة وحنا بالطريق
هذي بمدخل الرويضة مدري ليش حاطين على القناة الأولى((غصب واحد))
ليتهم حطوا على المجد بس شكله مشفرة عندهم<<<<< التشفير مأثر علي
اقولكم عاد وصلنا الميقات الساعة 10ونص تقريبا وطبعا حنا سابحين بالبيت
<<<<<خابرين موية الميقات جامدةياعمري أول نحسب لازم نسبح بالميقات والله إني مانساه أقعد ربع ساعة بس عشان أدخل تحت الماء من البرودة
عاد نزلنا نصلي والتقطت لكم بعض الصور
هذي صورة الميقات
وهذي الزنوبات اللي مصففات عند الميقات الظاهر يحسبون الواحد جاي حافي ما معه نعال
والا ما تجوز العمره إلا فيها.. عاد طبوا وتخيروا ترى هذا اول الحقاق<<<اللي هذا اوله ينعاف تاليه
اقولكم عاد قضينا من الميقات بعد ما ودعنا (((النقاب))) وبدت العتمه وقل الشوف
ورحنا لمكة وقلوبنا تتفطر شوقا لرؤية المسجد الحرام وطبعا كل سنة نتحدى بعض من اللي يشوف مئذنة الحرم أول<<<<<<بزران عجزنا نكبر
وطبعا أنا أول من شافه وهذي صورة أول نظرة للحرم وصدق اللي قال الحب من أول نظرة<<<<مظيعه الأخت
لا تروحون بعيد بروح اجيب حقاقكم وجي<<<<مانتن علينا بهالحقاق
مدري ليش حسيت اني ودي اخرب عليك